1 PIYER 4:7 - Bibəl ta Sar̄

⁷ Ta ngóý yá̰a̰ malang dɔ i ngɔr. I beé ní ādə̄ sḭḭ̄ i de kə́ ngé kum kedə̄ gə̄ ō, ngé kəhɔ rɔ̄də́ dɔ yá̰á̰ tə́ gə̄ ō, yā kadə̄ sḭḭ̄ ásiīneé ndɔ̄ȳ Nə́ɓā.

Bible sar

⁷ Ta ngóý yá̰a̰ malang dɔ i ngɔr. I beé ní ādə̄ sḭḭ̄ i de kə́ ngé kum kedə̄ gə̄ ō, ngé kəhɔ rɔ̄də́ dɔ yá̰á̰ tə́ gə̄ ō, yā kadə̄ sḭḭ̄ ásiīneé ndɔ̄ȳ Nə́ɓā.

1 PIYER 4:7 Referans Kwoze

1 PIYER 1:13

I tām̄ najə̄ ń noō tə́ n majə kadə̄ á̰a̰ī já̰já̰ dɔ rɔ̄sí tə́ ní. Ī-ndiī dɔ rɔ̄sí tə́ ō, yá̰á̰ ń Jeju Kərist a teē hɔy anī a adə̄n̄sí karī ní, ə̄ndāī kemsí dɔ tə́ mámák ō.

1 PIYER 5:8

Əhɔī rɔ̄sí dɔ yá̰á̰ tə́ ba ī-lōōī rāā yá̰a̰ kadə̄ mān̄ dɔ majən ō, á̰a̰ī já̰já̰ dɔ rɔ̄sí tə́ ō! Tɔdɔ̄ madə̄ ba̰ā̰sí ń i diabəl ní, a ənī gir̄ gində̄ gidə loo tə́ tītə̄ ɓɔl kə́ a nōō beé, a sāań de kə́ yā kadə̄ n-əhɔ n-rə́yā̰n naā tə́ ba n-əsan.

2 TIMOTE 4:5

Ba ḭ̄ tā a ə́hɔ rɔ̄í dɔ yá̰a̰ gə̄ tə́ malang. Ī-tə́gā taí dan tápə̄ gə̄ tə́. Ī-rāā kəla kɔjə Najə̄ kə́ Majə, kəla ń Nə́ɓā adī ní.

Najə̄ kə́ Majə yā Jeju ń Luk ndang ní 21:34

Ī-ndiī já̰já̰ dɔ rɔ̄sí tə́, ba ī-lōōī kəya̰ kadə̄ rāā nāā gə̄, kə kasə rāā gə̄, kə sōlə̄m̄ kə́ dɔ nang tə́ gə̄, rāān̄ ndíĺsí adə̄ ɔȳ nding, na sōgə́ ndɔ̄ sarya ní əhɔsí dɔ jīsí tə́,

HEBƏRO 10:25

Jə-lōōī kəya̰ loo kán̄ naā yājí kɔ̄ɔ́ tītə̄ ń i jī bēl̄ loo rāān yā de kə́rēý gə̄ ní. Banī j-adī naā tɔ́gə, tɔdɔ̄ á̰a̰ī kadə̄ dɔ ndɔ̄ yā Kɔ́ɔ̄ɓē i ngɔr.

KOLOSƏ 4:2

Ī-na̰yḭḭ̄ kə̄ loo ndɔ̄ȳ tə́, ī-ndiīń já̰já̰ loo ndadə̄ Nə́ɓā tə́.

TITƏ 2:12

Rajə de gə̄ yā Nə́ɓā ngeé ń toō ndóōjí kadə̄ jə-lōōī gíŕ háĺ kə́ majaĺ tə́ ō, kadə̄ jə-lōōī gír ngur yá̰á̰ kə́ dɔ nang tə́ laā gə̄ tə́ ō, tá kadə̄ jə-ndiīneé kem ndɔ̄ gə̄ ń toō tə́ kə kum kedēé ō, kə yá̰a̰ rāā kə́ gōtə́ ō, jə-rāāīneé yá̰a̰ kə gō ń Nə́ɓā ndigə ní tə́ ō.

EJEKIEL 7:6

Gíŕ yá̰a̰ malang gān̄g kɔ̄ɔ́, gíŕ yá̰a̰ malang gān̄g kɔ̄ɔ́, yá̰á̰ kə́ to kum kaȳ aĺ əndā dɔ rɔ̄n danaá yā teē dɔsí tə́, ni a reē noó!

Makətūbə̄ ń Pol ndang adə̄ Rom gə̄ ní 12:12

Ādī rɔ̄sí nel̄sí tām̄ kəndā ń ə̄ndāī kemsí dɔ Nə́ɓā tə́ ní. Ī-tə́gāī tasí dan wur kɔl tə́. Ī-ngatə́rāī loo ndɔ̄ȳ tə́.

PILIPƏ 4:5

Ī-rāāī ādī de gə̄ malang gerə̄n̄ háĺ kem majə yāsí. Dɔ reē Kɔ́ɔ̄ɓē i ngɔr.

Najə̄ kə́ Majə yā Jeju ń Luk ndang ní 22:46

Ā ī-ɓīī i rí? Ḭ́ḭī dɔɔ́ ba ī-ndɔ̄yī kadə̄ údiīneé dan yá̰a̰ gə̄ ń a nāān̄sí kadə̄ ə̄sōī tə́ ní alé.

JEJU TEĒ KUM JA̰A̰ 16:15

Á̰a̰ī, m-ā m̄-reē tītə̄ nge ɓogə beé. Rɔ̄nel̄ i kə deē ń ndi kanjə̄ kənī ɓīī kumən tə́ ō, ngɔ̄m̄ kūbə̄ yān gə̄ na sōgə́ de gə̄ a̰a̰nən̄ loo njə̄rā tə́ rɔ̄n karī anī rɔ̄n sɔlə̄n ní ō.

1 PIYER 3:7

Yāsí sḭḭ̄ ngaa dəyá̰ gə̄ n toó: Ré ī-ndiī kə nə̄yá̰sí gēé anī, majə kadə̄ ī-gerī na nin̄ i de kə́ ngan̄g aĺ ngá̰ý gə̄. Ī-ɓōlíī ndíĺdə́, tɔdɔ̄ i gáŕ kadə̄ nin̄ a əngen̄ ndi kə kumuú ń Nə́ɓā a adə̄ de gə̄ karī ní sesí ō. Ī-rāāī tītə̄ ń noō i yā kadə̄ yá̰á̰ kógə̄ḿ utə̄ń ta róbə ndɔ̄ȳ yāsí gə̄ alé.

EPEJƏ 6:18

Ī-ndɔ̄yī kə kum mbang gə̄ malang kə ta kūl̄ Ndíl. Əhɔī rɔ̄sí tɔgə loo ndi já̰já̰ tə́ ō, ī-rāāī Nə́ɓā ɓɔ́ tām̄ yā deē yān gə̄ tə́ malang ō.

1 KORḚNTƏ 15:24

Gō tə́ anī i ta tɔ̄l̄ ta yá̰a̰ malang dan ń Kərist a nujə ko̰o̰ ɓē gə̄ malang ō, ngé ko̰o̰ ɓē gə̄ malang ō, a nujə tɔ́gə yā ndíĺ kə́ majaĺ gə̄ malang ō, ba tél kə ko̰o̰ ɓēé yā kəla gír jī Bɔbə̄n Nə́ɓā tə́ ní.

1 KORḚNTƏ 7:29

Ngákó̰ó̰ḿ gə̄, najə̄ ń m̄-sāā kədasí ní n toó: Na̰y ndɔ̄ i ngá̰ý alé. Adə̄ majə kadə̄ ngɔlaā ní ngé dəyá̰ gə̄ ndin̄ tītə̄ kə́ taān̄ dəyá̰ aĺ beé ō,

MATIYE 24:42

I beé ní, ī-ndiī dɔ rɔ̄sí tə́, tɔdɔ̄ ndɔ̄ ń Kɔ́ɔ̄ɓē yāsí a reēń ní, ī-gerī alé.

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

Najə̄ kə́ Majə yā Jeju ń Luk ndang ní 21:36

Ká i dan kə́ ba̰ý tə́ gə̄gē a, á̰a̰ī já̰já̰ ō, ī-ndɔ̄yī ō, yā kadə Nə́ɓā əndā ma̰ȳsí a̰a̰ń kadə̄ ásiī teē ta yá̰a̰ malang ń a reēn̄ tə́ ní ō, kadə̄ asiī ra dɔɔ́ ta kum Ngōn̄ Deē tə́ ō.

MATIYE 25:13

I beé ní ī-ndiī dɔ rɔ̄sí tə́, tɔdɔ̄ sḭḭ̄ ī-gerī ndɔ̄ ń aĺ ō, kum mbang ní aĺ ō.

KOHELET 7:2

Kaw̄ kem kújə́ kə́ de gə̄ a nōōn̄ yo tū tə́ tə́ i só tə́ tɔȳ kaw̄ kem kújə́ kə́ rāān̄ yá̰a̰ kəsa kə́ ngá̰ý kemeé tām̄ yā de gə̄ tə́ tə́. Yo i loo ń de gə̄ malang, a tɔ̄lən tadə́ tū tə́ ní adə̄ majə kadə̄ de gə̄ ń ndin̄ kə kumdə́ ɓáý ní əndān̄ kemdə́ dɔ tə́ majə.

TA KƏLA 6:13

Anī ni-əda Noe na: m̄-gḛy kadə̄ gír yā de gə̄ gān̄g kɔ̄ɔ́, tɔdɔ̄ yá̰á̰ kə́ rāā kə dɔ́nɔ́ al̄ naā ngá̰ý dɔ nang tə́, adə̄ m-ā m̄-nujədə́ kɔ̄ɔ́ ō, m-ā m̄-nujəń dɔ nang kɔ̄ɔ́ ō.

HEBƏRO 9:26

Ré i beé aĺ anī, əla gír ndɔ̄ ń Nə́ɓā əndāń dɔ rā̰ ō dɔ nang ō tə́ bátə́ ngɔlaā ní, Kərist a̰a̰ tápə̄ nja i ngá̰ý kɔ̄ɔ́. Banī ngɔlaā ń i ta ngóy ndɔ̄ gə̄ ní, ni-teē nja kógə̄ḿ yā kadə̄ gír gāngəń. I tītə̄ noō n ni-nujəń majaĺ kɔ̄kə́, kə ta kūl̄ kadə̄ rɔ̄n nəkɔ́ yá̰a̰ tun̄ tə́ ní.

TA KƏLA 19:35

Adə̄n̄ bɔbə̄də́ kasə nduú ndɔ̄ ń noō tə́ ɓáý to̰, ba nge kə́ dūú aw̄ to seneé. Bɔbə̄n ger̄ ta ton aĺ ō, ta kḭḭn aĺ ō.