1 SAMUEL 12:11 - Bibəl ta Sar̄

¹¹ Anī Kɔ́ɔ̄ɓē əla Jedeo̰ ō, Bedan ō, Jepte ō, adə̄ gāngə̄n̄ dɔsí jī madə̄ ba̰ā̰sí gə̄ ń gīrə̄n̄ gidəsí tə́ ní. Ta tɔ̄l̄ ta tə́ anī əlam̄ mā Samuel adə̄ m̄-gān̄g dɔsí jī madə̄ ba̰ā̰sí gə̄ ń gīrə̄n̄ gidəsí tə́ ní ō. I beé n ī-ndiīneé kem ɓēé kanjə̄ sōl̄ yá̰á̰ kógə̄ḿ ní.

Bible sar

¹¹ Anī Kɔ́ɔ̄ɓē əla Jedeo̰ ō, Bedan ō, Jepte ō, adə̄ gāngə̄n̄ dɔsí jī madə̄ ba̰ā̰sí gə̄ ń gīrə̄n̄ gidəsí tə́ ní. Ta tɔ̄l̄ ta tə́ anī əlam̄ mā Samuel adə̄ m̄-gān̄g dɔsí jī madə̄ ba̰ā̰sí gə̄ ń gīrə̄n̄ gidəsí tə́ ní ō. I beé n ī-ndiīneé kem ɓēé kanjə̄ sōl̄ yá̰á̰ kógə̄ḿ ní.

1 SAMUEL 12:11 Referans Kwoze

NGÉ SARYA 6:32

Əla gír i ndɔ̄ n noō tə́ ń a ɓāŕnəń Jedeo̰ na i Yerubaal, kə gō najə̄ ń Yoas əda ní. Yerubaal ní kumən na i: Ādə̄ Baal nəkɔ́ ɔr̄ najə̄ dɔ rɔ̄n tə́, tām̄ i loo tun̄ yá̰a̰ yā Baal n i kə́ nujəń kɔ̄ɔ́ ní.

NGÉ SARYA 4:6

Ndɔ̄ kə́rēý tə́ anī Debora əla gō Barak ngōn̄ Abinoam tə́ kem ɓē kə́ Kedes tə́, dɔ nang yā Nepətali tə́, ba ədan na: Yá̰á̰ ń Kɔ́ɔ̄ɓē Nə́ɓā yā Israel gə̄ əndā dɔí tə́ kadə̄ ī-rāā ní n toó: Āw̄ ɔ́y de gə̄ dūbú kutə dan ngán Nepətali gə̄ tə́ ō, Jabulo̰ gə̄ tə́ ō, ba āw̄ sedə́ dɔ mbal̄ Tabor tə́.

NGÉ SARYA 6:14

Kɔ́ɔ̄ɓē tūr̄ kumən kə̄ rɔ̄n tə́ ba ədan na: Āw̄ ī-gān̄g dɔ ngán Israel gə̄ jī Madian gə̄ tə́ kə tɔ́gí ń noō. I mā n m-ə́laī ní.

1 SAMUEL 7:13

Nə́ɓā əla dɔ Pilistin gə̄ nang tə́ adə̄ əndān̄ njadə́ dɔ nang yā Israel gə̄ tə́ to̰ alé. Dan ń Samuel ndiń kə kumneé ɓáý ní, Kɔ́ɔ̄ɓē a rāā yá̰á̰ kə́ tōr̄ kə Pilistin gēé i kə dɔ ndɔ̄ gə̄.

NGÉ SARYA 8:35

Nin̄ rāān̄ kem majə kə de gə̄ kə́ gír kojə yā Yerubaal Jedeo̰ tə́ najə̄ yá̰a̰ malang kə́ majə ń ni-rāā tə́ tām̄ yā ngán Israel gə̄ tə́ ní alé.

NGÉ SARYA 8:29

Yerubaal ngōn̄ Yoas tél aw̄ gogə́ ɓēé looneé.

NGÉ SARYA 6:31

Yoas tél əda de gə̄ malang ń reēn̄ rɔ̄n tə́ ní na: I sḭḭ̄ n i ngé kɔr̄ najə̄ tām̄ yā ɓesə̄ Baal tə́ a? I sḭḭ̄ n i ngé dḭḭ̄n gə̄ a? Deē ń a ɔr̄ najə̄ kum gotə ɓesə̄ Baal ní i yā tɔ̄l̄ kɔ́ɔ̄ kɔ̄ɔ́ pá tá kadə̄ loo tīī ɓáý. Ré Baal i Nə́ɓā anī adə̄ nəkɔ́ ɔr̄ najə̄ dɔ rɔ̄n tə́, tām̄ i loo kə́ yā tun̄ yá̰a̰ dɔ tə́ kadə̄n n Jedeo̰ nujəń kɔ̄ɔ́ ní.

NGÉ SARYA 7:1

Jedeo̰ ń a ɓāŕnən̄ na i Yerubaal ní ḭḭ dɔɔ́ kə gír looí ɓatə ba əsō róbó kə de gə̄ ń seneé ní. Aw̄ ndin̄ ta kəɓa man̄ Harod tə́. Gérger yā Madian gə̄ i dām̄ mbɔ́r ɓē kə́ ko̰ó̰ tə́ ndágə looó, dām̄ loo ń ngōn̄ mbal̄ kə́ More i tū tə́ ní tə́.

1 SAMUEL 3:20

I beé n de gə̄ malang kə́ dɔ nang kə́ Israel tə́ ń əla gír dɔ ɓē kə́ Dan tə́ bátə́ ugə̄ń Beer Seba ní gerə̄n̄neé kadə̄ Samuel i nge koō ta yā Kɔ́ɔ̄ɓē kə́ rɔ̄kum ní.

2 MBAN̄G 13:5

adə̄ ni-adə̄ Israel gə̄ deē kógə̄ḿ kə́ nge kajədə́. Loo ń noō tə́ nin̄ əngen̄ dɔdə́ jī Aram gə̄ tə́ ō, ndin̄ lápə́ya tītə̄ kə́ kété ō.

1 YÁ̰A̰ GƏ̄ 7:17

ba Ulam i bɔbə̄ Bedan. Ngán Galaad gə̄ n noó. Galaad i ngōn̄ Makir kə́ ngōn̄ Manase.