1 PIYER 5:3 - Bibəl ta Sar̄

³ Ngé gə̄ ń ɓɔ̄ɔ̄n̄də́ sesí kadə̄ á̰a̰ī gōdə́ ní, ī-lōōī rāā ngār dɔdə́ tə́, banī ādə̄ sḭḭ̄ i yá̰á̰ ndájə̄ tām̄ yā ɓūtə̄ yá̰a̰ kul̄ gə̄ tə́.

Bible sar

³ Ngé gə̄ ń ɓɔ̄ɔ̄n̄də́ sesí kadə̄ á̰a̰ī gōdə́ ní, ī-lōōī rāā ngār dɔdə́ tə́, banī ādə̄ sḭḭ̄ i yá̰á̰ ndájə̄ tām̄ yā ɓūtə̄ yá̰a̰ kul̄ gə̄ tə́.

1 PIYER 5:3 Referans Kwoze

2 TESALONIK 3:9

Ba mandang ɓáa, ré jə-dəjesí yá̰a̰ anī, najə̄ i yājí. Banī jə-dəjesí alé, tām̄ jə-ndigə kadə̄ ī-ndájījí.

PILIPƏ 3:17

Ngákó̰ó̰ḿ gə̄, sḭḭ̄ malang ī-ndájə̄mī. Yá̰á̰ kə́ yā kadə̄ de gə̄ ndájə̄n̄ ní, jḭḭ jə-rāā kɔ̄ɔ́ ɓá. I beé ní, ādī kumsí i dɔ ngé gə̄ ń nin̄ a rāān̄ háĺ ń jḭḭ j-ɔjə ní tə́.

EJEKIEL 34:4

Batə̄ kə́ tɔ́gə gətóo gə̄ ní sḭḭ̄ ī-rāāīdə́ adə̄ tɔ́gə́də́ to aĺ ō, ngé kə́ mo̰y gə̄ ní, sḭḭ̄ ī-rāāīdə́ ādə̄ rɔ̄də́ ngáā aĺ ō, ngé kə́ nja tétə̄ gə̄ ní, sḭḭ̄ ɔ́riīdə́ nam̄ aĺ ō, ngé gə̄ əya̰n̄ madə̄də́ gə̄ ba aw̄n̄ sa̰y ní, sḭḭ̄ ī-tél ī-reēī sedə́ gogə́ aĺ ō, ngé gə̄ ń tadə́ tḭ̄ḭ̄ ní, sḭḭ̄ ī-ndəleīdə́ aĺ ō. Banī sḭḭ̄ ó̰o̰ḭ̄ ɓē dɔ batə̄ gə̄ tə́ kə dɔ́nɔ́ ō kə kem ngangá ō.

2 KORḚNTƏ 1:24

Jə-sāā i ko̰o̰ ɓē dɔ taā kem yāsí tə́ alé, banī jə-rāā kəla i naā tə́ sesí tām̄ yā rɔ̄nel̄ yāsí tə́. Tɔdɔ̄ sḭḭ̄ ī-raī ngan̄g dɔ taā kem tə́.

1 TIMOTE 4:12

Ādə̄ deē kídī tām̄ ḭ̄ kə́ i ngōn̄ kə́ balsáá ɓáý tə́ alé. Ba ādə̄ loo kɔr̄ najə̄ tə́ ō, loo rāā yá̰á̰ tə́ ō, loo táŕ tə́ ō, loo taā kem tə́ ō, loo rāā háĺ kə́ unjə̄ njáý njáý tə́ ō ɓáa, ḭ̄ i yá̰á̰ ndájə̄ tām̄ yā ngé taā kem gə̄ tə́.

KƏLA RĀĀ 20:28

Ī-ndiī dɔ rɔ̄sí tə́ majə ī-ngɔ̄mīneé rɔ̄sí sḭḭ̄ kɔ́ gə̄ ō, ī-ngɔ̄mīneé yá̰a̰ kul̄ gə̄ malang ń Ndíĺ kə́ Táĺ adə̄sí kadə̄ ī-ngɔ̄mī ní ō. Á̰a̰ī gō ngé kán̄ naā gə̄ yā Kɔ́ɔ̄ɓē ń nəkɔ́ mangdə́ kə mósəneé ní.

PILIPƏ 4:9

Ī-rāāī yá̰á̰ ń m̄-ndóōsí ní ō, yá̰á̰ ń m-ɔ́jə́sí kadə̄ ī-rāāī ní ō, yá̰á̰ ń teē taḿ tə́ á ōōī ní ō, yá̰á̰ ń á̰a̰mī loo rāā tə́ ní ō. Loo ń noō tə́ Nə́ɓā kə́ nge kadə̄jí kem sɔl̄ lɔm a ndi sesí.

2 KORḚNTƏ 4:5

Tɔdɔ̄ dan ń j-ɔjə najə̄ ní, j-ɔjə i najə̄ yājí jḭḭ kɔ́ gə̄ alé, banī i najə̄ yā Jeju Kərist kə́ ni i Kɔ́ɔ̄ɓē. Ba kə́ tām̄ yājí jḭḭ tə́ ɓáa, j-əda na jḭḭ na i ngé kəla yāsí gə̄ tām̄ yā Jeju tə́.

1 KORḚNTƏ 11:11

Ɓá tā ba ta kum Kɔ́ɔ̄ɓē tə́ ní, dəyá̰ a ɔr̄ rɔ̄n kɔ̄ɔ́ rɔ̄ dəngam tə́ aĺ ō, dəngam a ɔr̄ rɔ̄n kɔ̄ɔ́ rɔ̄ dəyá̰ tə́ aĺ ō.

MISE 7:14

Kɔ́ɔ̄ɓē, ɔ́ŕ gír deē yāí gə̄ ta róbə kə kāgə̄ yāí ń ā ī-ngɔ̄məń yá̰a̰ kul̄ gə̄ ní. Nin̄ ndin̄ i kə kéŕdə́ dɔ nang kə́ tutə kɔ̄ɔ́ tə́. Kāgə̄ kə́ kan̄ gə̄ gīrə̄n̄ gidədə́. Ɔ́ŕdə́ ta róbə tītə̄ kə́ kété, āw̄ sedə́ dɔ mu gə̄ kə́ Basan tə́ ō, dɔ nang kə́ Galaad tə́ ō!

PĀ GƏ̄ 74:2

Ādə̄ əga kemií dɔ gír deē yāí gə̄ ń télən̄ yá̰a̰ yāí gə̄ i jóó ngá̰ý tə́ ní. Ādə̄ əga kemií dɔ gír ɓē gə̄ ń i yá̰á̰ kə́ sɔɔ̄ī á ī-taā tə́ ní ō, ādə̄ əga kemií dɔ mbal̄ Siyo̰ ń ī-rāā kújə ndií dɔ tə́ ní ō.

PĀ GƏ̄ 33:12

Rɔ̄nel̄ i kə nápar de gə̄ ń Kɔ́ɔ̄ɓē i Nə́ɓā yādə́ ní. Rɔ̄nel̄ i kə gír de gə̄ ń Kɔ́ɔ̄ɓē gə̄rādə́ kadə̄ nin̄ i yá̰a̰ kəngen gə̄ ní.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

NDŪ NAJƏ̄ 32:9

Tɔdɔ̄ yá̰a̰ yā Kɔ́ɔ̄ɓē i gír deē yān gə̄, tá Jakob i yá̰a̰ kənge yān.

1 KORḚNTƏ 3:9

Tām̄ jḭḭ̄ i madə̄ kəla naā gə̄ tū kəla yā Nə́ɓā tə́, ba sḭḭ̄ i ndɔr̄ yā Nə́ɓā ō. Sḭḭ̄ i kújə́ kə́ Nə́ɓā əndā ō.

1 KORḚNTƏ 3:5

Ní, Apolos i náā ō, Pol i náā ō? Nin̄ i ngé rāā kəla gə̄ yā Nə́ɓā kə́ ī-taāī kem i kə kūl̄də́ ngóy. Nin̄ kógə̄ḿ kógə̄ḿ ní rāān̄ kəla i kə gō tɔ́gə́ ń Kɔ́ɔ̄ɓē adə̄də́ ní.

TƏ́DA 18:7

Ba ḭ̄ Aaro̰ sḭḭ̄ kə ngání, ā ī-rāāī kəla tun̄ yá̰a̰ kadə̄ Nə́ɓā dɔ loo tun̄ yá̰á̰ tə́ ō, kem loo kə́ táĺ ngá̰ý ń gāngə̄n̄ gír kə kūbūú tə́ ní ō. Kəla ń ā ī-rāāī ní n noó. I mā n m-ādə̄sí karī. De kə́ karī ń aw̄ kadə tə́ ní a tɔ̄l̄nən̄ kɔ̄ɔ́.

JA̰A̰ 13:15

Tɔdɔ̄ m-ɔ́jə́sí i yá̰á̰ kə́ yā kadə̄ ī-ndájī, kadə̄ ī-rāāī tītə̄ ń m̄-rāā sesí ní.

1 TESALONIK 1:7

Adə̄ ī-téliī yá̰á̰ ndájə̄ tām̄ yā ngé taā kem gə̄ malang kə́ Masedəwan tə́ ō, Akayi tə́ ō.