1 PIYER 4:6 - Bibəl ta Sar̄

⁶ I tām̄ najə̄ ń noō tə́ n ɔjən̄neé de kə́ koy gə̄ Najə̄ kə́ Majə ō ní. Kété ní gāngə̄n̄ sarya dɔdə́ tə́ i tītə̄ yā gotə de gə̄ malang. Ba ɔjən̄də́ Najə̄ kə́ Majə ní i yā kadə̄ kə ta kūl̄ Ndíl kə́ Táĺ ní, nin̄-asən̄neé ndi kə kumdə́ tītə̄ ń Nə́ɓā ndiń kə kumneé ní.

Bible sar

⁶ I tām̄ najə̄ ń noō tə́ n ɔjən̄neé de kə́ koy gə̄ Najə̄ kə́ Majə ō ní. Kété ní gāngə̄n̄ sarya dɔdə́ tə́ i tītə̄ yā gotə de gə̄ malang. Ba ɔjən̄də́ Najə̄ kə́ Majə ní i yā kadə̄ kə ta kūl̄ *Ndíl kə́ Táĺ ní, nin̄-asən̄neé ndi kə kumdə́ tītə̄ ń Nə́ɓā ndiń kə kumneé ní.

1 PIYER 4:6 Referans Kwoze

Makətūbə̄ ń Pol ndang adə̄ Rom gə̄ ní 8:2

Tɔdɔ̄ ndū najə̄ yā Ndíĺ ń i nge rāā kadə̄ deē ndi kə kumneé kə ta kūl̄ Jeju Kərist ní, ɔrə̄m̄ kɔ̄ɔ́ gír ndū najə̄ yā majaĺ tə́ ō, yā yo tə́ ō.

1 PIYER 3:19

De gə̄ ń oyn̄ ba ndíĺdə́ i dəngáyá ní gə̄gē, ni-aw̄ ɔjədə́ najə̄ kə ta kūl̄ Ndíl Nə́ɓā ngeé ń toō.

GALATƏ 5:25

Ré jə-ndiī kə kumjí i kə ta kūl̄ Ndíl anī, ādə̄ jə-rāāī yá̰a̰ i gō yā Ndíĺ tə́ ō.

MATIYE 24:9

Dan ngeé ń noō tə́ ní a əlan̄sí jī de gə̄ tə́ kadə̄ a rāān̄sí kadə̄ wursí a ɔlsí ō, a tɔ̄lə̄n̄sí ō. Gíŕ nápar de gə̄ malang a imə̄n̄sí najə̄ yāḿ mā tə́.

GALATƏ 2:19

Tɔdɔ̄ mā i de kə́ m-óy kɔ̄ɔ́ kə gō ndū najá. Ba koy ń m-óý ní, i ndū najə̄ nəkɔ́ n tɔ̄lə̄m̄ yā kadə̄ m̄-ndi kə kumḿ tām̄ yā Nə́ɓā tə́ ní. Mā i de kə́ əndamə̄n̄ kə máyá̰ tū kāgə̄ kə́ dēsə́ tə́ naā tə́ kə Kərist kɔ̄ɔ́.

JEJU TEĒ KUM JA̰A̰ 14:18

Anī de kə́ dɔ rā̰ tə́ kə́ rang ḭḭ ta loo tun̄ yá̰á̰ tə́ reē. Ni-aw̄ kə tɔ́gə dɔ hor tə́. Ni əga kɔŕ ngá̰ý ədań de kə́ dɔ rā̰ tə́ kə́ nge teē kem kújə yā Kɔ́ɔ̄ɓē tə́ ń ngorong kə́ kumən atə ngá̰ý i jīn tə́ ní na: Əla ngorong yāí kə́ kumən atə ngá̰ý ní ə́jań dɔ bəra kan̄ kāgə̄ nduú gə̄ kə́ dɔ nang tə́. Tɔdɔ̄ kan̄ kāgə̄ nduú kə́ tū tə́ gə̄ ton̄ kəja kɔ̄ɔ́.

1 PIYER 1:12

Najə̄ ń Nə́ɓā əndā ta ngé koō ta gə̄ tə́ adə̄ ədan̄ ní, ni teē kumdə́ dɔ tə́ adə̄ gerə̄n̄ kadə̄ najə̄ ní i tām̄ yādə́ nin̄ tə́ alé, banī i tām̄ yāsí sḭḭ̄ tə́. Ngé kɔjə Najə̄ kə́ Majə gə̄ ədan̄sí najə̄ ní ngɔlaā i kə tɔ́gə yā Ndíĺ kə́ Táĺ. Ndíĺ kə́ Táĺ ngeé ń toō ní, i Nə́ɓā ń ndi dɔ rā̰ tə́ ní n əla seneé ní. De kə́ dɔ rā̰ tə́ gə̄ gə̄gē nin̄ kɔ́ gə̄ kə dɔdə́ sāān̄ ger̄ najə̄ ní ō.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.