1 PIYER 4:2 - Bibəl ta Sar̄

² Adə̄ əla gír ngɔr ń toō tə́ ní, ta ndɔ̄sí ń na̰y kə̄ kété kadə̄ ī-ndiīneé kə kumsí dɔ nang tə́ ní, majə kadə̄ ī-ndiī i kə gō kem ndigə yā Nə́ɓāá, ba i kə gō ɓō yá̰a̰ gə̄ ń a rāā de gə̄ ní to̰ alé.

Bible sar

² Adə̄ əla gír ngɔr ń toō tə́ ní, ta ndɔ̄sí ń na̰y kə̄ kété kadə̄ ī-ndiīneé kə kumsí dɔ nang tə́ ní, majə kadə̄ ī-ndiī i kə gō kem ndigə yā Nə́ɓāá, ba i kə gō ɓō yá̰a̰ gə̄ ń a rāā de gə̄ ní to̰ alé.

1 PIYER 4:2 Referans Kwoze

1 PIYER 1:14

Ōōī ta Nə́ɓā ba ī-lōōī rāā yá̰á̰ ń kété ngurən a rāāsí dan ń sḭḭ̄ ī-gerīneé yá̰a̰ aĺ ɓáý tə́ ní.

EPEJƏ 6:6

Ī-rāāī nge ń noō i tām̄ kumdə́ kə́ i gōsí tə́, tītə̄ kə́ ī-sāāī i kadə̄ nel̄ deē sesí beē alé, ba ī-rāāī i yá̰á̰ ń Nə́ɓā ndigə ní, kə ngarān̄g kemsí gēé malang, kə́ loo ɓəlo gə̄ yā Kərist tə́.

Makətūbə̄ ń Pol ndang adə̄ Rom gə̄ ní 6:11

I beé ní, sḭḭ̄ á̰a̰ī rɔ̄sí de kə́ koy kɔ̄ɔ́ gə̄ tə́ tām̄ yā yá̰á̰ kə́ majaĺ tə́, ba á̰a̰ī rɔ̄sí de kə́ ndi kə kumuú gə̄ tə́ tām̄ yā Nə́ɓā tə́ kə gō ɓoo naā yāsí kə́ kə Jeju Kərist.

2 KORḚNTƏ 5:15

Ni oy tām̄ yā de gə̄ tə́ malang, yā kadə̄ ngé gə̄ ń ndin̄ kə kumdə́ ní, ndin̄ kə kumdə́ i tām̄ yādə́ nin̄ kɔ́ gə̄ tə́ to̰ alé, ba i tām̄ yā nge ń oy tá ndól̄ tām̄ yādə́ tə́ ní.

EPEJƏ 2:3

Kété ní, jḭḭ̄ malang i dan de gə̄ ń noō tə́ ō. Tām̄ kété ní j-a jə-rāāī i háĺ kə́ majaĺ gə̄, adə̄ i yá̰a̰ gə̄ ń dā̰ rɔ̄jí gḛy ní ō, yá̰a̰ kə́ majaĺ gə̄ ń jə-gírī ní ō, jḭḭ̄ i ngáń ngé wōn̄g gə̄ tītə̄ yā gotə gə̄ ō.

Makətūbə̄ ń Pol ndang adə̄ Rom gə̄ ní 6:2

I tītə̄ ń noō alé. Tɔdɔ̄ dan ń jḭḭ̄ i kə́ koy kɔ̄ɔ́ gə̄ ta yá̰a̰ rāā kə́ majaĺ tə́ ní, loo kadə̄ jə-ndiī dan rāā majaĺ tə́ ɓáý to̰ i ba̰ý?

EPEJƏ 4:17

Adə̄ najə̄ ń m-ə́dásí, ba m-ə́dásí ɓáý to̰ kə rī Kɔ́ɔ̄ɓēé ní n toó: Ī-lōōī kun háĺ de gə̄ kə́ nin̄ i Jipə aĺ gə̄ ō, gír̄ kə́ kemdə́ tə́ i gír̄ kə́ kanjə̄ kumən gə̄ ō ní.

Makətūbə̄ ń Pol ndang adə̄ Rom gə̄ ní 14:7

Deē kógə̄ḿ danjí tə́ kə́ ndi kə kumneé tām̄ yān nəkɔ́ tə́ ngóy, aké oy i tām̄ yān nəkɔ́ tə́ ngóy ní gətóo.

1 PIYER 2:1

Adə̄ majə kadə̄ ə́ya̰ī kem ndul ō, ngam ō, gól̄ loo ō, kəndā naā nii ō, tām̄ kə deé ō, kɔ̄ɔ́.

PĀ GƏ̄ 143:10

Ī-ndóōm̄ loo rāā yá̰á̰ ń kemií ndigə ní, tɔdɔ̄ ḭ̄ i Nə́ɓā yāḿ. Ndílí i Ndíĺ kə́ majə, ādə̄ njə̄rā seḿ dɔ róbə́ kə́ gidə asə naā majə tə́!

JA̰A̰ 7:17

Ré deē kógə̄ḿ gḛy rāā yá̰á̰ ń kem Nə́ɓā ndigə ní anī, a ger̄ ké yá̰á̰ ń m̄-ndóō de gə̄ ní ḭḭ rɔ̄ Nə́ɓā tə́, aké m-ɔ̄r̄ najə̄ i kə dɔḿ mə̄kɔ́ wa.

MARK 7:21

Tɔdɔ̄ yá̰a̰ gə̄ ń a teēn̄ ngarān̄g kem de gə̄ tə́ ní, i gír̄ kə́ majaĺ gə̄ ō, i sāā naā loo kaya tə́ ō, ɓogə ō, tɔ̄l̄ deē ō,

MARK 3:35

Tɔdɔ̄ náā nəkɔ́ ń rāā yá̰a̰ kə gō kem ndigə yā Nə́ɓā ní anī, ni i ngōkó̰ó̰ḿ kə́ dəngam ō, kə́ dəyá̰ ō, ni i kó̰ó̰ḿ ō.

OJEE 6:7

Ba sḭḭ̄, kem ɓē kə́ Adam tə́ ní, ī-ɓōlíī gidə madə̄ naā yāḿ alé, sḭḭ̄ ī-raī dɔ ndūsí tə́ seḿ alé.

1 JA̰A̰ 2:17

Ba dɔ nang ń toō ō, ngur yá̰á̰ kə́ tū tə́ gə̄ ō, a mānə̄n̄ kɔ̄ɔ́. Banī deē ń rāā yá̰á̰ ń Nə́ɓā ndigə ní, a ndi ngándáńg.

JAKƏ 1:18

Ni-ojəjí kə gō kem ndigə yānneé, kə ta kūl̄ najə̄ kə́ rɔ̄kum, ba əndājí loo kə́ kété tə́ dɔ yá̰a̰ rāān gə̄ tə́ malang.

HEBƏRO 13:21

Kadə̄ əndān̄sí kə gōó tām̄ yá̰á̰ kə́ majə gə̄ tə́ malang, yā kadə̄ ī-rāāī gō kem ndigə yān. Kadə̄ ni-rāā yá̰á̰ kə́ əsō kumən kemjí tə́ kə ta kūl̄ Jeju Kərist ń kɔsə gɔn i tām̄ yān tə́ ngándáńg ngándáńg ní. Adə̄ i tītə̄ ń noō!

1 TESALONIK 5:18

Ī-ndadī Nə́ɓā dan yá̰a̰ gə̄ tə́ malang, tɔdɔ̄ yá̰á̰ ń Nə́ɓā sāā rɔ̄sí tə́ dan ń ī-ɓooī naā kə Kərist Jeju ní n noó.

KOLOSƏ 1:9

I tām̄ najə̄ ń toō tə́ n əla gír ndɔ̄ ń j-oōń najə̄ ń toō tə́ ní, jə-lōō ndɔ̄ȳ tām̄ yāsí tə́ aĺ ní. Jə-dəje Nə́ɓā kadə̄ rāā sesí, kadə̄ ī-gerī yá̰a̰ malang ń kemən ndigə ní, kə ta kūl̄ Ndíl ń i nge rāā kadə̄ kumsí edə̄ ō, kemsí ger̄ yá̰á̰ ō ní.

EPEJƏ 5:17

I beé ní, ī-lōōī rāā yá̰a̰ tītə̄ yā de kə́ kur̄ dɔdə́ gətóo gə̄, banī majə kadə̄ ī-gerī kum yá̰á̰ ń Kɔ́ɔ̄ɓē gḛy ní.

Makətūbə̄ ń Pol ndang adə̄ Rom gə̄ ní 12:2

Ī-lōōī ndájə̄ hál de kə́ dɔ nang tə́ gə̄. Banī ādī Nə́ɓā tūr̄ kemsí ō, adə̄sí kur̄ dɔ kə́ kijə ō. Loo ń noō tə́ ā ásiī ka̰a̰ yá̰á̰ ń Nə́ɓā ndigə ní yā ger̄. Adə̄ i yá̰á̰ kə́ majə ō, nel̄ Nə́ɓā ō, kə́ majə ɔtə kə taá ō.

Makətūbə̄ ń Pol ndang adə̄ Rom gə̄ ní 7:4

Ngákó̰ó̰ḿ gə̄, yāsí i tītə̄ ń noō ō tām̄ yā ndū najə̄ tə́, tɔdɔ̄ dan ń sḭḭ̄ ī-ɓooī naā kə Kərist ní, sḭḭ̄ i de kə́ koy kɔ̄ɔ́ gə̄ ō, adə̄ sḭḭ̄ i yā de kə́ rang. Sḭḭ̄ i de gə̄ yā Kərist ń ndól̄ dan de kə́ koy gə̄ tə́ ní kadə̄ jə-rāāiń yá̰á̰ kə́ majə gə̄ tām̄ yā Nə́ɓā tə́.

JA̰A̰ 1:13

Ojən̄də́ i kə gō ndigə yā mósə aĺ ō, yā dā̰ rɔ̄ aĺ ō, yā deé aĺ ō, banī i kə gō ndigə yā Nə́ɓā.

MATIYE 21:31

Ní, dan ngáń kə́ jōó gə̄ ń toō tə́ ní, i nge kə́ rá n rāā yá̰á̰ ń bɔbə̄n ndigə ní? Nin̄-tél ədan̄ na: I nge kə́ ta kəga dɔ. Anī Jeju ədadə́ na: Ādə̄ m-ə́dásí najə̄ kə́ bo ngá̰ý, ngé táā lambóo gə̄ ō, dəyá̰ ájə́ba gə̄ ō, a ugə̄n̄ kem Ɓē ko̰o̰ yā Nə́ɓā tə́ kété nosí tə́.

MATIYE 12:50

Tɔdɔ̄ deē ń rāā yá̰a̰ kə gō kem ndigə yā Bɔbə́ḿ kə́ ndi dɔ rā̰ tə́ ní, kɔ́ɔ̄ i ngōkó̰ó̰ḿ kə́ dəngam ō, kə́ dəyá̰ ō, i kó̰ó̰ḿ ō.

MATIYE 7:21

I ngé gə̄ ń a ədamə̄n̄ na: Kɔ́ɔ̄ɓē, Kɔ́ɔ̄ɓē! Ní n a udən̄ kem Ɓē ko̰o̰ kə́ dɔ rā̰ tə́ malang ní alé, banī i ngé gə̄ ń a rāān̄ yá̰á̰ ń kem Bɔbə́ḿ kə́ ndi dɔ rā̰ tə́ ndigə ní tá.

KOLOSƏ 4:12

Epapəras ń i de kə́ loosí ní rāāsí lápə́ya. Nge kəla yā Kərist Jeju ń toō rɔ̄ɔ̄ tām̄ yāsí tə́ kə ndɔ̄yɔ̄ɔ́ yā kadə̄ ī-raī gágájə́ kə́ de kə́ majə ɔtə̄ kə taá gə̄ tə́, kə́ rāān̄ yá̰a̰ gə̄ ń kem Nə́ɓā ndigə ní.

KOLOSƏ 3:3

Tɔdɔ̄ sḭḭ̄ i de kə́ koy kɔ̄ɔ́ gə̄, adə̄ ī-ndiī kə kumsí i loo ɓɔ̄ɔ̄ rɔ̄ tə́, naā tə́ kə Kərist kem Nə́ɓā tə́.

MATIYE 20:4

Anī ni-ədadə́ na kə aw̄ rāān̄ kəla kem ndɔr̄ kāgə̄ nduú yān tə́ ō, na n-a n-adə̄də́ gúrsə kə́ asə kə gō kəla yādə́. De gə̄ ní aw̄n̄ ndɔr̄ ní tə́.