1 PIYER 5:9 - Bibəl ta Sar̄

⁹ Ī-raī ngan̄g dɔ taā kem yāsí tə́ ō, ī-dumī tan ō. Tɔdɔ̄ ī-gerī kadə̄ ngákó̰ó̰sí kə́ dɔ nang tə́ gə̄ ndin̄ i kum tápə̄ kə́ kógə̄ḿ beē nəkɔ́ ń toō tə́ ō.

Bible sar

⁹ Ī-raī ngan̄g dɔ taā kem yāsí tə́ ō, ī-dumī tan ō. Tɔdɔ̄ ī-gerī kadə̄ ngákó̰ó̰sí kə́ dɔ nang tə́ gə̄ ndin̄ i kum tápə̄ kə́ kógə̄ḿ beē nəkɔ́ ń toō tə́ ō.

1 PIYER 5:9 Referans Kwoze

JAKƏ 4:7

I beé ní ə́laī dɔsí gíŕ tɔ́gə yā Nə́ɓā tə́, ba ī-mbātíī najə̄ gō diabəl tə́, anī ni a a̰ȳsí kɔ̄ɔ́.

KƏLA RĀĀ 14:22

Nin̄-mbūsə̄n̄ ngé taā kem gə̄ kə najá ō, əlan̄ go̰ kemdə́ tə́ kadə̄ ran̄ ngan̄g dɔ taā kem yādə́ tə́ ō. Nin̄-ədan̄də́ na: I gáŕ kadə̄ wur kɔl əsō dɔjí tə́ pá tá j-a j-udiī kem Ɓē ko̰o̰ yā Nə́ɓā tə́ ɓáý.

1 PIYER 2:21

Tɔdɔ̄ yá̰á̰ kə́ tōr̄ rāā Kərist tām̄ yāsí tə́. Ni-ɔjəsí i yá̰á̰ kə́ kadə̄ ī-ndájī, kadə̄ úniī gō tóon.

1 KORḚNTƏ 10:13

Yá̰a̰ nāā gə̄ malang ń nāān̄neésí ní, i yá̰a̰ nāā gə̄ kə́ asən̄ gō tɔ́gə deē tə́. Nə́ɓā i de kə́ nge ra dɔ ndūn tə́, adə̄ ni a əya̰ kadə̄ nāā tɔȳ tɔ́gə́sí alé. Ni a adə̄sí tɔ́gə́ kə́ kadə̄ ī-tə́gāīneé tasí ta yá̰a̰ nāā tə́ ō, a rāā ta róbə kə́ kadə̄ ī-teēīneé kɔ̄ɔ́ ta tə́ ō.

2 TIMOTE 3:12

Tá de gə̄ malang ń ndigən̄ rāā yá̰a̰ kə gō ń Nə́ɓā ndigə ní, kə gō ɓoo naā yādə́ kə Kərist Jeju ní, a rāān̄də́ ndoō tə́ ō.

EPEJƏ 6:16

Úniī dér ń i taā kem yāsí ní, ī-ndiīneé tū yá̰a̰ gə̄ tə́ malang. Ā ī-tɔ̄lī hor gərā gə̄ ń ndíĺ kə́ nge ngól̄ loo gə̄ a túrəńsí ní i kə ta kūl̄neé.

1 PIYER 3:14

Ká ré i kadə̄ á̰a̰ī tápə̄ najə̄ yā yá̰á̰ kə́ gōtə́ kə́ ī-rāāī tə́ gə̄gē anī, rɔ̄sí nel̄sí. Ī-ɓōlíīdə́ aĺ ō, ī-lōōī kadə̄ ndíĺsí a̰ȳ ō.

HEBƏRO 11:33

I kə ta kūl̄ taā kem n nin̄-tetən̄ ɓē ko̰o̰ gə̄ rɔ̄ɔ̄ ō, rāān̄ adə̄ de gə̄ rāān̄ háĺ kə́ gōtə́ ō, əngen̄ yá̰a̰ gə̄ ń Nə́ɓā ənī míndən dɔ tə́ yā kadə̄də́ ní ō. Nin̄-utə̄n̄ ta ɓɔl gə̄ ō,

1 TIMOTE 6:12

Ī-rɔ̄ɔ̄ rɔ̄ɔ̄ kə́ majə yā taā kem ō, ə́hɔ ndi kə kumuú kə́ ngándáńg ō. Tɔdɔ̄ ndɔ̄ ń ə́dań najə̄ taā kem yāí ta kum de kə́ ngá̰ý gə̄ tə́ ní, Nə́ɓā ɓāríī kadə̄ ī-ger̄ ndi kə kumuú kə́ ngándáńg ngeé ń toō.

1 TESALONIK 3:3

Yā kadə̄ yá̰á̰ kə́ tōr̄ gə̄ ń a rāān̄jí toō, ɔr̄ tɔ́gə deē kógə̄ḿ dansí tə́ alé. Tɔdɔ̄ sḭḭ̄ kɔ́ gə̄ ī-gerī kadə̄ Nə́ɓā əndā dɔ yá̰á̰ ń noō danaá kɔ̄ɔ́ ɓá tām̄ yājí tə́,

EPEJƏ 4:27

Ādī diabəl ta róbə kadə̄ o̰o̰ń ɓē dɔsí tə́ alé.

JEJU TEĒ KUM JA̰A̰ 6:11

Anī adə̄n̄də́ kūbə̄ ngāl̄ kə́ ndaa kógə̄ḿ kógə̄ḿ kə dɔdə́ gēé, ba ədan̄də́ na kə tə́gān̄ tadə́ sḛ́ý ɓáý kə ngóōn̄neé bátə́ kadə̄ madə̄ kəladə́ gə̄ ō, ngákó̰ó̰də́ gə̄ ō ń kadə̄ tɔ̄lə̄n̄də́ tītə̄ yādə́ ní, kutədə́ kə asə naā pá tá.

1 PIYER 4:13

Banī ī-rāāī rɔ̄nel̄, tām̄ yá̰á̰ kə́ tōr̄ ń rāāsí tītə̄ ń rāań Kərist ō ní tə́. Yā kadə̄ ndɔ̄ń tə́ ré kɔsə gɔn yān a ɔjə rɔ̄n kə̄ ndágá anī, rɔ̄sí nelə̄ńsí ngá̰ý ō.

1 PIYER 1:6

Ká ré yá̰á̰ kə́ tōr̄ gə̄ a reēn̄ dɔsí tə́ yā nāāsí yā kadə̄ rɔ̄sí nel̄sí aĺ gə̄gē anī, ī-rāāī rɔ̄nel̄ najə̄n tə́.

KOLOSƏ 2:5

Ká ré m̄-gətóo dansí tə́ kə dā̰ rɔ̄ḿ gə̄gē anī, ndílə́ḿ i sesí. Adə̄ rɔ̄ḿ nelə̄m̄ dan ń sḭḭ̄ ī-ndiī kə gōó ō, ī-raī dɔ Kərist ń ī-taāī kemən tə́ ní ādī ngan̄g ō ní.

JA̰A̰ 16:33

M-ə́dásí yá̰a̰ gə̄ ń toō i yā kadə̄ loo ɓoosí naā seḿ tə́ ní, sḭḭ̄ i kə kem sɔl̄ lɔmɔɔ́. Wur kɔl əsō dɔsí tə́ dɔ nang tə́ laā ba əhɔī rɔ̄sí tɔgə, tɔdɔ̄ m̄-tetə de kə́ dɔ nang tə́ gə̄ rɔ̄ɔ̄ kɔ̄ɔ́.

JEJU TEĒ KUM JA̰A̰ 7:14

Anī m̄-téĺ m-ə́dan na: Kɔ́ɔ̄ḿ, īkɔ́ ī-ger̄ mbak aĺ a. Loo ń noō tə́ ni ədam̄ na: I de gə̄ ń teēn̄ kum yá̰a̰ nāā kə́ bo ngá̰ý tə́ ní. Nin̄-tə́gon̄ kūbə̄ ngāl̄ yādə́ gə̄ adə̄ unjə̄ i kum mósə Ngōn̄ batə̄ tə́.

Najə̄ kə́ Majə yā Jeju ń Luk ndang ní 22:32

Ba m̄-ndɔ̄ȳ tām̄ yāí ḭ̄ tə́ kadə̄ ə̄sō loo taā kem yāí tə́ alé. Ba ḭ̄, dan ń ī-tél ta róbə yāí tə́ ní a, ī-mbūsə̄ ngákó̰ó̰í gə̄.

JEJU TEĒ KUM JA̰A̰ 1:9

Mā ngōkó̰ó̰sí Ja̰a̰ ń mā i sesí kum yá̰á̰ kə́ tōr̄ tə́ ō, kem Ɓē ko̰o̰ tə́ ō, loo kəhɔ rɔ̄ tɔgə tə́ gō Jeju tə́ ō ní, m̄-ndi dor̄ ń rīn na i Patəmos ní tə́ i tām̄ najə̄ yā Nə́ɓā tə́ ō, najə̄ kə́ kum tə́ kə́ m-ə́da tām̄ yā Jeju tə́ ō.

2 TIMOTE 4:7

m̄-rɔ̄ɔ̄ rɔ̄ɔ̄ kə́ majə, m̄-tɔ̄l̄ ta ngɔ̄də̄ yāḿ, m̄-ngɔ̄m̄ taā kem yāḿ.

HEBƏRO 12:8

Ba ré ndéy kɔjə ń nin̄ malang, əgan̄ naā dɔ tə́ ní rāāsí aĺ anī, sḭḭ̄ i ngáń kə́ loo kaya tə́ gə̄, ba sḭḭ̄ i ngán bɔbə̄sí gə̄ rɔ̄kum alé.