1 SAMUEL 13:13 - Bibəl ta Sar̄

¹³ Samuel əda Saul na: Ī-rāā yá̰a̰ i tītə̄ de kə́ kur̄ dɔn gətóo beē. Yá̰á̰ ń Kɔ́ɔ̄ɓē Nə́ɓā yāí ədaī kadə̄ ī-rāā ní ī-rāā i yá̰á̰ kə́ karī tə́. Nə́ngētə́ gēé ī-rāā i gō míndə ń Kɔ́ɔ̄ɓē Nə́ɓā ə́daī ní anī, Kɔ́ɔ̄ɓē a rāā kadə̄ i gír kojə yāí ń a o̰o̰ ɓē dɔ Israel gə̄ tə́ i kə́ mbóńg gə̄ tə́ ní.

Bible sar

¹³ Samuel əda Saul na: Ī-rāā yá̰a̰ i tītə̄ de kə́ kur̄ dɔn gətóo beē. Yá̰á̰ ń Kɔ́ɔ̄ɓē Nə́ɓā yāí ədaī kadə̄ ī-rāā ní ī-rāā i yá̰á̰ kə́ karī tə́. Nə́ngētə́ gēé ī-rāā i gō míndə ń Kɔ́ɔ̄ɓē Nə́ɓā ə́daī ní anī, Kɔ́ɔ̄ɓē a rāā kadə̄ i gír kojə yāí ń a o̰o̰ ɓē dɔ *Israel gə̄ tə́ i kə́ mbóńg gə̄ tə́ ní.

1 SAMUEL 13:13 Referans Kwoze

1 SAMUEL 15:22

Banī Samuel əda na: Dā̰ gə̄ kə́ róō horoó ō, yá̰á̰ kə́ tun̄ gə̄ ō ní, nel̄ Kɔ́ɔ̄ɓē tītə̄ ń koō tan nelə̄nneé ní a? Yḛtə alé. Koō ta Kɔ́ɔ̄ɓē majə tɔȳ yá̰á̰ kə́ tun̄ kadən̄ ō, sɔl̄ dɔ majə tɔȳ yibə̄ bal batə̄ gə̄ ō.

2 YÁ̰A̰ GƏ̄ 16:9

Tām̄ kum Kɔ́ɔ̄ɓē a̰a̰ loo dɔ nang tə́ malang i yā kɔsəń kíĺ ngé gə̄ ń kemdə́ i yān kə taá malang ní kə̄ dɔɔ́. I beé n a ī-rāā yá̰a̰ i tītə̄ de kə́ kur̄ dɔn gətóo ní. Adə̄ əla gír ɓōólaā bátə́ kə̄ no tə́ ní ā ī-ra i dan rɔ̄ɔ́.

1 SAMUEL 15:28

Anī Samuel əda Saul na: Ɓōólaā Kɔ́ɔ̄ɓē rāā adə̄ gír ndií mban̄g dɔ ngán Israel gə̄ tə́ gān̄g kɔ̄ɔ́, ba téləń adə̄ madí kə́ rang kə́ majə tɔyī.

1 SAMUEL 15:11

m̄-ndə̄ngā rɔ̄ḿ tām̄ kəndā ń m-ə̄ndā Saul mban̄g tə́ ní. Tɔdɔ̄ ni tūr̄ gidən kɔ̄ɔ́ taḿ tə́ ō, rāā yá̰a̰ gə̄ ń m-ə́dan ní aĺ ō. Najə̄ ń noō tōr̄ kem Samuel ngá̰ý, adə̄ ni nōō kə̄ dɔ Kɔ́ɔ̄ɓē tə́ ndɔ̄ɔ́ bátə́ loo tīī dɔn tə́.

1 MBAN̄G GƏ̄ 21:20

Akab əda Eli na: Madə̄ ba̰ā̰ḿ, ī-téĺ ə́ngem̄ gogə́ ɓáý ḿ? Eli tél ədan na: m̄-tél m-ə́ngeī gogə́ ɓáý to̰ i tām̄ ə́ya̰ rɔ̄í ī-rāań yá̰á̰ kə́ majaĺ ta kum Kɔ́ɔ̄ɓē tə́.

1 MBAN̄G GƏ̄ 18:18

Eli tél ədan na: I mā n i nge reē kə yá̰á̰ kə́ majaĺ dɔ ɓē kə́ Israel tə́ ní alé, i sḭḭ̄ kə ngééí gēé! Tɔdɔ̄ ī-rāāī gō míndə́ ń Kɔ́ɔ̄ɓē ədasí kadə̄ ī-rāāī ní alé, ba ī-ndɔ̄yī ɓesə̄ Baal gə̄.

Gōsə̄ najə̄ gə̄ 19:3

Dan ń yá̰á̰ kə́ majaĺ rāā deē sɔɔ̄ń kur̄ dɔn kə́ gətóo ní anī, deē tél a rāā wōn̄g i kə Kɔ́ɔ̄ɓēé!

Makətūbə̄ yā Job 34:18

I ni ngóy n asə kəda mban̄g na ḭ̄ i de kə́ kur̄ dɔí gətóó ní ō, i ni ngóy n asə kəda ngán mban̄g gə̄ na sḭḭ̄ i de kə́ ngé rāā yá̰a̰ gōtə́ aĺ gə̄ ní ō.

2 YÁ̰A̰ GƏ̄ 19:2

Yehu nge koō ta kə́ ngōn̄ Hanani tə́nī tan ba ədan na: I nge kem ndul n ā ī-rāā seneé ō, i madə̄ ba̰ā̰ Kɔ́ɔ̄ɓē gə̄ n ā ī-gḛydə́ ō ní a? Wōn̄g yā Kɔ́ɔ̄ɓē a reē dɔí tə́ najə̄ yá̰a̰ gə̄ ń noō tə́.

1 SAMUEL 1:22

banī Ana aw̄ sedə́ alé. Ni-əda ngaan na n-ngóō kadə̄ ré n-ɔr̄ ngōn̄ ta mba tə́ pá tá n-aw̄ seneé Silo ta kum Kɔ́ɔ̄ɓē tə́ ɓáý ō, n-əya̰n kadə̄ ra kə̄ noó kə́ njɔ́ḿ gə̄ tə́ ō.

1 SAMUEL 13:12

m̄-ə́da na Pilistin gə̄ a reēn̄ yā rɔ̄ɔ̄m̄ Gilgal kété kanjə̄ kadə̄ m̄-sɔl̄ kem Kɔ́ɔ̄ɓē. I tām̄ najə̄ ń noō tə́ n m̄-ndējəń Kɔ́ɔ̄ɓē yá̰a̰ tun̄ kə́ róō horoó kə dɔḿ ní.

1 SAMUEL 16:1

Kɔ́ɔ̄ɓē əda Samuel na: Mə̄kɔ́ m̄-mbātə́ Saul kɔ̄ɔ́ ō, ni i mban̄g yā ngán Israel gə̄ to̰ aĺ ō, ba ḭ̄ ā ī-to i dan nōōn tə́ bátə́ a? Ī-tūr̄ yibə̄ kem gajə dā̰ yāí tə́ ba ɔ̄r̄ dɔɔ́. M-ə́laī ɓē Jese kə́ Betlehem, tɔdɔ̄ mban̄g ń m̄-gə̄rān ní i dan ngánən gə̄ tə́.

2 SAMUEL 24:10

Kem Dabid əgan biting biting najə̄ tə́da ń ni tə́da kutə ngán Israel gə̄ ní tə́. Ni-əda Kɔ́ɔ̄ɓē na n-rāā i yá̰á̰ kə́ majaĺ ngá̰ý, ba ngɔlaā ní kə mā̰ȳ rɔ̄n dɔn tə́, tɔdɔ̄ n-rāā yá̰a̰ i tītə̄ de kə́ kur̄ dɔn gətóo beé.

1 YÁ̰A̰ GƏ̄ 10:13

Saul oy i najə̄ hál kə́ sew aĺ kə́ ni-rāā kə Kɔ́ɔ̄ɓēé tə́. Tɔdɔ̄ ni rāā yá̰á̰ ń Kɔ́ɔ̄ɓē əda ní aĺ ō, aw̄ sāā tə́ rɔ̄ Kɔ́ɔ̄ɓē tə́ alé ba aw̄ sāā tə́ rɔ̄ kɔdə̄ sāā gə̄ tə́ ō. Adə̄ Kɔ́ɔ̄ɓē rāā adə̄ Saul oy, ba ni tél kə ko̰o̰ ɓēé adə̄ Dabid ngōn̄ Jese.

IJAI 39:5

Anī Ijai əda Ejekias na: Ōō najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní:

JEREMI 18:10

Banī ré nin̄ rāān̄ yá̰á̰ kə́ majaĺ ń m̄-mbātə́ kɔ̄ɔ́ ní kanjə̄ kadə̄ oōn̄ najə̄ yāḿ anī, m-ā m̄-lōō gír rāā yá̰á̰ kə́ majə ń m-ɔ́jə rāā sedə́ tə́ ní.

TA KƏLA 31:28

Ba ḭ̄ ādə̄m̄ ta róbə kəhɔ ngánə́ḿ kə́ dəyá̰ gə̄ kə ngán kaaḿ gə̄ kə̄ rɔ̄ḿ tə́ alé. Kə́ ɓōó ń toō ī-rāā yá̰a̰ i tītə̄ de kə́ kur̄ dɔn gətóo.

1 SAMUEL 26:21

Saul əda na: m̄-rāā majaĺ. Ngōnə̄ḿ Dabid, ī-tél ī-reē. M-ā m̄-rāāī majaĺ to̰ alé, tām̄ ndɔ̄ɔ́ laā ḭ̄ á̰a̰ā̰ kadə̄ ndi kə kumuú yāḿ mā i yá̰á̰ kə́ gātə̄n i ngá̰ý ta kumií tə́. Rɔ̄kum, yá̰á̰ ń m̄-rāā ní i tītə̄ kə́ i nge kɔ̄r̄ n rāā yá̰a̰ beé. m̄-rāā i yá̰á̰ kə́ gōtə́ aĺ ngá̰ý.

Gōsə̄ najə̄ gə̄ 12:8

Tɔ̄ȳn̄ deē i najə̄ ngáā yān tə́, banī de kə́ hálən nujə kɔ̄ɔ́ i de kə́ de gə̄ a kídə̄nən̄.