1 SAMUEL 10:3 - Bibəl ta Sar̄

³ Ré ḭ́ḭ loo ń noō tə́ āw̄ ūgə̄ kāgə̄ sén kə́ Tabor tə́ anī ā ə́nge de gə̄ mətá kə́ a aw̄n̄ kə̄ rɔ̄ Nə́ɓā tə́ kem ɓē kə́ Betel tə́. Nge kə́ kógə̄ḿ i kə ngán bə̄yā̰ gə̄ mətá ō, kə́rēý i kə mápa mətá ō, kə́ nge ko̰ mətá i kə sɔl kasə nduú kógə̄ḿ ō.

Bible sar

³ Ré ḭ́ḭ loo ń noō tə́ āw̄ ūgə̄ kāgə̄ sén kə́ Tabor tə́ anī ā ə́nge de gə̄ mətá kə́ a aw̄n̄ kə̄ rɔ̄ Nə́ɓā tə́ kem ɓē kə́ Betel tə́. Nge kə́ kógə̄ḿ i kə ngán bə̄yā̰ gə̄ mətá ō, kə́rēý i kə mápa mətá ō, kə́ nge ko̰ mətá i kə sɔl kasə nduú kógə̄ḿ ō.

1 SAMUEL 10:3 Referans Kwoze

TA KƏLA 35:3

J-a j-awī Betel yā kadə̄ m-ā m̄-rāā loo tun̄ yá̰a̰ noó tām̄ yā Nə́ɓā ń ndɔ̄bə̄m̄ ɔr̄ najə̄ seḿ ndɔ̄ wur kɔl yāḿ tə́ ní ō, i naā tə́ seḿ dan ń mā m̄-njə̄rań mbā tə́ ní ō.

TA KƏLA 35:1

Ndɔ̄ kógə̄ḿ tə́ Nə́ɓā əda Jakob na: Ḭ́ḭ dɔɔ́ āw̄ Betel, āw̄ ɔ́y kūbə̄rū mbal̄ gə̄ ī-tə́ndā dɔ naā tə́ ī-rāā loo tun̄ yá̰á̰ tə́ ādə̄m̄. Kété dan ń ā ā̰yń ngōkó̰ó̰í Esau ní, m̄-ndɔ̄bī i loo ń noō tə́.

TA KƏLA 28:22

Mbal̄ ń m-údə kə nja kə́ dɔɔ́ m-ɔ̄rəń kamə̄n ní a téĺ kújə yā Nə́ɓā ō, m-ā m-ɔ̄r̄ yá̰á̰ kógə̄ḿ dan kə́ kutə tə́ tū yá̰a̰ malang ń ni-adə̄m̄ tə́ ní yā kadə̄n ō.

TA KƏLA 28:19

Ni-əndā rī loo ní na i Betel, kumən na i kújə yā Nə́ɓā. Kété rī ɓē ní na i Lujə.

PĀ GƏ̄ 89:12

Dɔ rā̰ i yāí ō, dɔ nang i yāí ō! I ḭ̄ n i nge kəndā loo kə́ dɔɔ́ ō, kə́ nang tə́ ō, yá̰a̰ malang kə́ kemeé ō ní.

NGÉ SARYA 8:18

Gō tə́ anī əda Jeba nin̄ kə Salmuna na: De gə̄ ń ī-tɔ̄līdə́ Tabor ní ton̄ i ba̰ý? Nin̄ tél ədanən̄ na: Ton̄ tītīí. Nin̄ kógə̄ḿ kógə̄ḿ kə dɔdə́ gēé ton̄ tītə̄ ngámban̄g gə̄.

NGÉ SARYA 4:12

Sisəra oō kadə̄ Barak ngōn̄ Abinoam al̄ dɔ mbal̄ Tabor tə́.

NGÉ SARYA 4:6

Ndɔ̄ kə́rēý tə́ anī Debora əla gō Barak ngōn̄ Abinoam tə́ kem ɓē kə́ Kedes tə́, dɔ nang yā Nepətali tə́, ba ədan na: Yá̰á̰ ń Kɔ́ɔ̄ɓē Nə́ɓā yā Israel gə̄ əndā dɔí tə́ kadə̄ ī-rāā ní n toó: Āw̄ ɔ́y de gə̄ dūbú kutə dan ngán Nepətali gə̄ tə́ ō, Jabulo̰ gə̄ tə́ ō, ba āw̄ sedə́ dɔ mbal̄ Tabor tə́.

JOJUE 19:22

Dɔ nin̄ ní teē Tabor ō, Sahasim ō, Bet Semes ō, ba ta tɔ̄l̄ tan i bā Jurdḛ tə́. Ɓē gə̄ kə́ dɔ nang ní tə́ i kutə gidə i mehḛ́ ō, ngán ɓē gə̄ ndin̄ kə gō gididə́ ō.

JOJUE 19:12

Tá ra Saridə noó aw̄ kum kə̄ gír ɓē tə́, ɔdə kadə dɔ nang kə́ Kislot Tabor, teē Dabrat ba əta tan kə̄ dɔɔ́ aw̄ bátə́ ugə̄ Yapia.

LEBI GƏ̄ 23:13

Ā ī-ndējī Kɔ́ɔ̄ɓē ndujə̄ kə́ lándə̄ kə́ ló̰ȳ kə yibīí kem lāngá mehḛ́ dɔ ngōn̄ batə̄ ní tə́. Nge ń noō i yá̰a̰ tun̄ kə́ róō horoó kə́ sēēn nel̄ Kɔ́ɔ̄ɓē. Tá ā ī-tə́tē kasə nduú kə́ kem káĺ kə́ asə lāngá kógə̄ḿ kə núsən nang tə́ no Kɔ́ɔ̄ɓē tə́ ō.

LEBI GƏ̄ 7:13

Ni a adə̄ mápá kə́ rāā kə kaa mápá dɔ dā̰ kə́ yā tun̄ kadə̄ Kɔ́ɔ̄ɓē yā tɔ̄ȳnəń ní tá.

LEBI GƏ̄ 3:12

Ré i bə̄yā̰ n deē gḛy ndējə̄ anī, ādə̄ kɔ́ɔ̄ reēń ta kum Kɔ́ɔ̄ɓē tə́.

LEBI GƏ̄ 3:6

Ré yá̰a̰ tun̄ yā de kə́ tām̄ yā kem kógə̄ḿ tə́ i batə̄ aláa i bə̄yā̰ anī, ādə̄ i kə́ bal aláa i kə́ kó̰ó̰ kə́ loon kógə̄ḿ nujə alé.

LEBI GƏ̄ 1:10

Ré i batə̄ aláa i bə̄yā̰ n deē a ndējə̄ róōn̄ tām̄ yā Kɔ́ɔ̄ɓē tə́ anī, ādə̄ i kə́ bal kə́ loon kógə̄ḿ nujə aĺ tá.

1 SAMUEL 10:4

Nin̄ a dəjenī na ké ī-to karī wa, ba a adə̄nī mápa jōó. Ba ḭ̄ ā ī-taā mápa gə̄ ní jīdə́ tə́.

JEREMI 32:8

Tītə̄ ń Kɔ́ɔ̄ɓē ədamə̄ń ní, ngōn̄ nānə̄ḿ Hanamel reē rɔ̄ḿ tə́ ndágə loo ngɔ̄m̄ ta kújə yā mban̄g tə́ ba ədam̄ na: Ī-mang ndɔr̄ yāḿ kə́ Anatot tə́ ń i gō nang yā Benjamḛ tə́ ní. Tɔdɔ̄ sɔɔ̄ i dɔí ḭ̄ ō, majə kadə̄ i ḭ̄ n ə́nge ō. Ní ī-mang ndɔr̄ ní. Tā anī m̄-ger̄ kadə̄ i Kɔ́ɔ̄ɓē n ɔr̄ najə̄ seḿ ní.

NGÉ SARYA 20:18

Nin̄ aw̄n̄ Betel koō ta Nə́ɓāá yā gerə̄ń ké a ɔjə i dɔ náā dandə́ tə́ kadə̄ aw̄ kété kənī ngán Benjamḛ gə̄ rɔ̄ɔ̄ tə́ wa? Anī Kɔ́ɔ̄ɓē əda na: I Juda gə̄ n a aw̄n̄ kété ní.

NGÉ SARYA 20:27

Dan ń noō tə́ ní sandúkə madə̄ naā yā Nə́ɓā ndi i Betel. Ba i Pinas ngōn̄ Eleajar kə́ ngōn̄ Aaro̰ n i nge ra no sandúkə ní tə́. Ngán Israel gə̄ aw̄n̄ koō ta Kɔ́ɔ̄ɓē tə́ yā dəjenəń ké kə n-aw̄ n-ənīn̄ ngán Benjamḛ gə̄ ń i ngákó̰ó̰də́ gə̄ ní rɔ̄ɔ̄ aké kə n-lōōn̄ gírí wa? Anī Kɔ́ɔ̄ɓē tél ədadə́ na kə aw̄ kə rɔ̄ɔ̄n̄də́, tɔdɔ̄ bírí n-a n-əlādə́ kem jīdə́ tə́.