1 SAMUEL 10:19 - Bibəl ta Sar̄

¹⁹ Ba ɓōólaā ní sḭḭ̄ ī-mbātíī Nə́ɓā yāsí ń ɔr̄sí kɔ̄ɔ́ kum yá̰á̰ kə́ tōr̄ gə̄ tə́ ō, ajəsí dan yá̰á̰ kə́ to kum kaȳ aĺ gə̄ tə́ ō ní, ba ə́daī na kə m-ə̄ndā mban̄g kógə̄ḿ dɔsí tə́ a? Beé ní ī-reēī ī-raī ta kum Kɔ́ɔ̄ɓē tə́ kə gō gír ɓē yāsí gēé ō, kə gō gír kaa yāsí gēé ō.

Bible sar

¹⁹ Ba ɓōólaā ní sḭḭ̄ ī-mbātíī Nə́ɓā yāsí ń ɔr̄sí kɔ̄ɔ́ kum yá̰á̰ kə́ tōr̄ gə̄ tə́ ō, ajəsí dan yá̰á̰ kə́ to kum kaȳ aĺ gə̄ tə́ ō ní, ba ə́daī na kə m-ə̄ndā mban̄g kógə̄ḿ dɔsí tə́ a? Beé ní ī-reēī ī-raī ta kum Kɔ́ɔ̄ɓē tə́ kə gō gír ɓē yāsí gēé ō, kə gō gír kaa yāsí gēé ō.

1 SAMUEL 10:19 Referans Kwoze

1 SAMUEL 12:12

Ba dan ń sḭḭ̄ á̰a̰ī kadə̄ mban̄g yā ngán Amon gə̄ ń i Nahas ní a reē yā rɔ̄ɔ̄sí anī ə́damī na ī-sāāī mban̄g kadə̄ o̰o̰ ɓē dɔsí tə́, tītə̄ kə́ Kɔ́ɔ̄ɓē i mban̄g yāsí alé beē.

1 SAMUEL 8:19

Ngán Israel gə̄ mbātə́n̄ koō yā Samuel ba ədan̄ na: Nge ń noō usəjí alé. Jə-sāā i mban̄g kadə̄ ndi dɔjí tə́,

JOJUE 24:1

Jojue adə̄ gír ɓē gə̄ malang yā ngán Israel gə̄ kánə̄n̄ naā Sisem, ba ni ɓāŕ kum kɔɔ̄ yādə́ gə̄ ō, ngār yādə́ gə̄ ō, ngé gān̄g sarya yādə́ gə̄ ō, ngé ndóō de gə̄ ndū najə̄ yādə́ gə̄ ō, adə̄ reē ran̄ ta kum Kɔ́ɔ̄ɓē tə́,

MISE 5:2

Kɔ́ɔ̄ɓē a əya̰ gír deē yān gə̄ kɔ̄ɔ́ dan kə́rēý tə́. Gō tə́ anī, ndɔ̄ a reē noó kadə̄ dəyá̰ ń sɔɔ̄ kadə̄ ojə ngōn̄ ní, ojə ngōn̄ kə́ dəngam. Ngé gə̄ ń a ndin̄ kə kumdə́ ɓáý gō kɔydə́ kaw̄ sedə́ dɔ ɓē kə́ rang tə́ dɔ gúú tə́ ní, a reēn̄ yā kənge gotə́ Israel gə̄ kadə̄ a ɓoon̄ naā.

TƏ́DA 11:20

Banī ā ə́saī i kə́ njɔ́ḿ gə̄ tə́ nāā kógə̄ḿ. Ā ə́saī dā̰ ní bátə́ kadə̄ teē kó̰ńsí tə́, kadə̄ sēēn ra dɔsí tə́. Tām̄ sḭḭ̄ ī-mbātíī Kɔ́ɔ̄ɓē ń ndi dɔ dáńsí tə́ ní kɔ̄ɔ́ ō, ī-nōōī ta kum Kɔ́ɔ̄ɓē tə́ ə́daī na ké ī-teēī kɔ̄ɔ́ Ejiptə i tām̄ rí tə́ wa ō.

NDŪ NAJƏ̄ 17:14

Loo ń ā ūgə̄ dɔ nang ń Kɔ́ɔ̄ɓē Nə́ɓā yāí a adī tə́ ō, ī-taā dɔ nang ní ī-ndi tū tə́ ō, ba ī-sāā kəndā mban̄g kógə̄ḿ dɔí tə́ tītə̄ yā nápar de kə́ rang gə̄ ń ndin̄ gīrə̄n̄ gidií ní anī,

NGÉ SARYA 8:23

Anī Jedeo̰ ədadə́ na: Mā ō, ngōnə̄ḿ ō, j-a j-o̰o̰ ɓē dɔsí tə́ alé. I Kɔ́ɔ̄ɓē n a o̰o̰ ɓē dɔsí tə́ ní.

1 SAMUEL 10:20

Samuel əda de gə̄ kə́ gír ɓē yā ngán Israel gə̄ tə́ kadə̄ ndɔ́tə̄n̄ malang kə̄ ngɔr. Ba ni túgə̄ wə̄lā anī wə̄lā əhɔ i gír ɓē yā Benjamḛ gə̄.

1 SAMUEL 14:23

Kɔ́ɔ̄ɓē tetə rɔ̄ɔ̄ adə̄ Israel gə̄ ndɔ̄ ń noō tə́ i tītə̄ ń noō. Rɔ̄ɔ̄ ní aw̄ bátə́ mān̄ ɓē kə́ Bet Aben kum kə̄ gidə kə́ nú tə́.

1 SAMUEL 14:38

Anī Saul ɓāŕ ngār gə̄ malang ba ədadə́ na: Ə̄ndāī ma̰ȳ majə á̰a̰ī ké i yá̰á̰ rí kə́ majaĺ n i kə́ rāā ɓōólaā ní wa.

Gōsə̄ najə̄ gə̄ 16:33

De gə̄ túgə̄n̄ wə̄lā yā gerə̄ń yá̰á̰ kə́ bírí, banī i Kɔ́ɔ̄ɓē n i nge kəda najə̄ kə́ dɔ yá̰á̰ tə́ ní.

1 SAMUEL 3:21

Kɔ́ɔ̄ɓē na̰y kə̄ loo rāā tə́ kadə̄ Samuel a̰a̰n Silo. Tɔdɔ̄ Kɔ́ɔ̄ɓē ɔr̄ najə̄ seneé Silo, ba najə̄ ní rāā adə̄ kumən teē dɔ Kɔ́ɔ̄ɓē tə́.

1 SAMUEL 4:1

Ba najə̄ kɔr̄ Samuel i tām̄ yā ngán Israel gə̄ tə́ malang. Ndɔ̄ kə́rēý tə́ anī ngán Israel gə̄ aw̄n̄ yā rɔ̄ɔ̄ Pilistin gə̄. Nin̄ əndān̄ gérger yādə́ i kadə Eben Ejer tə́, banī Pilistin gə̄ əndān̄ yādə́ i Apek.

1 SAMUEL 8:5

ba ədanən̄ na: Ngɔlaā ní ī-tɔgə ngá̰ý ō, ngání gə̄ unən̄ gō njaí aĺ ō ní, ə̄ndā mban̄g kógə̄ḿ dɔjí tə́ ādə̄ gān̄g sarya yājí, tītə̄ ń nápar de gə̄ malang a rāān̄neé ní.