1 PIYER 5:4 - Bibəl ta Sar̄

⁴ Dan ń ngār kə́ bo yā ngé kul̄ yá̰a̰ gə̄ a teē hɔy anī, sḭḭ̄ ā ə́ngeī jākā mbang kə́ to kɔsə gɔn ń gíŕ ndə́lēn a gān̄g aĺ bátə́ ní.

Bible sar

⁴ Dan ń ngār kə́ bo yā ngé kul̄ yá̰a̰ gə̄ a teē hɔy anī, sḭḭ̄ ā ə́ngeī *jākā mbang kə́ to kɔsə gɔn ń gíŕ ndə́lēn a gān̄g aĺ bátə́ ní.

1 PIYER 5:4 Referans Kwoze

JAKƏ 1:12

Rɔ̄nel̄ i kə deē ń nāānən̄ á əhɔ sásáp ní. Tɔdɔ̄ dan ń nāānən̄ ba a̰a̰n̄ kadə̄ ni i de kə́ asə anī, a ənge ndi kə kumuú ń Nə́ɓā ənī míndən yā kadə̄ ngé gə̄ ń tárnən̄ á i jākā mbang ní.

1 KORḚNTƏ 9:25

Ngé kənī gambəla gə̄ malang ní, dan ń nin̄ a nāān̄ rɔ̄də́ ɓáý ní, nin̄ kɔ́ gə̄ əlan̄ dɔdə́ gír ndū najə̄ kə́ ngan̄g ngan̄g gə̄ tə́. Nin̄-rāān̄ rɔ̄də́ yá̰á̰ kə́ tōr̄ i yā kəngeń jākā mbang kə́ a nujə kɔ̄ɔ́ ba a to ngándáńg alé. Banī jḭḭ̄ jə-rāāī i yā kəngeń jākā mbang kə́ a to ngándáńg.

1 JA̰A̰ 3:2

Kó tár yāḿ gə̄, ngɔlaā ń toō jḭḭ̄ i ngáń Nə́ɓā, ba jī loo kətojí kə́ ndɔ̄ń tə́ ń j-a jə-toī ní, ɔjən̄ kə̄ ndágá aĺ ɓáý. Jə-gerī kadə̄ ré Kərist a ɔjə rɔ̄n kə̄ ndágá anī, j-a jə-toī tītə̄n. Tɔdɔ̄ j-a j-a̰a̰ī kadə̄ ni a to i kum gotən.

2 TIMOTE 4:8

Ba ń toō ɓáa yá̰a̰ kəndā nja kə́ tām̄ yā tetə rɔ̄ɔ̄ tə́ to a ngóōm̄ noó: Yá̰á̰ ní i jākā mbang yá̰a̰ rāā kə́ gōtə́ ń Kɔ́ɔ̄ɓē, nge gān̄g sarya kə́ gō tə́, a adə̄m̄ ndɔ̄ gān̄g sarya tə́ ní. A adə̄m̄ i mā ngóy alé, a adə̄ de gə̄ malang ń ta reēn nel̄də́ ngá̰ý á ndi a ngóōnən̄ ní ō.

1 PIYER 1:4

j-asiīneé rāā rɔ̄nel̄ yá̰á̰ kə́ majə gə̄ ń Nə́ɓā ngɔ̄m̄ tām̄ yā deē yān gə̄ tə́ ō ní. Yá̰a̰ gə̄ ngeé ń toō ní a ndumən̄ aĺ ō, yá̰á̰ kə́ majaĺ a tákə̄də́ aĺ ō, gíŕ ndə́lē yādə́ a gān̄g aĺ ō. Nə́ɓā ngɔ̄m̄ yá̰a̰ gə̄ ní dɔ rā̰ tə́ tām̄ yāsí tə́.

JEJU TEĒ KUM JA̰A̰ 3:11

M-ā m̄-reē ngɔr. Yá̰á̰ ń āwń ní, ə́hɔ́ sásáp na sōgə́ deē kógə̄ḿ taā jākā mbang yāí kɔ̄ɔ́.

JEJU TEĒ KUM JA̰A̰ 2:10

Ī-lōō ɓōĺ najə̄ yá̰á̰ kə́ tōr̄ gə̄ ń a rāān̄ yā rāāī ní tə́. Á̰a̰ā̰, diabəl a ɓōkə́ de kə́rēy gə̄ dɔ dáńsí tə́ dəngáyá yā nāańsí bátə́ ndɔ̄ kutə. Ī-ra dɔ ndūí tə́ bátə́ óyń. Loo ń noō tə́ m-ā m-ādī jākā mbang ń i ndi kə kumuú ní.

1 PIYER 2:25

Tām̄ kété ní ī-toī i tītə̄ batə̄ kə́ ta tḭ̄ḭ̄ gə̄ beé. Ba ngɔlaā ní, sḭḭ̄ ī-tūrī rɔ̄sí kə̄ rɔ̄ nge kul̄sí tə́ ō, nge ngɔ̄m̄sí tə́ ō.

DANIEL 12:3

De kə́ ngé ger̄ najə̄ gə̄ ní a unjə̄n̄ rá rááng tītə̄ no rā̰ beé ō, nin̄ ń rāān̄ adə̄ kósə de kə́ ngá̰ý gə̄ télən̄ de kə́ súmūú gə̄ ní a ndə́lə̄n̄ tītə̄ tə́yō̰ gə̄ beé kə́ njɔ́ḿ gə̄ tə́ ō.

IJAI 40:11

Ni ngɔ̄m̄ ɓūtə̄ yá̰a̰ kul̄ yān gə̄ tītə̄ nge ngɔ̄m̄ yá̰a̰ kul̄ gə̄ beé. Ni wél̄ jīn anī ɓūtə̄ yá̰a̰ kul̄ yān gə̄ kánə̄n̄ naā. Ni ətō ngán batə̄ gə̄ kem jīn tə́. Kó̰o̰ batə̄ gə̄ ń ngáńdə́ a ilən̄ mba ní, ni-njə̄rā sedə́ jəke jəke ɔrəńdə́ ta róbə.

1 PIYER 5:2

Ɓūtə̄ yá̰a̰ kul̄ gə̄ yā Nə́ɓā ń ɓɔ̄ɔ̄sí ní, āwī sedə́ ko̰ó̰. Ə̄ndāī kumsí gíŕdə́ tə́ majə. Ba ādī i kə́ kɔsə sesí ta rāā alé, banī ādī i kə kemsí kə́ majaá ō, kə gō ń Nə́ɓā ndigə ní ō. Ī-rāāī kəla yāsí, ba ādī i tām̄ yā kəngeń nar kə́ a reē kə rɔ̄sɔlɔ̄ɔ́ dɔ deē tə́ alé. Banī i tām̄ kəndā kə́ sḭḭ̄ kɔ́ gə̄ ə̄ndāī rɔ̄sí ta tə́.

HEBƏRO 13:20

I kə ta kūl̄ mósə yā madə̄ naā kə́ a to ngándáńg n Kɔ́ɔ̄ɓē yājí Jeju Kərist i nge kul̄ kə́ bo yā batə̄ gə̄ ní. Nə́ɓā kə́ nge kadə̄ kem sɔl̄ lɔm ndólə̄n dan de kə́ koy gə̄ tə́ kɔ̄ɔ́.

EJEKIEL 37:24

Ā ə́ngeī mban̄g kə́ tītə̄ nge kəla yāḿ Dabid beē. I ni kógə̄ḿ beē n i nge kul̄sí malang ní. Ā ī-ɓōlíī gidə ndū najə̄ yāḿ gə̄ ō, ā ī-ngɔ̄mī jī bēl̄ loo rāā yá̰a̰ yāḿ gə̄ ō, ā ī-rāāī yá̰a̰ i kə jī bēl̄ loo rāān yāḿ gə̄ ō.

PĀ GƏ̄ 23:1

Pā yā Dabid. Kɔ́ɔ̄ɓē i nge kulə̄ḿ, adə̄ m-ā m̄-nal̄ yá̰a̰ alé.

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

JEJU TEĒ KUM JA̰A̰ 1:7

Á̰a̰ī, ni a reē dan kil̄ man̄ tə́ ō, de gə̄ malang a a̰a̰nən̄ kə kumdə́ ō, de gə̄ ń ɔsənən̄ kə nəngaá ní, a a̰a̰nən̄ ō. Gír ɓē gə̄ malang kə́ dɔ nang tə́ a nōōn̄ rɔ̄də́ najə̄ yān tə́ ō. A̰á̰ā̰, adə̄ i tītə̄ ń noō.

JA̰A̰ 10:11

Mā i nge kul̄ kə́ majə. Nge kul̄ kə́ majə adə̄ rɔ̄n yo tām̄ yā batə̄ yān gə̄ tə́.

EJEKIEL 34:23

I nge ngɔ̄m̄ yá̰a̰ kul̄ gə̄ kə́ kal kógə̄ḿ beē ngóy n m-ā m-ə̄ndān dɔ yá̰a̰ kul̄ yāḿ gə̄ tə́ kadə̄ a̰a̰ gōdə́ ní. Ndɔ̄ ń tə́ ni i mban̄g kə́ tītə̄ nge kəla yāḿ Dabid. Ni a a̰a̰ gō dā̰ gə̄ kə́ dan yá̰a̰ kul̄ gə̄ tə́ ō, ni i nge kul̄də́ ō.