1 SAMUEL 10:26 - Bibəl ta Sar̄

²⁶ Saul tél aw̄ gogə́ ɓēé Gibea ō. Ba de kə́ wur kil gə̄ ń Nə́ɓā ɔr̄ najə̄ sedə́ kemdə́ tə́ ní aw̄n̄ seneé.

Bible sar

²⁶ Saul tél aw̄ gogə́ ɓēé Gibea ō. Ba de kə́ wur kil gə̄ ń Nə́ɓā ɔr̄ najə̄ sedə́ kemdə́ tə́ ní aw̄n̄ seneé.

1 SAMUEL 10:26 Referans Kwoze

1 SAMUEL 11:4

Ngé kaw̄ kəla gə̄ ní reē ɔtə̄n̄ Gibea ɓē yā Saul tə́ anī ənīn̄ najə̄ ní mbī de gə̄ tə́. Loo ń noō tə́ de kə́ kem ɓēé gə̄ malang əgan̄ unən̄ ndūdə́ kə̄ dɔɔ́ nōōn̄eé ō.

1 SAMUEL 15:34

Samuel tél aw̄ Rama, ba Saul tél aw̄ gogə́ ɓēé looneé kem ɓē kə́ Gibea yā Saul tə́.

JOJUE 18:28

Sela ō, Elep ō, ɓē yā Yebus gə̄ ń i Jerusalem ní ō, Gibea ō, Kiryat ō, adə̄ ɓē malang i kutə gidə i sɔ́, naā tə́ kə ngán ɓē gə̄ ń ndin̄ kə gō gidií ní. Dɔ nang ń ngán Benjamḛ gə̄ əngen̄ kə gír kaadə́ gēé ní n noó.

KƏLA RĀĀ 13:48

Dan ń de gə̄ ń nin̄ i Jipə aĺ gə̄ ní oōn̄ najə̄ gə̄ ń noō ní anī, rɔ̄də́ nel̄də́ ngá̰ý ō, ɔsən̄ gɔn najə̄ yā Kɔ́ɔ̄ɓē ō. De gə̄ malang ń Nə́ɓā reē sedə́ i tām̄ yā ndi kə kumuú kə́ ngándáńg tə́ ní, taān̄ kem.

KƏLA RĀĀ 7:10

Wur kɔl gə̄ malang ń əsō dɔ Jəjep tə́ ní ɔrə̄n kum tə́ kɔ̄ɔ́ ō, ni-rāā adə̄ nel̄ mban̄g Parao̰ kə́ Ejiptə seneé ō, rāā adə̄ mban̄g a̰a̰ kadə̄ Jəjep i de kə́ nge kum kedə̄ ō. Mban̄g əndā Jəjep dɔ nang kə́ Ejiptə tə́ ō, dɔ yá̰a̰ malang kə́ ndogó mbangāá tə́ ō.

PĀ GƏ̄ 110:3

De kə́ dəngam kə́ ger̄ rɔ̄ɔ̄ ngá̰ý gə̄ aw̄n̄ gōí tə́ ndɔ̄ ń ɔ́səń nja ngé rɔ̄ɔ̄ yāí gə̄ kə̄ naā tə́ ní. Dɔ mbal̄ kə́ táĺ gə̄ tə́, balsáa yāí gə̄ a reēn̄ kə̄ rɔ̄í tə́, tītə̄ tal kə́ ta gír loo tə́ beē.

2 SAMUEL 21:6

Ādə̄ adə̄n̄jí de kə́ gír kaan tə́ gə̄ sīrí ādə̄ jə-rāādə́ yá̰á̰ kə́ tōr̄ ta kum Kɔ́ɔ̄ɓē tə́ kem ɓē kə́ Gibea yā Saul tə́, Saul ń i de kə́ Kɔ́ɔ̄ɓē gə̄rān ní. Mban̄g əda na n-ā n-adə̄də́ kə de gə̄ ní.

NGÉ SARYA 20:14

Nin̄ ḭḭn̄ kə̄ ɓē yādə́ gə̄ tə́ ba reē kánə̄n̄ naā kem ɓē kə́ Gibea tə́ yā rɔ̄ɔ̄ ngán Israel gə̄.

ESDRAS 1:5

Loo ń noō tə́ ngār gə̄ kə́ dɔ de kə́ gír kojə yā Juda tə́ gə̄ ō, Benjamḛ tə́ gə̄ ō, ngé tun̄ yá̰a̰ gə̄ ō, ngán Lebi gə̄ ō, de gə̄ malang ń Nə́ɓā ndól̄ hángaldə́ kadə̄ aw̄n̄ Jerusalem yā rāā kújə yā Kɔ́ɔ̄ɓē tə́ ní, rāān̄ gō rɔ̄də́ yā kaw̄.

1 SAMUEL 13:2

Ni-gə̄rā de gə̄ dūbú mətá dan Israel gə̄ tə́ kadə̄ nin̄ i ngé rɔ̄ɔ̄ yān gə̄. Kə́ dūbú jōó gə̄ ndin̄ seneé Mikəmas ō, gō nang kə́ mbalá kə́ Betel tə́ ō. Ba kə́ dūbú kógə̄ḿ gə̄ ndin̄ i kə ngōnən Jonatan kem ɓē kə́ Gibea yā Benjamḛ tə́. Saul əya̰ gotə ngán Israel gə̄ adə̄ tél aw̄n̄ ɓēé.

IJAI 10:29

Nin̄-əndan̄ dūn̄ róbə́ kə́ dūú ngá̰ý gāngə̄n̄ ba ədan̄ na: Jə-ɓīī Geba. Ɓōĺ rāā de kə́ Rama gə̄ adə̄ ndewn̄. Gibea ń i ɓē yā Saul ní, de kə́ kemeé gə̄ a a̰ȳn̄ i naā.