1 SAMUEL 11:13 - Bibəl ta Sar̄

¹³ Banī Saul əda na: Ndɔ̄ kə́ tītə̄ ń toō ní a tɔ̄lə̄n̄ deē kógə̄ḿ kemeé alé. Tɔdɔ̄ ɓōólaā i ndɔ̄ ń Kɔ́ɔ̄ɓē tetəń rɔ̄ɔ̄ nang kə́ Israel tə́ ní.

Bible sar

¹³ Banī Saul əda na: Ndɔ̄ kə́ tītə̄ ń toō ní a tɔ̄lə̄n̄ deē kógə̄ḿ kemeé alé. Tɔdɔ̄ ɓōólaā i ndɔ̄ ń Kɔ́ɔ̄ɓē tetəń rɔ̄ɔ̄ nang kə́ Israel tə́ ní.

1 SAMUEL 11:13 Referans Kwoze

2 SAMUEL 19:22

Abisai ngōn̄ Seruya un najə̄ ɔr̄, ni-əda mban̄g na: Nge ń noō i yá̰á̰ kə́ asə kadə deē əya̰ń Simei ń ndɔ̄ĺ mban̄g ń Kɔ́ɔ̄ɓē ur yibə̄ ngar dɔn tə́ gə̄rānneé ní a?

1 SAMUEL 19:5

Ni-un rɔ̄n adə̄ i yo n tɔ̄ləń Pilistin deē ní. Kɔ́ɔ̄ɓē tetə i rɔ̄ɔ̄ kə́ bo ngá̰ý n adə̄ ngán Israel gə̄ ndɔ̄ ń noō tə́ ní. Īkɔ́ á̰a̰ā̰ ō, rɔ̄í nelī ō. Ba i tām̄ rí tə́ á ī-sāā ɓōkə́ mósə de kə́ kanjə̄ najə̄ dɔn tə́ nang tə́ yā rāań yá̰á̰ kə́ majaĺ ní? I tām̄ rí tə́ á ī-sāā tɔ̄l̄ Dabid kanjə̄ kumən ní?

Teē Ngán Israel gə̄ 14:13

Moijə tél ədadə́ na kə lōōn̄ ɓōĺ, ba kə əhɔn̄ kemdə́ ngan̄g na a a̰a̰n̄ loo kajə ń Kɔ́ɔ̄ɓē na a ajədə́ ní ɓōólaā. De kə́ Ejiptə gə̄ ń na a̰a̰n̄də́ ɓōólaā toó na a a̰a̰n̄də́ gogə́ to̰ alé i kə́ bátə́ gə̄ tə́.

Teē Ngán Israel gə̄ 14:30

Ndɔ̄ ń noō tə́ Kɔ́ɔ̄ɓē gān̄g dɔ ngán Israel gə̄ jī de kə́ Ejiptə gə̄ tə́, adə̄ ngán Israel gə̄ a̰a̰n̄ nīń de kə́ Ejiptə gə̄ ta gógə́ tə́.

IJAI 59:16

Yá̰á̰ ń rāā yá̰á̰ ní ni-a̰a̰ kadə̄ deē kógə̄ḿ kə́ mbātə́ gətóo, kadə̄ de kə́ ḭḭ rāā yá̰á̰ kógə̄ḿ gətóó bátə́ ní ɔr kumən. Loo ń noō tə́ nəkɔ́ kə dɔneé gḛy rāā yá̰á̰ kógə̄ḿ ō, yá̰á̰ ń adə̄n tɔ́gə́ ní i yá̰a̰ rāā kə́ gōtə́ yān ō.

1 SAMUEL 14:45

Banī de gə̄ ədan̄ Saul na: Jonatan ń tetə rɔ̄ɔ̄ kə́ bo ngá̰ý ń toō adə̄ ngán Israel gə̄ ní kə oy a? Nge ń noō i yá̰á̰ kə́ majaĺ bátə́. Tītə̄ ń Kɔ́ɔ̄ɓē ndiń kə kumneé noō, nənga dɔn kógə̄ḿ gə̄gē a əsō nang tə́ alé. Tām̄ yá̰á̰ ń ni-rāā kem ndɔ̄ kə́ ɓōólaā tə́ ní nin̄ rāān̄ i naā tə́ kə Nə́ɓāá. I beé n ngán Israel gə̄ taān̄neé Jonatan ta yo tə́ ní.

1 KORḚNTƏ 15:10

Banī Nə́ɓā rāā seḿ adə̄ m̄-tél de kə́ m̄-to beé. Ba rāā ń Nə́ɓā rāā seḿ ní gotə to karī alé, tām̄ m̄-rāā kəla tɔȳ gotə ngámbang kəla gə̄ malang. Kə́ rɔ̄kum tə́ ɓáa i mā alé, banī i rajə kə́ Nə́ɓā rajəm̄.

1 SAMUEL 10:27

Banī de kə́ yá̰a̰ aĺ gə̄ ədan̄ na: Deē ń noō a ajəjí i ba̰ý? Nin̄ kídə̄nən̄ ba ndējə̄nən̄ yá̰a̰ alé. Ba ni tā a usən alé.

2 SAMUEL 23:10

banī ni-ra gotoó beé, tɔ̄l̄ Pilistin gə̄ bátə́ adə̄ jīn oy yélélé ō, ngōngə̄rō tū kūl̄ kaskar yān tə́ ō. Ndɔ̄ ń noō tə́ Kɔ́ɔ̄ɓē tetə rɔ̄ɔ̄ kə́ bo adə̄ ngán Israel gə̄. Ngé rɔ̄ɔ̄ yā Israel gə̄ tél reēn̄ gogə́ rɔ̄ Eleajar tə́ i kə rī kɔy yá̰a̰ kənge gə̄ kə́ ta rɔ̄ tə́ ngóy.

2 SAMUEL 19:23

Banī Dabid əda Abisai nin̄ kə ngōkó̰o̰n Joab na: Sḭḭ̄ ngán Seruya gə̄, ə́laī tasí danaá i tām̄ rí tə́? Yá̰a̰ gə̄ ń mā m̄-sāā rāā ní ɓáa sḭḭ̄ ī-mbātíī kum mbang ń toō tə́ i tām̄ rí tə́? m̄-ndigə kadə̄ deē tɔ̄l̄ de kə́ Israel tə́ kem ndɔ̄ kə́ ɓōólaā ń toō tə́ alé, tɔdɔ̄ i ndɔ̄ ń m̄-gerə̄ń mámák kadə̄ mā i mban̄g kə́ Israel tə́ ní.