1 PIYER 4:18 - Bibəl ta Sar̄

¹⁸ Tá tītə̄ ń makətūbə̄ yā Nə́ɓā ədań ní: Ré de kə́ súmūú ba na̰y i sḛ́ý beē kadə̄ ajənən̄ aĺ anī, de kə́ nge ra dɔ ndūn tə́ kə Nə́ɓāá tə́ aĺ ō, nge rāā yá̰á̰ kə́ majaĺ ō ní, ta tɔ̄l̄ tadə́ a to i ba̰ý?

Bible sar

¹⁸ Tá tītə̄ ń makətūbə̄ yā Nə́ɓā ədań ní: Ré de kə́ súmūú ba na̰y i sḛ́ý beē kadə̄ ajənən̄ aĺ anī, de kə́ nge ra dɔ ndūn tə́ kə Nə́ɓāá tə́ aĺ ō, nge rāā yá̰á̰ kə́ majaĺ ō ní, ta tɔ̄l̄ tadə́ a to i ba̰ý?

1 PIYER 4:18 Referans Kwoze

Gōsə̄ najə̄ gə̄ 11:31

Rɔ̄kum, əndān̄ nja de kə́ súmūú dɔ nang tə́ laā tām̄ kəla rāān tə́, banī nge kem ndul ō, nge rāā majaĺ ō ní, i najə̄ rí n kə deē kə əda dɔdə́ tə́ ní?

EJEKIEL 18:24

Ba ré de kə́ majə lōō gír rāā yá̰á̰ kə́ gōtə́ tə́ ba rāā yá̰á̰ kə́ majaĺ, tām̄ ni ndájə̄ yá̰a̰ rāā kə́ majaĺ ngá̰ý gə̄ malang yā de kə́ majaĺ gə̄ anī, ɔ́jiīń na a ndi kə kumneé a? I beé alé! Yá̰a̰ malang kə́ majə gə̄ ń ni-rāā ní, dɔdə́ a ndígə̄nal dɔ tə́ kɔ̄ɔ́. Ni a oy sɔɔ̄ń ra kə́ ni-ra dɔ ndūn tə́ aĺ ō, yá̰á̰ kə́ majaĺ kə́ ni-rāā ō.

Najə̄ kə́ Majə yā Jeju ń Luk ndang ní 23:31

Ní, ré rāān̄ kāgə̄ kə́ mbōl̄ yá̰á̰ kə́ tītə̄ ń noō gə̄ anī, nge kə́ tutə ní, yān i ba̰ý?

Makətūbə̄ ń Jud ndang ní 1:15

yā rāań sarya kə de gēé malang ō, yā kɔsəń ngóýdə́ ō, tām̄ yā yá̰á̰ kə́ majaĺ gə̄ malang ń nin̄-rāān̄ loo ngé mbātə́ rāā yá̰a̰ kə gō ń Nə́ɓā ndigə tə́ ní ō, tām̄ yā najə̄ kə́ tōr̄ gə̄ malang ń ngé rāā majaĺ kə́ ngé ɓōĺ ndíl de gə̄ aĺ gə̄ ń noō ədan̄ dɔn tə́ ní ō.

1 KORḚNTƏ 10:12

I beé ní, deē ń gír̄ kadə̄ ni i de kə́ ra dɔɔ́ anī, ādə̄ a̰a̰ rɔ̄n majə na sōgə́ əsō.

Makətūbə̄ ń Pol ndang adə̄ Rom gə̄ ní 1:18

Nə́ɓā ndi dɔɔ́ dɔ rā̰ tə́ rāāń wōn̄g kə yá̰a̰ malang kə́ majaĺ ō, kə́ gō tə́ aĺ ō ń de gə̄ rāān̄ ní. Tɔdɔ̄ nin̄-ɔgə̄n̄ najə̄ kə́ rɔ̄kum rāā kəla sɔɔ̄ń yá̰a̰ rāādə́ kə́ majaĺ gə̄.

KƏLA RĀĀ 14:22

Nin̄-mbūsə̄n̄ ngé taā kem gə̄ kə najá ō, əlan̄ go̰ kemdə́ tə́ kadə̄ ran̄ ngan̄g dɔ taā kem yādə́ tə́ ō. Nin̄-ədan̄də́ na: I gáŕ kadə̄ wur kɔl əsō dɔjí tə́ pá tá j-a j-udiī kem Ɓē ko̰o̰ yā Nə́ɓā tə́ ɓáý.

2 PIYER 3:7

Banī dɔ rā̰ kə́ ngɔr ń toō tə́ ō, dɔ nang kə́ ngɔr ń toō tə́ ō ní, najə̄ yā Nə́ɓā kə́ kógə̄ḿ beē nəkɔ́ ń toō ngɔ̄m̄də́ i tām̄ yā hor tə́, yā kadə̄ hor nujəń kɔ̄ɔ́. Ngɔ̄mə̄n̄də́ i tām̄ yā ndɔ̄ ń a gāngə̄n̄neé sarya dɔ ngé kem ndul gə̄ tə́ ō, a nujən̄neé sedə́ kɔ̄ɔ́ ō ní tə́.

1 PIYER 5:8

Əhɔī rɔ̄sí dɔ yá̰á̰ tə́ ba ī-lōōī rāā yá̰a̰ kadə̄ mān̄ dɔ majən ō, á̰a̰ī já̰já̰ dɔ rɔ̄sí tə́ ō! Tɔdɔ̄ madə̄ ba̰ā̰sí ń i diabəl ní, a ənī gir̄ gində̄ gidə loo tə́ tītə̄ ɓɔl kə́ a nōō beé, a sāań de kə́ yā kadə̄ n-əhɔ n-rə́yā̰n naā tə́ ba n-əsan.

Makətūbə̄ ń Pol ndang adə̄ Rom gə̄ ní 5:8

Ba á̰a̰ī yá̰á̰ ń Nə́ɓā rāā ɔjəńjí táŕ ń ni-táŕjí ní: I dan ń jḭḭ i ngé rāā majaĺ gə̄ ɓáý ní n Kərist oy tām̄ yājí tə́ ní.

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

JEREMI 25:29

M-ā m-ə́la kə yá̰á̰ kə́ to kum kaȳ aĺ dɔ de gə̄ tə́. M-ə́la gír i dɔ ɓē ń rīḿ ɓār̄ dɔ tə́ ní sḭḭ̄ a ī-teēī kum tə́ karī a? Njaḿ gē ā ī-teēī kum tə́ alé. Tɔdɔ̄ m-ā m̄-rāā kadə̄ de kə́ dɔ nang tə́ gə̄ malang oyn̄ yo kaskar. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

HEBƏRO 4:1

Dan ń Nə́ɓā ənī míndən yā kadə̄ j-ugīneé tū kɔr̄ koō yān tə́ to̰ ɓáý ní, jə-ɓōlíī najə̄ kadə̄ deē kógə̄ḿ kə́ dansí tə́ nal̄ ta róbə́ kə́ yā kudəń tū kɔr̄ koō ngeé ń toō tə́.

Makətūbə̄ ń Pol ndang adə̄ Rom gə̄ ní 5:6

I dan ń tɔ́gə́jí gətóoń ɓáý ní n Kərist oyń tām̄ yā ngé rāā majaĺ gə̄ tə́, ndɔ̄ ń Nə́ɓā ɔjəń tə́ ní.

TA KƏLA 13:13

De kə́ Sodom gə̄ i de kə́ kemdə́ ndul ngá̰ý gə̄. Nin̄-rāān̄ yá̰á̰ kə́ majaĺ ngá̰ý gə̄ ta kum Kɔ́ɔ̄ɓē tə́.

KƏLA RĀĀ 27:24

ba ədam̄ na: Pol ī-lōō ɓōĺ, tɔdɔ̄ i gáŕ kadə̄ ā ī-ra no Sejar tə́ ō, de gə̄ malang ń nin̄ i seí kem toó ní, Nə́ɓā adī sedə́ ō.

Najə̄ kə́ Majə yā Jeju ń Luk ndang ní 15:1

Ngé taā lambóo gə̄ kə ngé rāā majaĺ gə̄ reēn̄ rɔ̄ Jeju tə́ malang yā koō najə̄ kɔrə̄n.

1 SAMUEL 15:18

Kɔ́ɔ̄ɓē əlaī, ədaī na kə āw̄ kə ī-rɔ̄ɔ̄ Amalek gə̄ ń i ngé rāā majaĺ gə̄ ní, kə ī-tɔ̄l̄də́ kɔ̄ɔ́ malang.

KƏLA RĀĀ 27:31

Anī Pol əda ngol áskar gə̄ ō, áskar gə̄ ō na: Ré de gə̄ ń noō ndin̄ kem too boó aĺ anī sḭḭ̄ ā ájiī alé.

1 TIMOTE 1:9

Yá̰á̰ ń kadə̄ jə-gerī majə ní n toó: Ngé gə̄ ń əndān̄ ndū najə̄ tām̄ yādə́ tə́ ní, i de kə́ súmūú gə̄ alé, ba i de kə́ ngé rāā yá̰á̰ kə́ gō tə́ aĺ gə̄ ō, ngé dum̄ naā gə̄ ō, ngé mbātə́ rāā yá̰a̰ kə gō yā Nə́ɓāá ō, ngé rāā majaĺ gə̄ ō, ngé nujə yá̰á̰ kə́ kɔr̄ kam̄ gə̄, aláa rāā yá̰á̰ kə́ kɔr̄ kam̄ gə̄ yá̰á̰ kə́ karī tə́ ō, ngé tɔ̄l̄ bɔbə̄də́ kə kó̰ó̰də́ gə̄ ō, ngé tɔ̄l̄ de gə̄ ō,

JAKƏ 5:6

Ī-gāngī sarya dɔ de kə́ gōtə́ tə́ ba ī-tɔ̄l̄niī, tɔdɔ̄ ni-dum̄sí alé.