1 PIYER 5:12 - Bibəl ta Sar̄

¹² m̄-ndang makətūbə̄ kə́ sḛ́ý beē ń toō m-ādə̄sí i kə ta kūl̄ Silas ń m̄-rāān i ngōkó̰ó̰jí kə́ nge ra dɔ ndūn tə́ ní. m̄-sāā i kəla go̰ kemsí tə́ ō, m̄-sāā i kədasí na kem majə yā Nə́ɓā ń sḭḭ̄ ə́hɔī gō ní, i rajə kə́ rɔ̄kum, ba kə ī-raī dɔ tə́ kadə̄ ngan̄g ō.

Bible sar

¹² m̄-ndang makətūbə̄ kə́ sḛ́ý beē ń toō m-ādə̄sí i kə ta kūl̄ Silas ń m̄-rāān i ngōkó̰ó̰jí kə́ nge ra dɔ ndūn tə́ ní. m̄-sāā i kəla go̰ kemsí tə́ ō, m̄-sāā i kədasí na kem majə yā Nə́ɓā ń sḭḭ̄ ə́hɔī gō ní, i rajə kə́ rɔ̄kum, ba kə ī-raī dɔ tə́ kadə̄ ngan̄g ō.

1 PIYER 5:12 Referans Kwoze

HEBƏRO 13:22

Ngákó̰ó̰ḿ gə̄, m̄-rāāsí ɓɔ́ kadə̄ ī-tə́gāī tasí, ī-ndigiī yá̰á̰ ndóō kə́ yā mbūsə̄n̄ńsí ń toō. Tɔdɔ̄ yá̰á̰ ń m̄-ndang m-ādə̄sí kem makətūbə̄ ń toō tə́ ní, ngāl̄ ngá̰ý alé.

KƏLA RĀĀ 11:23

Dan ń ni-ɔtə̄ á a̰a̰ majə ń Nə́ɓā rāā ní anī, rɔ̄n nelə̄n ngá̰ý ō, ra sedə́ malang ta kəhɔ gō Kɔ́ɔ̄ɓē kadə̄ ngan̄g ō.

2 KORḚNTƏ 1:19

Tɔdɔ̄ Kərist Jeju, ngōn̄ Nə́ɓā ń mā ō, Silas ō, Timote ō, j-ɔjəsí najə̄ yān ní, i a̰á̰ā̰ tá tél i hó̰ō̰ alé. Banī ni i a̰á̰ā̰ yā Nə́ɓā,

1 KORḚNTƏ 15:1

Ngákó̰ó̰ḿ gə̄, Najə̄ kə́ Majə ń m-ɔ́jə́sí á ī-ndigiī ō, ī-tāāī kem mámák ō ní, ngɔlaā m̄-ndigə ter̄ kemsí dɔ tə́.

KƏLA RĀĀ 20:24

Banī mā m-á̰a̰ kadə̄ ndiḿ kə kumḿ i yá̰á̰ kógə̄ḿ ta kumḿ tə́ alé. Yá̰á̰ ń m̄-sāā ní i kadə̄ m-ā̰ȳ ngɔ̄də̄ yāḿ m̄-tɔ̄l̄ ta kə gōó majə ō, kəla ń Kɔ́ɔ̄ɓē Jeju adə̄m̄ ní m̄-rāā m̄-tɔ̄l̄ ta kə gōó majə ō: I kadə̄ m-ə́da najə̄ kə́ kum tə́ yā Najə̄ kə́ Majə kə́ dɔ rajə ń Nə́ɓā rajə de gə̄ tə́ ní.

2 TESALONIK 1:1

I Pol nin̄ kə Silas ō, Timote ō n əlan̄ kə makətūbūú adə̄n̄ Egəlijə kə́ Tesalonik tə́ ń ɓoo naā kə Bɔbə̄jí Nə́ɓāá ō, kə Kɔ́ɔ̄ɓē Jeju Kərist ō ní.

1 TESALONIK 1:1

I Pol nin̄ kə Silas ō, Silas ō, Timote ō n əlan̄ kə makətūbə̄ ń toō adə̄n̄ Egəlijə kə́ Tesalonik tə́ ń ɓoon̄ naā kə Bɔbə̄jí Nə́ɓāá ō, kə Kɔ́ɔ̄ɓē Jeju Kərist ō ní. Ādə̄ Nə́ɓā rāā kem majə sesí ō, sɔl̄ kemsí ō.

Makətūbə̄ ń Jud ndang ní 1:3

Kó tár yāḿ gə̄, najə̄ kə́ dɔ kajə deē tə́ ń i najə̄ kə́ sɔɔ̄jí malang ní, m̄-gḛy ngá̰ý kadə̄ m̄-ndang makətūbūú m-ādə̄sí. M-á̰a̰ā̰ ní majə kadə̄ m̄-ndang m-ə́lań go̰ kemsí tə́, kadə̄ ī-rɔ̄ɔ̄īneé dɔ taā kem ń i yá̰á̰ kə́ Nə́ɓā adə̄ deē yān gə̄ i nja kógə̄ḿ beē ngóý ní tə́.

3 JA̰A̰ 1:12

Demetrius tā anī de gə̄ malang ədan̄ najə̄ yān majə. Najə̄ kə́ rɔ̄kum nəkɔ́ gə̄gē əda najə̄ yān kə́ majə. Jḭḭ gə̄gē a j-əda najə̄ yān majə ō, tá ḭ̄ ī-ger̄ kadə̄ najə̄ yān ń j-əda ní i najə̄ kə́ rɔ̄kum.

2 PIYER 2:15

Nin̄-əya̰n̄ róbə́ kə́ súmūú kɔ̄ɔ́ adə̄ ndúmə̄n̄. Nin̄-unən̄ róbə́ ń Balam kə́ ngōn̄ Bosor un ní. Balam ngeé ń toō gḛy nar kə́ kadə̄ adə̄nən̄ gíŕ yá̰a̰ rāān kə́ gō tə́ aĺ tə́.

2 PIYER 1:12

I tām̄ najə̄ ń toō tə́ n m-ā m̄-ter̄ kemsí kə ndɔ̄ gə̄ dɔ yá̰a̰ gə̄ ń toō tə́, ká ī-gerīdə́ kɔ̄ɔ́ ō, ī-raī ngan̄g dɔ najə̄ kə́ rɔ̄kum kə́ ī-taāī tə́ ō gə̄gē ní.

KOLOSƏ 4:9

M-ə́ládə́ i nin̄ kə Onejim ń i de kə́ loosí á i ngōkó̰ó̰jí kə́ kó tár yāḿ kə́ nge ra dɔ ndūn tə́ ní. Nin̄ a ɔjən̄sí yá̰a̰ malang ń rāā yá̰a̰ laā ní.

KOLOSƏ 4:7

Tisik ń i ngōkó̰ó̰jí kə́ kó tár yāḿ ní, ni ń i de kə́ bo kə́ nge ra dɔ ndūn tə́ ō, madə̄ kəlaḿ kə́ loo kəla yā Kɔ́ɔ̄ɓē tə́ ō ní,

KOLOSƏ 1:7

I Epapəras kó tár yājí kə́ nge kəla madə̄jí n ndóōsí yá̰a̰ ngeé ń toō ní. Ni-rāā kəla yāsí i kə́ loo de kə́ bo kə́ nge ra dɔ ndūn tə́ yā Kərist tə́.

EPEJƏ 6:21

m̄-sāā kadə̄ ī-gerī najə̄ kə́ dɔḿ tə́ ō, kəla rāāḿ ō. Ngōkó̰ó̰jí Tisik ń i kó tár yāḿ ní, ni ń i de kə́ bo yā Kɔ́ɔ̄ɓē kə́ ra dɔ ndūn tə́ ní, a ədasí najə̄ malang kə́ dɔḿ tə́.

EPEJƏ 3:3

Nə́ɓā teē kumḿ dɔ yá̰á̰ kə́ to loo mundə̄ tə́ ń ni-núm̄ rāā tə́ ní. m̄-ndang najə̄ kə́ dɔ yá̰á̰ ní tə́ sḛ́ý m-ādə̄sí kété.

2 KORḚNTƏ 1:24

Jə-sāā i ko̰o̰ ɓē dɔ taā kem yāsí tə́ alé, banī jə-rāā kəla i naā tə́ sesí tām̄ yā rɔ̄nel̄ yāsí tə́. Tɔdɔ̄ sḭḭ̄ ī-raī ngan̄g dɔ taā kem tə́.

Makətūbə̄ ń Pol ndang adə̄ Rom gə̄ ní 5:2

I kə kūl̄neé n j-əngeīń ta róbə kadə̄ Nə́ɓā rajəńjí dan ń jə-taāīń kem ní. Rajə yān i naā tə́ sejí, yá̰á̰ ń j-ɔjə rɔ̄jí tāmən tə́ ní i kɔsə gɔn yā Nə́ɓā ń j-əndāī kemjí dɔ tə́ ní.

JA̰A̰ 21:21

Dan ń Piyer a̰a̰n anī, dəje Jeju na: Kɔ́ɔ̄ɓē, ba ni ní, i rí n a rāān?

KƏLA RĀĀ 15:22

Loo ń noō tə́ ngámbang kəla gə̄ ō, kum kɔɔ̄ gə̄ ō, ngé kán̄ naā gə̄ malang ō, ndigən̄ gə̄rā de kə́rēý gə̄ dandə́ tə́ yā kəladə́ A̰tiyos naā tə́ kə Pol nin̄ kə Barnabas. Nin̄-gə̄rān̄ Jud ń a ɓāŕnən̄ na i Barsabas ní ō, Silas ō. Nin̄ i ngé kɔr no de gə̄ dan ngákó̰ó̰də́ gə̄ tə́.

1 PIYER 1:13

I tām̄ najə̄ ń noō tə́ n majə kadə̄ á̰a̰ī já̰já̰ dɔ rɔ̄sí tə́ ní. Ī-ndiī dɔ rɔ̄sí tə́ ō, yá̰á̰ ń Jeju Kərist a teē hɔy anī a adə̄n̄sí karī ní, ə̄ndāī kemsí dɔ tə́ mámák ō.

1 PIYER 4:10

Yá̰a̰ gə̄ ń Nə́ɓā adə̄ ní, sḭḭ̄ i ngé kəndā kumsí gírí majə gə̄. Adə̄ majə kadə̄ sḭḭ̄ kógə̄ḿ kógə̄ḿ ní, úniī yá̰á̰ kə́ sɔɔ̄ dɔsí sḭḭ̄ kɔ́ gə̄ ń Nə́ɓā adə̄sí ní ī-rāāīneé majə kə madə̄sí gēé.