1 SAMUEL 10:1 - Bibəl ta Sar̄

¹ Samuel un yibə̄ ń ətō jīn tə́ kem kūú ní ur dɔ Saul tə́. Gō tə́ anī ɓirə̄n kə̄ rɔ̄n tə́ dagə ba ədan na: I Kɔ́ɔ̄ɓē nəkɔ́ n ur yibə̄ dɔí tə́ kadə̄ ḭ̄ i ngār yā deē yān gə̄ ní.

Bible sar

¹ Samuel un yibə̄ ń ətō jīn tə́ kem kūú ní ur dɔ Saul tə́. Gō tə́ anī ɓirə̄n kə̄ rɔ̄n tə́ dagə ba ədan na: I Kɔ́ɔ̄ɓē nəkɔ́ n ur yibə̄ dɔí tə́ kadə̄ ḭ̄ i ngār yā deē yān gə̄ ní.

1 SAMUEL 10:1 Referans Kwoze

1 SAMUEL 16:13

Samuel un yibə̄ ń kem gajə dā̰á̰ ní ur dɔ Dabid tə́ ta kum ngákó̰o̰n gə̄ tə́. Əla gír i ndɔ̄ ń noō tə́ n Ndíĺ Kɔ́ɔ̄ɓē reēń dɔ Dabid tə́ ní. Gō tə́ anī Samuel ɔr̄ dɔɔ́ ta kaw̄ Rama.

PĀ GƏ̄ 78:71

Unən i gō batə̄ yān gə̄ tə́ n reē seneé, kadə̄ tél nge kul̄ Jakob ń i gír deē yān ní, Israel ń i yá̰a̰ ndəbā yān ní.

1 SAMUEL 9:16

Bírí, kə kum mbang nəkɔ́ ń toō, m-ā m-ə́la kə de kógə̄ḿ kə́ gō nang kə́ Benjamḛ tə́ yā kadī kadə̄ úr yibə̄ dɔn tə́, kadə̄ ni i ngār yā deē yāḿ gə̄ ń i ngán Israel gə̄ ní ō, kadə̄ ɔr̄ deē yāḿ gə̄ kɔ̄ɔ́ jī Pilistin gə̄ tə́ ō. Tɔdɔ̄ m-á̰á̰də́ ō, nōō yādə́ əsō mbīḿ tə́ ō.

PĀ GƏ̄ 2:12

Ī-rɔyī ngōn̄, na sōgə́ wōn̄g rāān anī ā óyiī róbó. Yá̰á̰ kə́ sḛ́ý beē gə̄gē anī wōn̄g rāān kɔ̄ɔ́. De gə̄ malang ń ni i loo ɓɔ̄ɔ̄ rɔ̄ yādə́ ní rɔ̄də́ nel̄də́.

KƏLA RĀĀ 13:21

Gō tə́ anī nin̄ dəjen̄ mban̄g, anī Nə́ɓā adə̄də́ Saul kə́ ngōn̄ Kis. I de kə́ gír ɓē yā Benjamḛ tə́. Ni o̰o̰ ɓē ɓāl̄ kutə sɔ́.

1 SAMUEL 26:11

Ré m̄-tɔ̄l̄ mban̄g ń Kɔ́ɔ̄ɓē ur yibə̄ ngār dɔn tə́ ní anī, ādə̄ mā i yá̰á̰ kə́ to yḛr kum tām̄ yā Kɔ́ɔ̄ɓē tə́. Ní ɔ̄r̄ nənga ń ra kum kə̄ dɔn tə́ noō ō, ún gaĺ man̄ yān ō, ba ādə̄ j-aw̄.

NDŪ NAJƏ̄ 32:9

Tɔdɔ̄ yá̰a̰ yā Kɔ́ɔ̄ɓē i gír deē yān gə̄, tá Jakob i yá̰a̰ kənge yān.

2 MBAN̄G 20:5

kə tél dɔ tə́ kə aw̄ gogə́ rɔ̄ Ejekias, ngār kə́ dɔ gír de gə̄ yān ni Kɔ́ɔ̄ɓē tə́ tə́. Kə ədan na yá̰á̰ ń Kɔ́ɔ̄ɓē Nə́ɓā yā kaan Dabid əda ní n toó: M-ōō ndɔ̄ȳ yāí ō, m-á̰a̰ man̄ kumií ō, adə̄ m-ā m̄-rāā kadə̄ rɔ̄í ngan̄g. Bírí i karī, ba loo tḭ̄ḭ̄ anī ā ásə kaw̄ kem kújə yā Kɔ́ɔ̄ɓē tə́.

2 MBAN̄G 9:1

Elije nge koō ta ɓāŕ deē kógə̄ḿ kə́ dan ɓūtə̄ ngé koō ta gə̄ tə́ ədan na: Ī-do̰ō̰ ɓōdīí ō, ún kū yibə̄ ń toō jīí tə́ ō, ba āw̄ Ramot kə́ Galaad.

JEJU TEĒ KUM JA̰A̰ 5:8

Ba dan ń ni-taā makətūbə̄ ní oy anī, yá̰á̰ kə́ kə kumuú kə́ sɔ́ gə̄ ní ō, kum kɔɔ̄ kə́ kutə jōó gidə i sɔ́ gə̄ ní ō, əsōn̄ kə̄ nang tə́ non tə́. Kənde i jīdə́ gə̄ tə́ kógə̄ḿ kógə̄ḿ ō, kópə gə̄ kə́ rāā kə lɔ́rɔ́ kə́ ítər rosə kem gə̄ i jīdə́ gə̄ tə́ ō. Yá̰a̰ gə̄ ń noō i ndɔ̄ȳ yā de gə̄ kə́ ɔrə̄n̄ kam̄də́ tām̄ yā Nə́ɓā tə́.

HEBƏRO 2:10

Tɔdɔ̄ i gōtə́ kadə̄ Nə́ɓā ń rāā yá̰a̰ malang ō, əhɔ yá̰a̰ malang gotə kógə̄ḿ ō ní, rāā adə̄ Jeju majə ɔtə̄ kə taá, kə ta kūl̄ ka̰a̰ tápə̄. I yā kaw̄ń kə ngáń Nə́ɓā gə̄ ngá̰ý tū kɔsə gɔn yā Nə́ɓā tə́. Tɔdɔ̄ Jeju i nge kajə de gə̄.

1 TESALONIK 5:26

Ī-ɓirī naā kə̄ rɔ̄sí tə́ ī-rāāīneé naā lápə́ya kə́ loo ngákó̰o̰ naā gə̄ tə́.

OJEE 13:2

Ba ɓōólaā Epəraim gə̄ na̰yn̄ kə̄ loo rāā yá̰á̰ kə́ majaĺ tə́ ɓáý: Nin̄ nōōn̄ gində̄ rāān̄ kum gotə yá̰a̰ gə̄ tə́. Nin̄ rāān̄ nə́ɓā kə́ rɔ̄kum aĺ gə̄ kə gində̄ arjā̰a̰ yādə́ ō, kə jīī ger̄ yá̰a̰ yādə́ ō. I kɔdə̄ gə̄ n rāān̄ yá̰a̰ gə̄ ní, banī nin̄ ədan̄ na: Ī-ndējīdə́ yá̰á̰ kə́ tun̄ gə̄! Deē ndul gə̄ əhɔn̄ ngán man̄g gə̄ ɓirə̄n̄də́ dagə kə̄ rɔ̄də́ tə́ wa!

JEREMI 10:16

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír de gə̄ ń nin̄ i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

PĀ GƏ̄ 135:4

Tɔdɔ̄ Kɔ́ɔ̄ɓē gə̄rā Jakob tām̄ yān tə́, ni-rāā Israel i yá̰a̰ yān nəkɔ́ tə́.

1 MBAN̄G GƏ̄ 19:18

Banī m-ā m-ə́ya̰ de gə̄ dūbú sīrí dan ngán Israel gə̄ tə́ kadə̄ ndin̄ kə kumdə́. I de gə̄ ń nin̄-tə́tēn̄ kejədə́ no Baal tə́ aĺ ō, njíbə̄nən̄ kə tadə́ aĺ ō ní.

2 SAMUEL 19:39

Mban̄g əda na: Majə, ādə̄ Kimham aw̄ seḿ. Yá̰á̰ ń nelī ní m-ā m̄-rāā tām̄ yān tə́ ō, yá̰a̰ malang ń ā ī-dəjem̄ ní, m-ā m̄-rāā tām̄ yāí tə́ ō.

2 SAMUEL 5:2

Dan ń Saul o̰o̰ ɓē dɔjí tə́ kété ní, i īkɔ́ n i nge teē kə ngán Israel gēé kaw̄ sedə́ ta rɔ̄ɔ̄ tə́ ō, nge tél sedə́ ō ní. Tá Kɔ́ɔ̄ɓē ədaī na i ḭ̄ n ā ūl̄ Israel gə̄ ń i deē yān gə̄ ní ō, i ḭ̄ n ā ī-ndi ngār dɔdə́ tə́ ō ní.

1 SAMUEL 24:6

Dan ń Dabid rāā yá̰á̰ ń noō oy anī kemən əgan biting tām̄ kūbə̄ yā Saul ń ni-əja ta ní tə́.

1 SAMUEL 13:14

Ba ń toō ní ā ó̰o̰ ɓē kadə̄ dan aw̄ sa̰y to̰ alé. Kɔ́ɔ̄ɓē gə̄rā deē ń kemən nəkɔ́ ndigə ní kɔ̄ɔ́ ɓá ō, ɔjə dɔn kadə̄ i ni n i ngār yā deē yān gə̄ ní ɓá ō. Tɔdɔ̄ ī-rāā yá̰á̰ ń ədaī kadə̄ ī-rāā ní alé.

1 SAMUEL 8:19

Ngán Israel gə̄ mbātə́n̄ koō yā Samuel ba ədan̄ na: Nge ń noō usəjí alé. Jə-sāā i mban̄g kadə̄ ndi dɔjí tə́,

1 SAMUEL 8:9

Beé ní ōō yādə́ ba ɔ́jə́də́ loo ko̰o̰ ń mban̄g a o̰o̰ ɓē dɔdə́ tə́ ní kété ādə̄ gerə̄n̄.

1 SAMUEL 2:10

Kɔ́ɔ̄ɓē a tetə madə̄ ba̰ā̰n gə̄ rɔ̄ɔ̄. Ni a ndi dɔ rā̰ tə́ yā ndángəń rɔ̄n dɔdə́ tə́. Kɔ́ɔ̄ɓē a gān̄g sarya dɔ de gə̄ tə́ bátə́ ta ngóy dɔ nang tə́. A əndā mban̄g yān ń urən̄ yibə̄ ngār dɔn tə́ gə̄rān̄neé ní ō, a adə̄ mban̄g ní tɔ́gə ō, a ɔsə gɔnən ō.

Teē Ngán Israel gə̄ 30:23

Ī-sāā yá̰á̰ kə́ kotə majə majə gə̄, nō kāgə̄ míŕ kə́ to man̄ lāngá mí ō, yibə̄ kāgə̄ sinamon lāngá jōó kə núsə ō, yibə̄ kāgə̄ kanel lāngá jōó kə núsə ō,

1 SAMUEL 9:27

Dan ń ugə̄n̄ ta ngóy ɓē tə́ anī Samuel əda Saul na: ə́da nge kəla yāí ādə̄ mān̄ kété nojí tə́. Nge kəla ní mān̄ kété. Ba Samuel əda ɓáý to̰ na: Ī-dəba ādə̄ m-ə́daī najə̄ yā Nə́ɓā.

1 SAMUEL 12:3

Mā n m̄-rā toó. Ré āwī kə najá seḿ kemsí tə́ anī, ə́daī kə̄ ta kum Kɔ́ɔ̄ɓē tə́ ō, ta kum mban̄g ń ni gə̄rā tə́ ní ō. I náā n m̄-taā man̄g yān aké kərō yān ní? I náā n m-ə́sa tətōn, aké m̄-rāā kumən ndoō tə́ ní? I náā n m̄-taā nar jīn tə́ yā kótəń kumḿ kɔ̄ɔ́ dɔ najə̄ yān tə́ ní? M-ā m̄-téləń yā kadə̄sí gogə́.

1 SAMUEL 15:1

Samuel əda Saul na: I mā n Kɔ́ɔ̄ɓē əlam̄ adə̄ m-úr yibə̄ dɔí tə́ m-ə̄ndāīneé mban̄g dɔ gír deē yān gə̄ ń i Israel gə̄ ní tə́. Adə̄ ōō najə̄ ń Kɔ́ɔ̄ɓē əlam̄ kədaí tə́ ní.

1 SAMUEL 16:1

Kɔ́ɔ̄ɓē əda Samuel na: Mə̄kɔ́ m̄-mbātə́ Saul kɔ̄ɔ́ ō, ni i mban̄g yā ngán Israel gə̄ to̰ aĺ ō, ba ḭ̄ ā ī-to i dan nōōn tə́ bátə́ a? Ī-tūr̄ yibə̄ kem gajə dā̰ yāí tə́ ba ɔ̄r̄ dɔɔ́. M-ə́laī ɓē Jese kə́ Betlehem, tɔdɔ̄ mban̄g ń m̄-gə̄rān ní i dan ngánən gə̄ tə́.

1 SAMUEL 26:9

Dabid əda Abisai na: Ī-lōō tɔ̄lən. Ɔ́jəń na deē a tɔ̄l̄ mban̄g kə́ Kɔ́ɔ̄ɓē ur yibə̄ ngār dɔn tə́ kanjə̄ kənge najə̄ a?

2 SAMUEL 1:14

Dabid əda balsáá ní na: I ba̰ý á ī-ɓōĺ aĺ ba ī-tɔ̄l̄ mban̄g ń Kɔ́ɔ̄ɓē gə̄rān ní ní.

1 MBAN̄G GƏ̄ 1:34

Sadok kə́ nge tun̄ yá̰a̰ ō, Natan kə́ nge koō ta ō, a urən̄ yibə̄ dɔn tə́ loo ń noō tə́ yā kəndānneé mban̄g dɔ Israel gə̄ tə́. Gō tə́ anī ī-kɔ̄ríī tōw̄ gə̄ ō, ə́daī kə ndū boó na kadə̄ dɔ mban̄g Salomo̰ ngan̄g májə́ májə́ ō.

EJEKIEL 16:13

Yá̰á̰ súū rɔ̄ yāí gə̄ i kə́ rāān̄də́ kə lɔ́rɔ́ ō, kə gində̄ arjā̰a̰á̰ ō, kūbə̄ yāí gə̄ i kə́ rāān̄də́ kə lḛ́ḛ́ ō, səwāa ō, ɔsən̄ desḛ̄ḛ tū tə́ ō. Yá̰a̰ kəsa yāí i ndujə̄ kə́ majə ngá̰ý ō, i yibə̄ tejə ō, i yibə̄ kan̄ kāgə̄ olibə ō. I beé n ī-mandəń ngá̰ý al̄ naā ní. Adə̄ gə̄rāīn̄ kadə̄ ḭ̄ i mban̄g kə́ dəyá̰.

1 SAMUEL 15:17

Anī Samuel əda na: Ḭ̄ á̰a̰ rōí i yá̰a̰ aĺ ta kumií īkɔ́ tə́ ɓá tā, ba i ḭ̄ n i dɔ gír ɓē gə̄ yā ngán Israel gə̄ tə́ ní aĺ a? Kɔ́ɔ̄ɓē ur yibə̄ dɔí tə́ kadə̄ ḭ̄ i mban̄g yā ngán Israel gə̄.

2 SAMUEL 20:19

Dɔ nang kə́ Israel tə́ ní yá̰á̰ kə́ reē kə lápə́yaá tɔȳ gotə yá̰a̰ gə̄ malang i ɓē yājí ō, yá̰á̰ kə́ kadə̄ deē ənī kemən adə̄n tɔȳ gotə yá̰a̰ gə̄ malang i ɓē yājí ō. Banī ḭ̄ ī-sāā nujə ɓē kə́ bo kə́ dan madə̄ gə̄ tə́ dɔ nang kə́ Israel tə́. Yá̰á̰ ń i yá̰a̰ yā Kɔ́ɔ̄ɓē ní ī-sāā nujəń i tām̄ rí tə́?

2 MBAN̄G 9:12

Anī nin̄ tél ədanən̄ na: Ḭ̄ ī-sor̄ i mbée, ə́dájí najə̄ ń ədaī ní. Yehu tél ədadə́ na: Najə̄ malang ń ɔr̄ seḿ ní n toó: Kɔ́ɔ̄ɓē əda na: M-ə̄ndāī mban̄g kə́ Israel tə́.