1 SAMUEL 1:1 - Bibəl ta Sar̄

¹ De kógə̄ḿ ndi Ramataim Sopim, gō nang kə́ mbalá yā Epəraim tə́. Rī deē ní na i Elkana. Ni i ngōn̄ Yeroam kə́ ngōn̄ Elihu, kə́ ngōn̄ Tohu, kə́ ngōn̄ Supə ń i de kə́ Epərata ní.

Bible sar

¹ De kógə̄ḿ ndi Ramataim Sopim, gō nang kə́ mbalá yā *Epəraim tə́. Rī deē ní na i Elkana. Ni i ngōn̄ Yeroam kə́ ngōn̄ Elihu, kə́ ngōn̄ Tohu, kə́ ngōn̄ Supə ń i de kə́ Epərata ní.

1 SAMUEL 1:1 Referans Kwoze

1 YÁ̰A̰ GƏ̄ 6:34

Aaro̰ nin̄ kə ngánən gēé rāān̄ i kəla róō dā̰ kə́ tun̄ gə̄ dɔ loo tun̄ yá̰á̰ kə́ róó tə́ ō, i kəla róō ndujə̄ yá̰á̰ kə́ kotə majə gə̄ dɔ loo róō ndujə̄ yá̰á̰ kə́ kotə majə gə̄ tə́ ō. Nin̄ i ngé kəndā kumdə́ gíŕ yá̰a̰ malang kə́ kem loo kə́ táĺ ngá̰ý tə́ ō, ngé rāā yá̰á̰ kə́ yā kadə̄ Nə́ɓā mā̰yń rɔ̄n dɔ majaĺ tə́ tām̄ yā ngán Israel gə̄ tə́ ō. Nin̄-unən̄ i gō yá̰a̰ malang ń Moijə nge kəla yā Nə́ɓā əda ni n rāān̄neé yá̰a̰ gə̄ ń noō ní.

1 SAMUEL 1:19

Elkana nin̄ kə deē yān gēé ḭḭn̄ dɔɔ́ kə gír looí ɓatə ngá̰ý ba aw̄ ɔsən̄ nodə́ nang tə́ no Kɔ́ɔ̄ɓē tə́ rɔȳnən̄neé. Gō tə́ anī tél aw̄n̄ gogə́ ɓē yādə́ tə́ Rama. Elkana ɓīī kə nə̄yá̰n Ana, anī əga kem Kɔ́ɔ̄ɓē dɔ Ana tə́,

RUTƏ 1:2

Rī deē ní na i Elimelek ba rī nə̄yá̰n na i Noemi. Ngánən kə́ dəngam kə́ jōó gə̄ ní rī nge kə́ kógə̄ḿ na i Malon ō, rī kə́rēý na i Kilyon ō. Nin̄ i Epərata gə̄. Dan ń ndin̄ dɔ nang kə́ Moab tə́ ní,

1 SAMUEL 17:12

Dabid i ngōn̄ Jese ń gír kaan i Epərata ní. Jese ndi ɓē i Betlehem kə́ Juda tə́. Ngánən kə́ dəngam gə̄ i sɔ́sɔ́. Ɓāl̄ yā Saul tə́ ní, Jese tɔgə kɔ̄ɔ́ adə̄ asə kaw̄ ta rɔ̄ɔ̄ tə́ to̰ alé ba əla i kə de gēé.

1 SAMUEL 9:5

Dan ń rēē ugə̄n̄ dɔ nang kə́ Supə tə́ anī Saul əda nge kəla ń dānə̄n ní na: Jə-tél j-aw̄ gogə́ ɓēé. m̄-ɓōĺ najə̄ kadə̄ bɔbə́ḿ gír̄ dɔ kó̰o̰ kərō gə̄ ní tə́ to̰ alé ba tél a sōl̄ i jí jḭḭ.

NGÉ SARYA 19:1

Dan ngeé ń noō tə́ ní mban̄g gətóo dɔ nang kə́ Israel tə́. Ngōn̄ Lebi kógə̄ḿ kə́ ndi i ta ngóy dɔ nang kə́ mbalá yā Epəraim tə́ taā də̄yá̰ gidə ndogə̄ kem ɓē kə́ Betlehem tə́, dɔ nang kə́ Juda tə́.

NGÉ SARYA 17:1

De kógə̄ḿ ndi gō nang kə́ mbalá yā Epəraim tə́, rīn na i Mika.

MATIYE 27:57

Loo tíbí anī, de kə́ nge yá̰a̰ kal̄ loo kógə̄ḿ kə́ kem ɓē kə́ Arimate tə́ reē ugə̄. Rīn na i Jəjep. Ni i nge ndóō yá̰a̰ yā Jeju ō.

NGÉ SARYA 12:5

Galaad gə̄ taān̄ loo gə̄ ń de gə̄ a udən̄ man̄ tū tə́ kum bā Jurdḛ tə́ ní yā gāngəń gír Epəraim gə̄. Adə̄ ré deē kógə̄ḿ kə́ Epəraim tə́ a̰ȳ ta rɔ̄ɔ̄ tə́ əda na: Ə́ya̰m̄ ādə̄ m-údə man̄ m̄-teē kə̄ gidə kə́ nú tə́, anī Galaad gə̄ a dəjenən̄ na: Ḭ̄, i Epəraim a? Ba ré deē ní tél əda na: A̰á̰,

JOJUE 24:33

Eleajar ngōn̄ Aaro̰ oy ō. Dubə̄nən̄ i dɔ ngōn̄ mbal̄ ń adə̄n̄ ngōnən Pinas ní tə́ gō nang kə́ mbalá yā Epəraim tə́.

1 MBAN̄G GƏ̄ 11:26

Jeroboam mbātə́ najə̄ yā mban̄g. Najə̄ yān ní n toō: Jeroboam ngōn̄ Nebat i de kə́ gír ɓē yā Epəraim tə́. Rī ɓē yān na i Sereda ō, rī kó̰o̰n na i Serua ō. Kó̰o̰n i dəyá̰ kə́ ngaa koy. Nəkɔ́ Jeroboam i nge kəla yā Salomo̰ banī mbātə́ najə̄ yā Salomo̰ kɔ̄ɔ́. Dan ń Salomo̰ a rāań Milo ō, a utə̄ń kum bəlo kə́ tū ndogə̄ mbal̄ kə́ gidə ɓē yā Dabid tə́ ō ní,

RUTƏ 4:22

Obed ojə Jese, ba Jese ojə Dabid.

1 SAMUEL 2:11

Gō tə́ anī Elkana tél aw̄ gogə́ ɓē yān kə́ Rama tə́. Ba ngōn̄ tá na̰y gogə́ Silo yā rāā kəla yā Kɔ́ɔ̄ɓē ta kum Eli nge tun̄ yá̰á̰ tə́.

1 SAMUEL 7:17

Pá tá a tél a aw̄ gogə́ ɓēé Rama ɓáý. Tɔdɔ̄ kújə yān i noó ō, a gān̄g sarya yā Israel gə̄ i noó ō, rāā loo tun̄ yá̰a̰ yā Kɔ́ɔ̄ɓē i noó ō.

1 YÁ̰A̰ GƏ̄ 6:22

Tahat kə́ ngōn̄ Asir kə́ ngōn̄ Abiasap kə́ ngōn̄ Kore kə́ ngōn̄

1 YÁ̰A̰ GƏ̄ 6:33

Gotə kəla kə́ rang gə̄ malang kə́ kem kújə yā Nə́ɓā tə́ ní i ngákó̰ó̰də́ kə́ rang gə̄ kə́ gír ɓē yā Lebi tə́ gə̄ n ə̄ndān̄də́ ta tə́ adə̄ a rāān̄ ní.

NGÉ SARYA 4:5

Ni a ndi i gír kāgə̄ túmbur ń a ɓārə́n̄ na i túmbur yā Debora ní tə́ n a gāngəń sarya ní. I dɔ dán ɓē kə́ Rama kə ɓē kə́ Betel, gō nang kə́ mbalá yā Epəraim tə́. Ngán Israel gə̄ aw̄n̄ kə saryaá rɔ̄n tə́ i loo ń noō tə́.

1 SAMUEL 9:4

Saul nin̄ kə nge kəla ní unən̄ gō nang kə́ mbalá yā Epəraim malang ō, gō nang yā Salisa malang ō, ba əngen̄ kó̰o̰ kərō gə̄ ní alé. Unən̄ gō nang yā Salim banī əngen̄də́ aĺ ɓáý. Unən̄ gō nang yā Benjamḛ banī əngen̄də́ aĺ ɓáý to̰.

1 YÁ̰A̰ GƏ̄ 6:12

Eliab ō, Yeoram ō, Elkana ō.