1 SAMUEL 12:15 - Bibəl ta Sar̄

¹⁵ Ba ré sḭḭ̄ ōōī tan aĺ ō, ī-mbātíī rāā yá̰a̰ gə̄ ń ədasí kadə̄ ī-rāāī ní ō anī, a əndasí tītə̄ ń əndan̄neé kaasí gə̄ ní ō.

Bible sar

¹⁵ Ba ré sḭḭ̄ ōōī tan aĺ ō, ī-mbātíī rāā yá̰a̰ gə̄ ń ədasí kadə̄ ī-rāāī ní ō anī, a əndasí tītə̄ ń əndan̄neé kaasí gə̄ ní ō.

1 SAMUEL 12:15 Referans Kwoze

JOJUE 24:20

Ré ā ə́ya̰ī Kɔ́ɔ̄ɓē kɔ̄ɔ́ yā rāań kəla kadə̄ nə́ɓā kə́ mbā gə̄ anī, ni a tūr̄ rɔ̄n kə̄ rɔ̄sí tə́ yā rāāsí majaĺ. Ni ń kété rāā majə sesí ní, a tél yā rāā kadə̄ ī-gətóoī kɔ̄ɔ́ malang.

IJAI 1:20

Ba ré sḭḭ̄ ī-mbātíī anī, ré ī-na̰yiī kə̄ loo kəsō wōn̄g tə́ taḿ tə́ anī, ā óyiī yo kaskar. Najə̄ ń Kɔ́ɔ̄ɓē əda ní n noó.

IJAI 3:11

Banī i yá̰á̰ kə́ to kum kaȳ aĺ kə́ ba̰ý beē tām̄ yā ngé kem ndul gə̄ tə́! Yá̰a̰ malang a majaĺ tām̄ yādə́ tə́. I yá̰á̰ ń nin̄ rāān ní n a rāān̄ sedə́ ní.

1 SAMUEL 12:9

Ba dɔ kaasí gə̄ ndígə̄nal Kɔ́ɔ̄ɓē Nə́ɓā yādə́ kɔ̄ɔ́. Adə̄ Kɔ́ɔ̄ɓē əya̰ Sisəra ń i ngol ngé rɔ̄ɔ̄ gə̄ kə́ Hasor ní ō, Pilistin gə̄ ō, mban̄g kə́ Moab ō, adə̄ rɔ̄ɔ̄n̄ kaasí gə̄ tetən̄də́.

1 SAMUEL 5:9

Dan ń sandúkə ugə̄ kem ɓē kə́ Gat tə́ anī Kɔ́ɔ̄ɓē rāā adə̄ yá̰á̰ kə́ tōr̄ rāā ɓē kə́ Gat. Adə̄ ɓōĺ rāā de gə̄ ngá̰ý. Kɔ́ɔ̄ɓē rāā adə̄ yá̰a̰ agə̄ de kə́ kem ɓēé gə̄ malang. Yá̰á̰ ní agə̄ ngáń kə́ dūú gə̄ gə̄gē de kə́ tɔgə gə̄gē.

NŌŌ RƆ̄ 1:18

Kɔ́ɔ̄ɓē rāā i yá̰á̰ kə́ gōtə́, tɔdɔ̄ m̄-mbātə́ rāā yá̰a̰ gə̄ ń ni ədam̄ kadə̄ m̄-rāā ní. Ōōī, sḭḭ̄ gír de gə̄ malang, á̰a̰ī wur kɔl yāḿ, əhɔn̄ ngámandə yāḿ gə̄ ō, balsáa yāḿ gə̄ ō aw̄n̄ sedə́ dɔ nang kə́ rang tə́.

NDŪ NAJƏ̄ 31:27

Tɔdɔ̄ m̄-ger̄ mbātə́ najə̄ yādə́ ō, dɔ ngan̄g yādə́ ō. Dan ń m̄-ndi kə kumḿ dandə́ tə́ ɓáý á mbātə́n̄ najə̄ ta Kɔ́ɔ̄ɓē tə́ toō ní, ré m-óy kɔ̄ɔ́ anī a rāān̄ kə́ kadə̄ mān̄ loo ń noō.

NGÉ SARYA 2:15

Kə dɔ kaw̄də́ rɔ̄ɔ̄ tə́ gə̄ malang ń noō, Kɔ́ɔ̄ɓē rāā adə̄ rɔ̄ɔ̄ rāādə́ tītə̄ ń ədańdə́ ní ō, tītə̄ ń túbəń njan adə̄də́ ní ō. Wur kɔl kə́ ngá̰ý əsō dɔdə́ tə́.

2 YÁ̰A̰ GƏ̄ 15:2

teē tə́nī ta Asa ba ədan na: Mban̄g Asa ō, Juda gə̄ malang ō, Benjamḛ gə̄ malang ō, ōōī najə̄ ń m-ā m-ɔ̄r̄ ní! Kɔ́ɔ̄ɓē i sesí dan ń sḭḭ̄ i seneé ní. Ré ī-sāāniī anī ni a əya̰ rɔ̄n yā kadə̄ ə́ngeniī. Banī ré ə́ya̰in̄ kɔ̄ɔ́ anī, ni a əya̰sí kɔ̄ɔ́ ō.