1 SAMUEL 1:17 - Bibəl ta Sar̄

¹⁷ Tā anī Eli əda na: Āw̄ kə kem sɔlɔ́ ō, ādə̄ Nə́ɓā yā Israel adī yá̰á̰ ń ī-dəjen ní ō.

Bible sar

¹⁷ Tā anī Eli əda na: Āw̄ kə kem sɔlɔ́ ō, ādə̄ Nə́ɓā yā *Israel adī yá̰á̰ ń ī-dəjen ní ō.

1 SAMUEL 1:17 Referans Kwoze

MARK 5:34

Banī Jeju ədan na: Ngōnə̄ḿ, taā kem yāí ajiī. Āw̄ kə kem sɔl̄ lɔmɔɔ́, ba ādə̄ ḭ̄ i de kə́ gír mo̰y yāí gān̄g kɔ̄ɔ́.

NGÉ SARYA 18:6

Nge tun̄ yá̰á̰ ní ədadə́ na kə lōōn̄ sōl̄ yá̰á̰ kógə̄ḿ, tām̄ Kɔ́ɔ̄ɓē na i sedə́ naā tə́ dɔ róbə mbā yādə́ tə́.

2 MBAN̄G 5:19

Elije tél ədan na: āw̄ lápə́ya! Loo ń noō tə́ Naaman ɔtə aw̄. Dan ń Naaman ɔtə rɔ̄ Elije tə́ aw̄ ɓēé teē sa̰y ngá̰ý aĺ ɓáý anī,

1 SAMUEL 25:35

Dabid taā yá̰á̰ ń Abigail reēń kadə̄n tə́ ní jīn tə́ ba ədan na: Ī-tél āw̄ gogə́ ɓēé kə kemií kə́ sɔl̄ lɔmɔɔ́. Á̰a̰ā̰, m̄-ndigə yá̰á̰ ń ī-rāām̄ ɓɔ́ najə̄n tə́ ní.

Najə̄ kə́ Majə yā Jeju ń Luk ndang ní 7:50

Banī Jeju əda dəyá̰ ní na: Āw̄ kə kem sɔl̄ lɔmɔɔ́ na taā kem yāí ajiī.

Najə̄ kə́ Majə yā Jeju ń Luk ndang ní 8:48

Anī Jeju ədan na: Ngōnə̄ḿ, taā kem yāí ajiī, ba āw̄ kə kem sɔl̄ lɔmɔɔ́.

1 YÁ̰A̰ GƏ̄ 4:10

Yabes ndɔ̄ȳ Nə́ɓā əda na: Nə́ɓā yā Israel, ī-rāā majə seḿ, ī-teē kem dɔ nang yāḿ kə̄ gogə́ adə̄m̄ ō, ə̄ndā jīí dɔḿ tə́ ī-ngɔ̄m̄ə̄m̄neé ō, ādə̄ yá̰á̰ kə́ to kum kaȳ aĺ teē dɔḿ tə́ aĺ ō, ādə̄ m-á̰á̰ tápə̄ aĺ ō. Anī Nə́ɓā rāā yá̰á̰ ń ni dəjen ní.

1 SAMUEL 29:7

ī-tél āw̄ kə kem kə́ sɔl̄ lɔmɔɔ́. I beé n ā ī-rāań yá̰á̰ kə́ nel̄ ngār kə́ bo gə̄ yā Pilistin gə̄ aĺ alé ní.

TA KƏLA 25:21

Isaak rāā Kɔ́ɔ̄ɓē ɓɔ́ tām̄ yā nə̄yá̰n tə́, tɔdɔ̄ nə̄yá̰n i dəyá̰ kə́ kujə. Anī Kɔ́ɔ̄ɓē a̰a̰ kum tō ndoō yān, adə̄ nə̄yá̰n Rebeka un mósə ngōn̄, ndān̄ i ndəngā gə̄.

1 SAMUEL 1:16

Ī-lōō rāām̄ mā nge kəla yāí dəyá̰ kə́ hálən nujə kɔ̄ɔ́ tə́. Tɔdɔ̄ i gír̄ najə̄ kə́ tɔȳ dɔḿ ngá̰ý ō, i wurəḿ kə́ ɔlə̄m̄ ngá̰ý ō n ndḛḛ̄ kadə̄ m-ɔ̄rəń najə̄ dan i ngá̰ý ní.

1 SAMUEL 1:23

Ngaan Elkana tél ədan na yá̰á̰ ń a̰a̰ ta kumən tə́ kadə̄ i yá̰á̰ kə́ majə ní kə rāā. Kə ndi kə ngōn̄ ní bátə́ kadə̄ ɔrə̄n ta mba tə́, ba kadə̄ Kɔ́ɔ̄ɓē rāā yá̰á̰ ń ənī ndūn yā rāā ní. Adə̄ Ana tél ndi gogə́ Rama adə̄ń ngōn̄ mba bátə́ ɔrə̄nneé ta mba tə́.

1 SAMUEL 20:42

Jonatan əda Dabid na: Āw̄ kə kem sɔlɔ́. Ba ādə̄ əga kemií dɔ madə̄ naā ń jə-túbə j-adə̄ naā j-əhɔń kə rī Kɔ́ɔ̄ɓēé ní tə́. Ādə̄ Kɔ́ɔ̄ɓē ra dɔ dáńjí tə́ ō, dɔ dáń ngáńjí gə̄ tə́ ō, ngán kaají gə̄ tə́ ō, bátə́ ta kaw̄ jóo.

2 SAMUEL 15:9

Mban̄g tél əda Absalom na: Āw̄ kə kem sɔlɔ́. Anī ni-aw̄ Hebron.