1 SAMUEL 1:8 - Bibəl ta Sar̄

⁸ ngaan dəjen najə̄ əda na: Ana ā ī-nōō i rí? Ī-mbātə́ kəsa yá̰a̰ i tām̄ rí tə́? I ba̰ý á rɔ̄í nelī aĺ beē? Mā i só tə́ ngá̰ý tām̄ yāí tə́ tɔȳ ngání kə́ dəngam gə̄ kutə kógə̄ḿ aĺ a?

Bible sar

⁸ ngaan dəjen najə̄ əda na: Ana ā ī-nōō i rí? Ī-mbātə́ kəsa yá̰a̰ i tām̄ rí tə́? I ba̰ý á rɔ̄í nelī aĺ beē? Mā i só tə́ ngá̰ý tām̄ yāí tə́ tɔȳ ngání kə́ dəngam gə̄ kutə kógə̄ḿ aĺ a?

1 SAMUEL 1:8 Referans Kwoze

RUTƏ 4:15

Ngōn̄ kaaí ní a rāā kadə̄ dɔí a ḭḭ dɔɔ́ wáńg wáńg ō, a ngɔ̄m̄ ɓə́gáí ō. Umií kə́ dəyá̰ i só tə́ tɔȳ ngání kə́ dəngam gə̄ sīrí. Tɔdɔ̄ ni tariī ō, ojə ngōn̄ kaaí ń toō adī ō.

IJAI 54:6

Tɔ́gí ur̄ wak tītə̄ dəyá̰ kə́ əya̰nən̄ kɔ̄ɔ́ beē. Banī Kɔ́ɔ̄ɓē tél ɓāríī gogə́. A̰á̰ā̰, Nə́ɓā yāí əda na: Dəyá̰ ń deē gə̄rā dan balsáan tə́ ní, deē asə mbātə́n rɔ̄kum a?

Makətūbə̄ yā Job 6:14

Deē ń tɔ́gən gətóo kɔ̄ɔ́ ní, i gáŕ kadə̄ deē madə̄n a̰a̰ kum tō ndoō yān. Aĺ ɓáa ni a əya̰ ɓōĺ ndíĺ Nə́ɓā kə́ tɔ́gən i ngá̰ý kɔ̄ɔ́.

1 TESALONIK 5:14

Ngákó̰ó̰jí gə̄, jə-rāāsí ɓɔ́ ba ī-gɔŕyɔ̄ī ngé yay gə̄ ō, ə́laī go̰ kem ngé ɓōĺ gə̄ tə́ ō, ī-rāāī kə ngé tɔ́gə gətóo gə̄ ō. Ī-tə́gāī tasí dɔ de gə̄ tə́ malang ō.

JA̰A̰ 20:15

Jeju dəjen najə̄ ədan na: Dəyá̰, ā ī-nōō i rí? Ā ī-sāā i náā? Mari ɔjəń na i nge ndɔr̄ loo ní, adə̄ ədan na: Kɔ́ɔ̄ɓē, ré i ḭ̄ n únən anī, ɔ́jəm̄ loo ń ə̄nīn tū tə́ ní ādə̄ m-āw̄ m-únən.

JA̰A̰ 20:13

Nin̄-dəjen̄ najə̄ ədan̄ na: Dəyá̰, ā ī-nōō i rí? Ni-tél ədadə́ na: I tɔdɔ̄ unən̄ Kɔ́ɔ̄ɓē yāḿ kɔ̄ɔ́, ba m̄-ger̄ loo ń ənīnən̄ tū tə́ ní alé.

PĀ GƏ̄ 43:4

Loo ń noō tə́ m-ā m-ūgə̄ loo tun̄ yá̰a̰ yāí tə́, rɔ̄í ḭ̄ ń i nge rāā kadə̄ m̄-ndām̄ ndām̄ rɔ̄nel̄ ní tə́. M-ā m-ún kənde yāḿ kə̄ jīḿ tə́ yā kugə ɓōkíīneé tɔ̄ȳ, ḭ̄ ń i Nə́ɓā yāḿ ní!

IJAI 54:1

Jerusalem, ḭ̄ ń kété ə́nge ngōn̄ aĺ ní, ī-rāā rɔ̄nel̄! Ḭ̄ ń kété ī-ger̄ rɔ̄tōr̄ yā kojə ngōn̄ aĺ ní, úr kɔĺ rɔ̄nel̄ ō, ādə̄ rɔ̄í nelī ō. Kɔ́ɔ̄ɓē ədaī na: Ḭ̄ dəyá̰ ń əya̰īn̄ kɔ̄ɔ́ ní, ngɔlaā ngání gə̄ i ngá̰ý tɔȳ yā dəyá̰ ń ngaan i noó ní.

2 MBAN̄G 8:12

Hajael dəjen na: Kɔ́ɔ̄ḿ, ā ī-nōō i rí? Elije tél ədan na: m̄-nōō i tɔdɔ̄ m̄-ger̄ yá̰á̰ kə́ majaĺ ń ā ī-rāā yā rāā kə ngán Israel gēé ní: Ā ī-tə́la hor dɔ ɓē kə́ ngan̄g yādə́ gə̄ tə́ ō, ā ī-tɔ̄l̄ balsáa yādə́ gə̄ kə kaskaraá ō, ā ī-rējə̄ ngáńdə́ kə́ dūú gə̄ ō, ā ī-njár̄ kem dəyá̰ yādə́ kə́ ndān̄ ngán gə̄ ō.

1 SAMUEL 1:7

Adə̄ kə dɔ ɓāl̄ gə̄ ń noō ré Ana aw̄ kem kújə yā Kɔ́ɔ̄ɓē tə́ anī, yá̰á̰ ń Elkana a rāā seneé ní n noó ō, yá̰á̰ ń Penina a rāā seneé ní n noó ō. Ɓāl̄ kə́rēý tə́ dan ń Ana mbātə́ kəsa yá̰a̰ ba ndi a nōō ní anī,