Biblia Todo Logo
Bib sou entènèt

- Piblisite -




1 PIYER 4:16 - Bibəl ta Sar̄

16 Ba ré deē a̰a̰ tápə̄ i loo deē yā Kərist tə́ anī, ādə̄ rɔ̄ kɔ́ɔ̄ sɔlə̄n alé. Ba ādə̄ ɔsə gɔn Nə́ɓā, tām̄ rī deē yā Kərist ń ɓār̄ dɔn tə́ ní tə́.

Gade chapit la Kopi

Bible sar

16 Ba ré deē a̰a̰ tápə̄ i loo deē yā *Kərist tə́ anī, ādə̄ rɔ̄ kɔ́ɔ̄ sɔlə̄n alé. Ba ādə̄ ɔsə gɔn Nə́ɓā, tām̄ rī deē yā Kərist ń ɓār̄ dɔn tə́ ní tə́.

Gade chapit la Kopi




1 PIYER 4:16
20 Referans Kwoze  

Tɔdɔ̄ kə́ ɔjə dɔ najə̄ yā Kərist ní, Nə́ɓā rāā kem majə sesí adə̄ ī-taāī i kem Kərist ngóy alé, banī á̰a̰ī tápə̄ najə̄ yān tə́ ō.


I beé ní, ngé gə̄ ń a̰a̰n̄ tápə̄ tām̄ rāā kə́ nin̄-rāān̄ gō kem ndigə yā Nə́ɓā tə́ ní, majə kadə̄ na̰yn̄ kə̄ loo rāā yá̰á̰ kə́ majə tə́ kə̄ nodə́ tə́ ō, ənīn̄ kemdə́ mámák adə̄n̄ Nə́ɓā nge rāā yá̰a̰ malang ō, nge ra dɔ ndūn kə́ ənī tə́ ō.


I tām̄ najə̄ ń noō tə́ n yá̰á̰ kə́ tōr̄ gə̄ ń toō a rāāmə̄n̄neé ní, Banī rɔ̄ḿ sɔlə̄m̄ najə̄n tə́ alé. Tɔdɔ̄ m̄-ger̄ deē ń m̄-taā kemən ní ō, m̄-ger̄ majə kadə̄ ni-asə ngɔ̄m̄ yá̰á̰ ń ɓɔ̄ɔ̄mə̄n̄ ní bátə́ ndɔ̄ ngeé ń noō tə́ ō.


Ngámbang kəla gə̄ teēn̄ loo sarya kə́ bo tə́, anī rɔ̄də́ nel̄də́ tām̄ kəndā kə́ Nə́ɓā əndā ma̰ȳdə́ a̰ā̰ kadə̄ asən̄ kadə̄ kídə̄n̄də́ ba rāān̄də́ yá̰á̰ kə́ tōr̄ tām̄ yā rī Jeju tə́.


Tɔdɔ̄ yá̰á̰ ń m̄-ngóō ō, m-ə̄ndā kemḿ dɔ tə́ kə ngangāá ngá̰ý ō ní, i kadə̄ ndɔ̄ń tə́ anī yá̰á̰ kógə̄ḿ adə̄m̄ rɔ̄sɔl̄ alé. Ba nəkɔ́ ń jóó bátə́ ngɔlaā toó ní, m̄-sōl̄ yá̰á̰ kógə̄ḿ alé. I tītə̄ ń noō n kə ta kūl̄ ndiḿ kə kumḿ, aláa kə ta kūl̄ koyḿ, m-ā m-ɔ́jəń kə̄ ndágá kadə̄ Kərist i de kə́ bo ní.


Kɔ́ɔ̄ɓē Nə́ɓā reē dḭḭ̄m̄, i tām̄ najə̄ ń toō tə́ n ndū yādə́ ɔdə rɔ̄ḿ aĺ ní. m̄-rāā ta kumḿ adə̄ ngan̄g tītə̄ mbal̄ beé. m̄-ger̄ kadə̄ rɔ̄ɔ̄ a tetəm̄ alé.


Anī Agəripa tél əda Pol na: Na̰y i sḛ́ý beē kadə̄ ɔ́sə́ ngóýḿ kadə̄ m̄-tél deē yā Kərist.


Ī-lōō ɓōĺ na rɔ̄í a sɔlī ngá̰ý to̰ alé. Ī-lōō kadə̄ kemií nujə na a tájīn̄ to̰ alé. Dɔí a ndígə̄nal rɔ̄í ń sɔlī dan ń ī-na̰y ngōn̄ ɓáý tə́ ní. Ndū gə̄ ń tájīn̄ dan ń ḭ̄ i dəyá̰ kə́ ngaa koy ní, dɔí a ndígə̄nal kɔ̄ɔ́.


Ɔ́siī gɔn Kɔ́ɔ̄ɓē, gō nang kə́ gír ɓē tə́, ə̄nīī pā rīn dɔ dor̄ loo gə̄ kə́ kum bā bo tə́ tə́ ō, ə̄nīī pā rī Kɔ́ɔ̄ɓē, Nə́ɓā yā Israel!


Dan ń əngen anī reē seneé A̰tiyos. Nin̄ jōó mbak rāān̄ ɓāl̄ kógə̄ḿ kə taá dan de gə̄ kə́ kem Egəlijə kə́ A̰tiyos tə́ ō, ndóōn̄ kósə de kə́ ngá̰ý gə̄ yá̰a̰ ō. De gə̄ əlan̄ gír ɓāŕ ngé ndóō yá̰a̰ yā Jeju gə̄ na i Kəretiyḛ gə̄ i kem ɓē kə́ A̰tiyos tə́.


Ba jḭḭ jə-gḛy kadə̄ īkɔ́ ə́dájí yá̰á̰ ń ī-gír̄ ní kə taí. Tɔdɔ̄ jə-ger̄ kadə̄ kə gō loo gə̄ malang ní, de gə̄ ndigən̄ najə̄ yā gír ɓūtə̄ yāí ń toō alé.


I nin̄ n a ɔrə̄n̄ najə̄ kə́ to ngonjə̄ gə̄ dɔ rī kə́ majə ngá̰ý ń ɓār̄ dɔsí tə́ ní aĺ a?


Ādī háĺsí majə dɔ dán de kə́ ndágá gə̄ tə́. I beé tá, ká ré nin̄-tetən̄ najə̄ dɔsí tə́ na sḭḭ̄ na i ngé rāā yá̰a̰ majaĺ gə̄ gə̄gē anī, a a̰a̰n̄ yá̰á̰ kə́ majə gə̄ ń sḭḭ̄ ī-rāāī ní ō, a tɔ̄ȳn̄ Nə́ɓā ndɔ̄ ń ni-reē go̰ō̰ńdə́ tə́ ní ō.


Ré deē kógə̄ḿ a ɔr̄ najə̄ anī, majə kadə̄ i yá̰a̰ gə̄ ń Nə́ɓā əda ní n ni-əda de gə̄ ní. Ré deē kógə̄ḿ a rāā kə de gēé anī, majə kadə̄ i kə tɔ́gə́ ń Nə́ɓā adə̄n ní. Yā kadə̄ tū yá̰a̰ gə̄ tə́ malang ɓáa kɔsə gɔn i yā Nə́ɓā kə ta kūl̄ Jeju Kərist, ni ń kɔsə gɔn ō, ndi dɔ de gə̄ tə́ ō, i yān kə dɔ ɓāl̄ gə̄ ɓāl̄ gə̄ ní. Adə̄ i tītə̄ ń noō!


Ré tájə̄n̄sí tām̄ yā rī Kərist tə́ anī, ādī rɔ̄sí nel̄sí. Tɔdɔ̄ Ndíĺ kə́ to kɔsə gɔn ń i Ndíĺ Nə́ɓā ní, i dɔsí tə́.


Swiv nou:

Piblisite


Piblisite