1 PIYER 5:6 - Bibəl ta Sar̄

⁶ I beé ní, ī-téliī kə rɔ̄sí kə̄ nang tə́ gíŕ jī Nə́ɓā kə́ tɔ́gə jīn i ngá̰ý tə́, yā kadə̄ ré ndɔ̄ ń ni-ɔjə ní ugə̄ anī, ni-ɔsəńsí kə̄ dɔɔ́.

Bible sar

⁶ I beé ní, ī-téliī kə rɔ̄sí kə̄ nang tə́ gíŕ jī Nə́ɓā kə́ tɔ́gə jīn i ngá̰ý tə́, yā kadə̄ ré ndɔ̄ ń ni-ɔjə ní ugə̄ anī, ni-ɔsəńsí kə̄ dɔɔ́.

1 PIYER 5:6 Referans Kwoze

JAKƏ 4:10

Ī-sɔlī dɔsí kə̄ no Kɔ́ɔ̄ɓē tə́, anī ni a ɔsəsí kə̄ dɔɔ́.

Najə̄ kə́ Majə yā Jeju ń Luk ndang ní 14:11

Tɔdɔ̄ deē ń ɔsə rɔ̄n kə̄ dɔɔ́ anī, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

Gōsə̄ najə̄ gə̄ 29:23

Kɔjə rɔ̄ yā deē a əla rɔ̄sɔl̄ dɔn tə́, banī deē ń kɔjə rɔ̄ gətóo kemən tə́ ní a rɔȳnən̄.

MATIYE 23:12

Deē ń a ɔsə rɔ̄n kə̄ dɔɔ́ ní, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

Najə̄ kə́ Majə yā Jeju ń Luk ndang ní 18:14

Ādə̄ m-ə́dásí, dan ń nge taā lambóó ń toō tél aw̄ ɓēé ní, ni-tél de kə́ súmūú, ba madə̄n tá tél de kə́ súmūú alé. Tɔdɔ̄ deē malang ń a ɔsə rɔ̄n kə̄ dɔɔ́ ní, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

Najə̄ kə́ Majə yā Jeju ń Luk ndang ní 1:52

Ni mbə́rē mban̄g gə̄ dɔ kōr̄ kāgə̄ mbang yādə́ gə̄ tə́ tə́nīdə́ ō, ngé gə̄ ń najə̄də́ gətóó bátə́ ní, ni-ɔsədə́ kə̄ dɔɔ́ ō.

2 YÁ̰A̰ GƏ̄ 32:26

Ɓá tā ba Ejekias ō, de kə́ Jerusalem gə̄ ō, gerə̄n̄ majaĺ yādə́, adə̄ ɓāl̄ ko̰o̰ ɓē yā Ejekias tə́ ní Kɔ́ɔ̄ɓē ḭḭ sedə́ kə wōngōó alé.

2 YÁ̰A̰ GƏ̄ 12:12

Wōn̄g ń rāā Kɔ́ɔ̄ɓē dɔ Roboam tə́ ní tetə, adə̄ ni-lōō gír nujə loo sák sák kɔ̄ɔ́ tə́, tɔdɔ̄ ger̄ kə́ Roboam ger̄ gō tə́ aĺ yān tə́ ō, tɔdɔ̄ yá̰á̰ kə́ majə gə̄ kə́ ton̄ dɔ nang yā Juda tə́ ɓáý tə́ ō.

2 YÁ̰A̰ GƏ̄ 33:12

Dan ń wur kɔl əsō dɔ Manase tə́ anī, Manase rāā Kɔ́ɔ̄ɓē Nə́ɓā yān ɓɔ́. Yá̰á̰ kə́ gōtə́ aĺ gə̄ malang ń ni-rāā ní ni ndigə ta kum Nə́ɓā yā kaan gə̄ tə́ ō,

IJAI 40:4

Ī-ɓōkíī nán̄g ādī rosə kum wól loo gə̄ ō, ī-tə́gāī dɔ mbal̄ bo gə̄ kə ngán mbal̄ gə̄ ādə̄ tə́lən̄ kə̄ nang tə́ ō, ī-rāāī loo kə́ to kə naraá gə̄ ādə̄ télən̄ ndágə mbō gə̄ ō, ī-rāāī loo kə́ kḭḭ kə̄ dɔɔ́ gə̄ ādə̄ télən̄ wól loo gə̄ ō.

JEREMI 44:10

Ɓōólaā gə̄gē ní nin̄ ndə̄ngān̄ rɔ̄də́ alé, ɓōlə́n̄ ndílə́ḿ alé. Nin̄ unən̄ gō róbə yāḿ gə̄ aĺ ō, unən̄ gō ndū najə̄ yāḿ gə̄ ń m̄-ndang m-ādə̄sí sḭḭ̄ ō, kaasí gə̄ ō ní aĺ ō.

PĀ GƏ̄ 75:10

Banī mā m-ā m-ə̄nī gotə yá̰a̰ gə̄ ń noō ngándáńg. M-ā m-ə̄nī pā yā rɔȳń Nə́ɓā yā Jakob.

IJAI 2:11

Ngé ka̰a̰ madə̄də́ gə̄ ba kídə̄də́ ní, i gáŕ kadə̄ nin̄ əgan̄ kumdə́ nang tə́ ō, i gáŕ kadə̄ ngé kɔjə rɔ̄də́ gə̄ rugən̄ nang tə́ ō. Ndɔ̄ ngeé ń noō tə́ ní, Kɔ́ɔ̄ɓē kal kógə̄ḿ beē ngóy n i de kə́ bo ní.

2 MBAN̄G 22:19

Najə̄ ń m-ə́da kemeé dɔ ɓē kə́ Jerusalem tə́ ō, dɔ de kə́ kemeé gə̄ tə́ ō, na loo n toō a tél loo kə́ to kum ko̰o̰ ō, ní ī-nēl̄ mbīí ōoń majə, adə̄ ī-ndə̄ngā rɔ̄í ō, ī-tél kə rɔ̄í kə̄ nang tə́ ta kumḿ tə́ ō, ī-*rə́yā̰ kūbə̄ yāí gə̄ ō, ī-nōō kə man̄ kumií ō. Ní, mā Kɔ́ɔ̄ɓē m-ə́daī na m-ōō ndūí.

1 MBAN̄G GƏ̄ 21:29

Á̰á̰ téĺ ń Akab tél kə rɔ̄neé kə̄ nang tə́ ta kumḿ tə́ ní a? Dan ń ni-tél kə rɔ̄neé kə̄ nang tə́ beē ɓá ní, m-ā m-ādə̄ yá̰á̰ kə́ to kum kaȳ aĺ a rāā de gə̄ kə́ gír kojə yān tə́ ɓāl̄ yān tə́ alé, banī m-ā m-ādə̄ a rāādə́ i ɓāl̄ yā ngōnən tə́.

MISE 6:8

Kɔ́ɔ̄ɓē rāā adə̄ ī-ger̄ yá̰á̰ kə́ majə. Yá̰á̰ ń ni-dəje deē ndul gə̄ malang kadə̄ rāān̄ ní n toó: I rāā yá̰á̰ kə́ gōtə́ ō, i kadə̄ nel̄ deē rāā kem majə ō, i kadə̄ deē ndi kə Nə́ɓā yānneé kanjə̄ kɔjə rɔ̄n ō.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

Teē Ngán Israel gə̄ 10:3

Moijə nin̄ kə Aaro̰ aw̄ əngen̄ Parao̰ ədanən̄ na Kɔ́ɔ̄ɓē Nə́ɓā yā Hebəro gə̄ əda na ké i ndɔ̄ kə́ rá tə́ n ké dɔn a tetəń ní wa. Kə əya̰ gír deē yān gə̄ kadə̄ aw̄ rāān̄ kəla adə̄nən̄.

Makətūbə̄ ń Pol ndang adə̄ Rom gə̄ ní 5:6

I dan ń tɔ́gə́jí gətóoń ɓáý ní n Kərist oyń tām̄ yā ngé rāā majaĺ gə̄ tə́, ndɔ̄ ń Nə́ɓā ɔjəń tə́ ní.

DANIEL 5:22

Ḭ̄ ngōnən Baltajar ī-ger̄ yá̰a̰ gə̄ ń noō malang, banī ī-sɔl̄ dɔí alé.

JEREMI 13:18

Ə́da mban̄g ō, kó̰o̰ mban̄g ō na: Ī-ndiī dɔ dā̰ nang tə́! Jākā mbang kə́ dɔsí tə́ ń majə ngá̰ý ní teē əsō kɔ̄ɔ́.

PĀ GƏ̄ 89:13

I ḭ̄ n i nge kəndā dām̄ mbɔ́r ɓē kə́ ko̰ó̰ ō kə́ geleé ō ní. Mbal̄ gə̄ kə́ Tabor ō kə́ Hermon ō əgan̄ kɔŕ rɔ̄nel̄ dɔ rīí tə́.

2 YÁ̰A̰ GƏ̄ 30:11

Ɓá tā ba de kə́rēý gə̄ kə́ gír ɓē yā Aser tə́ ō, Manase tə́ ō, Jabulo̰ tə́ ō, tél gerə̄n̄ kadə̄ rāān̄ i yá̰á̰ kə́ gōtə́ alé, adə̄ aw̄n̄ Jerusalem.

2 YÁ̰A̰ GƏ̄ 33:23

Ni ger̄ majaĺ yān ta kum Kɔ́ɔ̄ɓē tə́ ō, rāān ɓɔ́ ō, tītə̄ yā bɔbə̄n Manase alé, banī rāā yá̰á̰ kə́ majaĺ tɔȳ dɔ yā bɔbə̄n ɓáý.

2 YÁ̰A̰ GƏ̄ 36:12

Ni rāā yá̰á̰ kə́ majaĺ ta kum Kɔ́ɔ̄ɓē Nə́ɓā yān tə́ ō, gḛy tél kə rɔ̄neé kə̄ nang tə́ ta kum Jeremi nge koō ta ń Kɔ́ɔ̄ɓē əndā najə̄ tan tə́ kadə̄ ɔr̄ ní aĺ ō.

1 KORḚNTƏ 10:22

Aké jə-gḛyī i kadə̄ wōn̄g rāā Kɔ́ɔ̄ɓē a? Jḭḭ̄ jə-ngangī ngá̰ý jə-tɔȳniī a?

EJEKIEL 21:6

Kɔ́ɔ̄ɓē ɔr̄ najə̄ seḿ ɓáý to̰ əda na:

Makətūbə̄ yā Job 36:22

A̰á̰ā̰, Nə́ɓā i dɔ yá̰a̰ gə̄ tə́ malang, tām̄ tɔ́gən i ngá̰ý. Nge ndi dɔ de gə̄ tə́ kə́ nge ndóō de gə̄ yá̰a̰ majə tɔȳn i náā?

2 YÁ̰A̰ GƏ̄ 33:19

Ba najə̄ ń ɔr̄ kem ndɔ̄ȳ yān tə́ ō, loo koō ń Nə́ɓā oō ndūn ba rāā yá̰á̰ ń dəjen ní ō, yá̰á̰ kə́ majaĺ gə̄ malang ń ni-rāā ō, háĺ kə́ gōtə́ aĺ gə̄ ń rāā kə Nə́ɓāá ní ō, rī loo gə̄ ń ni-rāā loo ndɔ̄ȳ gə̄ tū tə́ ō, túdə̄ kāgə̄ ɓesə̄ kə́ yā ɓōĺ gidə gə̄ tū tə́ ō, túdə̄ yá̰á̰ kə́ tɔ́sə̄ ba rāādə́ kum gotə yá̰a̰ gə̄ tū tə́ ō, pá tá kadə̄ tél ger̄ yá̰a̰ rāān kə́ majaĺ gə̄ ta kum Kɔ́ɔ̄ɓē tə́ ní, ndangən̄ yá̰a̰ gə̄ ń noō malang i kem makətūbə̄ ń rīn na i kəla gə̄ ń Hojai rāā ní tə́.

NDŪ NAJƏ̄ 32:35

Dal ba̰ā̰ i yāḿ, m-ā m-ə̄gādə́ tām̄ kəla rāādə́ gə̄ tə́ ndɔ̄ ń nin̄ a əsōn̄neé tə́ ní. Tɔdɔ̄ ndɔ̄ yá̰á̰ kə́ to kum kaȳ aĺ yādə́ dɔ i ngɔr.

LEBI GƏ̄ 26:41

Adə̄ na m-mbātə́ najə̄ tadə́ tə́ ō, na m-āw̄ sedə́ ɓē madə̄ ba̰ā̰də́ gēé ō. Adə̄ majanī a sɔlə̄n̄ dɔdə́ ō, m-ā m̄-tɔ̄l̄ ta ndéý ń m-ə́ndádə́ tām̄ yá̰á̰ kə́ majaĺ ń nin̄ rāān̄ tə́ ní ō.

Teē Ngán Israel gə̄ 32:11

Banī Moijə rāā Kɔ́ɔ̄ɓē Nə́ɓā yān ɓɔ́ kadə̄ wōn̄g yān kə tetə, ədan na ké gír de gə̄ ń noō i gír deē yān gə̄ ń nəkɔ́ na ɔydə́ teē sedə́ dɔ nang kə́ Ejiptə tə́ kɔ̄ɔ́ kə jīneé ō, kə tɔ́gən kə́ ngá̰ý ō ní aĺ wa.

Teē Ngán Israel gə̄ 3:19

m̄-ger̄ majə kadə̄ a əya̰sí kadə̄ ā āwī alé, adə̄ ré m-ə̄ndā i gúu dɔn tə́ tá.

JAKƏ 5:10

Ngákó̰ó̰ḿ gə̄, ngé koō ta gə̄ ń ɔrə̄n̄ najə̄ kə rī Kɔ́ɔ̄ɓēé ní, ī-ndájī tə́gā ta yādə́ dan yá̰á̰ kə́ tōr̄ gə̄ tə́.

TITƏ 1:3

Dan ń kum mbang yān asə anī, ni-teē kə najə̄neé kə̄ ndágá kə ta kūl najə̄ yān. Najə̄ ndi kə kumuú ní i tū kəla ń əndān̄ taḿ tə́ ní. Ba i Nə́ɓā nge kajəjí n ɔsə seḿ ta kənī mbērən ní.

EJEKIEL 17:21

A tɔ̄lə̄n̄ ngé rɔ̄ɔ̄ yān gə̄ kə́ gerə̄n̄ rɔ̄ɔ̄ tɔȳ madə̄də́ gə̄ ta rɔ̄ɔ̄ tə́ ō, ngé gə̄ ń teēn̄ ta yo tə́ ní a tə̄ndān̄ naā yā tḭ̄ḭ̄ kə̄ loo gə̄ tə́ ō. Loo ń noō tə́ ā ī-gerī kadə̄ i mā Kɔ́ɔ̄ɓē n m-ɔ̄r̄ najə̄ sesí ní.

1 TIMOTE 2:6

Ni-adə̄ rɔ̄n yā gāngəń dɔ de gə̄ malang. Dan ń kum mbang asə ní, ni-əda najə̄ kə́ kum tə́ yān i tītə̄ ń noō, kadə̄ rɔ̄kum Nə́ɓā gḛy kadə̄ de gə̄ malang ajən̄.

JAKƏ 4:7

I beé ní ə́laī dɔsí gíŕ tɔ́gə yā Nə́ɓā tə́, ba ī-mbātíī najə̄ gō diabəl tə́, anī ni a a̰ȳsí kɔ̄ɔ́.