1 SAMUEL 13:5 - Bibəl ta Sar̄

⁵ Pilistin gə̄ ɔsən̄ dɔdə́ naā tə́ yā rɔ̄ɔ̄ Israel gə̄ ō. Púsə rɔ̄ɔ̄ yādə́ gə̄ i dūbú kutə mətá ō, ngé kal̄ sə́nda rɔ̄ɔ̄ yādə́ gē i dūbú mehḛ́ ō, kutə ngé rɔ̄ɔ̄ yādə́ kə́ ngé njə̄rā kə njadə́ gə̄ i ngá̰ý tītə̄ nán̄g ngárə̄ḿnjēý kə́ ta bā tə́ ō. Nin̄ aw̄ ndin̄ Mikəmas. Loo ń ndin̄ tū tə́ ní, ré deē ra Bet Aben anī i kə̄ dām̄ kə́ gír ɓē tə́.

Bible sar

⁵ Pilistin gə̄ ɔsən̄ dɔdə́ naā tə́ yā rɔ̄ɔ̄ Israel gə̄ ō. Púsə rɔ̄ɔ̄ yādə́ gə̄ i dūbú kutə mətá ō, ngé kal̄ sə́nda rɔ̄ɔ̄ yādə́ gē i dūbú mehḛ́ ō, kutə ngé rɔ̄ɔ̄ yādə́ kə́ ngé njə̄rā kə njadə́ gə̄ i ngá̰ý tītə̄ nán̄g ngárə̄ḿnjēý kə́ ta bā tə́ ō. Nin̄ aw̄ ndin̄ Mikəmas. Loo ń ndin̄ tū tə́ ní, ré deē ra Bet Aben anī i kə̄ dām̄ kə́ gír ɓē tə́.

1 SAMUEL 13:5 Referans Kwoze

1 SAMUEL 14:23

Kɔ́ɔ̄ɓē tetə rɔ̄ɔ̄ adə̄ Israel gə̄ ndɔ̄ ń noō tə́ i tītə̄ ń noō. Rɔ̄ɔ̄ ní aw̄ bátə́ mān̄ ɓē kə́ Bet Aben kum kə̄ gidə kə́ nú tə́.

JOJUE 11:4

Adə̄ mban̄g gə̄ teēn̄ kə ɓūtə̄ ngé rɔ̄ɔ̄ yādə́ gēé malang. I kósə de kə́ dum̄ tə́da, tām̄ nin̄ ton̄ tītə̄ kum nán̄g ngárə̄ḿnjēý. Sə́nda yādə́ gə̄ i ngá̰ý ō, púsə́ sə́nda yādə́ i ngá̰ý ō.

JOJUE 18:12

Dɔ nin̄ loo yādə́ ké dām̄ mbɔ́r ɓē ké ko̰ó̰ tə́ əla gír i bā Jurdḛ tə́, teē kadə Jeriko kə́ dām̄ mbɔ́r ɓē ké ko̰ó̰ tə́ ō, gō nang ké mbalá tə́ ō, ba aw̄ kumən kə̄ no ɓē tə́, aw̄ bátə́ ugə̄ dəla loo kə́ Bet Aben tə́.

OJEE 10:5

De kə́ Samari gə̄ ɓōlə́n̄ najə̄ yā ngōn̄ man̄g lɔ́ŕ kə́ Bet Aben tə́. Gír deē yān gə̄ ō, ngé tun̄ yá̰a̰ yān gə̄ ō, rāān̄ yon. Nin̄ asən̄ ndām̄ ndām̄ rɔ̄nel̄ majə, najə̄ yā majə kə́ ni majə ka̰ā̰ tə́. Majə yān ní gətóo kɔ̄ɔ́ ngɔlaā!

OJEE 5:8

Kɔ́ɔ̄ɓē əda na: Ī-kɔ̄ríī tōw̄ gajə batə̄ kem ɓē kə́ Gibea tə́, ī-kɔ̄ríī bərúnjə kem ɓē kə́ Rama tə́! Ī-tāāī de kə́ Bet Aben gə̄. Sḭḭ̄ de kə́ gír ɓē yā Benjamḛ tə́ gə̄, madə̄ ba̰ā̰ a rə̄ngō rɔ̄n i gidəsí tə́ n a ənīńsí rɔ̄ɔ̄ ní.

OJEE 4:15

Ḭ̄ Israel, ún rɔ̄í ī-rāā ń ájə́ba. Ba majə kadə̄ Juda rāā yá̰á̰ kə́ gōtə́ aĺ kə́ kógə̄ḿ beē nəkɔ́ ń noō alé. Ī-lōōī kaw̄ loo kə́ yā ɓōĺ gidə kə́ Gilgal tə́ ō, ī-lōōī kaw̄ Bet Aben ō. Ī-lōōī túbə kəda na: Tītə̄ ń Kɔ́ɔ̄ɓē ndiń kə kumneé noō ō.

JEREMI 15:8

m̄-rāā adə̄ dəyá̰ yān kə́ ngaa koy gə̄ i ngá̰ý tɔȳ kum nán̄g ngárə̄ḿnjēý kə́ ta bā tə́. m̄-rāā ādə̄ nge nujə loo reē dan kadə ndaá dɔ kó̰o̰ nge rɔ̄ɔ̄ kə́ balsáá tə́. m̄-rāā ādə̄ yá̰á̰ kə́ tə́la naā kə́ to ɓōĺ ngá̰ý əsō dɔn tə́ gidə kógə̄ḿ.

IJAI 48:19

Ngání gə̄ ō, ngán kaaí gə̄ ō ní, kutədə́ i ngá̰ý tītə̄ kutə nán̄g ngárə̄ḿnjēý kə́ ta bā bo tə́ beē. Rīdə́ a gətóo kɔ̄ɔ́ ta kumḿ tə́ aĺ i kə́ bátə́ gə̄ tə́.

2 YÁ̰A̰ GƏ̄ 1:9

Ngɔlaā ní Kɔ́ɔ̄ɓē Nə́ɓā, ī-rāā yá̰á̰ ń ə̄nī ndūí yā rāā kadə̄ bɔbə́ḿ ní. Tɔdɔ̄ i ḭ̄ n ə̄ndām̄ kadə̄ m-ó̰o̰ ɓē dɔ gír de gə̄ kə́ kutədə́ i ngá̰ý tītə̄ nán̄g ngárə̄ḿnjēý kə́ dɔ nang tə́ ní.

NGÉ SARYA 7:12

Madian gə̄ ō, Amalek gə̄ ō, ngáń kə́ gír ɓē tə́ ō, ton̄ ta kaw̄ kə̄ nú ngágə looó tītə̄ yim̄ gə̄ beé. Deē asə tə́da kutə jámbal yādə́ gə̄ alé, tām̄ kutədə́ i ngá̰ý tītə̄ nán̄g ngárə̄ḿnjēý kə́ ta bā bo tə́ beē.

JOJUE 7:2

Jojue ndi Jeriko ba əla de gə̄ ɓē ń a ɓārə́n̄ na i Ai tə́, ɓē ní ra i kadə̄ ɓē madə̄ ń a ɓārə́n̄ na i Bet Aben ní tə́ Ré deē ra Betel anī, Ai i kə̄ dām̄ kə́ gír ɓē tə́. Ni-mēr̄də́ kaw̄ kəndā ma̰ȳ loo ní. Dan ń de gə̄ ní aw̄ əndān̄ ma̰ȳ loo ní oy anī,

Makətūbə̄ ń Pol ndang adə̄ Rom gə̄ ní 9:27

Ɓáý to̰ ní Ijai ɔr̄ najə̄ yā ngán Israel gə̄ ngeé ń noō kə ndū boó əda na: Ká ré kutə ngán Israel gə̄ asəń i kə kutə nán̄g ngárə̄ḿnjēý kə́ ta bā bo tə́ gə̄gē anī, i gotədə́ kə́ na̰y n a ənge kajə yā Nə́ɓā ní.

1 SAMUEL 7:13

Nə́ɓā əla dɔ Pilistin gə̄ nang tə́ adə̄ əndān̄ njadə́ dɔ nang yā Israel gə̄ tə́ to̰ alé. Dan ń Samuel ndiń kə kumneé ɓáý ní, Kɔ́ɔ̄ɓē a rāā yá̰á̰ kə́ tōr̄ kə Pilistin gēé i kə dɔ ndɔ̄ gə̄.

1 SAMUEL 13:2

Ni-gə̄rā de gə̄ dūbú mətá dan Israel gə̄ tə́ kadə̄ nin̄ i ngé rɔ̄ɔ̄ yān gə̄. Kə́ dūbú jōó gə̄ ndin̄ seneé Mikəmas ō, gō nang kə́ mbalá kə́ Betel tə́ ō. Ba kə́ dūbú kógə̄ḿ gə̄ ndin̄ i kə ngōnən Jonatan kem ɓē kə́ Gibea yā Benjamḛ tə́. Saul əya̰ gotə ngán Israel gə̄ adə̄ tél aw̄n̄ ɓēé.

1 SAMUEL 13:11

Samuel dəjen na ké i rí n rāā noó wa. Anī ni-tél ədan na: Dan ń m-á̰a̰ kadə̄ de gə̄ a əya̰mə̄n̄ i mbée ō, a tḭ̄ḭ̄n̄ i naā ō, ḭ̄ ūgə̄ tītə̄ ń ɔ́jəń ní aĺ ō, Pilistin gə̄ kánə̄n̄ naā Mikəmas ō ní,

1 SAMUEL 17:1

Pilistin gə̄ kánə̄n̄ dɔ ngé rɔ̄ɔ̄ yādə́ gə̄ naā tə́ yā kaw̄ sedə́ ta rɔ̄ɔ̄ tə́. Nin̄ əngen̄ naā kem ɓē kə́ Soko tə́ dɔ nang kə́ Juda tə́ ba əndān̄ gérger yādə́ Epes Damim, dɔ dán ɓē kə́ Soko kə ɓē kə́ Ajeka tə́.

2 SAMUEL 17:11

Adə̄ gír̄ yāḿ mā n toó: Ɔ́ý ngé rɔ̄ɔ̄ gə̄ kə́ Israel tə́ malang, ə́lá gír Dan bátə́ Beer Seba, ādə̄ kutədə́ asən̄ naā kə kutə nán̄g ngárə̄ḿnjēý kə́ ta bā tə́ ō, īkɔ́ āw̄ sedə́ ta rɔ̄ɔ̄ tə́ ō.

1 MBAN̄G GƏ̄ 20:27

Ngán Israel gə̄ ran̄ kə ta naá adə̄ Akab mān̄ a̰a̰də́ ō, adə̄n̄də́ yá̰a̰ kəsa ō, tá kadə̄ aw̄n̄ tə́nī ta Aram gə̄ tə́ ɓáý. Nin̄ ran̄ no Aram gə̄ tə́ tītə̄ ɓūtə̄ bə̄yā̰ kə́ sḛ́ý beé gə̄ gír loo jōó, banī Aram gə̄ i ngá̰ý, nin̄ taān̄ loo malang.

IJAI 10:28

Nin̄ ugə̄n̄ ngɔr kə̄ Ayat. Nin̄-mān̄ aw̄n̄ Migəron, ba əya̰n̄ yá̰a̰ kəto yādə́ gə̄ Mikəmas.

1 SAMUEL 14:52

Dan ń Saul ndiń kə kumneé ní, ni rɔ̄ɔ̄ Pilistin gə̄ kə ngangá ngá̰ý. I tām̄ najə̄ ń noō tə́ n ni a ɔyń de kə́ ngé kəhɔ rɔ̄də́ tɔgə gə̄ ō, de kə́ ngan̄g gə̄ ō áskaraá ní.