1 SAMUEL 12:20 - Bibəl ta Sar̄

²⁰ Samuel tél ədadə́ na: Ī-lōōī ɓōĺ. Rɔ̄kum, i sḭḭ̄ n ī-raī yá̰á̰ kə́ majaĺ ngá̰ý ń noō ní. Banī ī-lōōī tūr̄ gidəsí ta Kɔ́ɔ̄ɓē tə́ gogə́ to̰. Ī-rāāī kəla ādə̄niī kə ngarā̰ kemsí gēé malang.

Bible sar

²⁰ Samuel tél ədadə́ na: Ī-lōōī ɓōĺ. Rɔ̄kum, i sḭḭ̄ n ī-raī yá̰á̰ kə́ majaĺ ngá̰ý ń noō ní. Banī ī-lōōī tūr̄ gidəsí ta Kɔ́ɔ̄ɓē tə́ gogə́ to̰. Ī-rāāī kəla ādə̄niī kə ngarā̰ kemsí gēé malang.

1 SAMUEL 12:20 Referans Kwoze

NDŪ NAJƏ̄ 11:16

Ī-lōōī kadə̄ deē gól̄sí kadə̄ ī-tɔ̄ɔ̄ī róbə ō, kadə̄ ī-rāāī kəla ādī ɓesə̄ gə̄ ō, kadə̄ ɔ́siī nosí nang tə́ nodə́ tə́ ō.

1 PIYER 3:16

Banī ə̄nīī rɔ̄sí lɔm ɔ́jiīneédə́ gír ō, ī-ɓōlíī ndíĺdə́ ō. Ādī najə̄ gətóo dɔsí tə́, yā kadə̄ ré tetən̄ najə̄ dɔsí tə́ anī, ngé tə́da najə̄ kə́ majaĺ dɔ háĺ kə́ majə ń sḭḭ̄ ə́ngeī kə ta kūl̄ ɓoo naā yāsí kə Kərist ní, rɔ̄də́ sɔl̄də́ tām̄ najə̄ kɔr̄də́ tə́.

JEREMI 3:1

Ré de kə́ dəngam mbātə́ nə̄yá̰n adə̄ aw̄ taā de kə́ rang anī, a tél yā taān gogə́ ɓáý a? dəyá̰ ní tél i loo kə́ yḛr kə́ njɔ́ḿ gə̄ tə́ aĺ a? Ba ḭ̄ ń ī-sāā dəngam gə̄ loo ájə́ba tə́ ngá̰ý ní, ā ī-tél yā reē jīḿ tə́ a? Najə̄ ń Kɔ́ɔ̄ɓē əda ní n noó.

PĀ GƏ̄ 125:5

Banī ngé gə̄ ń unən̄ róbə́ kə́ súmūú aĺ gə̄ ní Kɔ́ɔ̄ɓē, majə kadə̄ ī-tə̄ɓādə́ kɔ̄ɔ́ naā tə́ kə ngé rāā madə̄də́ gə̄ yá̰á̰ kə́ majaĺ gēé! Ādə̄ lápə́ya reē kem ɓē kə́ Israel tə́!

PĀ GƏ̄ 101:3

Yá̰á̰ ń i yá̰á̰ kə́ gōtə́ aĺ ní, m-ā m̄-mbel yā ka̰ā̰ aĺ bátə́. M-ā m̄-kídə̄ túy taā kem, ni a ndetə kadəḿ ngɔr aĺ bátə́.

PĀ GƏ̄ 40:4

Ni-əndā pā kə́ kijə taḿ tə́, i pā tɔ̄ȳ Nə́ɓā yājí. Ngá̰ý gə̄ a a̰a̰n̄, adə̄ a ɓōlə́n̄ ō, a əndān̄ kemdə́ dɔ Kɔ́ɔ̄ɓē tə́ ō.

JOJUE 23:6

Adə̄ ī-raī ngan̄g dɔ yá̰a̰ malang ń i kə́ ndang kem makətūbə̄ ndū najə̄ yā Moijə tə́ ní ō, ə̄ndāī kumsí gírí ī-rāāī kanjə̄ tɔ̄ɔ̄ kaw̄ geleé ō, ko̰ó̰ ō.

NDŪ NAJƏ̄ 31:29

Tɔdɔ̄ m̄-ger̄ kadə̄ ré m-óy kɔ̄ɔ́ anī, ngán Israel gə̄ a rāān̄ yá̰a̰ majaĺ ō, a əya̰n̄ róbə́ ń m-ɔ́jə́də́ ní kɔ̄ɔ́ ō. Ta tɔ̄l̄ ta anī yá̰á̰ kə́ to kum kaȳ aĺ a reē dɔdə́ tə́, tām̄ yá̰á̰ kə́ majaĺ ń rāān̄ adə̄ rɔ̄ Kɔ́ɔ̄ɓē nelə̄n aĺ ō, wōn̄g rāān ō ní tə́.

Teē Ngán Israel gə̄ 23:25

Ba ré i mā Kɔ́ɔ̄ɓē Nə́ɓā yāsí ngóy n ā ī-ndɔ̄ȳmī anī, m-ā m̄-rāā majə sesí ō, m-ā m-ādə̄sí yá̰a̰ kəsa ō, man̄ ka̰ȳ ō, m-ā m̄-tə̄ɓā mo̰y kɔ̄ɔ́ dɔsí tə́ ō.

Teē Ngán Israel gə̄ 32:30

Teē gō tə́ anī Moijə əda ngán Israel gə̄ na rāān̄ na i majaĺ kə́ bo ngá̰ý ba ń toō n-a n-tél yā kal̄ dɔɔ́ gogə́ rɔ̄ Kɔ́ɔ̄ɓē tə́ dɔ mbalá. Majanī na a ndigə gōn tə́ kadə̄ mā̰ȳ rɔ̄n dɔ majaĺ yādə́ tə́.

1 SAMUEL 12:19

Ədan̄ Samuel na: Ī-rāā Kɔ́ɔ̄ɓē Nə́ɓā yāí ɓɔ́ tām̄ yājí tə́ ādə̄ j-oy alé. Tɔdɔ̄ j-ənī yá̰á̰ kə́ majaĺ kə́ rang ń i dəje mban̄g kógə̄ḿ tām̄ yājí tə́ ní dɔ gotə yá̰á̰ kə́ majaĺ gə̄ malang ń jə-rāā tə́ ní.

NDŪ NAJƏ̄ 10:12

Ngán Israel gə̄, yá̰á̰ ń Kɔ́ɔ̄ɓē Nə́ɓā yāsí ndi a ngóō ta kadə̄ ī-rāāī ngɔlaā ní i rí? Ni a ngóō i kadə̄ ī-ɓōlíī ndílən ba úniī gō róbə yān gə̄ ō, ī-tárniī ō, ī-rāāī kəla yān kə ngarā̰ kemsí malang ō, kə rɔ̄sí malang ō.

1 YÁ̰A̰ GƏ̄ 28:9

Banī ḭ̄ ngōnə́ḿ Salomo̰, Nə́ɓā ń m̄-rāā kəla yān ní, ī-ndóō loo gerə̄n kə gōó majə. Ādə̄ kemií kēgə̄ loo rɔȳn tə́ aĺ ō, ādə̄ rɔ̄í neli loo rāā kəla yān tə́ ō. Tɔdɔ̄ kum Kɔ́ɔ̄ɓē a̰a̰ loo bátə́ ugə̄ gə́le kem de gə̄ tə́ malang ō, Kɔ́ɔ̄ɓē əndā ma̰ȳ gír̄ gə̄ malang kə́ kem deē tə́ ō. Ré ī-sāān anī, a əya̰ rɔ̄n yā kadə̄ ə́ngen. Banī ré ə́ya̰n kɔ̄ɔ́ anī, a mbātíī i kə́ njɔ́ḿ gə̄ tə́.

Makətūbə̄ yā Aje 2:5

Ni-ənī ndūn ń toō adə̄sí i dan ń ī-teēīneé kɔ̄ɔ́ kem ɓē kə́ Ejiptə tə́ ní. Tá ndílən i dansí tə́, adə̄ ī-lōōī ɓōĺ!