1 SAMUEL 13:14 - Bibəl ta Sar̄

¹⁴ Ba ń toō ní ā ó̰o̰ ɓē kadə̄ dan aw̄ sa̰y to̰ alé. Kɔ́ɔ̄ɓē gə̄rā deē ń kemən nəkɔ́ ndigə ní kɔ̄ɔ́ ɓá ō, ɔjə dɔn kadə̄ i ni n i ngār yā deē yān gə̄ ní ɓá ō. Tɔdɔ̄ ī-rāā yá̰á̰ ń ədaī kadə̄ ī-rāā ní alé.

Bible sar

¹⁴ Ba ń toō ní ā ó̰o̰ ɓē kadə̄ dan aw̄ sa̰y to̰ alé. Kɔ́ɔ̄ɓē gə̄rā deē ń kemən nəkɔ́ ndigə ní kɔ̄ɔ́ ɓá ō, ɔjə dɔn kadə̄ i ni n i ngār yā deē yān gə̄ ní ɓá ō. Tɔdɔ̄ ī-rāā yá̰á̰ ń ədaī kadə̄ ī-rāā ní alé.

1 SAMUEL 13:14 Referans Kwoze

KƏLA RĀĀ 13:22

Gō tə́ anī Nə́ɓā mbātə́ Saul ba adə̄də́ Dabid kadə̄ ni i mban̄g yādə́. Ni əda najə̄ kə́ dɔn tə́ na: M-ə́nge Dabid ngōn̄ Jese, ni i de kə́ kə gō kemḿ. Ni a rāā yá̰a̰ malang ń kemḿ ndigə ní.

1 SAMUEL 15:28

Anī Samuel əda Saul na: Ɓōólaā Kɔ́ɔ̄ɓē rāā adə̄ gír ndií mban̄g dɔ ngán Israel gə̄ tə́ gān̄g kɔ̄ɔ́, ba téləń adə̄ madí kə́ rang kə́ majə tɔyī.

PĀ GƏ̄ 78:70

Gə̄rā nge kəla yān Dabid, aw̄ gōn tə́ i kem gong batə̄ gə̄ tə́ n unən ní.

1 SAMUEL 16:1

Kɔ́ɔ̄ɓē əda Samuel na: Mə̄kɔ́ m̄-mbātə́ Saul kɔ̄ɔ́ ō, ni i mban̄g yā ngán Israel gə̄ to̰ aĺ ō, ba ḭ̄ ā ī-to i dan nōōn tə́ bátə́ a? Ī-tūr̄ yibə̄ kem gajə dā̰ yāí tə́ ba ɔ̄r̄ dɔɔ́. M-ə́laī ɓē Jese kə́ Betlehem, tɔdɔ̄ mban̄g ń m̄-gə̄rān ní i dan ngánən gə̄ tə́.

KƏLA RĀĀ 7:46

Nel̄ Nə́ɓā kə Dabidí adə̄ Dabid dəjen ta róbə kadə̄ n-aw̄ kə loo ndi kə́ tām̄ yā Nə́ɓā yā Jakob tə́.

1 SAMUEL 16:12

Loo ń noō tə́ Jese əla gō ngōnən kə́ dūú ní tə́ adə̄ reē. Ngōnən ní i de kə́ kərē kasə ō, ta kumən majə deē ō, balsáá ngá̰ý ō. Kɔ́ɔ̄ɓē əda Samuel na: Ḭ́ḭ dɔɔ́ úr yibə̄ dɔn tə́ na i ni.

2 MBAN̄G 20:5

kə tél dɔ tə́ kə aw̄ gogə́ rɔ̄ Ejekias, ngār kə́ dɔ gír de gə̄ yān ni Kɔ́ɔ̄ɓē tə́ tə́. Kə ədan na yá̰á̰ ń Kɔ́ɔ̄ɓē Nə́ɓā yā kaan Dabid əda ní n toó: M-ōō ndɔ̄ȳ yāí ō, m-á̰a̰ man̄ kumií ō, adə̄ m-ā m̄-rāā kadə̄ rɔ̄í ngan̄g. Bírí i karī, ba loo tḭ̄ḭ̄ anī ā ásə kaw̄ kem kújə yā Kɔ́ɔ̄ɓē tə́.

2 SAMUEL 5:2

Dan ń Saul o̰o̰ ɓē dɔjí tə́ kété ní, i īkɔ́ n i nge teē kə ngán Israel gēé kaw̄ sedə́ ta rɔ̄ɔ̄ tə́ ō, nge tél sedə́ ō ní. Tá Kɔ́ɔ̄ɓē ədaī na i ḭ̄ n ā ūl̄ Israel gə̄ ń i deē yān gə̄ ní ō, i ḭ̄ n ā ī-ndi ngār dɔdə́ tə́ ō ní.

1 SAMUEL 9:16

Bírí, kə kum mbang nəkɔ́ ń toō, m-ā m-ə́la kə de kógə̄ḿ kə́ gō nang kə́ Benjamḛ tə́ yā kadī kadə̄ úr yibə̄ dɔn tə́, kadə̄ ni i ngār yā deē yāḿ gə̄ ń i ngán Israel gə̄ ní ō, kadə̄ ɔr̄ deē yāḿ gə̄ kɔ̄ɔ́ jī Pilistin gə̄ tə́ ō. Tɔdɔ̄ m-á̰á̰də́ ō, nōō yādə́ əsō mbīḿ tə́ ō.

1 SAMUEL 2:30

I beé ɓá ní, mā ń i Kɔ́ɔ̄ɓē Nə́ɓā yā ngán Israel gə̄ ní, yá̰á̰ ń m-ā m-ə́daī ní n toó: Kété ní m-ə̄nī ndūḿ m-ādə̄ gír kojə yāí ō gír deē yāí gə̄ ō, m-ə́da na i sḭḭ̄ n i ngé tun̄ yá̰a̰ yāḿ gə̄ bátə́ kə̄ no tə́ ní. Ba ngɔlaā ní i tītə̄ ń noō to̰ alé adə̄ m-ə́dá wáńg. Tɔdɔ̄ de gə̄ ń ɓōlə́n̄ ndílə́ḿ ní mā m̄-ɓōĺ ndíĺdə́ ō, de gə̄ ń a kídə̄mə̄n̄ ní a rāān̄də́ nja bə̄yā̰ kə́ gogə́ tə́ ō.

HEBƏRO 2:10

Tɔdɔ̄ i gōtə́ kadə̄ Nə́ɓā ń rāā yá̰a̰ malang ō, əhɔ yá̰a̰ malang gotə kógə̄ḿ ō ní, rāā adə̄ Jeju majə ɔtə̄ kə taá, kə ta kūl̄ ka̰a̰ tápə̄. I yā kaw̄ń kə ngáń Nə́ɓā gə̄ ngá̰ý tū kɔsə gɔn yā Nə́ɓā tə́. Tɔdɔ̄ Jeju i nge kajə de gə̄.

1 SAMUEL 15:23

Tɔdɔ̄ mbātə́ ndū Kɔ́ɔ̄ɓē i yá̰á̰ kə́ majaĺ ngá̰ý tītə̄ rāā kɔdə̄ sāā ō, rāā dɔ ngan̄g i yá̰á̰ kə́ majaĺ ngá̰ý tītə̄ rāā ɓesə̄ ō. Adə̄ dan ń ḭ̄ ī-mbātə́ najə̄ ta Kɔ́ɔ̄ɓē tə́ ɓá ní Kɔ́ɔ̄ɓē mbātíī kɔ̄ɔ́ ō. Adə̄ ḭ̄ i mban̄g to̰ alé.

1 SAMUEL 15:26

Banī Samuel ədan na: M-ā m̄-tél yā kaw̄ seí alé, tɔdɔ̄ ḭ̄ ī-mbātə́ rāā yá̰á̰ ń Kɔ́ɔ̄ɓē ɔjiī ní, Kɔ́ɔ̄ɓē mbātíī kɔ̄ɔ́, adə̄ ḭ̄ i mban̄g yā ngán Israel gə̄ to̰ alé.

1 SAMUEL 24:20

Ré deē ənge madə̄ ba̰ā̰n róbó anī a əya̰n kadə̄ aw̄ loo yān karī a? Yá̰á̰ ń ī-rāā seḿ ɓōólaā toó, adə̄ Kɔ́ɔ̄ɓē əndā njaí tāmən tə́.

1 SAMUEL 25:30

Ī-lōō rāā kadə̄ ré ndɔ̄ń tə́ Kɔ́ɔ̄ɓē rāā yá̰a̰ malang kə́ majə gə̄ ń ni-ənī míndən yā rāā kadī ní ō, əndāī ngār kə́ Israel tə́ ō,

2 SAMUEL 6:21

Dabid tél ədan na: m̄-ndām̄ m-ɔ́səń i gɔn Kɔ́ɔ̄ɓē ń gə̄rām̄ mā ba əya̰ bɔbí ō, gír kojə yān ō kɔ̄ɔ́ ní. Kɔ́ɔ̄ɓē gə̄rām̄, əndām̄ dɔ gír deē yān gə̄ ń i ngán Israel gə̄ ní tə́, kadə̄ mā i ngār yādə́, adə̄ m-ā m-ɔ́jə rɔ̄nel̄ yāḿ kə̄ ndágá yā kɔsəń gɔnən ɓáý to̰.

1 YÁ̰A̰ GƏ̄ 10:13

Saul oy i najə̄ hál kə́ sew aĺ kə́ ni-rāā kə Kɔ́ɔ̄ɓēé tə́. Tɔdɔ̄ ni rāā yá̰á̰ ń Kɔ́ɔ̄ɓē əda ní aĺ ō, aw̄ sāā tə́ rɔ̄ Kɔ́ɔ̄ɓē tə́ alé ba aw̄ sāā tə́ rɔ̄ kɔdə̄ sāā gə̄ tə́ ō. Adə̄ Kɔ́ɔ̄ɓē rāā adə̄ Saul oy, ba ni tél kə ko̰o̰ ɓēé adə̄ Dabid ngōn̄ Jese.

IJAI 39:5

Anī Ijai əda Ejekias na: Ōō najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní:

Gōsə̄ najə̄ gə̄ 27:24

Tɔdɔ̄ yá̰a̰ kənge i yá̰á̰ kə́ a tó ngándáńg aĺ ō, jākā mbang i yá̰á̰ kə́ a to ngándáńg aĺ ō.