1 SAMUEL 12:10 - Bibəl ta Sar̄

¹⁰ Loo ń noō tə́ kaasí gə̄ nōōn̄ kə̄ dɔ Kɔ́ɔ̄ɓē tə́ kadə̄ rāā sedə́ ɓáý to̰, ədanən̄ na: Kɔ́ɔ̄ɓē, jə-rāā yá̰a̰ majə alé. J-əya̰ī kɔ̄ɔ́ ba jə-rāā ɓesə̄ Baal gə̄ ō, ɓesə̄ Astarte gə̄ ō. Ba ngɔlaā ré ī-gān̄g dɔjí jī madə̄ ba̰ā̰jí gə̄ tə́ anī j-a jə-rāā kəla yāí.

Bible sar

¹⁰ Loo ń noō tə́ kaasí gə̄ nōōn̄ kə̄ dɔ Kɔ́ɔ̄ɓē tə́ kadə̄ rāā sedə́ ɓáý to̰, ədanən̄ na: Kɔ́ɔ̄ɓē, jə-rāā yá̰a̰ majə alé. J-əya̰ī kɔ̄ɔ́ ba jə-rāā ɓesə̄ Baal gə̄ ō, ɓesə̄ Astarte gə̄ ō. Ba ngɔlaā ré ī-gān̄g dɔjí jī madə̄ ba̰ā̰jí gə̄ tə́ anī j-a jə-rāā kəla yāí.

1 SAMUEL 12:10 Referans Kwoze

NGÉ SARYA 10:10

Loo ń noō tə́ nōōn̄ kə̄ dɔ Kɔ́ɔ̄ɓē tə́, ədanən̄ na: Jə-rāā majaĺ seí, tɔdɔ̄ j-əya̰ī ḭ̄ Nə́ɓā yājí kɔ̄ɔ́ ba jə-rāā kəla j-adə̄ ɓesə̄ Baal gə̄.

NGÉ SARYA 2:13

Nin̄ əya̰n̄ Kɔ́ɔ̄ɓē kɔ̄ɔ́ ba ndɔ̄ȳn̄ ɓesə̄ Baal gə̄ kə ɓesə̄ Astarte gə̄.

NGÉ SARYA 3:9

Nin̄ nōōn̄ kə̄ dɔ Kɔ́ɔ̄ɓē tə́ kadə̄ dḭḭ̄də́, anī Kɔ́ɔ̄ɓē əla kə nge kajədə́ kógə̄ḿ adə̄ ajədə́. I Otəniel ngōn̄ Kenas ń gidə Kaleb ní.

NGÉ SARYA 3:7

Ngán Israel gə̄ rāān̄ yá̰á̰ kə́ nel̄ Kɔ́ɔ̄ɓē Nə́ɓā alé. Dɔdə́ ndígə̄nalən kɔ̄ɔ́, adə̄ rāān̄ ɓesə̄ Baal gə̄ ō, Asera gə̄ ō.

IJAI 33:22

Kɔ́ɔ̄ɓē i ngār yājí, i ni n i nge kɔrjí ta róbə́ ní. Kɔ́ɔ̄ɓē i mban̄g yājí, i ni n i nge kajəjí ní.

IJAI 26:16

Kɔ́ɔ̄ɓē, dan ń wur kɔl əsō dɔjí tə́ anī, jə-tūr̄ rɔ̄jí kum kə̄ rɔ̄í tə́. Dan ń ḭ̄ ə́ndá ndéy anī, j-əda ndɔ̄ȳ gə̄ kə̄ nja naā tə́ kə ndūjí kə́ tél kə̄ nang tə́.

PĀ GƏ̄ 106:44

Kɔ́ɔ̄ɓē oō nōōdə́ ō, a̰a̰ kadə̄ wur kɔl əsō dɔdə́ tə́ ō.

1 SAMUEL 7:2

Ndɔ̄ gə̄ mānən̄ ngá̰ý gō ndɔ̄ ń əndānəń sandúkə yā Kɔ́ɔ̄ɓē Kiryat Yearim tə́ ní. Ndɔ̄ gə̄ ń mānə̄n̄ ní asən̄ ɓāl̄ kutə jōó pá tá kadə̄ ngán Israel gə̄ əlan̄ gír nōō kə̄ dɔ Kɔ́ɔ̄ɓē tə́ ɓáý.

NGÉ SARYA 6:7

Ngán Israel gə̄ nōōn̄ kə̄ dɔ Kɔ́ɔ̄ɓē tə́ kadə̄ ɔr̄də́ kɔ̄ɔ́ jī Madian gə̄ tə́,

NGÉ SARYA 4:3

Púsə rɔ̄ɔ̄ yān kə́ rāā kə gindīí gə̄ i ɓú ndōhó, adə̄ ni-rāā kum ngán Israel gə̄ ndoō tə́ ɓāl̄ kutə jōó. Loo ń noō tə́ ngán Israel gə̄ nōōn̄ kə̄ dɔ Kɔ́ɔ̄ɓē tə́.

NGÉ SARYA 3:15

Nin̄ nōōn̄ kə̄ dɔ Kɔ́ɔ̄ɓē tə́ kadə̄ dḭḭ̄də́. Anī Kɔ́ɔ̄ɓē əla kə nge kajədə́ kógə̄ḿ adə̄də́. Deē ní i Ehud ngōn̄ Gera. Ni i Benjamḛ ba i gel. Ngán Israel gə̄ tīrə̄n̄ dɔ yá̰a̰ adə̄nən̄ kadə̄ aw̄ń adə̄ Egəlon, mban̄g kə́ Moab.

JOJUE 13:31

un núsə dɔ nang kə́ Galaad ō, Asətarot nin̄ kə́ Edrey ń kété i ɓē bo gə̄ yā Og mban̄g kə́ Basan ní ō kemeé. I dɔ nang ń noō malang n adə̄n̄ núsə́ ngán kaa Makir kə́ ngōn̄ Manase kə gō gír kaa yādə́ gēé ní.

NGÉ SARYA 2:11

Adə̄ ngán Israel gə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́. Nin̄ ndɔ̄ȳn̄ ɓesə̄ Baal gə̄.

1 SAMUEL 7:6

Nin̄ kánə̄n̄ naā Misəpa. Uȳn̄ man̄ ba ɓōkə́n̄ nang tə́ no Kɔ́ɔ̄ɓē tə́. Ndin̄ ɓō tām̄ yā Nə́ɓā tə́ ndɔ̄ ń noō tə́ ba ədan̄ wáńg na n-rāān̄ yá̰á̰ kə́ majaĺ kə Kɔ́ɔ̄ɓēé. Samuel əla gír kɔr no ngán Israel gə̄ i loo ngeé ń noō tə́ Misəpa.