1 PIYER 5:5 - Bibəl ta Sar̄

⁵ Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

Bible sar

⁵ Ba sḭḭ̄ balsáa gə̄, majə kadə̄ ōōī ta *kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá.Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

1 PIYER 5:5 Referans Kwoze

JAKƏ 4:6

Ba Nə́ɓā rāā yá̰á̰ kə́ bo ngá̰ý yā kɔjəńjí kem majə yān, adə̄ i tām̄ ń noō tə́ n i kə́ ndang na: Nə́ɓā ndi garara ta kum ngé kɔjə rɔ̄də́ gə̄ tə́, ba a rāā kem majə kə ngé gə̄ ń dɔdə́ sɔl̄ ní.

Gōsə̄ najə̄ gə̄ 3:34

Ni lur ngé lur loo gə̄, banī rāā kem majə kə ngé sɔl̄ dɔdə́ gēé.

EPEJƏ 5:21

Ōōī ta naā sɔɔ̄ń ɓōĺ ń ī-ɓōlíī Ndíĺ Kərist ní.

Makətūbə̄ ń Pol ndang adə̄ Rom gə̄ ní 12:10

Kadə̄ tár naā yāsí i tītə̄ tár naā yā ngákó̰o̰ naā gə̄ beé. Ādə̄ deē kógə̄ḿ kógə̄ḿ ɔsə gɔn madə̄n gə̄ ō, rāādə́ i de kə́ bo tɔȳn gə̄ tə́ ō.

PILIPƏ 2:3

Ī-rɔ̄ɔ̄ī naā dɔ yá̰á̰ tə́ alé, ī-lōōī rāā yá̰a̰ kə kɔjə rɔ̄ɔ́. Ba ī-sɔlī dɔsí kə̄ no naā tə́ ō, sḭḭ̄ kógə̄ḿ kógə̄ḿ ní ī-rāāī madə̄sí gə̄ de kə́ bo tɔȳsí gə̄ tə́ ō.

KOLOSƏ 3:12

Sḭḭ̄ ń Nə́ɓā gə̄rāsí ō, sḭḭ̄ ń i deē yān gə̄ ō, ni-táŕsí ō ní, úniī kum ko̰o̰ kə́ tām̄ yā madə̄sí gə̄ tə́ ō, rāā majə ō, kɔjə rɔ̄ aĺ ō, sɔl̄ dɔ ō, tə́gā ta ō, ə́laī rɔ̄sí tə́ tītə̄ kūbə̄ beé.

IJAI 66:2

I mā n m̄-rāā yá̰a̰ gə̄ ń noō malang ní. Yá̰a̰ malang ń noō i yá̰a̰ yāḿ, i najə̄ ń Kɔ́ɔ̄ɓē əda ní n noó. Banī deē ń m-á̰a̰n kə kumḿ kə́ majaá ní, i de kə́ nge rɔ̄ to ndoō ń tɔ́gən ur̄ wak kɔ̄ɔ́ ní, i deē ń oō najə̄ yāḿ anī ɓōĺ gidə ngá̰ý ní.

Makətūbə̄ ń Pol ndang adə̄ Rom gə̄ ní 13:14

Úniī háĺ Kɔ́ɔ̄ɓē Jeju Kərist ə́laī rɔ̄sí tə́ tītə̄ kūbə̄ beé. Ba ī-lōōī kəndā kumsí gír ngur yá̰a̰ gə̄ ń a rāāsí ní tə́ yā tɔ̄l̄ ɓōn.

1 PIYER 4:5

Banī yá̰a̰ gə̄ ń nin̄-rāān̄ ní, Nə́ɓā ń əndā dɔ rɔ̄n danaá kɔ̄ɔ́ yā rāā sarya kə de gə̄ kə́ ndin̄ kə kumdə́ ō, kə de kə́ koy kɔ̄ɔ́ gə̄ ō ní, nin̄ a ədanən̄ gíŕ ɓáý.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

HEBƏRO 13:17

Ōōī najə̄ ta nge kɔr no ngé kán̄ naā gə̄ ō, ə́laī dɔsí gír tɔ́gə yādə́ tə́ ō. Tɔdɔ̄ nin̄-əndān̄ kumdə́ gíŕsí tə́ tām̄ a ɔjən̄ Nə́ɓā gotə. Ré ōōī tadə́ anī, a rāān̄ kəla kə rɔ̄nelēé. Ré i beé aĺ anī a nōōn̄ i rɔ̄də́ n a rāān̄neé, ba ngé ń noō a teēsí yá̰á̰ tə́ alé.

LEBI GƏ̄ 19:32

Ré á̰a̰ de kə́ dɔn ndaa ɓáa ḭ́ḭ dɔɔ́. Ī-rɔȳ de kə́ tɔgə ɓə́ga. Loo ɓōĺ ndíl Nə́ɓā yāí n noó. Mā i Kɔ́ɔ̄ɓē.

1 PIYER 4:1

Dan ń rɔ̄ Kərist tōrə̄n ní, majə kadə̄ i gír̄ kə́ kógə̄ḿ beē nəkɔ́ ń toō n sḭḭ̄ āwīneé dɔsí tə́ yā rań ta yá̰á̰ kə́ tōr̄ gə̄ tə́ ní ō. Tɔdɔ̄ deē ń a̰a̰ tápə̄ kem dā̰ rɔ̄n tə́ ní, nin̄-əya̰n̄ naā kə majaĺ kɔ̄ɔ́.

PĀ GƏ̄ 132:9

Ādə̄ ngé tun̄ yá̰a̰ yāí gə̄ əlan̄ háĺ kə́ gōtə́ kūbə̄ tə́ rɔ̄də́ tə́ ō, ādə̄ deē yāí gə̄ túrə̄n̄ kɔĺ rɔ̄nel̄ ō!

Makətūbə̄ yā Job 29:14

Kūbə̄ ko̰ō̰ḿ i yá̰á̰ kə́ gōtə́. Yá̰á̰ kə́ súmūú i kūbə̄ jī yāḿ ō, i kūbə̄ kənda dɔ yāḿ ō.

Makətūbə̄ yā Job 22:29

Ré tɔ́gə́ ngé kə́rēý gə̄ gətóo anī, ā ásə kədadə́ na kə ḭḭn̄ dɔɔ́! Tɔdɔ̄ ni ajə deē ń əla dɔn nang tə́ ní.

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

2 YÁ̰A̰ GƏ̄ 6:41

Ba ngɔlaā ní Kɔ́ɔ̄ɓē Nə́ɓā, ḭ́ḭ dɔɔ́ ī-reē loo kɔr̄ koō yāí tə́, ḭ̄ ō, sandúkə ń tɔ́gə yāí i kemeé ní ō. Kɔ́ɔ̄ɓē Nə́ɓā, ādə̄ əlan̄ kūbə̄ kajə rɔ̄ ngé tun̄ yá̰a̰ yāí gə̄ tə́ ō, ādə̄ deē yāí gə̄ ń ran̄ dɔ ndūdə́ tə́ ní ndin̄ majə kə rɔ̄nelēé ō.

PĀ GƏ̄ 132:16

M-ā m-ə́la kajə rɔ̄ ngé tun̄ yá̰a̰ yān gə̄ tə́ tītə̄ kūbə̄ beé ō, deē yān gə̄ a túrə̄n̄ kɔĺ rɔ̄nel̄ ō.

PĀ GƏ̄ 138:6

Kɔ́ɔ̄ɓē ndi i dɔɔ́ sa̰y ɓá tā ba a̰a̰ deē ń tél kə rɔ̄neé kə̄ nang tə́ ngá̰ý ní ō, a̰a̰ nge kɔjə rɔ̄ sa̰y gerə̄n ō.

EJEKIEL 26:16

Ngār gə̄ yā gír de gə̄ ń ndin̄ kə gō kadə bā boó ní, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́ yā ndi nang tə́. Nin̄ a ɔrə̄n̄ kūbə̄ yādə́ kə́ majə gə̄ rɔ̄də́ tə́ kɔ̄ɔ́ ō, a ɔrə̄n̄ kūbə̄ yādə́ gə̄ ń ɔsən̄ desḛ̄ḛ tū tə́ ní rɔ̄də́ tə́ kɔ̄ɔ́ ō. Nin̄ a əlan̄ ɓōĺ rɔ̄də́ tə́ tītə̄ kūbə̄ beé ō, a ndin̄ nang tə́ ō. A asədə́ ndew aĺ ō, ɓōĺ a rāādə́ ngá̰ý sɔɔ̄iń ḭ̄ ō.

Najə̄ kə́ Majə yā Jeju ń Luk ndang ní 22:26

Yāsí sḭḭ̄ i tītə̄ ń noō alé, ba kadə̄ deē ń i kə́ bo ngá̰ý dansí tə́ ní a kɔ́ɔ̄ tél to tītə̄ de kə́ dūú ngá̰ý dansí tə́, kadə̄ nge ń ndi ngār dɔ madə̄n gə̄ tə́ ní tél to tītə̄ ngōn̄ nge kəla kə́ karī ō.

1 TIMOTE 5:1

Ī-lōō gɔŕyɔ̄ de kə́ tɔgə ɓə́ga kə ngangāá, ba ɔ̄jən tītə̄ kə́ ni i bɔbí beē. Ɔ̄jə̄ balsáa gə̄ tītə̄ kə́ nin̄ i ngákó̰ó̰í gə̄ ō,

1 PIYER 3:8

Yā tɔ̄ləń ta ɓáa, sḭḭ̄ malang ní, ādī kemsí i gō naā tə́ ō, kumsí o̰o̰sí kə naá ō, ī-táriī naā tītə̄ ń ngákó̰o̰ naā gə̄ a tárən̄neé naā ní ō, á̰a̰ī kum tō ndoō yā madə̄sí gə̄ ō, ī-téliī kə rɔ̄sí kə̄ nang tə́ ō.

Gōsə̄ najə̄ gə̄ 25:7

Kadə̄ ədanī na ī-reē kə̄ dɔɔ́ laā i só tə́, tɔȳ kadə̄ əlan̄ rɔ̄sɔl̄ dɔí tə́ no de kə́ bo tə́.

DANIEL 11:12

Mban̄g kə́ dām̄ mbɔ́r ɓē kə́ geleé tə́ a ɔjə rɔ̄n ngá̰ý kə tetə rɔ̄ɔ̄ ngeé ń noō. Ni a tɔ̄l̄ ngé rɔ̄ɔ̄ gə̄ dūbú ngá̰ý ɓá tā ba tetə rɔ̄ɔ̄ yān ń noō i kə́ márwāy gə̄ tə́ alé.