1 SAMUEL 13:7 - Bibəl ta Sar̄

⁷ Ngé kə́rēý gə̄ gāngə̄n̄ bā Jurdḛ yā kaw̄ dɔ nang kə́ Gad tə́ ō, Galaad tə́ ō. Dan ń noō tə́ ní Saul na̰y Gilgal ɓáý ō, de kə́ gōn tə́ gə̄ malang a ndewn̄ i mbée ō.

Bible sar

⁷ Ngé kə́rēý gə̄ gāngə̄n̄ bā Jurdḛ yā kaw̄ dɔ nang kə́ Gad tə́ ō, Galaad tə́ ō. Dan ń noō tə́ ní Saul na̰y Gilgal ɓáý ō, de kə́ gōn tə́ gə̄ malang a ndewn̄ i mbée ō.

1 SAMUEL 13:7 Referans Kwoze

NGÉ SARYA 7:3

Adə̄ ə̄nī mbēr̄ əda de gə̄ na: Deē ń ɓōĺ rāān adə̄ a ndew ní kə tél aw̄ gogə́ ɓēé. De gə̄ 22 000 dan ngán Israel gə̄ tə́ tél aw̄n̄ ɓēé. Ba gotə de gə̄ ń na̰yn̄ ní i 10 000.

NDŪ NAJƏ̄ 28:25

Kɔ́ɔ̄ɓē a rāā kadə̄ madə̄ ba̰ā̰í gə̄ a tetənī rɔ̄ɔ̄. Ré ún i róbə́ kə́ kógə̄ḿ beē n āw̄ ə̄nińdə́ rɔ̄ɔ̄ anī, ā ī-tél yā ka̰ȳ nodə́ tə́ i kə ta róbə́ kə́ rang gēé gír sīrí. Ā ī-téĺ yá̰á̰ kə́ əga deē kə̄ngā sāā tə́ tām̄ yā ɓē ko̰o̰ gə̄ malang kə́ dɔ nang tə́ ń a a̰a̰n̄ yá̰á̰ ń a rāāī ní tə́.

NDŪ NAJƏ̄ 20:8

Ngé kɔy de gə̄ áskaraá gə̄ a ədan̄ de gə̄ ɓáý to̰ na: I náā n ɓōĺ adə̄ kemən gān̄g man̄ ní, ādə̄ kɔ́ɔ̄ tél aw̄ gogə́ ɓēé na sōgə́ rāā madə̄n gə̄ adə̄ kemdə́ gān̄g man̄ tītə̄ yān.

NDŪ NAJƏ̄ 3:12

Adə̄ jə-taāī dɔ nang ní i malang. Núsə mbal̄ gə̄ kə́ Galaad kə ɓē gə̄ kə́ tū tə́ ń əla gír Aroer dɔ gɔ́sə man̄ Arnon tə́ ní, m-ādə̄ deē yā Ruben gə̄ ō, yā Gad gə̄ ō.

LEBI GƏ̄ 26:17

M-ā m̄-tūr̄ rɔ̄ḿ yā rɔ̄ɔ̄sí kadə̄ madə̄ ba̰ā̰sí gə̄ tetən̄sí rɔ̄ɔ̄ ō, ngé kim̄sí gə̄ a ndin̄ dɔsí tə́ ō, ā ā̰yī naā kanjə̄ kadə̄ deē ngɔ̄də̄sí ō.

1 SAMUEL 13:8

Saul ngóō kum mbang kənge naā yādə́ kə Samuelé ń Samuel ɔjən ní ndɔ̄ sīrí. Banī Samuel ugə̄ Gilgal aĺ ō, de gə̄ əlan̄ gír kəya̰n kɔ̄ɔ́ ba a tḭ̄ḭ̄n̄ i naā ō.

JOJUE 13:8

De kə́ gír ɓē yā Ruben tə́ gə̄ ō, Gad tə́ gə̄ ō, núsə de gə̄ kə́ ta kəga dɔ kə́ gír ɓē yā Manase tə́ ō, əngen̄ dɔ nang yādə́ gə̄ kɔ̄ɔ́ ɓá gidə bā Jurdḛ kə́ dām̄ kə́ gír ɓē tə́. I Moijə kə́ nge kəla yā Kɔ́ɔ̄ɓē n adə̄də́ dɔ nang gə̄ ní.

JOJUE 13:11

Gō nja loo yādə́ ní un nang kə́ Galaad ō, nang yā Gesur gə̄ ō, yā Maaka gə̄ ō, mbal̄ Hermon malang ō, gō, nang kə́ Basan malang ō, kemeé, bátə́ ugə̄ń Salka.

1 SAMUEL 17:11

Dan ń Saul nin̄ kə ngán Israel gə̄ malang oōn̄ najə̄ kɔr̄ Pilistin ngeé ń toō ní ndíĺdə́ a̰ȳ ō, ɓōĺ rāādə́ ngá̰ý ō.

1 SAMUEL 31:7

Dan ń ngán Israel gə̄ ń ndin̄ gidə wól loo kə́ dām̄ kə́ nú tə́ ō ngé gə̄ ń ndin̄ gidə bā Jurdḛ kə́ dām̄ kə́ nú tə́ ō a̰a̰n̄ kadə̄ ngé rɔ̄ɔ̄ gə̄ yā Israel gə̄ a̰ȳn̄ naā kɔ̄ɔ́ ō Saul nin̄ kə ngánən kə́ dəngam gēé oyn̄ kɔ̄ɔ́ ō anī, əya̰n̄ ɓē yādə́ gə̄ kɔ̄ɔ́ ba a̰ȳn̄ naā, adə̄ Pilistin gə̄ reē ndin̄ gotədə́ tə́.