1 SAMUEL 10:27 - Bibəl ta Sar̄

²⁷ Banī de kə́ yá̰a̰ aĺ gə̄ ədan̄ na: Deē ń noō a ajəjí i ba̰ý? Nin̄ kídə̄nən̄ ba ndējə̄nən̄ yá̰a̰ alé. Ba ni tā a usən alé.

Bible sar

²⁷ Banī de kə́ yá̰a̰ aĺ gə̄ ədan̄ na: Deē ń noō a ajəjí i ba̰ý? Nin̄ kídə̄nən̄ ba ndējə̄nən̄ yá̰a̰ alé. Ba ni tā a usən alé.

1 SAMUEL 10:27 Referans Kwoze

NDŪ NAJƏ̄ 13:13

Majanī ndɔ̄ kə́rēý tə́ ā ōōī kadə̄ kem ɓē kógə̄ḿ kə́ dan ngé gə̄ ń Kɔ́ɔ̄ɓē Nə́ɓā yāsí adə̄sí kadə̄ ī-ndiī tū tə́ tə́ ní, na de kə́ rim gə̄ kə́ dan deē yāsí gə̄ tə́ na gólə̄n̄ de kə́ kemeé gə̄ ədan̄də́ na: Ādə̄ j-aw̄ jə-rāāī kəla j-adī nə́ɓā kə́ rang gə̄, nə́ɓā gə̄ ń sḭḭ̄ ī-gerī gíŕdə́ aĺ ní,

2 YÁ̰A̰ GƏ̄ 17:5

Kɔ́ɔ̄ɓē mbūsə̄ gír ko̰o̰ ɓē kə́ jīn tə́ adə̄ ra ngan̄g ō, Juda gə̄ malang reēn̄ kə yá̰a̰ ndējə̄ gēé adə̄nən̄ ō. Adə̄ ni-ənge yá̰á̰ ngá̰ý ō, ənge kɔsə gɔn ngá̰ý ō.

1 MBAN̄G GƏ̄ 10:25

Kə dɔ ɓāl̄ gə̄ ń noō nin̄ a reēn̄ i kə yá̰á̰ kə́ rāā kə gində̄ arjā̰a̰ gə̄ ō, kə́ rāā kə lɔ́r gə̄ ō, kūbə̄ gə̄ ō, yá̰a̰ rɔ̄ɔ̄ gə̄ ō, yá̰á̰ kə́ kotə majə gə̄ ō, sə́nda gə̄ ō, kərō rapáy gə̄ ō n a ndējə̄n̄ Salomo̰ ní.

1 SAMUEL 2:12

Ngán Eli gə̄ i ngé tun̄ yá̰á̰ kə́ háĺdə́ nujə kɔ̄ɔ́ gə̄. Nin̄ gerə̄n̄ Kɔ́ɔ̄ɓē alé.

KƏLA RĀĀ 7:35

Moijə kə́ kógə̄ḿ beē nəkɔ́ ń toō ń ngán Israel gə̄ mbātə́nən̄ kɔ̄ɔ́ ba ədanən̄ na: I náā n əndāī ngāraá dɔjí tə́ ō, nge gān̄g sarya dɔjí tə́ ō ní, Nə́ɓā əlan kadə̄ ni i ngār ō, nge gān̄g dɔdə́ ō, kə ta kūl̄ de kə́ dɔ rā̰ tə́ ń ndɔ̄bən kem túpə́ kámbə́ tə́ ní.

IJAI 36:21

De gə̄ malang ń ran̄ noó ní, ran̄ i kə tadə́ kə́ mbóó, deē ədadə́ yá̰á̰ kógə̄ḿ alé. Tām̄ mban̄g Ejekias ədadə́ na kə deē kə əda najə̄ alé.

PĀ GƏ̄ 72:10

Mban̄g gə̄ kə́ Tarsis ō, kə́ dor̄ kə́ sa̰y gə̄ tə́ ō, a əlan̄ kə kadə̄ karī gēé yā kadə̄n. Mban̄g gə̄ kə́ Saba ō, kə́ Seba ō, a tīrə̄n̄ dɔ yá̰a̰ yā kadə̄n.

PĀ GƏ̄ 38:13

Ngé sāā tɔ̄lə̄ḿ gə̄ əyān̄ gūmbə̄ noḿ tə́. Ngé gə̄ ń sāān̄ kadə̄ yá̰á̰ kə́ to kum kaȳ aĺ rāām̄ ní ɔrə̄n̄ najə̄ dɔḿ tə́ kadə̄ m-údə kɔ̄ɔ́. Nin̄ yṵ́rə̄n̄ najə̄ kə́ majaĺ ngá̰ý gə̄ dɔḿ tə́ kə dɔ ndɔ̄ gə̄.

2 YÁ̰A̰ GƏ̄ 13:7

De kə́ ngár̄ aĺ gə̄, ngán kə́ nujə kɔ̄ɔ́ gə̄ əgan̄ naā gidən tə́, ba əndān̄ gúu dɔ Roboam ngōn̄ Salomo̰ tə́. Roboam ń i ngōn̄ ɓáý ō, hálən to ngōn̄ ɓáý ō ní dum̄ tadə́ alé.

2 SAMUEL 20:1

Benjamḛ kə́rēý kə́ nge rāā hál ndi noó, rīn na i Seba, ngōn̄ Bikri. Ni kɔ̄ŕ tōw̄ ba əga kɔŕ ədań de gə̄ na: Yá̰a̰ yājí i dɔ naā tə́ kə Dabidí alé. Yá̰a̰ ndəbā yājí i dɔ naā tə́ kə ngōn̄ Jese alé! Sḭḭ̄ Israel gə̄ ī-téliī kógə̄ḿ kógə̄ḿ kə̄ ɓē yāsí gə̄ tə́!

2 SAMUEL 8:2

Ni-tetə Moab gə̄ rɔ̄ɔ̄ ō, laadə́ nang tə́ ba tɔ̄l̄ kə́rēý gə̄ ō, əya̰ kə́rēý gə̄ ō. Ré nin̄ i mətá anī tɔ̄l̄ kə́ jōó gə̄ ba əya̰ kógə̄ḿ. Loo ń noō tə́ Moab gə̄ télən̄ ɓəlo yā Dabid gə̄ ō, nin̄ a tīrə̄n̄ dɔ yá̰a̰ gə̄ a adə̄nən̄ ō.

1 SAMUEL 11:12

Anī ngán Israel gə̄ ədan̄ Samuel na: De gə̄ ń ndigən̄ kadə̄ Saul o̰o̰ ɓē dɔjí tə́ aĺ ní i náā gə̄? Ādījí sedə́ ādə̄ jə-tɔ̄l̄də́ kɔ̄ɔ́.

MATIYE 2:11

Nin̄-udən̄ kújú anī a̰a̰n̄ ngōn̄ ní nin̄ kə kó̰o̰n Mari. Nin̄-ɔsən̄ nodə́ nang tə́ non tə́ rɔȳnən̄neé. Gō tə́ anī teēn̄ ta sandúkə́ yá̰a̰ kənge yādə́ gə̄, ba ɔyn̄ lɔ́r ō, kajaja ō, nō kāgə̄ mír ō, ndējə̄n̄ ngōn̄ ní.

1 SAMUEL 11:13

Banī Saul əda na: Ndɔ̄ kə́ tītə̄ ń toō ní a tɔ̄lə̄n̄ deē kógə̄ḿ kemeé alé. Tɔdɔ̄ ɓōólaā i ndɔ̄ ń Kɔ́ɔ̄ɓē tetəń rɔ̄ɔ̄ nang kə́ Israel tə́ ní.

1 SAMUEL 16:20

Jese əhɔ kərō kógə̄ḿ ō, un mápa ō, sɔl kasə nduú ō, əhɔ ngōn̄ bə̄yā̰ ō, adə̄ Dabid kadə̄ aw̄ń adə̄ Saul.

1 SAMUEL 25:17

Adə̄ ngɔlaā ní ə̄ndā ma̰ȳ yá̰á̰ ń kadə̄ ī-rāā ní majə. Tɔdɔ̄ yá̰á̰ kə́ tōr̄ a əsō dɔ kɔ́ɔ̄jí tə́ ō dɔ de kə́ ta kújə yān tə́ gə̄ ō. Hálən nəkɔ́ majaĺ ngá̰ý, adə̄ deē asə kədan yá̰a̰ alé.

1 MBAN̄G GƏ̄ 5:1

Salomo̰ ndi dɔ ɓē ko̰o̰ gə̄ tə́ malang, əla gír dɔ ɓē ko̰o̰ gə̄ kə́ kadə bā Opəratə tə́ ō, dɔ nang yā Pilistin gə̄ tə́ ō, bátə́ ugə̄ń dɔ nin̄ dɔ nang kə́ Ejiptə tə́. Ɓē ko̰o̰ gə̄ ní əgānən̄ lambóo ō, rāān̄ kəla yān ō, bátə́ kadə̄ oyń.

KOHELET 7:21

Najə̄ kɔr̄ de gə̄ malang ń noō ní ī-lōō kəndā mbīí gírí. Loo ń noō tə́ ā ōō ndū nge kəla yāí loo haí tə́ alé.