1 SAMUEL 10:22 - Bibəl ta Sar̄

²² Tél dəjen̄ Kɔ́ɔ̄ɓē ɓáý to̰ na ké de kə́ rang reē laā wa. Anī Kɔ́ɔ̄ɓē əda na: I ni n ɓɔ̄ɔ̄ rɔ̄n dan yá̰a̰ mbā gə̄ tə́ toō.

Bible sar

²² Tél dəjen̄ Kɔ́ɔ̄ɓē ɓáý to̰ na ké de kə́ rang reē laā wa. Anī Kɔ́ɔ̄ɓē əda na: I ni n ɓɔ̄ɔ̄ rɔ̄n dan yá̰a̰ mbā gə̄ tə́ toō.

1 SAMUEL 10:22 Referans Kwoze

NGÉ SARYA 20:18

Nin̄ aw̄n̄ Betel koō ta Nə́ɓāá yā gerə̄ń ké a ɔjə i dɔ náā dandə́ tə́ kadə̄ aw̄ kété kənī ngán Benjamḛ gə̄ rɔ̄ɔ̄ tə́ wa? Anī Kɔ́ɔ̄ɓē əda na: I Juda gə̄ n a aw̄n̄ kété ní.

TƏ́DA 27:21

Jojue a aw̄ rɔ̄ Eleajar nge tun̄ yá̰á̰ tə́ kadə̄ túgə̄ wə̄lā urim tām̄ yān tə́ ta kum Kɔ́ɔ̄ɓē tə́. Ni ō, ngán Israel gə̄ malang ō ní a teēn̄ ō, tél a udən̄ gogə́ ō, i kə gō ndū ń wə̄lā a ɔjə ní.

Najə̄ kə́ Majə yā Jeju ń Luk ndang ní 14:11

Tɔdɔ̄ deē ń ɔsə rɔ̄n kə̄ dɔɔ́ anī, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

1 SAMUEL 15:17

Anī Samuel əda na: Ḭ̄ á̰a̰ rōí i yá̰a̰ aĺ ta kumií īkɔ́ tə́ ɓá tā, ba i ḭ̄ n i dɔ gír ɓē gə̄ yā ngán Israel gə̄ tə́ ní aĺ a? Kɔ́ɔ̄ɓē ur yibə̄ dɔí tə́ kadə̄ ḭ̄ i mban̄g yā ngán Israel gə̄.

1 SAMUEL 9:21

Saul tél əda na: Mā i de kə́ Benjamḛ. I gír ɓē kə́ dūú ngá̰ý kə́ dan gír ɓē gə̄ yā Israel gə̄ tə́ aĺ a? Tá i gír kojə yāḿ n i gír kojə kə́ dūú ngá̰ý tɔȳ gotə gír kojə gə̄ kə́ gír ɓē yā Benjamḛ tə́ ní aĺ a? Ɔ̄r̄ najə̄ kə́ beē seḿ i tām̄ rí tə́?

NGÉ SARYA 1:1

Dan ń Jojue oy kɔ̄ɔ́ anī ngán Israel gə̄ aw̄n̄ koō najə̄ kə́ ta Kɔ́ɔ̄ɓē tə́ yā gerə̄ń ké i náā gə̄ dɔ dáńdə́ tə́ n a aw̄n̄ yā rɔ̄ɔ̄ Kanaan gə̄ kété ní wa.

TA KƏLA 25:22

Ngán gə̄ tɔ́sə̄n̄ naā kem kó̰ó̰də́ tə́, anī kó̰ó̰də́ əda na ré i beé anī ké n-ndān̄ ngōn̄ i yā rāań rí wa. Ni-aw̄ dəje Kɔ́ɔ̄ɓē,

1 SAMUEL 10:21

Ni-əda de kə́ gír ɓē yā Benjamḛ gə̄ tə́ kadə̄ reēn̄ kə gō gír kaa yādə́ gēé, anī wə̄lā əhɔ i de gə̄ kə́ gír kaa yā Matəri tə́. Go tə́ anī dan de gə̄ kə́ gír kaa yā Matəri tə́ ní wə̄lā əhɔ i Saul ngōn̄ Kis, ba sanən̄ sétə́ əngenən̄ alé.

1 SAMUEL 14:37

Tā anī Saul dəje Nə́ɓā na ké kə n-aw̄ ngɔ̄də̄ Pilistin gə̄ tə́ wa. Ké Nə́ɓā a əla Pilistin gə̄ kem jī ngán Israel gə̄ tə́ wa. Banī Nə́ɓā ədan najə̄ ndɔ̄ ń noō tə́ alé.

1 SAMUEL 22:10

Ahimelek sāā dɔn tə́ rɔ̄ Kɔ́ɔ̄ɓē tə́ ba adə̄n yá̰a̰ kəsa ō kaskar yā Goliat kə́ Pilistin ní ō.

1 SAMUEL 23:9

Dan ń Dabid ger̄ kadə̄ Saul a nómə̄n i ni anī əda Abiatar ń i nge tun̄ yá̰á̰ ní kadə̄ reē kə yá̰a̰ ndḛḛ̄ sāá.

1 SAMUEL 30:7

Dabid əda nge tun̄ yá̰á̰ ń i Abiatar ngōn̄ Ahimelek ní na: m̄-rāāī ɓɔ́, ún epod ī-reēń ādə̄m̄. Anī Abiatar un epod reēń adə̄n.

1 SAMUEL 30:8

Dabid dəje Kɔ́ɔ̄ɓē na: Ré m̄-sōn̄g gō ngé ɓogə gə̄ ń noō anī m-ā m-ə́ngédə́ a? Anī Kɔ́ɔ̄ɓē ədan na: Ī-sōn̄g gōdə́ na ā ə́hɔ́də́ ō ā ī-gān̄g dɔ deē yāí gə̄ ō.

2 SAMUEL 2:1

Gō yá̰a̰ gə̄ ń noō tə́ anī, Dabid dəje Kɔ́ɔ̄ɓē na ké kə n-aw̄ kem ɓē kógə̄ḿ kə́ dan ɓē gə̄ yā Juda tə́ wa. Anī Kɔ́ɔ̄ɓē ədan na kə aw̄. Dabid tél dəje Kɔ́ɔ̄ɓē ɓáý to̰ na ké kə n-aw̄ i kem nge kə́ rá tə́ wa. Anī Kɔ́ɔ̄ɓē tél ədan na kə aw̄ kem ɓē kə́ Hebron tə́.

2 SAMUEL 21:1

Dan ń Dabid a o̰o̰ń ɓē ní, ɓō kógə̄ḿ əsō kem ɓēé. Ɓō ní rāā de gə̄ ɓāl̄ mətá. Dabid aw̄ koō taá rɔ̄ Kɔ́ɔ̄ɓē tə́ anī, Kɔ́ɔ̄ɓē ədan na: I ɓōkə́ ń Saul nin̄ kə gír kojə yān gēé ɓōkə́n̄ mósə de gə̄ nang tə́ ní n ɓō əsōń kem ɓēé ní. I tɔ̄l̄ ń ni tɔ̄l̄ Gabaon gə̄ ní.