1 PIYER 5:8 - Bibəl ta Sar̄

⁸ Əhɔī rɔ̄sí dɔ yá̰á̰ tə́ ba ī-lōōī rāā yá̰a̰ kadə̄ mān̄ dɔ majən ō, á̰a̰ī já̰já̰ dɔ rɔ̄sí tə́ ō! Tɔdɔ̄ madə̄ ba̰ā̰sí ń i diabəl ní, a ənī gir̄ gində̄ gidə loo tə́ tītə̄ ɓɔl kə́ a nōō beé, a sāań de kə́ yā kadə̄ n-əhɔ n-rə́yā̰n naā tə́ ba n-əsan.

Bible sar

⁸ Əhɔī rɔ̄sí dɔ yá̰á̰ tə́ ba ī-lōōī rāā yá̰a̰ kadə̄ mān̄ dɔ majən ō, á̰a̰ī já̰já̰ dɔ rɔ̄sí tə́ ō! Tɔdɔ̄ madə̄ ba̰ā̰sí ń i *diabəl ní, a ənī gir̄ gində̄ gidə loo tə́ tītə̄ ɓɔl kə́ a nōō beé, a sāań de kə́ yā kadə̄ n-əhɔ n-rə́yā̰n naā tə́ ba n-əsan.

1 PIYER 5:8 Referans Kwoze

EPEJƏ 6:11

Ə́laī yá̰a̰ rɔ̄ɔ̄ malang yā Nə́ɓā rɔ̄sí tə́, kadə̄ ásiīń ra ngan̄g ta yá̰á̰ ń diabəl a rāā tə́ ní.

JAKƏ 4:7

I beé ní ə́laī dɔsí gíŕ tɔ́gə yā Nə́ɓā tə́, ba ī-mbātíī najə̄ gō diabəl tə́, anī ni a a̰ȳsí kɔ̄ɔ́.

Makətūbə̄ yā Job 2:2

Kɔ́ɔ̄ɓē dəjen najə̄ əda na: Ḭ́ḭ i rá? Anī ni-tél əda Kɔ́ɔ̄ɓē na: M-ḭ́ḭ i njə̄rāá dɔ nang tə́ ō, dáȳ gə̄ tə́ ō.

EPEJƏ 4:27

Ādī diabəl ta róbə kadə̄ o̰o̰ń ɓē dɔsí tə́ alé.

1 PIYER 1:13

I tām̄ najə̄ ń noō tə́ n majə kadə̄ á̰a̰ī já̰já̰ dɔ rɔ̄sí tə́ ní. Ī-ndiī dɔ rɔ̄sí tə́ ō, yá̰á̰ ń Jeju Kərist a teē hɔy anī a adə̄n̄sí karī ní, ə̄ndāī kemsí dɔ tə́ mámák ō.

1 PIYER 4:7

Ta ngóý yá̰a̰ malang dɔ i ngɔr. I beé ní ādə̄ sḭḭ̄ i de kə́ ngé kum kedə̄ gə̄ ō, ngé kəhɔ rɔ̄də́ dɔ yá̰á̰ tə́ gə̄ ō, yā kadə̄ sḭḭ̄ ásiīneé ndɔ̄ȳ Nə́ɓā.

Najə̄ kə́ Majə yā Jeju ń Luk ndang ní 21:36

Ká i dan kə́ ba̰ý tə́ gə̄gē a, á̰a̰ī já̰já̰ ō, ī-ndɔ̄yī ō, yā kadə Nə́ɓā əndā ma̰ȳsí a̰a̰ń kadə̄ ásiī teē ta yá̰a̰ malang ń a reēn̄ tə́ ní ō, kadə̄ asiī ra dɔɔ́ ta kum Ngōn̄ Deē tə́ ō.

Najə̄ kə́ Majə yā Jeju ń Luk ndang ní 22:31

Simo̰, Simo̰, á̰a̰ā̰, Sətan dəje kadə̄ n-əgasí tītə̄ ń a əgan̄neé kum kōō gémē kə yengəreé noō beé.

TITƏ 2:12

Rajə de gə̄ yā Nə́ɓā ngeé ń toō ndóōjí kadə̄ jə-lōōī gíŕ háĺ kə́ majaĺ tə́ ō, kadə̄ jə-lōōī gír ngur yá̰á̰ kə́ dɔ nang tə́ laā gə̄ tə́ ō, tá kadə̄ jə-ndiīneé kem ndɔ̄ gə̄ ń toō tə́ kə kum kedēé ō, kə yá̰a̰ rāā kə́ gōtə́ ō, jə-rāāīneé yá̰a̰ kə gō ń Nə́ɓā ndigə ní tə́ ō.

JEJU TEĒ KUM JA̰A̰ 12:12

I beé ní, dɔ rā̰ ī-rāā rɔ̄nel̄ ō, sḭḭ̄ de gə̄ ń ī-ndiī dɔ rā̰ tə́ ní, ī-rāāī rɔ̄nel̄ ō. Ba sḭḭ̄, dɔ nang ō bā bo ō ní, yá̰á̰ kə́ to kum kaȳ aĺ a əsō dɔsí tə́. Tɔdɔ̄ diabəl risə kum kə̄ dɔsí tə́ noō. Wōn̄g rāān ngá̰ý tām̄ ni-ger̄ kadə̄ kum mbang yān na̰y i ngá̰ý alé.

JA̰A̰ 8:44

Bɔbə̄sí i diabəl, ba ī-ndigiī i rāā yá̰á̰ ń kem bɔbə̄sí gḛy ní. Ni i nge tɔ̄l̄ de gə̄ i ta kəla gíŕ tə́ nú bátə́ ngɔlaā. Usən dɔ najə̄ kə́ rɔ̄kum tə́ alé, tɔdɔ̄ najə̄ kə́ rɔ̄kum gətóo kemən tə́. Loo ń a tə́da najə̄ kə́ sor̄ gə̄ anī, ɔr̄ i najə̄ yān nəkɔ́. Tɔdɔ̄ ni i nge sor̄ ō, ni i bɔbə̄ sor̄ ō.

MATIYE 13:39

Madə̄ ba̰ā̰ kə́ nge dubə̄ kum bar̄ ní, i diabəl. Ndɔ̄ kəja kōō, i ta ngóy ndɔ̄ gə̄. Ba ngé kəja kōō gə̄, i de kə́ dɔ rā̰ tə́ gə̄.

JEJU TEĒ KUM JA̰A̰ 12:9

Adə̄ dā̰ kə́ to ɓōĺ kə́ bo ngá̰ý ń i lī kə́ jóó ń a ɓāŕnən̄ na i diabəl ō, Sətan ō ní, ni ń i nge gól̄ de gə̄ malang kə́ dɔ nang tə́ ní, mbəre ənīnən̄ dɔ nang tə́, naā tə́ kə deē yān kə́ dɔ rā̰ tə́ gēé.

MATIYE 24:42

I beé ní, ī-ndiī dɔ rɔ̄sí tə́, tɔdɔ̄ ndɔ̄ ń Kɔ́ɔ̄ɓē yāsí a reēń ní, ī-gerī alé.

JEJU TEĒ KUM JA̰A̰ 20:10

Diabəl ń rāādə́ adə̄ ndúmə̄n̄ ní, ənīnən̄ kum bundūm̄ hor bursu tə́ loo ń dā̰ ō, nge koō ta kə́ rɔ̄kum aĺ ō i tū tə́ ní tə́. Yá̰á̰ kə́ tōr̄ a rāādə́ kadaá ō, ndɔ̄ɔ́ ō, kə dɔ ɓāl̄ gə̄ ɓāl̄ gə̄.

Najə̄ kə́ Majə yā Jeju ń Luk ndang ní 21:34

Ī-ndiī já̰já̰ dɔ rɔ̄sí tə́, ba ī-lōōī kəya̰ kadə̄ rāā nāā gə̄, kə kasə rāā gə̄, kə sōlə̄m̄ kə́ dɔ nang tə́ gə̄, rāān̄ ndíĺsí adə̄ ɔȳ nding, na sōgə́ ndɔ̄ sarya ní əhɔsí dɔ jīsí tə́,

JAKARI 3:1

Kɔ́ɔ̄ɓē rāā adə̄ m-á̰a̰ ngol ngé tun̄ yá̰a̰ gə̄ ń i Yesua ní. Ni-ra kə njan kə́ dɔɔ́ no de kə́ dɔ rā̰ tə́ yā Kɔ́ɔ̄ɓē tə́. Sətan ń i nge kəndā najə̄ dɔ de gə̄ tə́ ní, ra dɔ jī ko̰ Yesua tə́, yā kəndań najə̄ dɔn tə́.

TITƏ 1:8

Majə kadə̄ ni i de kə́ nge kəhɔ de gə̄ mbā ō, de kə́ yá̰á̰ kə́ majə nelə̄n ō. Ni a a̰a̰ i yá̰á̰ kə́ majə tá a rāā ō, i de kə́ nge rāā yá̰á̰ kə́ gōtə́ ō, yá̰á̰ kə́ nel̄ Nə́ɓā ō, de kə́ a əhɔ rɔ̄n dɔ yá̰á̰ tə́ ō.

2 TIMOTE 4:17

Banī Kɔ́ɔ̄ɓē ra rɔ̄ḿ tə́, ni-adə̄m̄ tɔ́gə adə̄ m-ɔ́jəń de gə̄ ń nin̄ i Jipə aĺ gə̄ ní najə̄ yān malang kə taá ō, ni ɔrə̄m̄ kɔ̄ɔ́ ta ɓɔl tə́ ō.

AMOS 3:8

Dan ń ɓɔl nōō ní, i náā n ɓōĺ aĺ ní? Dan ń Kɔ́ɔ̄ɓē Nə́ɓā ɔr̄ najə̄ ní, i náā n ɔjə najə̄ najə̄ yān aĺ ní?

TITƏ 2:6

Əda balsáa gə̄ ō, kadə̄ tū yá̰a̰ gə̄ tə́ malang ɓáa nin̄ i de kə́ ngé ka̰a̰ yá̰á̰ kə́ majə tá rāā gə̄. Īkɔ́ ī-rāā yá̰á̰ kə́ majə kété tá kadə̄ de gə̄ ndájīn̄. Ādə̄ yá̰á̰ ndóō yāí i yá̰á̰ ndóō kə́ kumən unjə̄ ō, o̰o̰ī tɔdɔ̄ ō.

TITƏ 2:2

Əda de kə́ tɔgə ɓə́ga gə̄ kadə̄ nin̄ i ngé kəhɔ rɔ̄də́ dɔ yá̰á̰ tə́ gə̄ ō, nin̄ i de gə̄ kə́ asən̄ kadə̄ de gə̄ rɔȳn̄də́ ō, nin̄ i ngé rāā yá̰a̰ kadə̄ mān̄ dɔ loon aĺ gə̄ ō, kadə̄ nin̄-ndan̄ ngan̄g dɔ taā kem tə́ ō, dɔ táŕ tə́ ō, dɔ tə́gā ta tə́ ō.

OJEE 11:10

De gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, njə̄rān̄ kumdə́ kə̄ kété, nin̄ unən̄ gō Kɔ́ɔ̄ɓē, kə́ nge nōō tītə̄ ɓɔl beé. Dan ń ngánən kə́ no ɓē tə́ gə̄ oōn̄ nōōn anī, reēn̄ kə rɔ̄ ndebeé.

IJAI 50:8

Kɔ́ɔ̄ɓē i rɔ̄ḿ tə́ ngɔr, ni a adə̄m̄ najə̄. De kógə̄ḿ ndigə rāā sarya seḿ a? J-awī naā tə́ malang loo sarya tə́! De kógə̄ḿ ndigə sekə́ḿ a? Ādə̄ ni-njə̄rā kə̄ rɔ̄ḿ tə́!

Gōsə̄ najə̄ gə̄ 20:2

Mban̄g kə́ wōn̄g rāān to ɓōĺ tītə̄ ɓɔl kə́ nōō beé. Deē ń adə̄n wōn̄g ní rāā majaĺ i kə rɔ̄n nəkɔ́.

PĀ GƏ̄ 104:21

Ngán ɓɔl gə̄ nōōn̄ gō dā̰ yādə́ kə́ kadə̄ əsan̄ tə́, nin̄ dəjen̄ Nə́ɓā yá̰a̰ kəsa yādə́.

1 TIMOTE 2:15

Ɓá tā ba ni a ajə i kə ta kūl̄ kojə ń ojə ngōn̄ ní. Ba i loo ń ré ni-əhɔ rɔ̄n tɔgə dɔ róbə taā kem tə́ ō, táŕ tə́ ō, háĺ kə́ unjə̄ njáý njáý tə́ ō, kə kɔjə rɔ̄ɔ́ aĺ ō ní tá.

JEJU TEĒ KUM JA̰A̰ 20:2

Ni-əhɔ dā̰ kə́ to ɓōĺ ngá̰ý ń i lī kə́ jóó ō, i diabəl ō, i Sətan ō ní, do̰ō̰n kə súĺ kadə̄ rāā ɓāl̄ dūbú.

TITƏ 2:4

Ādə̄ ndóōn̄ dəyá̰ kə́ na̰y mandə ɓáý gə̄ loo tár ngaadə́ gə̄ ō, ngáńdə́ gə̄ ō,

1 TIMOTE 3:11

Yā dəyá̰ gə̄ i tītə̄ ń noō ō, ādə̄ nin̄ i dəyá̰ gə̄ kə́ de gə̄ ɓōlə́n̄ ndíĺdə́ ō, nin̄ i ngé tām̄ kə de gēé aĺ ō, ngé kəhɔ rɔ̄də́ dɔ yá̰á̰ tə́ gə̄ ō, ādə̄ nin̄ i ngé ra dɔ ndūdə́ tə́ gə̄ tū yá̰a̰ gə̄ tə́ malang ō.

1 TIMOTE 2:9

Ba kə́ tām̄ yā dəyá̰ gə̄ tə́ ɓáa, ādə̄ o̰ō̰n̄ kūbə̄ kə́ kə gōó majə ō, súūn̄ rɔ̄də́ kə yá̰á̰ súū rɔ̄ kə́ to hɔ̄r̄mɔ̄ ō, kə́ to kɔjə rɔ̄ aĺ ō. Adə̄ nin̄-súūn̄ rɔ̄də́ kə dɔ kə́ kəhɔ kadə̄ mān̄ dɔ majən aĺ ō, kə nə̄ngá lɔ́r aĺ ō, kə məde kɔ̄l̄ aĺ ō, kə kūbə̄ kə́ gātə̄n i ngá̰ý aĺ ō.

MATIYE 4:1

Gō tə́ anī, Ndíl Nə́ɓā ɔr Jeju aw̄ seneé kem dəla loo tə́ yā kadə̄ diabəl nāan.

OJEE 13:8

m̄-teē dɔsí tə́ i tītə̄ dā̰ úrsə. kə́ deē ɔy ngánən gə̄ kɔ̄ɔ́ beē. m̄-rə́yā̰ ngɔgərɔsí naā tə́. M-ə́sásí tītə̄ ɓɔl kə́ dəyá̰ kə́ a əsa yá̰a̰ beé ō, dā̰ kə́ bembeé gə̄ a gángə̄n̄sí naā tə́ bét bét ō.

1 TIMOTE 3:2

Adə̄ majə kadə̄ ni i de kə́ najə̄ gətóo dɔn tə́ ō, nə̄yá̰n i kógə̄ḿ beē ō, ni i de kə́ nge kəhɔ rɔ̄n dɔ yá̰á̰ tə́ ō, nge rāā yá̰a̰ kadə̄ mān̄ dɔ loon aĺ ō, i de kə́ de gə̄ a rɔȳnən̄ ō, i de kə́ nge kəhɔ de gə̄ kə̄ rɔ̄n tə́ majə ō, kə́ ger̄ loo ndóō de gə̄ yá̰a̰ ō,

MATIYE 25:41

Gō tə́ anī, mban̄g a əda ngé gə̄ ń dɔ jī gelən tə́ ní na: Sḭḭ̄ ń Nə́ɓā ndɔ̄ĺsí ní, ɔ́tiī rɔ̄ḿ tə́ kɔ̄ɔ́, āwī kum hor kə́ a oy aĺ tə́ ń rāān̄ tām̄ yā diabəl tə́ ō, deē yān gə̄ kə́ dɔ rā̰ tə́ ō ní tə́.

MATIYE 4:11

Anī diabəl əya̰n. Loo ń noō tə́ de kə́ dɔ rā̰ tə́ gə̄ reēn̄ rɔ̄ Jeju tə́ ba adə̄nən̄ yá̰a̰ kəsa.

AMOS 3:4

Dan ń ɓɔl ənge dā̰ kə́ yā kəsa aĺ anī, ni a nōō kem ku loo tə́ á? Dan ń balsáa ɓɔl əhɔ yá̰a̰ aĺ ní, ni a to loo ɓɔ̄ɔ̄ rɔ̄ yān tə́ yā nōoń a?

DANIEL 6:24

Loo ń noō tə́ rɔ̄ mban̄g nelə̄n ngá̰ý, adə̄ ni-əda kadə̄ ɔrə̄n̄ Daniel kɔ̄ɔ́ bəlo ɓɔl gə̄ tə́. Ɔrə̄n̄ Daniel bəloó banī a̰a̰n̄ do kógə̄ḿ rɔ̄n tə́ alé, tɔdɔ̄ ni-taā kem Nə́ɓā yā mámák.

EJEKIEL 22:25

Ngār yādə́ gə̄ ton̄ i tītə̄ ɓɔl gə̄ kə́ a nōōn̄ beé. Dā̰ ń nin̄ əhɔn̄ ní, nin̄ rə́yā̰n̄ naā tə́. Nin̄ tɔ̄lə̄n̄ de gə̄ ō, ɓogən̄ yá̰a̰ kənge gə̄ ō, yá̰a̰ yā madə̄də́ gə̄ ō, rāān̄ adə̄ dəyá̰ kə́ ngaa koy gə̄ i ngá̰ý ō.

Gōsə̄ najə̄ gə̄ 19:12

Wōn̄g yā mban̄g i yá̰á̰ kə́ to ɓōĺ ngá̰ý tītə̄ nōō ɓɔl beé, banī kem majə yān rāā majə kə deé tītə̄ tal kə́ əhɔ dɔ mu tə́ beé.

ESTER 7:6

Ester tél əda na: Nge rāā kumjí ndoō tə́ ō, madə̄ ba̰ā̰jí ō, i Haman de kə́ majaĺ ń ndi toó! Loo ń noō tə́ Haman oy mámák ta kum mban̄g tə́ nin̄ kə nə̄yá̰n.

NGÉ SARYA 14:5

Samso̰ nin̄ kə bɔbə̄n ō, kó̰o̰n ō, a aw̄n̄ kə̄ Timna. Dan ń ugə̄n̄ ndɔr̄ kāgə̄ nduú gə̄ kə́ Timna tə́ anī balsáa ɓɔl kógə̄ḿ ḭḭ bal ba a nōō reēń kə̄ dɔ Samso̰ tə́.

JAKARI 11:3

Ōōī ndū ngé kul̄ gír de gə̄ loo nōō tə́, tɔdɔ̄ tɔ́gə́də́ gətóo kɔ̄ɔ́. Ōōī ndū balsáa ɓɔl gə̄ loo nōō tə́, tɔdɔ̄ túpə́ kámbə yādə́ kə́ majə ngá̰ý gə̄ ń ran̄ kə gō kadə ba Jurdḛ ní, nujənə̄ń kɔ̄ɔ́.

EJEKIEL 19:7

Ni ɓéngə̄lē ndogə̄ mbal̄ yādə́ kə́ ngan̄g ngá̰ý gə̄ kɔ̄ɔ́ ō, nujə kə ɓē yādə́ gə̄ kɔ̄ɔ́ ō. De kə́ kem ɓēé gə̄ ōōn̄ kōō nōōn anī, ɓōĺ rāādə́ adə̄ nin̄ ndewn̄.

JEREMI 51:38

Dan ń nin̄ ra a nōōn̄ naā tə́ tītə̄ balsáa ɓɔl gə̄ ō, a tṵ́ṵ̄n̄ rɔ̄ɔ̄ tītə̄ ngán ɓɔl gə̄ ō,

JEREMI 2:15

Ngán ɓɔl gə̄ do̰o̰nən̄ rɔ̄ɔ̄, nin̄ nōōn̄ kə kɔrɔ́. De gə̄ rāān̄ adə̄ ɓē yān nujə sák sák kɔ̄ɔ́. Əlan̄ hor dɔ ɓē bo yān gə̄ tə́, De gə̄ təgān̄ kɔ̄ɔ́ kem ɓē bo gə̄ ní tə́.

PĀ GƏ̄ 109:6

Nin̄ ədan̄ dɔḿ tə́ na: Ɔ́jə dɔ nge kəndā najə̄ dɔ de gə̄ tə́ kógə̄ḿ kə́ kadə̄ əndā najə̄ dɔn tə́, i nge kem ndul kə́ kadə̄ ra dɔ jī ko̰n tə́.

AMOS 1:2

Amos əda na: Kɔ́ɔ̄ɓē nōō tītə̄ ɓɔl beé dɔ mbal̄ kə́ Siyo̰ tə́. A̰á̰ā̰, ni-ra Jerusalem rāań adə̄ de gə̄ oōn̄ ndūn. Loo gə̄ ń a aw̄n̄ kə yá̰a̰ kul̄ gēé tūtə̄ kadə̄ əsan̄ yá̰a̰ ní majən̄ aĺ ngá̰ý. Dɔ mbal̄ Karmel i kə́ tutə káḿ káḿ kɔ̄ɔ́.

Gōsə̄ najə̄ gə̄ 28:15

De kə́ nge kem ndul kə́ ndi dɔ gír de kə́ ngé ndoō gə̄ tə́ to i tītə̄ ɓɔl kə́ a nōō ō, dā̰ úrsə kə́ a ḭḭ bal ō.

MARK 4:15

De kə́rēý gə̄ i kadə róbə́ ń najə̄ əsō tū tə́ ní. Loo ń oōn̄ najə̄ oy anī, kə̄ ta jī tə́ noō Sətan reē, ba taā najə̄ ń Nə́ɓā əndā kemdə́ tə́ ní kɔ̄ɔ́.

2 KORḚNTƏ 2:11

yā kadə̄ Sətan dumə̄ńjí kə gól̄ loo yānneé alé, tɔdɔ̄ jə-gerī yá̰á̰ ń ni-sāā rāā ní.

JEJU TEĒ KUM JA̰A̰ 12:10

Anī deē kógə̄ḿ ɔr̄ najə̄ kə tɔ́gɔ́ dɔ rā̰ tə́ adə̄ m-ōō ndūn: Ń toō ní kum mbang kajə deē asə kɔ̄ɔ́! Ngɔlaā ń toō ní Nə́ɓā yājí ɔjə tɔ́gən kə̄ ndágá ō, ɔjə ko̰o̰ ɓē yān kə̄ ndágá ō! Ngɔlaā ń toō ní ko̰o̰ ɓē i jī Kərist yān tə́. Tɔdɔ̄ nge sekə́ ngákó̰ó̰jí gə̄ ní mbərenən̄ dɔ rā̰ tə́ ənīnən̄ ndágá kɔ̄ɔ́. I ni n i nge sekə́də́ rɔ̄ Nə́ɓā yājí tə́ ndɔ̄ɔ́ gē kadaá gē ní.