Biblia Todo Logo
Bib sou entènèt

- Piblisite -




1 SAMUEL 12:19 - Bibəl ta Sar̄

19 Ədan̄ Samuel na: Ī-rāā Kɔ́ɔ̄ɓē Nə́ɓā yāí ɓɔ́ tām̄ yājí tə́ ādə̄ j-oy alé. Tɔdɔ̄ j-ənī yá̰á̰ kə́ majaĺ kə́ rang ń i dəje mban̄g kógə̄ḿ tām̄ yājí tə́ ní dɔ gotə yá̰á̰ kə́ majaĺ gə̄ malang ń jə-rāā tə́ ní.

Gade chapit la Kopi

Bible sar

19 Ədan̄ Samuel na: Ī-rāā Kɔ́ɔ̄ɓē Nə́ɓā yāí ɓɔ́ tām̄ yājí tə́ ādə̄ j-oy alé. Tɔdɔ̄ j-ənī yá̰á̰ kə́ majaĺ kə́ rang ń i dəje mban̄g kógə̄ḿ tām̄ yājí tə́ ní dɔ gotə yá̰á̰ kə́ majaĺ gə̄ malang ń jə-rāā tə́ ní.

Gade chapit la Kopi




1 SAMUEL 12:19
24 Referans Kwoze  

Ī-ndɔ̄yī Kɔ́ɔ̄ɓē tām̄ yāḿ tə́ ādə̄ man̄ ndang to̰ aĺ ō, kɔ̄sə̄ tə́sō to̰ aĺ ō, ɓáa m-ā m-ə́yá̰sí kadə̄ āwī ba m-ā m-ɔ̄gə̄sí kaw̄ to̰ alé.


Ré de kə́rēý a̰a̰ ngōkó̰o̰n loo rāā majaĺ kə́ a əla deē ta yo tə́ aĺ tə́ anī, ādə̄ ni-ndɔ̄ȳ Nə́ɓā tām̄ yān tə́, na Nə́ɓā a rāā kadə̄ a ndi kə kumneé. Majaĺ kógə̄ḿ kə́ a əla deē ta yo tə́ i noó. Ba i nge ń noō n m-ə́da najə̄ yā ndɔ̄ȳ tām̄ yā nge rāān tə́ ní alé.


Mā tā a m-ā m̄-lōō gír rāā Kɔ́ɔ̄ɓē ɓɔ́ tə́ tām̄ yāsí tə́ alé. Tɔdɔ̄ ré m̄-lōō gírí anī m̄-rāā i majaĺ kə Kɔ́ɔ̄ɓēé. M-ā m̄-na̰y kə̄ loo kɔjəsí róbə́ kə́ majə tə́ ō, kə́ súmūú tə́ ō.


kə mā̰ȳn̄ rɔ̄də́ dɔ yá̰á̰ kə́ majaĺ ń n-rāā tə́ ní nja kógə̄ḿ to̰, ba kə ndɔ̄ȳn̄ Kɔ́ɔ̄ɓē Nə́ɓā yādə́ kadə̄ kə tə̄ɓā yá̰á̰ kə́ to yo ń noō dɔn tə́ kɔ̄ɔ́.


Tɔdɔ̄ ré ndɔ̄ȳn̄ sɔɔ̄ń taā ń nin̄-taān̄ kem Nə́ɓā ní anī, nge mo̰y ní a ajə. Kɔ́ɔ̄ɓē a unən yā kudən dɔɔ́ ō, a mā̰ȳ rɔ̄n dɔ yá̰á̰ kə́ majaĺ gə̄ ń ni-rāā tə́ ní ō.


Simo̰ tél əda Piyer nin̄ kə Ja̰a̰ na: Sḭḭ̄ kɔ́ gə̄ ī-ndɔ̄yī Kɔ́ɔ̄ɓē tām̄ yāḿ tə́, ādə̄ yá̰á̰ kógə̄ḿ kə́ dan yá̰a̰ gə̄ ń ə́damī tə́ toō rāām̄ alé.


Ngɔlaā ní, ī-nāāī ndɔ̄ȳm̄ mā Nə́ɓā yāsí, yā kadə̄ kumḿ o̰o̰mə̄ń tām̄ yāsí tə́. Gō yá̰á̰ ń ī-rāāī tə́ ní, m-ā m-ə́wásí kə̄ rɔ̄ḿ tə́ majə a? Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m̄-dəjesí najə̄ ń noō.


Kɔ́ɔ̄ɓē ədam̄ na: Ká ré Moijə nin̄ kə Samuel reē ran̄neé ta kumḿ tə́ gə̄gē anī, m-ā m-ōō ndɔ̄ȳ yādə́ kə́ tām̄ yā de gə̄ ń noō tə́ alé. Ī-tə́ɓādə́ kɔ̄ɔ́ ta kumḿ tə́, ādə̄ aw̄n̄.


Kɔ́ɔ̄ɓē, dan ń wur kɔl əsō dɔjí tə́ anī, jə-tūr̄ rɔ̄jí kum kə̄ rɔ̄í tə́. Dan ń ḭ̄ ə́ndá ndéy anī, j-əda ndɔ̄ȳ gə̄ kə̄ nja naā tə́ kə ndūjí kə́ tél kə̄ nang tə́.


Ba ń toō ɓáa ə́hɔī man̄g kə́ bəra gə̄ sīrí ō, bal batə̄ gə̄ sīrí ō, ba āw̄ ə́ngeī nge kəla yāḿ Job. Ī-tɔ̄lī dā̰ gə̄ ń noō ī-tunīdə́ kə taá malang tām̄ yá̰á̰ kə́ gōtə́ aĺ ń ī-rāāī tə́ ní ō, ādə̄ nge kəla yāḿ Job ndɔ̄ȳ Nə́ɓā tām̄ yāsí tə́ ō. Ré m̄-rāāsí yá̰á̰ kə́ tōr̄ tām̄ kɔ̄r̄ yāsí tə́ aĺ anī, i najə̄ yā nge kəla yāḿ Job tə́. Tɔdɔ̄ sḭḭ̄ ə́daī najə̄ kə́ rɔ̄kum dɔḿ tə́ tītə̄ nge kəla yāḿ Job alé.


Nin̄ ədan̄ Samuel na: Ī-lōō ndi taí mbóo ō, kəya̰jí kɔ̄ɔ́ ō. Ī-nōō kə̄ dɔ Kɔ́ɔ̄ɓē Nə́ɓā yājí tə́ ādə̄ ajəjí jī Pilistin gə̄ tə́.


Gō tə́ anī Samuel əda na: Ādī Israel gə̄ kánə̄n̄ naā malang Misəpa na m-ā m̄-ndɔ̄ȳ Kɔ́ɔ̄ɓē tām̄ yāsí tə́ loo ń noō tə́.


Ngɔlaā ní ī-tél kə dəyá̰ ń noō ādə̄n kə ngaaneé gogə́. Ngaan i nge koō ta yāḿ. Ni a ndɔ̄ȳm̄ tām̄ yāí tə́ anī, ā ī-ndi kə kumuú. Ba ré ī-tél ādə̄n kə ngaaneé gogə́ aĺ anī, ā óyiī sḭḭ̄ kə de gə̄ yāí gēé malang.


Gír de gə̄ reē əngen̄ Moijə ba ədanən̄ na: Jə-rāā yá̰á̰ kə́ majaĺ tām̄ jə-tə́da najə̄ dɔ Kɔ́ɔ̄ɓē tə́ ō, dɔí tə́ ō. Ba ī-rāā Kɔ́ɔ̄ɓē ɓɔ́ ādə̄ tə̄ɓā lī gə̄ ń toō kɔ̄ɔ́ dɔjí tə́ ādə̄ aw̄n̄ sa̰y. Moijə rāā Kɔ́ɔ̄ɓē ɓɔ́ tām̄ yā gír de gə̄ tə́.


Ngɔlaā ní mban̄g ń ī-gə̄rāī ō, ī-dəjeī ō ní n ra toó. Kɔ́ɔ̄ɓē adə̄sí seneé.


I dan yā kəja gémē gə̄ n toó aĺ a? Ba m-ā m̄-dəje Kɔ́ɔ̄ɓē adə̄ rāā kadə̄ man̄ ndang ō, edə ō. Loo ń noō tə́ kumsí a teē adə̄ ā ī-gerī kadə̄ majaĺ ń ī-rāāī kə Kɔ́ɔ̄ɓēé á ī-dəjen mban̄g ní i majaĺ kə́ bo ngá̰ý.


Samuel tél ədadə́ na: Ī-lōōī ɓōĺ. Rɔ̄kum, i sḭḭ̄ n ī-raī yá̰á̰ kə́ majaĺ ngá̰ý ń noō ní. Banī ī-lōōī tūr̄ gidəsí ta Kɔ́ɔ̄ɓē tə́ gogə́ to̰. Ī-rāāī kəla ādə̄niī kə ngarā̰ kemsí gēé malang.


Ká ré i yā rāań kadə̄ yá̰a̰ tɔȳ tɔ́gə dɔ nang, aké i yā sə̄kań man̄ dɔ nang tə́, aké i yā rāań majə kə dɔ nangaá gə̄gē anī, i nin̄ n ni a əladə́ ní.


Ré nin̄ i ngé koō ta gə̄ ō, ré Kɔ́ɔ̄ɓē əndā najə̄ tadə́ tə́ ō anī, ādə̄ rāān̄ Kɔ́ɔ̄ɓē kə́ bo kə́ tɔ́gən i ngá̰ý ɓɔ́ kə ngangá ngá̰ý najə̄ kadə̄ de gə̄ ɔyn̄ gotə yá̰a̰ rāā kəla gə̄ ń ton̄ kem kújə yā Kɔ́ɔ̄ɓē tə́ ō, kem kújə yā mban̄g kə́ Juda tə́ ō, kə́ Jerusalem tə́ ō ní aw̄n̄neé Babilon tə́.


kə̄ rɔ̄ Jeremi nge koō ta tə́ ba ədanən̄ na: Jə-rāāī ɓɔ́ ba ī-nēl̄ mbīí ōoń najə̄ yājí. Ɔ̄r̄ najə̄ kə Kɔ́ɔ̄ɓē Nə́ɓā yāí tām̄ yājí jḭḭ gotə de kə́ séý beē gə̄ ń jə-na̰y tə́ toō. Rɔ̄kum, kété ní jḭḭ i de kə́ ngá̰ý gə̄ ba ń toō ɓáa jḭḭ ngé teē ta yo tə́ gə̄ i sḛ́ý beē, tītə̄ ń īkɔ́ á̰a̰ń kə kumií toō.


Teē gō tə́ anī Moijə əda ngán Israel gə̄ na rāān̄ na i majaĺ kə́ bo ngá̰ý ba ń toō n-a n-tél yā kal̄ dɔɔ́ gogə́ rɔ̄ Kɔ́ɔ̄ɓē tə́ dɔ mbalá. Majanī na a ndigə gōn tə́ kadə̄ mā̰ȳ rɔ̄n dɔ majaĺ yādə́ tə́.


Kəda ń ədan̄ na kə Samuel kə əndā mban̄g kógə̄ḿ dɔdə́ tə́ kadə̄ kə gān̄g sarya yādə́ ní nel̄ Samuel alé. Adə̄ Samuel rāā Kɔ́ɔ̄ɓē ɓɔ́ tām̄ yādə́ tə́.


Mban̄g Sedekias əla Yehukal, kə́ ngōn̄ Selemia ō, Sepania nge tun̄ yá̰á̰ kə́ ngōn̄ Maseya ō, rɔ̄ Jeremi nge koō ta tə́ kadə̄ ədanən̄ na: m̄-rāāī ɓɔ́ ba ɔ̄r̄ najə̄ kə Kɔ́ɔ̄ɓē Nə́ɓā yājí tām̄ yājí tə́!


Swiv nou:

Piblisite


Piblisite