1 SAMUEL 12:21 - Bibəl ta Sar̄

²¹ Ré ī-tūrī gidəsí kɔ̄ɔ́ tan tə́ anī, ā ī-rāāī i kəla yā ɓesə̄ gə̄ ń i nə́ɓā kə́ rɔ̄kum aĺ gə̄ ń asən̄ dḭḭ̄ deē aĺ ō, kajə deē aĺ ō ní.

Bible sar

²¹ Ré ī-tūrī gidəsí kɔ̄ɔ́ tan tə́ anī, ā ī-rāāī i kəla yā ɓesə̄ gə̄ ń i nə́ɓā kə́ rɔ̄kum aĺ gə̄ ń asən̄ dḭḭ̄ deē aĺ ō, kajə deē aĺ ō ní.

1 SAMUEL 12:21 Referans Kwoze

HABAKUK 2:18

Rāā nə́ɓā kə́ rɔ̄kum aĺ gə̄ ní, i yā rāań rí? Nin̄ i gində̄ kə́ nō horoó rāā yá̰á̰ tə́ ngóy. Nin̄ rāān̄ adə̄ deē taā kem yá̰á̰ kə́ rɔ̄kum aĺ gə̄. I kɔdə̄ kógə̄ḿ n rāādə́ ní ō, nin̄ ɔrə̄n̄ najə̄ aĺ ō. Ní, i tām̄ rí tə́ á kɔdə̄ ngeé ń toō ənī kemən mámák adə̄də́ ní?

JEREMI 16:19

Kɔ́ɔ̄ɓē, ḭ̄ ń i tɔ́gə́ḿ ō, nge ngɔ̄mə̄ḿ ō, loo ɓɔ̄ɔ̄ rɔ̄ yāḿ ndɔ̄ wur kɔl tə́ ō ní, nápar de gə̄ a ḭḭn̄ ta ngóy dɔ nang tə́ yā reē rɔ̄í tə́ yā kəda na: Yá̰á̰ ń kaají gə̄ əngen̄ loo nə̄ɓō naā yá̰á̰ tə́ ní, i yá̰á̰ kə́ rɔ̄kum alé ō, i yá̰á̰ kə́ kanjə̄ kumən kə́ yá̰á̰ kə́ yā rāań gətóo ō.

JEREMI 10:15

I yá̰á̰ kə́ rāā kanjə̄ kumən gə̄ ō, kə́ to kəgō gə̄ ō. Ré ndɔ̄ kə́ yā kadə̄ ɔjəmə̄n̄neé kəla rāādə́ gə̄ asə anī, yādə́ i yo.

JEREMI 14:22

Dɔ dáń yá̰á̰ kə́ kanjə̄ kumən gə̄ ń i ɓesə̄ yā nápar de gə̄ ní, i ngé kə́ rá gə̄ n rāān̄ man̄ adə̄ edə ní? Aké i dɔ rā̰ n rāā man̄ adə̄ edə ní a? I ḭ̄ Kɔ́ɔ̄ɓē Nə́ɓā yājí aĺ a? J-a jə-ngóō ta jīí tɔdɔ̄ i ḭ̄ n i nge rāā yá̰a̰ gə̄ ń noō malang ní.

NDŪ NAJƏ̄ 11:16

Ī-lōōī kadə̄ deē gól̄sí kadə̄ ī-tɔ̄ɔ̄ī róbə ō, kadə̄ ī-rāāī kəla ādī ɓesə̄ gə̄ ō, kadə̄ ɔ́siī nosí nang tə́ nodə́ tə́ ō.

1 KORḚNTƏ 8:4

Najə̄ ń ī-dəjeī ní n toó, ī-dəjeī na ké ásiī kəsa dā̰ gə̄ ń tɔ̄lə̄n̄ ba tun̄ adə̄n̄ ɓesə̄ gə̄ ní wa. Jə-gerī kadə̄ ɓesə̄ i yá̰á̰ kə́ ɔsə kum gotə yá̰á̰ kə́ to rɔ̄kum dɔ nang tə́ laā aĺ ō, jə-gerī kadə̄ Nə́ɓā i kógə̄ḿ beē ngóy ō.

JONAS 2:8

Kɔ́ɔ̄ɓē Nə́ɓā yāḿ, m-ā m-óy ngɔr. Loo ń noō tə́ əga kemḿ dɔí ḭ̄ Kɔ́ɔ̄ɓē tə́ ō, ndɔ̄ȳ yāḿ ḭḭ kum kə̄ dɔɔ́ aw̄ ugə̄ rɔ̄í tə́ kem kújə́ kə́ táĺ yāí tə́ ō.

JEREMI 2:13

Rɔ̄kum, yá̰á̰ kə́ gōtə́ aĺ ń gír deē yāḿ gə̄ rāān̄ ní, gír i jōó: Nin̄ mbātə́mə̄n̄ kɔ̄ɔ́, mā ń i kəɓa man̄ kə́ kə kumuú ní. Tām̄ ndērə̄n̄ bəlo taā man̄ ndī gə̄, bəlo taā man̄ ndī kə́ njár̄ kɔ̄ɔ́ gə̄ kə́ man̄ to kemdə́ tə́ alé.

IJAI 46:7

Kutə̄ gō anī əndānən̄ dɔ bɔ̄gə̄də́ tə́, ətōnən̄ ō, aw̄ əndānən̄ loo kə́rēý tə́ ō. Nin̄ do̰ō̰n̄ yá̰á̰ kə́ tɔ́sə̄ ní adə̄ ra gotə kógə̄ḿ ō, ni yéȳ to̰ aĺ ō. Ré deē kógə̄ḿ əga kɔŕ kə̄ rɔ̄ nə́ɓā ní tə́ anī, ni dal alé. Ni ajə deē kógə̄ḿ dan wur kɔl tə́ alé.

IJAI 45:20

Sḭḭ̄ ń ī-teēī ta yo tə́ á ī-ndiī dan nápar de gə̄ tə́ ní, ɔ́siī dɔsí naā tə́ ba ī-reēī! Ī-reēī kə̄ kété naā tə́ malang. Ngé kətō kāgə̄ yādə́ kə́ tɔ́sə̄ gə̄ ō, a ndɔ̄ȳn̄ nə́ɓā kə́ asə kajə deē aĺ ō ní, i de kə́ ger̄ yá̰a̰ aĺ gə̄.

JEREMI 10:8

I mbóo gə̄ malang ō, gerə̄n̄ najə̄ aĺ ō. Ɓesə̄ yādə́ gə̄ ń unən̄ gōdə́ ní, ndóōn̄də́ yá̰á̰ kə́ kanjə̄ kumən gə̄.

JEREMI 2:5

Kɔ́ɔ̄ɓē ɔr̄ najə̄ i tītə̄ ń toō beé əda na: I rí kə́ gōtə́ aĺ n kaasí gə̄ əngen̄ rɔ̄ḿ tə́, kadə̄ nin̄ ɔrə̄n̄neé rɔ̄də́ kɔ̄ɔ́ sa̰y rɔ̄ḿ tə́ ní? Nin̄ ngɔ̄də̄n̄ gō yá̰á̰ kə́ kanjə̄ kumən gə̄ tə́. Ń toō nin̄ télən̄ yá̰á̰ kə́ kanjə̄ kumən ō.

IJAI 41:29

Nin̄ i yá̰á̰ kógə̄ḿ aĺ ō, nin̄ rāān̄ yá̰á̰ kógə̄ḿ aĺ ō. Yá̰á̰ kə́ tɔ́sə̄ yādə́ gə̄ i nél karī, i yá̰á̰ kə́ kem wōȳ!

NDŪ NAJƏ̄ 32:21

Nin̄ rāān̄ adə̄ m̄-rāā jang kə yá̰á̰ ń i nə́ɓā aĺ ní, rāān̄ adə̄ wōn̄g rāām̄ kə ɓesə̄ gēé. Banī mā m-ā m̄-rāā kadə̄ nin̄ a rāān̄ jang kə de gə̄ kə́ nin̄ i gír de kə́ rɔ̄kum aĺ gə̄ ō, kadə̄ rāān̄ wōn̄g kə nápar de kə́ ger̄ yá̰a̰ aĺ gə̄ ō.

KƏLA RĀĀ 14:15

Nin̄-əgan̄ kɔŕ ngá̰ý ədan̄ na: Madə̄jí gə̄, ā ī-rāāī i rí kə beē? Jḭḭ i deē ndul gə̄ kə́ jə-to tītə̄sí ō! Najə̄ kə́ Majə ń j-ədasí ní, i yā kadə̄ ə́ya̰īneé ɓesə̄ kə́ kanjə̄ kumən gə̄ ń toō kɔ̄ɔ́, ba kadə̄ ī-tūrīneé rɔ̄sí kə̄ rɔ̄ Nə́ɓā kə́ ndi kə kumneé tə́, ni ń rāā dɔ rā̰ ō, dɔ nang ō, bā bo ō, yá̰a̰ malang kə́ tū tə́ ō ní.

NDŪ NAJƏ̄ 30:17

Ba ré ī-tūr̄ gidií kɔ̄ɔ́ tan tə́ ō, ōō tan aĺ ō, ə́ya̰ rɔ̄í ādə̄ aw̄n̄ seí adə̄ ɔ́sə noí nang tə́ no ɓesə̄ gə̄ tə́ ō, ī-rāā kəla ādə̄də́ ō anī,

2 MBAN̄G 17:15

Nin̄ mbātə́n̄ ndū najə̄ yān gə̄ ō, madə̄ naā ń ni-əhɔ kə kaadə́ gēé ní ō, yá̰a̰ gə̄ ń ni-ra sedə́ ta rāā á ter̄ kemdə́ dɔ tə́ ní ō. Unən̄ gō yá̰á̰ kə́ karī gə̄, adə̄ nin̄ kɔ́ gə̄ télən̄ yá̰á̰ kə́ karī gə̄ ō. Ndájə̄n̄ nápar de gə̄ ń gīrə̄n̄ gidədə́ ní. I yá̰á̰ kə́ Kɔ́ɔ̄ɓē ɔgə̄də́ rāā ba nin̄ rāān̄. Tá Kɔ́ɔ̄ɓē ədadə́ na kə lōōn̄ rāā yá̰a̰ tītə̄ yādə́.

JONAS 2:9

Ngé ndɔ̄ȳ nə́ɓā kə́ rɔ̄kum aĺ gə̄ ní, əngen̄ ta róbə́ kə́ yā kadə̄ ajən̄neédə́ alé.