1 PIYER 5:7 - Bibəl ta Sar̄

⁷ Yá̰a̰ gə̄ malang ń rāān̄sí adə̄ ī-ndiī kə sōlōó kekəre ní, ɔ̄rī dɔsí gíŕdə́ tə́ ba ī-ɓōkíīdə́ dɔn tə́, tɔdɔ̄ i ni n i nge ka̰a̰ gōsí ní.

Bible sar

⁷ Yá̰a̰ gə̄ malang ń rāān̄sí adə̄ ī-ndiī kə sōlōó kekəre ní, ɔ̄rī dɔsí gíŕdə́ tə́ ba ī-ɓōkíīdə́ dɔn tə́, tɔdɔ̄ i ni n i nge ka̰a̰ gōsí ní.

1 PIYER 5:7 Referans Kwoze

PĀ GƏ̄ 55:22

Najə̄ kə́ tan tə́ lúndə̄ tītə̄ tejə beé, banī kemən i rɔ̄ɔ̄. Najə̄ kə́ tan tə́ sɔl̄ lɔ́ḿ lɔ́ḿ tɔȳ yibə̄, banī i kəyā rɔ̄ɔ̄.

PILIPƏ 4:6

Ī-sōlī yá̰á̰ kógə̄ḿ alé. Ba tū yá̰a̰ gə̄ tə́ malang ɓáa, yá̰á̰ ń ndoōn rāāsí ní, ī-dəjeī Nə́ɓā kə ndɔ̄yɔ̄ɔ́ ō, ī-rāāniī ɓɔ́ ō, ī-ndadə̄ ādə̄niī ō.

PĀ GƏ̄ 37:5

Ə́ya̰ rɔ̄í kem jī Kɔ́ɔ̄ɓē tə́. Ə̄ndā kemií dɔn tə́ anī ni a rāā yá̰a̰ tām̄ yāí tə́.

PĀ GƏ̄ 34:15

Ādə̄ kɔ́ɔ̄ ɔr̄ rɔ̄n kɔ̄ɔ́ kadə yá̰á̰ kə́ majaĺ tə́ ō, rāā yá̰á̰ kə́ majə ō, sāā róbə kem sɔl̄ lɔm ō, a̰ȳ ngɔ̄də̄ gō tə́ ō.

Najə̄ kə́ Majə yā Jeju ń Luk ndang ní 12:22

Gō tə́ anī Jeju əda ngé ndóō yá̰a̰ yān gə̄ na: I tām̄ najə̄ ń noō tə́ n m-ə́dásí na kə ī-lōōī sōl̄ najə̄ yā yá̰á̰ kə́ kadə̄ ə́saī tə́ tá kadə̄ ī-ndiīneé kə kumsí ō, najə̄ yā kūbə̄ kə́ yā kadə̄ ō̰ō̰ī tə́ ō ní.

1 SAMUEL 30:6

Loo təngā Dabid ngá̰ý tɔdɔ̄ de gə̄ ɔrə̄n̄ najə̄ tə́nīn kə mbalá yā tɔ̄lən: de gə̄ malang ní wurdə́ atə̄də́ ngá̰ý tām̄ yā ngáńdə́ kə́ dəngam gə̄ ō kə́ dəyá̰ gə̄ ō tə́. Banī Dabid tél əhɔ rɔ̄n tɔgə kə ta kūl̄ Kɔ́ɔ̄ɓē Nə́ɓā yānneé.

MARK 4:38

Ba Jeju to a ɓīī kə̄lá to tə́ dɔ yá̰a̰ taā gír dɔ tə́. Anī nin̄-ndól̄nən̄ ba ədanən̄ na: Ngoljí, tají a tḭ̄ḭ̄ ní usiī aĺ a?

JA̰A̰ 10:13

Nge kəla a̰ȳ, i tɔdɔ̄ ni-rāā kəla i gír naraá ō, usən dɔ batə̄ gə̄ tə́ aĺ ō.

PĀ GƏ̄ 40:17

Banī ngé sāāí gə̄ malang ní, ādə̄ rɔ̄nel̄ asədə́ nák najə̄ yāí tə́ ō, ngé gə̄ ń tárnī ḭ̄ nge kajə de gə̄ ní, ādə̄ ədan̄ ngándáńg na Kɔ́ɔ̄ɓē i de kə́ bo ō.

Gōsə̄ najə̄ gə̄ 16:3

Ɔ́jə́ Kɔ́ɔ̄ɓē yá̰a̰ rāāí gə̄, anī yá̰a̰ gə̄ ń ɔ́jə rāādə́ ní a udən̄ gírí.

MATIYE 6:27

I náā dansí tə́ n a asə kənī ndɔ̄n ta madə̄ tə́ sḛ́ý sɔɔ̄ń sōl̄ yān gə̄ ní?

MATIYE 6:28

I tām̄ rí tə́ á ī-sōlī najə̄ yā kūbə̄ kə́ yā kadə̄ ō̰ō̰ī tə́ ní? Á̰a̰ī loo tɔgə ń ndə́já kə́ bembeé gə̄ a tɔgən̄ ní. Nin̄-rāān̄ kəla aĺ ō, əjōn̄ kūbə̄ aĺ ō,

MATIYE 6:31

I beé ní, ī-lōōī sōl̄ kəda na ké ā ə́saī i rí ō, ā ā̰yī i rí ō, ā ō̰ō̰ī i kūbə̄ rí ō wa alé?

Najə̄ kə́ Majə yā Jeju ń Luk ndang ní 12:26

Ré yá̰á̰ kə́ sḛ́ý beē gə̄gē a sḭḭ̄ ásiī rāā aĺ anī, i tām̄ rí tə́ á ā ī-sōlī tām̄ yā gotə yá̰á̰ kə́ rang gə̄ tə́ malang ní?