1 PIYER 5:2 - Bibəl ta Sar̄

² Ɓūtə̄ yá̰a̰ kul̄ gə̄ yā Nə́ɓā ń ɓɔ̄ɔ̄sí ní, āwī sedə́ ko̰ó̰. Ə̄ndāī kumsí gíŕdə́ tə́ majə. Ba ādī i kə́ kɔsə sesí ta rāā alé, banī ādī i kə kemsí kə́ majaá ō, kə gō ń Nə́ɓā ndigə ní ō. Ī-rāāī kəla yāsí, ba ādī i tām̄ yā kəngeń nar kə́ a reē kə rɔ̄sɔlɔ̄ɔ́ dɔ deē tə́ alé. Banī i tām̄ kəndā kə́ sḭḭ̄ kɔ́ gə̄ ə̄ndāī rɔ̄sí ta tə́.

Bible sar

² Ɓūtə̄ yá̰a̰ kul̄ gə̄ yā Nə́ɓā ń ɓɔ̄ɔ̄sí ní, āwī sedə́ ko̰ó̰. Ə̄ndāī kumsí gíŕdə́ tə́ majə. Ba ādī i kə́ kɔsə sesí ta rāā alé, banī ādī i kə kemsí kə́ majaá ō, kə gō ń Nə́ɓā ndigə ní ō. Ī-rāāī kəla yāsí, ba ādī i tām̄ yā kəngeń nar kə́ a reē kə rɔ̄sɔlɔ̄ɔ́ dɔ deē tə́ alé. Banī i tām̄ kəndā kə́ sḭḭ̄ kɔ́ gə̄ ə̄ndāī rɔ̄sí ta tə́.

1 PIYER 5:2 Referans Kwoze

TITƏ 1:7

Nge kɔr no ngé kán̄ naā gə̄ ń i de kə́ əndān̄ dɔn tə́ kadə̄ əndā kumən gír yá̰a̰ gə̄ yā Nə́ɓā tə́ ní, majə kadə̄ ni i de kə́ najə̄ gətóo dɔn tə́. Adə̄ ni i de kə́ nge kídə̄ deē aĺ ō, nge wōn̄g aĺ ō, nge ka̰ȳ yá̰a̰ aĺ ō, de kə́ nge sāā nar kə ta róbə́ kə́ gō tə́ aĺ aĺ ō.

1 TIMOTE 3:8

Ngé rāā kəla nə̄ɓō yá̰a̰ gə̄ ní, yādə́ i tītə̄ ń noō ō. Ādə̄ nin̄ i de gə̄ kə́ de gə̄ rɔȳn̄də́ gə̄ ō, nin̄ i ngé míndə jōó aĺ gə̄ ō, ngé ka̰ȳ kasə ngá̰ý gə̄ aĺ ō, ngé sāā kənge yá̰a̰ kə ta róbə́ kə́ gō tə́ aĺ gə̄ alé ō.

TITƏ 3:1

Ī-ter̄ kemdə́ dɔ najə̄ sɔl̄ dɔ tə́ kə̄ no ngār gə̄ tə́ ō, no ngé ko̰o̰ ɓē gə̄ tə́ ō, dɔ najə̄ koō tadə́ tə́ ō, ādə̄ əndānəń dɔ rɔ̄də́ danaá kété tām̄ yā kəla malang kə́ majə tə́ ō,

1 TIMOTE 3:3

i de kə́ nge rāā ɓəlo kasə aĺ ō, nge rɔ̄ɔ̄ de gə̄ aĺ ō, banī ni i de kə́ hálən sɔl̄ lɔm ō, nge kɔ̄l̄ kə de gēé aĺ ō, rāā ta nar aĺ ō,

1 KORḚNTƏ 9:7

I náā n rāā kəla áskar anī əgā rɔ̄n kə nar yān nəkɔ́ ní? I náā n əndā kāgə̄ nduú anī əsa kanə̄n aĺ ní? Aké i náā n ul̄ man̄g gə̄ kanjə̄ ka̰ȳ mbadə́ ní?

2 PIYER 2:3

Sɔɔ̄ń rāā ta nar kə́ kemdə́ tə́ ní, ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō, a ndóōn̄sí najə̄ kə́ tūr̄ gidə kɔ̄ɔ́ kə kum kedēé gə̄ yā kəsańsí. Banī a gāngə̄n̄ sarya dɔdə́ tə́ ngɔr ō, a nujən̄ sedə́ sák sák ngɔr ō.

HEBƏRO 12:15

Ə̄ndāī kum kedə̄ dɔ rɔ̄sí tə́, kadə̄ deē kógə̄ḿ mbātə́ rajə kə́ Nə́ɓā rajən alé. Ādə̄ deē kógə̄ḿ tél to tītə̄ ngəra yá̰á̰ kə́ atə̄ kárárá, kə́ əɓa, ba rāā adə̄ kem de gə̄ ngá̰ý nujə sák sák kɔ̄ɔ́ alé.

EJEKIEL 34:31

A̰á̰ā̰, sḭḭ̄ deē ndul gə̄, sḭḭ̄ i ɓūtə̄ yá̰a̰ kul̄ yāḿ gə̄ ō, mā m-á̰a̰ gōsí ō. A̰á̰ā̰, Nə́ɓā yāsí i mā. Najə̄ ń Kɔ́ɔ̄ɓē Nə́ɓā əda ní n noó.

TITƏ 1:11

Majə kadə̄ deē utə̄ tadə́ kɔ̄ɔ́, tām̄ nin̄ i ngé nujə kem de gə̄ kə́ kem gír kojə kə́ kógə̄ḿ beē tə́ gə̄ malang kə yá̰á̰ ndóō kə́ majə kadə̄ deē ndóō de gə̄ aĺ tə́. Nin̄-rāān̄ nge ń nuū i yā kəngeń yá̰a̰ kə ta róbə́ kə́ gō tə́ alé.

Najə̄ kə́ Majə yā Jeju ń Luk ndang ní 12:32

Sḭḭ̄ ń ī-toī i tītə̄ ɓūtə̄ yá̰a̰ kul̄ gə̄ kə́ sḛ́ý beē ní, ī-lōōī ɓōĺ. Tɔdɔ̄ nel̄ kem Bɔbə̄sí kadə̄ adə̄sí Ɓē ko̰o̰ yān.

MALASI 1:10

Kə́ só tə́ i kadə̄ deē kógə̄ḿ kə́ dansí tə́ utə̄ ta róbə́ kújə gə̄ yā Kɔ́ɔ̄ɓē kɔ̄ɔ́. I beé tá ā āwīiń dɔ loo tun̄ yá̰a̰ yāḿ tə́ yā rāā hor ndāńg alé. Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý nelə̄m̄ ka̰a̰sí aĺ ō, yá̰a̰ ndējə̄ gə̄ ń ī-reēiń ādə̄mī ní, nelə̄m̄ aĺ ō.

JAKARI 11:17

I yá̰á̰ kə́ to kum kaȳ aĺ kə́ ba̰ý beē tām̄ yā nge kul̄ yá̰á̰ kə́ ger̄ yá̰a̰ aĺ ngá̰ý, kə́ əya̰ yá̰a̰ kul̄ gə̄ kɔ̄ɔ́ tə́! Ādə̄ ta rɔ̄ɔ̄ tə́ ɓáa jīn kə́ ko̰ó̰ gān̄g kɔ̄ɔ́ ō, kumən kə́ dām̄ kə́ ko̰ó̰ tə́ ɔr̄ kɔ̄ɔ́ ō! Ādə̄ jīn i kə́ tutə njururu malang ō, ādə̄ kumən kə́ dām̄ kə́ ko̰ó̰ tə́ a̰a̰ loo to̰ aĺ ō!

MISE 7:14

Kɔ́ɔ̄ɓē, ɔ́ŕ gír deē yāí gə̄ ta róbə kə kāgə̄ yāí ń ā ī-ngɔ̄məń yá̰a̰ kul̄ gə̄ ní. Nin̄ ndin̄ i kə kéŕdə́ dɔ nang kə́ tutə kɔ̄ɔ́ tə́. Kāgə̄ kə́ kan̄ gə̄ gīrə̄n̄ gidədə́. Ɔ́ŕdə́ ta róbə tītə̄ kə́ kété, āw̄ sedə́ dɔ mu gə̄ kə́ Basan tə́ ō, dɔ nang kə́ Galaad tə́ ō!

MISE 5:4

I ni n i nge rāā kadə̄ lɔm to ní. Ré de kə́ Asiri gə̄ reē udən̄ dɔ nang yājí tə́ ō, túdə̄n̄ kə̄ kem kújə́ kə́ ngáā ngáā yājí gə̄ tə́ ō anī, j-a j-əlaī kə ngār gə̄ kə́ kutədə́ i ngá̰ý yā kadə̄ rɔ̄ɔ̄n̄də́.

MISE 3:11

Ngé rāā sarya gə̄ a gāngə̄n̄ sarya i gíŕ yá̰á̰ kə́ kadə̄də́ karī tə́ tə́ ō, ngé tun̄ yá̰a̰ gə̄ a ndóōn̄ de gə̄ ndū najə̄ i gíŕ yá̰a̰ kəngeé ō, ngé koō ta gə̄ a ədan̄ yá̰á̰ kə́ ndɔ̄ń tə́ i gír naraá ō. Nin̄ əndān̄ tɔ́gə́də́ dɔ Kɔ́ɔ̄ɓē tə́, ba ədan̄ na: Kɔ́ɔ̄ɓē i sejí, adə̄ yá̰á̰ kə́ to kum kaȳ aĺ a teē dɔjí tə́ alé.

EJEKIEL 34:23

I nge ngɔ̄m̄ yá̰a̰ kul̄ gə̄ kə́ kal kógə̄ḿ beē ngóy n m-ā m-ə̄ndān dɔ yá̰a̰ kul̄ yāḿ gə̄ tə́ kadə̄ a̰a̰ gōdə́ ní. Ndɔ̄ ń tə́ ni i mban̄g kə́ tītə̄ nge kəla yāḿ Dabid. Ni a a̰a̰ gō dā̰ gə̄ kə́ dan yá̰a̰ kul̄ gə̄ tə́ ō, ni i nge kul̄də́ ō.

JEREMI 13:17

Ré ōōī yá̰á̰ ń toō aĺ anī, m-ā m̄-rāā rɔ̄ḿ ndoō loo ɓɔ̄ɔ̄ rɔ̄ yāḿ tə́, najə̄ kɔjə rɔ̄ yāsí kə́ ngá̰ý ń toō tə́. Kumḿ i kə nōó, i kə nōó. Man̄ nōō a reē kumḿ tə́. Əhɔn̄ ɓūtə̄ yá̰a̰ kul̄ yā Kɔ́ɔ̄ɓē gə̄ dɔ gúú tə́ aw̄n̄ sedə́ dɔ ɓē kə́ rang tə́.

JEREMI 6:13

Ngáń kə́ dūú gə̄gē, de kə́ tɔgə gə̄gē, malang rāān̄ ɓō yá̰a̰ kənge adə̄ al̄ naā ngá̰ý. Ngé koō ta gə̄ ō, ngé tun̄ yá̰a̰ gə̄ ō, malang rāān̄ háĺ kə́ gōtə́ alé.

IJAI 63:11

Loo ń noō tə́ əga kem gír deē yān gə̄ dɔ yá̰á̰ kə́ mān̄ kɔ̄ɔ́ tə́, dɔ ɓāl̄ gə̄ ń Moijə i sedə́ tə́ ní: Nge ń teē kə gír deē yān gēé kum bā bo tə́ ní, kə ɓūtə̄ yá̰a̰ kul̄ yān gēé naā tə́ kə ngé ngɔ̄m̄ yá̰á̰ kul̄ yān gēé ní, ni i rá? Nge ń əndā ndílən dɔ dáńdə́ tə́ ní ni i rá?

IJAI 56:11

Nin̄ i bísə gə̄ kə́ əsan̄ yá̰a̰ malang ō, yá̰a̰ kəsa asə tadə́ nja kógə̄ḿ aĺ ō. Tá nin̄ i ngé kul̄ gír deē yāḿ gə̄! Nin̄ gerə̄n̄ kum yá̰á̰ kógə̄ḿ alé. I yá̰á̰ ń nel̄də́ ní ngóy n nin̄ rāān̄ ní. Nin̄ kógə̄ḿ kógə̄ḿ ní, a sāān̄ i yá̰á̰ kə́ majə tām̄ yādə́ nin̄ kɔ́ gə̄ tə́ ngóy.

IJAI 40:11

Ni ngɔ̄m̄ ɓūtə̄ yá̰a̰ kul̄ yān gə̄ tītə̄ nge ngɔ̄m̄ yá̰a̰ kul̄ gə̄ beé. Ni wél̄ jīn anī ɓūtə̄ yá̰a̰ kul̄ yān gə̄ kánə̄n̄ naā. Ni ətō ngán batə̄ gə̄ kem jīn tə́. Kó̰o̰ batə̄ gə̄ ń ngáńdə́ a ilən̄ mba ní, ni-njə̄rā sedə́ jəke jəke ɔrəńdə́ ta róbə.

IJAI 6:8

Loo ń noō tə́ m-ōō ndū Kɔ́ɔ̄ɓē loo dəje najə̄ tə́, əda na: M-ā m-ə́la i náā? Ngōmbang kəla yājí i náā? Anī m̄-dal najə̄ ní m-ə́da na: Mā n toó, ə́lam̄!

PĀ KƏ́ MAJƏ 1:8

Ḭ̄ ń ī-mandə ī-tɔȳ dəyá̰ gə̄ malang ní, ré ī-ger̄ aĺ anī ún gō tóo nja batə̄ gə̄ ba ūl̄ ngán bə̄yā̰ yāí gə̄ kə gō kadə loo gə̄ ń dəngam kə́ ngé ngɔ̄m̄ yá̰a̰ kul̄ gə̄ a ndin̄ tū tə́ ní.

PILEMO̰ 1:14

Banī m̄-gḛy rāā yá̰a̰ kanjə̄ koō yāí alé, yā kadə̄ kem majə yāí to tītə̄ kə́ i kə́ kɔsə seí ta rāā alé, banī i kə gō kem ndigə yāí tá.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

Makətūbə̄ ń Pol ndang adə̄ Rom gə̄ ní 1:15

Adə̄ i tām̄ ń toō tə́ n sḭḭ̄ ń ī-ndiī Rom ní, ngur kaw̄ kɔjəsí Najə̄ kə́ Majə rāām̄ ngá̰ý ní.

KƏLA RĀĀ 21:13

Anī ni-tél ədají na: Ī-nōōī ō, ī-sāāī kadə̄ kemḿ gān̄g man̄ ō i tām̄ rí tə́? Mā m-ə̄ndā dɔ rɔ̄ḿ danaá kɔ̄ɔ́ i yā kadə̄ do̰ō̰mə̄n̄ kə kəlaá ngóy alé, ba i yā kadə̄ m-óy Jerusalem gə̄gē ɓáý tām̄ yā rī Kɔ́ɔ̄ɓē Jeju tə́.

JEREMI 13:20

Ún kumií kə̄ dɔɔ́ ba á̰a̰ loo: I nin̄ n ḭḭn̄ mbɔ́r ɓē kə́ ko̰ó̰ tə́ a reēn̄ toó. Gír de gə̄ ń ɓɔ̄ɔ̄īn̄ ní i rá? Ɓūtə̄ yá̰a̰ kul̄ yāí kə́ majə ngá̰ý gə̄ ní i rá?

JEREMI 8:10

Tām̄ ń toō tə́ ní, m-ādə̄ nə̄yá̰də́ gə̄ de kə́ rang gə̄ ō, m-ādə̄ ndɔr̄ yādə́ gə̄ ngé gə̄ ń a taān̄ jīdə́ tə́ kɔ̄ɔ́ ní ō. Tɔdɔ̄ de kə́ yá̰a̰ aĺ gə̄ ō, de kə́ bo gə̄ ō malang naā tə́ i ngé rāā ta nar gə̄. Háĺ ngé koō ta gə̄ ō, ngé tun̄ yá̰a̰ gə̄ ō i háĺ kə́ rɔ̄kum alé.

TƏ́DA 18:7

Ba ḭ̄ Aaro̰ sḭḭ̄ kə ngání, ā ī-rāāī kəla tun̄ yá̰a̰ kadə̄ Nə́ɓā dɔ loo tun̄ yá̰á̰ tə́ ō, kem loo kə́ táĺ ngá̰ý ń gāngə̄n̄ gír kə kūbūú tə́ ní ō. Kəla ń ā ī-rāāī ní n noó. I mā n m-ādə̄sí karī. De kə́ karī ń aw̄ kadə tə́ ní a tɔ̄l̄nən̄ kɔ̄ɔ́.

KƏLA RĀĀ 20:29

m̄-ger̄ majə kadə̄ ré m-āw̄ kɔ̄ɔ́ anī soó kə́ majaĺ ngá̰ý gə̄ a reēn̄ dansí tə́ ō, nin̄ a əya̰n̄ yá̰a̰ kul̄ gə̄ ní aĺ ō.

2 MBAN̄G 12:6

kə nin̄ kógə̄ḿ kógə̄ḿ kə taān̄ jī de gə̄ ń nin̄ gerə̄n̄də́ ní tə́ tām̄ yādə́ tə́ ba loo malang kə́ tū kújə yā Kɔ́ɔ̄ɓē tə́ ń nujə ní tá kə rāān̄.

EJEKIEL 46:24

Dəngam ní ədam̄ na: I loo ndīr̄ yá̰a̰ gə̄ ń de kə́ ngé rāā kəla kem kújə yā Kɔ́ɔ̄ɓē tə́ gə̄ a ndīrə̄n̄ dā̰ kə́ tun̄ yā gír de gə̄ tū tə́ ní n noó.