1 PIYER 4:13 - Bibəl ta Sar̄

¹³ Banī ī-rāāī rɔ̄nel̄, tām̄ yá̰á̰ kə́ tōr̄ ń rāāsí tītə̄ ń rāań Kərist ō ní tə́. Yā kadə̄ ndɔ̄ń tə́ ré kɔsə gɔn yān a ɔjə rɔ̄n kə̄ ndágá anī, rɔ̄sí nelə̄ńsí ngá̰ý ō.

Bible sar

¹³ Banī ī-rāāī rɔ̄nel̄, tām̄ yá̰á̰ kə́ tōr̄ ń rāāsí tītə̄ ń rāań *Kərist ō ní tə́. Yā kadə̄ ndɔ̄ń tə́ ré *kɔsə gɔn yān a ɔjə rɔ̄n kə̄ ndágá anī, rɔ̄sí nelə̄ńsí ngá̰ý ō.

1 PIYER 4:13 Referans Kwoze

Makətūbə̄ ń Pol ndang adə̄ Rom gə̄ ní 8:17

Ré jḭḭ̄ i ngánən gə̄ anī, j-a j-əngeī yá̰a̰ yān ō. J-a j-əngeī yá̰á̰ ń Nə́ɓā adə̄ ngánən gə̄ ní naā tə́ kə Kərist, tɔdɔ̄ ré j-a̰a̰ī tápə̄ naā tə́ seneé anī, j-a j-əngeī kɔsə gɔn naā tə́ seneé ō.

Makətūbə̄ ń Pol ndang adə̄ Rom gə̄ ní 5:3

Ba j-ɔjiī rɔ̄jí i tām̄ kɔsə gɔn ń toō tə́ ngóy alé, tɔdɔ̄ jə-gerī kadə̄ wur kɔl yājí rāā adə̄ j-əhɔī rɔ̄jí tɔ́gə ō,

PILIPƏ 3:10

Yá̰á̰ ń m̄-sāā ní i kadə̄ m̄-ger̄ Kərist ō, tɔ́gə́ ń ni ndóləń bəlo yo tə́ ní ō. m̄-sāā i ka̰a̰ tápə̄ seneé ō, kadə̄ m̄-to tītə̄n dan ń ni-oyń tə́ ní ō,

2 KORḚNTƏ 1:7

Adə̄ j-əndā kemjí dɔsí tə́ kə ngangāá ngá̰ý. Tām̄ jə-ger̄ kadə̄ dan ń yá̰á̰ kə́ tōr̄ gə̄ rāān̄sí sejí ní, ā ə́ngeī kem sɔl̄ sejí ō.

1 PIYER 5:10

Ba loo ń ré á̰a̰ī tápə̄ sḛ́ý oy anī, Nə́ɓā ń yá̰a̰ malang kə́ rāā kə kem majaá a ḭḭ i rɔ̄n tə́ ní, ni ń ɓāŕsí kadə̄ sḭḭ̄ i tū kɔsə gɔn yān kə́ a to ngándáńg tə́, kə gō ɓoo naā yāsí kə Kərist ní, nəkɔ́ a rāā kadə̄ ā ī-majiī ɔ̄tī kə taá ō, ni a mbūsə̄ gíŕsí kadə̄ ī-raī ngan̄g ō, a adə̄sí tɔ́gə ō, yá̰á̰ kógə̄ḿ a yéȳsí yek aĺ ō.

2 KORḚNTƏ 4:10

J-ətō Jeju kem dā̰ rɔ̄jí tə́ ngándáńg, yā kadə̄ ndi kə kumuú yā Jeju ɔjəń rɔ̄n kə̄ ndágá dā̰ rɔ̄jí tə́ ō.

2 TIMOTE 2:12

Ré jə-raī ngan̄g anī, j-a j-o̰ō̰ī ɓēé naā tə́ seneé ō. Ré jə-mbātíin̄ anī, ni a mbātə́jí ō.

2 KORḚNTƏ 4:17

Wur kɔl gə̄ ń əsōn̄ dɔjí tə́ kum ngōn̄ mbang kə́ sḛ́ý beē tə́ ní, ré deē əndādə́ kadə naā tə́ kə kɔsə gɔn kə́ a to ngándáńg ń yá̰á̰ kə́ tōr̄ gə̄ ngeé ń toō rāān̄ loon tām̄ yājí tə́ ní anī, asən̄ naā aĺ bátə́, tɔdɔ̄ kɔsə gɔn ní i kɔsə gɔn kə́ ngá̰ý tɔȳ yá̰á̰ kə́ tōr̄ gə̄ ń rāān̄jí ní.

KƏLA RĀĀ 5:41

Ngámbang kəla gə̄ teēn̄ loo sarya kə́ bo tə́, anī rɔ̄də́ nel̄də́ tām̄ kəndā kə́ Nə́ɓā əndā ma̰ȳdə́ a̰ā̰ kadə̄ asən̄ kadə̄ kídə̄n̄də́ ba rāān̄də́ yá̰á̰ kə́ tōr̄ tām̄ yā rī Jeju tə́.

JEJU TEĒ KUM JA̰A̰ 1:9

Mā ngōkó̰ó̰sí Ja̰a̰ ń mā i sesí kum yá̰á̰ kə́ tōr̄ tə́ ō, kem Ɓē ko̰o̰ tə́ ō, loo kəhɔ rɔ̄ tɔgə tə́ gō Jeju tə́ ō ní, m̄-ndi dor̄ ń rīn na i Patəmos ní tə́ i tām̄ najə̄ yā Nə́ɓā tə́ ō, najə̄ kə́ kum tə́ kə́ m-ə́da tām̄ yā Jeju tə́ ō.

1 PIYER 5:1

Ngɔlaā ní m-ā m-ɔ̄r̄ najə̄ i kə kum kɔɔ̄ gə̄ ń ndin̄ dɔ dáńsí tə́ á mā i kum kɔɔ̄ madə̄də́ ō ní. Yá̰á̰ kə́ tōr̄ ń rāā Kərist ní, mā m-á̰a̰ā̰ kə kumḿ ō. Kɔsə gɔn ń ndɔ̄ń tə́ a teēn̄neé kə̄ ndágá ní, mā i tū tə́ ō. Yá̰á̰ ń m̄-dəjesí sḭḭ̄ kum kɔɔ̄ gə̄ ní n toó:

KOLOSƏ 1:24

Ngɔlaā m̄-rāā rɔ̄nel̄ tɔdɔ̄ wur kɔl ń kadə̄ əsō dɔ Kərist tə́ ní, əsō dɔḿ tə́ tām̄ yā rɔ̄n tə́ i tītə̄ noō. Rɔ̄n ní i Egəlijə.

MATIYE 16:27

Tɔdɔ̄ Ngōn̄ Deē a reē kə deē yān kə́ dɔ rā̰ tə́ gə̄ ō, kə kɔsə gɔn yā Bɔbə̄n ō. Loo ń noō tə́ ni a əgā de gə̄ kógə̄ḿ kógə̄ḿ malang ɔjəń dɔ yá̰a̰ rāādə́ gə̄.

MATIYE 5:12

Ī-rāāī rɔ̄nel̄ ō, ḭ́ḭḭ̄ bal walya ō, tɔdɔ̄ yá̰a̰ kəndā nja yāsí kə́ dɔ rā̰ tə́ ní i yá̰á̰ kə́ sḛ́ý beē tə́ aĺ bátə́, tɔdɔ̄ rāān̄ kum ngé koō ta gə̄ ń nin̄ i kété nosí tə́ ní ndoō tə́ i tītə̄ ń noō ō.

IJAI 35:10

Ngé gə̄ ń Kɔ́ɔ̄ɓē a gān̄g dɔdə́ ní a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē. Walya kə́ to ɓōĺ ngá̰ý a dān̄ gōdə́, ka̰a̰ tápə̄ ō, nōō rɔ̄ ō a gətóon̄ kɔ̄ɔ́.

1 PIYER 1:13

I tām̄ najə̄ ń noō tə́ n majə kadə̄ á̰a̰ī já̰já̰ dɔ rɔ̄sí tə́ ní. Ī-ndiī dɔ rɔ̄sí tə́ ō, yá̰á̰ ń Jeju Kərist a teē hɔy anī a adə̄n̄sí karī ní, ə̄ndāī kemsí dɔ tə́ mámák ō.

KƏLA RĀĀ 16:25

Ta kaw̄ kə̄ dan loo tə́ anī, Pol nin̄ kə Silas ndɔ̄ȳn̄ ō, ənīn̄ pā tɔ̄ȳn̄neé Nə́ɓā ō. Gotə dəngáy gə̄ oōn̄ ndūdə́.

MATIYE 25:34

Anī mban̄g a əda ngé gə̄ ń dɔ jī ko̰n tə́ ní na: Sḭḭ̄ ń Bɔbə́ḿ tɔ́r̄ tan dɔsí tə́ ní, ī-reēī, ī-taāī Ɓē ko̰o̰ ń rāān̄ tām̄ yāsí tə́ ta kəla gír kəndā dɔ rā̰ ō dɔ nang ō tə́ ní.

MATIYE 25:31

Dan ń Ngōn̄ Deē a reē dan kɔsə gɔn yān tə́ naā tə́ kə de kə́ dɔ rā̰ tə́ gə̄ malang anī, ni a ndi dɔ kɔ̄r̄ kāgə̄ mbang yān tə́.

MATIYE 25:23

Kɔ́ɔ̄n ədan na: Majə, ḭ̄ i nge kəla kə́ majə ō, kə́ nge ra dɔ ndūí tə́ ō. Ḭ̄ ɔ́jə kadə̄ ḭ̄ i de kə́ ra dɔ ndūí tə́ tū yá̰á̰ kə́ sḛ́ý beē tə́ ní, m-ā m-ə̄ndāī dɔ yá̰á̰ kə́ ngá̰ý gə̄ tə́. Ī-reē ī-rāā rɔ̄nel̄ kə kɔ́ɔ̄í.

MATIYE 25:21

Kɔ́ɔ̄n ədan na: Majə, ḭ̄ i nge kəla kə́ majə ō, kə́ nge ra dɔ ndūí tə́ ō. Ḭ̄ ɔ́jə kadə̄ ḭ̄ i de kə́ ra dɔ ndūí tə́ tū yá̰á̰ kə́ sḛ́ý beē tə́ ní, m-ā m-ə̄ndāī dɔ yá̰a̰ kə́ ngá̰ý gə̄ tə́. Ī-reē ī-rāā rɔ̄nel̄ kə kɔ́ɔ̄í.

IJAI 51:11

Ngé gə̄ ń Kɔ́ɔ̄ɓē gān̄g dɔdə́ ní, a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē, rɔ̄nel̄ kə́ ngá̰ý a dān̄ gōdə́. Ka̰a̰ tápə̄ ō, nōō rɔ̄ ō, a gətóon̄ kɔ̄ɔ́.

IJAI 25:9

Ba ndɔ̄ ngeé ń noō tə́ ní, a ədan̄ na: I ni n i Nə́ɓā yājí ní. Kété ní j-əndā kemjí i dɔn tə́ ō, ni ajəjí ō. A̰á̰ā̰, kété ní j-əndā kemjí i dɔ Kɔ́ɔ̄ɓē tə́. Ādə̄ jə-ndāmī ndām̄ rɔ̄nel̄, ādə̄ jə-rāāī rɔ̄nel̄: Ni ajəjí!

JEJU TEĒ KUM JA̰A̰ 1:7

Á̰a̰ī, ni a reē dan kil̄ man̄ tə́ ō, de gə̄ malang a a̰a̰nən̄ kə kumdə́ ō, de gə̄ ń ɔsənən̄ kə nəngaá ní, a a̰a̰nən̄ ō. Gír ɓē gə̄ malang kə́ dɔ nang tə́ a nōōn̄ rɔ̄də́ najə̄ yān tə́ ō. A̰á̰ā̰, adə̄ i tītə̄ ń noō.

Najə̄ kə́ Majə yā Jeju ń Luk ndang ní 17:30

Ndɔ̄ ń kadə̄ Ngōn̄ Deē a teēń hɔy tə́ ní a to i tītə̄ ń noō ō.

MARK 8:38

Tɔdɔ̄ deē ń rɔ̄n sɔlə̄n tām̄ yāḿ tə́ ō, tām̄ najə̄ yāḿ gə̄ tə́ ō, dan gír de kə́ ɓāl̄ ń toō tə́ gə̄ kə́ nin̄ i ngé rāā rāȳ gə̄ ō, kə́ ngé kəhɔ ta Nə́ɓā aĺ gə̄ ō ní anī, rɔ̄ Ngōn̄ Deē a sɔlə̄n tām̄ yān tə́, dan ń a tél yā reē dan kɔsə gɔn yā Bɔbə̄n tə́ naā tə́ kə de kə́ dɔ rā̰ tə́ kə́ táĺ gə̄ ní.

Makətūbə̄ ń Pol ndang adə̄ Rom gə̄ ní 8:18

Tɔdɔ̄ m̄-gír̄ kadə̄ yá̰á̰ kə́ tōr̄ gə̄ ń j-əngeī ngɔlaā ní, i yá̰á̰ kə́ karī kadə kɔsə gɔn kə́ to loo mundə̄ tə́ kemjí tə́ ń a ɔjə rɔ̄n kə̄ ndágá wáńg ɓáý ní.

2 KORḚNTƏ 1:5

Tītə̄ ń yá̰á̰ kə́ tōr̄ gə̄ yā Kərist rāān̄jí ngá̰ý ní, i tītə̄ ń toō n jḭḭ̄ j-əngeīneé kem sɔl̄ ngá̰ý kə ta kūl̄ Kərist ō ní.

1 PIYER 2:21

Tɔdɔ̄ yá̰á̰ kə́ tōr̄ rāā Kərist tām̄ yāsí tə́. Ni-ɔjəsí i yá̰á̰ kə́ kadə̄ ī-ndájī, kadə̄ úniī gō tóon.

Makətūbə̄ ń Jud ndang ní 1:24

Nə́ɓā kə́ to kɔsə gɔn ń asə ngɔ̄m̄sí kadə̄ ə̄sōī aĺ ō, asə rāā kadə̄ ī-raī kə rɔ̄nelēé kanjə̄ najə̄ dɔsí tə́ ta kumən tə́ ō ní,