1 SAMUEL 1:3 - Bibəl ta Sar̄

³ Dəngam ní a ḭḭ ɓē yān tə́ kə dɔ ɓāl̄ gə̄ a aw̄ Silo kɔsə non nang tə́ no Kɔ́ɔ̄ɓē nge tɔgə yá̰a̰ malang tə́ ō, tun̄ yá̰a̰ kadə̄n tə́ ō. Ngán Eli kə́ jōó gə̄ ń i Hopəni nin̄ kə Pinas ní n i ngé tun̄ yá̰a̰ gə̄ yā Kɔ́ɔ̄ɓē kə́ kem ɓē kə́ Silo tə́ ní.

Bible sar

³ Dəngam ní a ḭḭ ɓē yān tə́ kə dɔ ɓāl̄ gə̄ a aw̄ *Silo kɔsə non nang tə́ no Kɔ́ɔ̄ɓē nge tɔgə yá̰a̰ malang tə́ ō, tun̄ yá̰a̰ kadə̄n tə́ ō. Ngán Eli kə́ jōó gə̄ ń i Hopəni nin̄ kə Pinas ní n i *ngé tun̄ yá̰a̰ gə̄ yā Kɔ́ɔ̄ɓē kə́ kem ɓē kə́ *Silo tə́ ní.

1 SAMUEL 1:3 Referans Kwoze

Najə̄ kə́ Majə yā Jeju ń Luk ndang ní 2:41

Ngé kojə Jeju gə̄ a aw̄n̄ Jerusalem rāā nāā Pákə tə́ i kə dɔ ɓāl̄ gə̄.

JOJUE 18:1

Dan ń ngán Israel gə̄ taān̄ ɓē malang oy anī, kánə̄n̄ naā Silo, ba udən̄ kújə kənge naā kemeé.

Teē Ngán Israel gə̄ 34:23

Dəngam gə̄ malang kə́ gír yāsí tə́ a reēn̄ ta kumḿ mā Kɔ́ɔ̄ɓē Nə́ɓā yā Israel tə́ nja mətá kə dɔ ɓāl̄ gēé.

Teē Ngán Israel gə̄ 23:14

Ā ī-rāāī nāā nja mətá kə dɔ ɓāl̄ gēé yā rɔȳm̄neé.

1 SAMUEL 1:21

Teē ɓāl̄ kə́ rang tə́ anī ngaan Elkana aw̄n̄ nin̄ kə de kə́ ta kújə yān tə́ gə̄ malang kadə̄ Kɔ́ɔ̄ɓē yá̰a̰ tun̄ kə́ kə dɔ ɓāl̄ gə̄ tə́ ō, rāā yá̰á̰ ń ni-ənī ndūn yā rāā kadə̄ Kɔ́ɔ̄ɓē tə́ ní ō,

1 SAMUEL 1:9

Dan ń əsan̄ yá̰a̰ ō, a̰ȳn̄ yá̰a̰ ō, loo kə́ Silo tə́ gír gān̄g anī, Ana ḭḭ dɔɔ́ aw̄ ta róbə́ kə́ yā kudəń kə̄ kem kújə yā Kɔ́ɔ̄ɓē tə́ tə́. Eli ń i nge tun̄ yá̰á̰ ní ndi dɔ kōmbēré yān tə́ ta róbə́ kújə́ ní tə́.

NDŪ NAJƏ̄ 16:16

De kə́ dəngam gə̄ malang a aw̄n̄ yā ra ta kum Kɔ́ɔ̄ɓē Nə́ɓā yāí tə́ nja mətá kem ɓāl̄ kógə̄ḿ kə dɔ ɓāl̄ gə̄ loo ń ni a gə̄rā tə́ ní. A aw̄n̄ yā rāā nāā mápa kə́ kanjə̄ kaa mápa ō, nāā sāā kōō ō, nāā kújə́ kámbə gə̄ ō. Deē a aw̄ yā ra ta kum Kɔ́ɔ̄ɓē tə́ jīn karī alé.

NGÉ SARYA 18:31

Nin̄-ngɔ̄mə̄n̄ ɓesə̄ kə́ tɔ́l yā Mika ní adə̄ ra loo ń udənən̄ tū tə́ ní bátə́ ndɔ̄ ń kújə yā Nə́ɓā gətóoń Silo tə́ ní.

PĀ GƏ̄ 78:60

Ni əya̰ kújə́ kə́ Silo kɔ̄ɔ́, kújə tandā ń ni udə dan de gə̄ tə́ ní.

1 SAMUEL 4:11

Sandúkə yā Nə́ɓā i kə́ kun kɔ̄ɔ́ ō, ngán Eli kə́ dəngam kə́ jōó gə̄ ń i Hopəni nin̄ kə Pinas ní oyn̄ ō.

1 SAMUEL 4:4

Ngán Israel gə̄ əlan̄ de gə̄ Silo adə̄ aw̄ reēn̄ kə sandúkə madə̄ naā yā Kɔ́ɔ̄ɓē nge tɔgə yá̰a̰ malang ń ndi dɔ de kə́ dɔ rā̰ tə́ gə̄ kə́ ngé ngɔ̄m̄ loo gə̄ tə́ ní. Ngán Eli kə́ jōó gə̄ ń i Hopəni nin̄ kə Pinas ní, nin̄ i kadə sandúkə madə̄ naā yā Nə́ɓā tə́.

1 SAMUEL 3:13

Ngɔlaā ní m̄-tāān adə̄ āw̄ ə́dan na m-ā m̄-gān̄g sarya kə́ ngándáńg dɔ de kə́ ta kújə yān tə́ gə̄ tə́, tām̄ yá̰á̰ kə́ majaĺ ń ni-rāā tə́ ní. Yá̰á̰ kə́ majaĺ ní i ngánən gə̄ ń a̰a̰mə̄n̄ adə̄ mā i yá̰a̰ aĺ ta kumdə́ tə́ ō, ni ger̄ ō, ba əya̰də́ dɔ háĺdə́ tə́ ní.

1 SAMUEL 2:34

Yá̰á̰ ń ā ī-gerə̄ń kadə̄ najə̄ ń m-ə́da toó i najə̄ kə́ rɔ̄kum ní, i yá̰á̰ ń a rāā yā reē kə̄ dɔ ngání kə́ dəngam kə́ jōó gə̄ ń i Hopəni nin̄ kə Pinas ní tə́: Nin̄ jōó mbak a oyn̄ ndɔ̄ kógə̄ḿ beē.

Teē Ngán Israel gə̄ 23:17

De kə́ dəngam kə́ gír yāsí tə́ gə̄ malang a reēn̄ yā ra ta kumḿ mā Kɔ́ɔ̄ɓē Nə́ɓā yāsí tə́ nja mətá kə dɔ ɓāl̄ gə̄.

NGÉ SARYA 21:19

Loo ń noō tə́ əga kemdə́ dɔ tə́ kadə̄ sḛ́ý ɓáa na a rāān̄ nāā yā Kɔ́ɔ̄ɓē tītə̄ kə́ kə dɔ ɓāl̄ gə̄ kem ɓē kə́ Silo tə́. Deē ra Betel anī Silo i kə̄ dām̄ mbɔ́r ɓē kə́ ko̰ó̰ tə́, ba ré ra Lebona anī i kə̄ dām̄ mbɔ́r ɓē kə́ geleé tə́. Ré deē ra dɔ róbə́ ń ḭḭ Betel a aw̄ kə̄ Sisem ní tə́ anī i kə̄ dām̄ kə́ gír ɓē tə́.

1 SAMUEL 2:19

Kə dɔ ɓāl̄ gə̄ ń noō kó̰o̰n a ur̄ ngōn̄ kūbə̄ kūl̄ a aw̄ń adə̄n. A aw̄ń i dan ń nin̄ kə ngaaneé a aw̄n̄ Silo tun̄ yá̰á̰ kə́ kə dɔ ɓāl̄ gēé tə́ ní.

1 SAMUEL 14:3

Deē ń epod i jīn tə́ ní i Ahia ngōn̄ Ahitub. Ahitub i ngōkó̰o̰ Ikabod kə́ ngōn̄ Pinas. Pinas i ngōn̄ Eli ń kété i nge tun̄ yá̰a̰ yā Kɔ́ɔ̄ɓē kem ɓē kə́ Silo tə́ ní. Jonatan ń aw̄ ní de gə̄ gerə̄n̄ gōn alé.