1 SAMUEL 12:22 - Bibəl ta Sar̄

²² Kɔ́ɔ̄ɓē a əya̰sí kɔ̄ɔ́ alé. Tɔdɔ̄ i nəkɔ́ n ndigə rāāsí gír deē yān gə̄ tə́ tām̄ yā rīn kə́ to kɔsə gɔn ngá̰ý tə́ ní.

Bible sar

²² Kɔ́ɔ̄ɓē a əya̰sí kɔ̄ɔ́ alé. Tɔdɔ̄ i nəkɔ́ n ndigə rāāsí gír deē yān gə̄ tə́ tām̄ yā rīn kə́ to kɔsə gɔn ngá̰ý tə́ ní.

1 SAMUEL 12:22 Referans Kwoze

PILIPƏ 1:6

Yá̰á̰ ń m̄-ger̄ majə ní n toó: Nə́ɓā ń əla gír rāā kəla kə́ majə ń toō kemsí tə́ ní, a rāā kə̄ non tə́ bátə́ yā tɔ̄l̄ ta ndɔ̄ yā Jeju Kərist tə́.

PĀ GƏ̄ 106:8

Ba ni ajədə́ tām̄ yā rīn tə́, ajədə́ i yā kɔjəń tɔ́gən.

NDŪ NAJƏ̄ 14:2

Tɔdɔ̄ sḭḭ̄ i gír de kə́ ɔrə̄n̄ kam̄sí tayā gə̄ tām̄ yā Kɔ́ɔ̄ɓē Nə́ɓā yāsí tə́. I sḭḭ̄ n Kɔ́ɔ̄ɓē gə̄rāsí dan gír de gə̄ malang kə́ dɔ nang tə́ tə́ kadə̄ ī-téliī gír deē yān gə̄ ní.

1 MBAN̄G GƏ̄ 6:13

M-ā m̄-reē yā ndi dan ngán Israel gə̄ tə́ kem kújə́ ń toō tə́ ō, m-ā m-ə́ya̰ Israel gə̄ ń i gír deē yāḿ gə̄ ní kɔ̄ɔ́ aĺ ō.

Makətūbə̄ ń Pol ndang adə̄ Rom gə̄ ní 11:29

Tɔdɔ̄ yá̰á̰ ń Nə́ɓā adə̄ de gə̄ ní a tél yā taā gogə́ aĺ ō, ɓāŕ ń ni-ɓāŕdə́ ní, a ndə̄ngā rɔ̄n tāmə̄n̄ tə́ aĺ ō.

JEREMI 14:21

Ī-kídə̄jí alé najə̄ rīí kə́ to rɔȳ tə́. Ī-lōō kadə̄ kōr̄ kāgə̄ mbang yāí kə́ to kɔsə gɔn tél yá̰á̰ kə́ rim karī. Ādə̄ əga kemií dɔ madə̄ naā yāí ń ī-rāā sejí tə́ ní, ba ī-lōō mbātə́ kɔ̄ɔ́.

JOJUE 7:9

Kanaan gə̄ kə de gə̄ malang kə́ dɔ nang ń toō tə́ a oōn̄, adə̄ nin̄ a əndān̄ rɔ̄də́ naā tə́ yā reē rɔ̄ɔ̄jí, a tɔ̄lə̄njí kɔ̄ɔ́ malang. Ní ā ī-rāā i ba̰ý n de gə̄ a ger̄nneé rīí kə́ to kɔsə go̰n ngá̰ý ní?

EPEJƏ 1:12

I beé ní, jḭḭ̄ ń j-əndāī kemjí dɔ Kərist tə́ ta kəga dɔ ní, ādə̄ jə-tɔ̄yī Nə́ɓā ń i de kə́ bo ní.

EJEKIEL 20:14

Banī m̄-rāā yá̰á̰ ní alé tām̄ rīḿ tə́. m̄-ndigə kadə̄ nápar de gə̄ kídə̄mə̄n̄ alé. Tɔdɔ̄ nin̄ a̰a̰n̄ kadə̄ m̄-teē kə kaasí gēé kɔ̄ɔ́ kem ɓē kə́ Ejiptə tə́.

EJEKIEL 20:9

Ɓá tā banī m̄-rāā yá̰á̰ ní alé i najə̄ yā rīḿ tə́. m̄-ndigə kadə̄ nápar de gə̄ ń kaasí gə̄ ndin̄ dandə́ tə́ ní kídə̄mə̄n̄ alé. Tām̄ dan ń m̄-rāań adə̄ ngán Israel gə̄ a̰a̰ ger̄mə̄n̄ yā kadə̄ m̄-teēń sedə́ kɔ̄ɔ́ dɔ nang kə́ Ejiptə tə́ ní, de gə̄ ní a̰a̰mə̄n̄ majə ngá̰ý.

IJAI 43:25

Tá i mā, a̰á̰ā̰, i mā n i nge mā̰ȳ rɔ̄ḿ dɔ yá̰a̰ rāāí gə̄ kə́ gōtə́ aĺ tə́ ní, i tɔdɔ̄ i mə̄kɔ́ n m̄-ndigə ō, a əga kemḿ dɔ tə́ to̰ aĺ ō.

PĀ GƏ̄ 94:14

Tɔdɔ̄ Kɔ́ɔ̄ɓē əya̰ gír deē yān gə̄ kɔ̄ɔ́ alé, ni əya̰ yá̰a̰ yān kɔ̄ɔ́ alé.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

MATIYE 11:26

A̰á̰ā̰, Bɔbə́ḿ, i tītə̄ ń noō tɔdɔ̄ i nge ń noō n á̰a̰ kadə̄ i yá̰á̰ kə́ nel̄ kemií ní.

1 KORḚNTƏ 4:7

Tɔdɔ̄ i náā n rāāī ḭ̄ de kə́ tayā tə́ ní? Yá̰á̰ ń ə́ngé ní i rí n i kə́ adīn̄ i mbée aĺ ní? Banī loo ń adīn̄ i mbée anī, i tām̄ rí tə́ á ɔ́jəń rɔ̄í tītə̄ kə́ adīn̄ i mbée aĺ ní?

2 YÁ̰A̰ GƏ̄ 15:2

teē tə́nī ta Asa ba ədan na: Mban̄g Asa ō, Juda gə̄ malang ō, Benjamḛ gə̄ malang ō, ōōī najə̄ ń m-ā m-ɔ̄r̄ ní! Kɔ́ɔ̄ɓē i sesí dan ń sḭḭ̄ i seneé ní. Ré ī-sāāniī anī ni a əya̰ rɔ̄n yā kadə̄ ə́ngeniī. Banī ré ə́ya̰in̄ kɔ̄ɔ́ anī, ni a əya̰sí kɔ̄ɔ́ ō.

Teē Ngán Israel gə̄ 32:12

Ní dan ń na a rāā wōn̄g tītə̄ ń noō sedə́ ní, ké bírí a de kə́ Ejiptə gə̄ a ədan̄ na i rí wa? A ədan̄ na ɔr̄də́ na teē sedə́ na i yā ndāngə́nń sedə́ loo kem ndul tə́, yā tɔ̄l̄də́ dɔ mbal̄ gə̄ tə́ ō, yā tɔ̄ɔ̄ kōōdə́ malang kɔ̄ɔ́ dɔ nang tə́ ō aĺ wa. Ní kadə̄ wōn̄g yān kə tetə ō, kə loo rāā yá̰á̰ kə́ majaĺ kə gír deē yān gēé ō.

EPEJƏ 1:6

I beé ní ādə̄ jə-tɔ̄yī Nə́ɓā najə̄ yá̰á̰ kə́ majə ngá̰ý ń ni-rāā adə̄jí kə ta kūl̄ Ngōn̄ kó tár yānneé ní.

JA̰A̰ 15:16

I sḭḭ̄ n ī-gə̄rāmī ní alé, ba i mā n m̄-gə̄rāsí ní. M-ə̄ndā dɔsí tə́ kadə̄ āwī ō, kadə̄ ā̰ā̰nī ngá̰ý ō, kadə̄ ka̰a̰n̄sí to gotoó ō. Loo ń noō tə́ Bɔbə́ḿ a adə̄sí yá̰a̰ malang ń ā ī-dəjeniī kə rīḿ ní.

MALASI 1:2

Kɔ́ɔ̄ɓē əda gír deē yān gə̄ wáńg na: Mā Kɔ́ɔ̄ɓē m̄-táŕsí, banī sḭḭ̄ ī-dəjemī najə̄ ə́daī na ké yá̰á̰ ń ɔjə kadə̄ m̄-táŕsí ní ké i rí wa. m̄-tél m̄-tūr̄sí m-ə́da na: Kété ní, Esau i ngōkó̰o̰ Jakob aĺ a? Ɓá tā ba m̄-gḛy i Jakob

NŌŌ RƆ̄ 5:20

I tām̄ rí tə́ á dɔí ndígə̄nal dɔjí tə́ kə̄ noí tə́ ō, ə́yá̰jí kɔ̄ɔ́ dəloí bátə́ mbang udə ō, i kə dɔ ndɔ̄ gə̄ ō ní?

JEREMI 14:7

Ré majaĺ yājí gə̄ ənīn̄ najə̄ dɔjí tə́ anī, ī-rāā yá̰á̰ ń sɔɔ̄ kadə̄ ī-rāā ní ādə̄ de gə̄ tɔ̄ȳn̄neé rīí. jə-mbātíī kə̄ nja naā tə́, adə̄ kə́ rɔ̄kum tə́ ní, jə-rāā yá̰á̰ kə́ gōtə́ aĺ seí.

IJAI 48:11

Ré m̄-rāā yá̰a̰ beé anī, i najə̄ yāḿ mā tə́ ngóy. Tām̄ mā m̄-ndigə kadə̄ tájə̄mə̄n̄ alé. m̄-ndigə kəya̰ kɔsə gɔn yāḿ kadə̄ de kə́ rang alé.

IJAI 42:16

M-ā m-ɔ́ŕ ngé kum tɔ̄ɔ̄ gə̄ ta róbə dɔ róbə́ kə́ deē ger̄ aĺ tə́, m-ā m̄-njə̄rā sedə́ dɔ róbə́ kə́ nin̄ gerə̄n̄ aĺ tə́. M-ā m̄-tūr̄ loo kə́ ndɔ̄ɔ́ kadə̄ tél loo kə́ unjə̄ kow kété nodə́ tə́, m-ā m̄-ró̰ȳ yá̰á̰ kə́ dēsə́ nodə́ tə́ ɔgə̄də́ kaw̄ kum kə̄ kété gə̄ kɔ̄ɔ́ gír njadə́ tə́. Yá̰á̰ ń m̄-sāā rāā ní n noó, yá̰á̰ ń noō ń m̄-núm̄ rāā ní, m-ā m̄-lōō gírí alé.

IJAI 41:17

Ngé rɔ̄ tō ndoō gə̄ ō, ngé ndoō gə̄ ō, sāān̄ man̄ banī əngen̄ alé. Kəndā man̄ rāā ndo̰də́ adə̄ tutə. I beé ní, mā Kɔ́ɔ̄ɓē m-ā m̄-daldə́, mā Nə́ɓā yā Israel, m-ā m-ə́yá̰də́ kɔ̄ɔ́ alé.

IJAI 37:35

M-ā m̄-ngɔ̄m̄ ɓē ń toō ō, m-ā m-ájən ō. M-ā -m̄-rāā yá̰á̰ ń noō i tɔdɔ̄ mā i Nə́ɓā ō, m̄-rā dɔ ndūḿ tə́ kə nge kəla yāḿ Dabid ō.

1 YÁ̰A̰ GƏ̄ 28:9

Banī ḭ̄ ngōnə́ḿ Salomo̰, Nə́ɓā ń m̄-rāā kəla yān ní, ī-ndóō loo gerə̄n kə gōó majə. Ādə̄ kemií kēgə̄ loo rɔȳn tə́ aĺ ō, ādə̄ rɔ̄í neli loo rāā kəla yān tə́ ō. Tɔdɔ̄ kum Kɔ́ɔ̄ɓē a̰a̰ loo bátə́ ugə̄ gə́le kem de gə̄ tə́ malang ō, Kɔ́ɔ̄ɓē əndā ma̰ȳ gír̄ gə̄ malang kə́ kem deē tə́ ō. Ré ī-sāān anī, a əya̰ rɔ̄n yā kadə̄ ə́ngen. Banī ré ə́ya̰n kɔ̄ɔ́ anī, a mbātíī i kə́ njɔ́ḿ gə̄ tə́.

2 MBAN̄G 21:14

Gotə deē yāḿ gə̄ ń teēn̄ ta yo tə́ ní m-ā ə́yá̰də́ kɔ̄ɔ́. M-ā m-ə́ládə́ kem jī madə̄ ba̰ā̰də́ gə̄ tə́ kadə̄ əhɔn̄də́ aw̄n̄ sedə́ ō, ɔyn̄ yá̰a̰ kənge kə́ kem ɓē yādə́ gə̄ tə́ malang ō.

NDŪ NAJƏ̄ 31:17

Ndɔ̄ ń noō tə́ wōn̄g a rāām̄ sedə́ ngá̰ý, adə̄ m-ā m-ə́yá̰də́ kɔ̄ɔ́ ō, m-ā m̄-tūr̄ gidəḿ tadə́ tə́ kɔ̄ɔ́ kadə̄ nin̄ a a̰a̰n̄ ta kumḿ aĺ ō. Loo ń noō tə́ ngé ba̰ā̰də́ gə̄ a əsan̄də́ ō, yá̰á̰ kə́ to kum kaȳ aĺ ngá̰ý gə̄, kə wur kɔl kə́ ngá̰ý gə̄ a rāān̄də́ ō. Adə̄ ndɔ̄ ń noō tə́ nin̄ a ədan̄ na: Yá̰á̰ kə́ to kum kaȳ aĺ gə̄ ń toō rāān̄jí i tām̄ Nə́ɓā yājí ń gətóo dɔ dáńjí tə́ ní aĺ a?

NDŪ NAJƏ̄ 9:5

I tām̄ kəla rāāsí kə́ gōtə́ tə́, aké ngarā̰ kemsí kə́ súmūú tə́ n ā ī-taāīneé dɔ nang yādə́ ní alé. Kɔ́ɔ̄ɓē a tə̄ɓā nápar de gə̄ ń noō kɔ̄ɔ́ nosí tə́ i tām̄ háĺdə́ kə́ majaĺ tə́ ō, i tām̄ míndən ń ənī adə̄ kaasí gə̄ Abəraham ō, Isaak ō, Jakob ō ní tə́.

HEBƏRO 13:5

Kadə̄ háĺsí i háĺ ngé rāā ta nar gə̄ alé, ba kadə̄ yá̰á̰ ń ə́ngeī ngɔlaā ní asəsí. Tɔdɔ̄ Kɔ́ɔ̄ɓē nəkɔ́ əda na: M-ā m-ə́ya̰ī kɔ̄ɔ́ aĺ ō, m-ā m̄-mbātíī aĺ ō.

Makətūbə̄ ń Pol ndang adə̄ Rom gə̄ ní 11:1

Ādī m̄-dəjesí m-ōō: Adə̄ ń noō ní Nə́ɓā əya̰ i ngán Israel gə̄ kɔ̄ɔ́ tā ḿ? Sḛ́ý yḛtə aĺ bátə́. Tɔdɔ̄ mə̄kɔ́ ń toō, mā i ngōn̄ Israel ō, mā i de kə́ gír kaa yā Abəraham tə́ ō, de kə́ gír ɓē yā Benjamḛ tə́ ō.

NDŪ NAJƏ̄ 7:6

Tɔdɔ̄ sḭḭ̄ i gír de gə̄ kə́ ɔrə̄n̄ kam̄sí tayā tām̄ yā Kɔ́ɔ̄ɓē Nə́ɓā yāsí tə́. I sḭḭ̄ n Kɔ́ɔ̄ɓē gə̄rāsí dan gír de gə̄ malang kə́ dɔ nang tə́ tə́ kadə̄ ī-téliī gír deē yān gə̄ kə́ sɔɔ̄ dɔn nəkɔ́ ngóý ní.

NDŪ NAJƏ̄ 31:6

Ə́hɔ rɔ̄í tɔgə ō, ī-ra dəngam ō, ī-lōō kadə̄ ɓōĺ rāāī ō, ī-lōō ndebə ta kumdə́ tə́ ō, tɔdɔ̄ Kɔ́ɔ̄ɓē Nə́ɓā yāí a njə̄rā seí naā tə́. Ni a mbātíī aĺ ō, a əya̰ī kɔ̄ɔ́ aĺ ō.

1 MBAN̄G GƏ̄ 8:57

Ní, ādə̄ Kɔ́ɔ̄ɓē Nə́ɓā yājí i sejí naā tə́ tītə̄ ń ni i naā tə́ kə kaají gēé kété ní. Ādə̄ ni-mbātə́jí aĺ ō, əya̰jí kɔ̄ɔ́ aĺ ō.

NDŪ NAJƏ̄ 31:8

Kɔ́ɔ̄ɓē a njə̄rā kété noí tə́. Ni i seí naā tə́. A mbātíī aĺ ō, a əya̰ī kɔ̄ɔ́ aĺ ō. Ní, ī-lōō ɓōĺ ō, ī-lōō kadə̄ tɔ́gí ur̄ wak ō.

2 MBAN̄G 14:27

Kadə̄ rī Israel kə gətóo dɔ nang tə́ ní, Kɔ́ɔ̄ɓē əda rī gāng gír yā Israel gə̄ kɔ̄ɔ́ dɔ nang tə́ kə taneé alé, ni ajədə́ kə ta kūl̄ Jeroboam kə́ ngōn̄ Joas.

NEHEMI 9:17

Nin̄ mbātə́n̄ koō ō, dɔdə́ ndígə̄nal yá̰á̰ kə́ yáā gə̄ ń ī-rāā tām̄ yādə́ tə́ ní kɔ̄ɔ́ ō. Nin̄ rāān̄ dɔ ngan̄g ō, loo dum̄ naā yādə́ tə́ ní gírə̄n̄ tél kaw̄ Ejiptə ta kəla ɓəlo yādə́ tə́ gogə́ ō. Banī ḭ̄ i Nə́ɓā kə́ ā ī-mā̰ȳ rɔ̄í ō, kemií majə ō, kumií a o̰o̰ī ō, ī-rāā wōn̄g láẃ aĺ ō, ī-rāā kem majə ngá̰ý ō, adə̄ ə́yá̰də́ kɔ̄ɔ́ alé.

IJAI 43:7

De gə̄ malang ń rīḿ i dɔdə́ tə́ ní, de gə̄ malang ń m-ə̄ndādə́, m-ə̄ɓādə́, m̄-rāādə́ kadə̄ ɔsən̄ gɔnəḿ ní, ī-tél ī-reēī sedə́.

IJAI 49:15

Banī Kɔ́ɔ̄ɓē tūr̄ əda na: Dɔ dəyá̰ ndígə̄nal ngōn̄ kásə̄ ni a adə̄n mba ní a? Asən tár ngōn̄ ń ni ətōn kemən tə́ ní a? Ká ré dɔn ndígəńnalən gə̄gē, dɔḿ mā a ndígə̄nalií ḭ̄ aĺ bátə́.

IJAI 63:8

Ni-ɔr̄ najə̄ yā de gə̄ yā Israel, əda na: Nin̄ i gír deē yāḿ gə̄, i ngánə́ḿ gə̄, nin̄ a gól̄mə̄n̄ aĺ ō, kété ni i nge kajədə́.

JEREMI 14:9

I tām̄ rí tə́ á ī-rāā rɔ̄í tītə̄ de kə́ ángalən gətóo beé ō, tītə̄ go̰ rɔ̄ɔ̄ kə́ asə taā dɔ deē to̰ aĺ ō ní? Banī Kɔ́ɔ̄ɓē, ḭ̄ i dɔ dáńjí tə́, rīí ɓār̄ dɔjí tə́ ō ní, ī-lōō kəya̰jí kɔ̄ɔ́.