1 SAMUEL 10:6 - Bibəl ta Sar̄

⁶ Loo ń noō tə́ Ndíl yā Kɔ́ɔ̄ɓē a reē dɔí tə́ kə tɔ́gɔ́ adə̄ ā ī-rāā yá̰á̰ kə́ de kə́ yá̰a̰ rāān tə́ tītə̄ yādə́ ō, ā ī-tél de kə́ rang ō.

Bible sar

⁶ Loo ń noō tə́ Ndíl yā Kɔ́ɔ̄ɓē a reē dɔí tə́ kə tɔ́gɔ́ adə̄ ā ī-rāā yá̰á̰ kə́ de kə́ yá̰a̰ rāān tə́ tītə̄ yādə́ ō, ā ī-tél de kə́ rang ō.

1 SAMUEL 10:6 Referans Kwoze

1 SAMUEL 10:10

Dan ń Saul nin̄ kə nge kəla yānneé ugə̄n̄ Gibea anī, əngen̄ ɓūtə̄ ngé koō ta gə̄ kə́ a reēn̄ kum kə̄ rɔ̄də́ tə́. Loo ń noō tə́ Ndíl yā Nə́ɓā reē dɔ Saul tə́ kə tɔ́gɔ́ adə̄ udə dandə́ tə́ ba rāā yá̰a̰ tītə̄ kə́ yá̰a̰ rāān beé.

TƏ́DA 11:25

Kɔ́ɔ̄ɓē risə dan kil̄ man̄ tə́ ɔr̄ najə̄ kə Moijə. Ni-kēgə̄ Ndíĺ ń ndi kem Moijə tə́ ní sḛ́ý adə̄ kum kɔɔ̄ gə̄ ní. Dan nəkɔ́ ń ndíl əhɔ loo dɔdə́ tə́ bang ɓá ní a, əlan gír kɔr̄ najə̄ kə́ ngé koō ta gə̄ tə́, banī nayn̄ kə̄ loo kɔr̄ tə́ alé.

1 SAMUEL 16:13

Samuel un yibə̄ ń kem gajə dā̰á̰ ní ur dɔ Dabid tə́ ta kum ngákó̰o̰n gə̄ tə́. Əla gír i ndɔ̄ ń noō tə́ n Ndíĺ Kɔ́ɔ̄ɓē reēń dɔ Dabid tə́ ní. Gō tə́ anī Samuel ɔr̄ dɔɔ́ ta kaw̄ Rama.

NGÉ SARYA 14:6

Loo ń noō tə́ Ndíĺ Kɔ́ɔ̄ɓē udə kem Samso̰ tə́, adə̄ əhɔ ɓɔl ní rə̄yā̰n naā tə́ jōó tītə̄ loo rə̄yā̰ ngōn̄ bə̄yā̰ beé, kanjə̄ kadə̄ yá̰á̰ kógə̄ḿ i jīn tə́. Banī yá̰á̰ ń rāā ní əda bɔbə̄n nin̄ kə kó̰o̰neé gotə alé.

NGÉ SARYA 3:10

Ndíĺ Kɔ́ɔ̄ɓē reē dɔ Otəniel adə̄ no o̰o̰ ɓē dɔ ngán Israel gə̄ tə́. Ni-aw̄ rɔ̄ɔ̄ tə́ anī Kɔ́ɔ̄ɓē əla Kusan Risataim mban̄g kə́ Mesopotami kem jīn tə́ adə̄ tetən rɔ̄ɔ̄.

MATIYE 7:22

Ndɔ̄ sarya tə́ anī de gə̄ ngá̰ý a ədamə̄n̄ na: Kɔ́ɔ̄ɓē, Kɔ́ɔ̄ɓē! J-oō najə̄ ta Nə́ɓā tə́ ba j-əda de gə̄ i kə rīí aĺ a? Jə-tə̄ɓā ndíĺ kə́ majaĺ gə̄ i kə rīí aĺ a? Jə-rāā yá̰á̰ kə́ yáā gə̄ ngá̰ý i kə rīí aĺ a?

TƏ́DA 11:17

M-ā m̄-risə yā kɔr̄ najə̄ seí loo ń noō tə́. M-ā m̄-kēgə̄ Ndíĺ ń m-ādī ní sḛ́ý yā kadə̄də́. Loo ń noō tə́ a ngɔ̄mə̄n̄ kósə de gə̄ seí, ba i īkɔ́ n ā ī-rāā kəla kə́ ngan̄g ngá̰ý ń toō kə kérí ní to̰ alé.

TƏ́DA 11:26

De gə̄ jōó, Eldad nin̄ kə Medad, rīdə́ i dan kum kɔɔ̄ gə̄ ní tə́. Nin̄ ndin̄ ɓēé ba aw̄n̄ kə madə̄də́ gēé alé. Banī Ndíl əhɔ loo dɔdə́ tə́ adə̄ nin̄ rāān̄ yá̰á̰ kə́ ngé koō ta gə̄ tə́ ō.

TƏ́DA 11:29

Moijə tél ədan na: Ā ī-rāā ni tām̄ yāḿ tə́ a? M-á̰a̰ā̰ ní majə ngá̰ý kadə̄ Kɔ́ɔ̄ɓē adə̄ ngán Israel gə̄ ndílən kadə̄ nin̄ malang télən̄ ngé koō ta yān gə̄.

1 SAMUEL 10:9

Dan ń Saul tūr̄ gidən adə̄ Samuel ba ɔtə a aw̄ kə̄ ɓēé anī, Nə́ɓā tūr̄ kemən ō, yá̰a̰ gə̄ ń Samuel əda ní rāān̄ yá̰a̰ malang ndɔ̄ nəkɔ́ ń noō tə́ ō.

1 SAMUEL 19:20

Anī Saul əla de gə̄ kəhɔ Dabid tə́ ɓáý to̰. Dan ń de gə̄ ń Saul əladə́ ní a̰a̰n̄ ɓūtə̄ ngé koō ta yā Nə́ɓā gə̄ kə́ Ndíl yā Nə́ɓā ɔsə sedə́ adə̄ a̰a̰n̄ oy oy tītə̄ de gə̄ kə́ yá̰a̰ rāādə́ beé ō, a̰a̰n̄ kadə̄ Samuel i ngāgəra dɔ ngé koō ta yā Nə́ɓā gə̄ ní ō anī, Ndíl yā Nə́ɓā udə kemdə́ tə́ adə̄ nin̄ a̰a̰n̄ oy oy tītə̄ de kə́ yá̰a̰ rāādə́ beé ō.

NGÉ SARYA 15:14

Dan ń Samso̰ reē ugə̄ ngɔr kə̄ kadə ɓē kə́ Lehi tə́ anī Pilistin gə̄ teē tə́nīn̄ tan kə kɔŕ tetə rɔ̄ɔ́. Banī Ndíĺ Kɔ́ɔ̄ɓē udə kem Samso̰ tə́, adə̄ kəla gə̄ ń tṵ́ṵ̄nəń jīn ní tél ton̄ i tītə̄ kəlā kūbə̄ lḛ́ḛ́ kə́ hor o̰o̰ beé adə̄ gángə̄n̄ i láẃ ngá̰ý.

1 SAMUEL 11:6

Dan ń Saul oō najə̄ ní anī, Ndíl yā Nə́ɓā reē dɔn tə́ kə tɔ́gɔ́ adə̄ wōn̄g rāān ngá̰ý.