1 PIYER 3:9 - Bibəl ta Sar̄

⁹ Ré rāān̄sí yá̰á̰ kə́ majanī, ī-lōōī tél rāādə́ yá̰á̰ kə́ majaĺ kum gotə ō, ré tájə̄n̄sí anī, ī-lōōī tél tájə̄də́ kum gotə ō. Banī ī-tɔ́rī tasí tá dɔdə́ tə́. Tām̄ sḭḭ̄ kɔ́ gə̄ kə dɔsí ní, Nə́ɓā ɓāŕsí i yā tɔ́r̄ tan dɔsí tə́.

Bible sar

⁹ Ré rāān̄sí yá̰á̰ kə́ majanī, ī-lōōī tél rāādə́ yá̰á̰ kə́ majaĺ kum gotə ō, ré tájə̄n̄sí anī, ī-lōōī tél tájə̄də́ kum gotə ō. Banī ī-tɔ́rī tasí tá dɔdə́ tə́. Tām̄ sḭḭ̄ kɔ́ gə̄ kə dɔsí ní, Nə́ɓā ɓāŕsí i yā tɔ́r̄ tan dɔsí tə́.

1 PIYER 3:9 Referans Kwoze

Makətūbə̄ ń Pol ndang adə̄ Rom gə̄ ní 12:17

Ī-téliī kə majaĺ kum gotə majaĺ alé. Ādī o̰o̰sí ta rāā yá̰á̰ kə́ majə ta kum de gə̄ tə́ malang.

Gōsə̄ najə̄ gə̄ 20:22

Ī-lōō kəda na yá̰á̰ kə́ majaĺ ń rāān̄ seí ní na ā ə̄gā kə̄rān, əndā kemií dɔ Kɔ́ɔ̄ɓē tə́ anī ni a ajiī.

Makətūbə̄ ń Pol ndang adə̄ Rom gə̄ ní 12:14

Ī-dəjeī Nə́ɓā kadə̄ rāā majə kə ngé gə̄ ń rāān̄sí ndoō tə́ ní. Ī-tɔ́rī tasí dɔdə́ tə́ ba ī-lōōī ndɔ̄ĺdə́.

1 TESALONIK 5:15

Á̰a̰ī majə tá kadə̄ deē kógə̄ḿ tél kə majaĺ kum gotə majaĺ adə̄ madə̄n alé, ba ī-sāāī loo rāā yá̰á̰ kə́ majə ngándáńg kə naá dɔ dáńsí tə́ ō, tām̄ yā de gə̄ tə́ malang ō.

MATIYE 5:44

Ba mā m-ə́dásí na: Ī-táriī madə̄ ba̰ā̰sí gə̄ ō, ī-ndɔ̄yī tām̄ yā ngé gə̄ ń rāān̄sí ndoō tə́ ní ō,

EPEJƏ 4:32

Ī-rāāī majə kə naá ō, ādī kumsí o̰o̰sí kə madə̄sí gēé ō. Ī-mā̰yī rɔ̄sí dɔ naā tə́, tītə̄ ń Nə́ɓā mā̰yń rɔ̄n dɔsí tə́ sɔɔ̄ń ɓoo naā yāsí kə Kərist ní ō.

MATIYE 5:39

Ba mā m-ə́dásí na: Ī-lōōī dum̄ ta nge kem ndul. Ré deē ənda mbɔ́rí kə́ ko̰ó̰ anī, ī-tūr̄ kə́ geleé ādə̄n to̰.

Gōsə̄ najə̄ gə̄ 17:13

Deē ń rāā majaĺ kum gotə majə kə́ rāān̄ seneé ní yá̰á̰ kə́ to kum kaȳ aĺ a teē kɔ̄ɔ́ kújú gōn tə́ alé.

1 PIYER 5:10

Ba loo ń ré á̰a̰ī tápə̄ sḛ́ý oy anī, Nə́ɓā ń yá̰a̰ malang kə́ rāā kə kem majaá a ḭḭ i rɔ̄n tə́ ní, ni ń ɓāŕsí kadə̄ sḭḭ̄ i tū kɔsə gɔn yān kə́ a to ngándáńg tə́, kə gō ɓoo naā yāsí kə Kərist ní, nəkɔ́ a rāā kadə̄ ā ī-majiī ɔ̄tī kə taá ō, ni a mbūsə̄ gíŕsí kadə̄ ī-raī ngan̄g ō, a adə̄sí tɔ́gə ō, yá̰á̰ kógə̄ḿ a yéȳsí yek aĺ ō.

Makətūbə̄ ń Pol ndang adə̄ Rom gə̄ ní 8:28

Jə-gerī majə kadə̄ ngé gə̄ ń tárən̄ Nə́ɓā á nin̄ i nge gə̄ ń Nə́ɓā ɓāŕdə́ kə gō yá̰á̰ ń nəkɔ́ núm̄ kété ní, yá̰a̰ malang ń rāādə́ ní, Nə́ɓā a rāā kadə̄ i yá̰á̰ kə́ majə tām̄ yādə́ tə́.

MATIYE 25:34

Anī mban̄g a əda ngé gə̄ ń dɔ jī ko̰n tə́ ní na: Sḭḭ̄ ń Bɔbə́ḿ tɔ́r̄ tan dɔsí tə́ ní, ī-reēī, ī-taāī Ɓē ko̰o̰ ń rāān̄ tām̄ yāsí tə́ ta kəla gír kəndā dɔ rā̰ ō dɔ nang ō tə́ ní.

HEBƏRO 6:14

əda na: m̄-túbə kadə̄ m̄-rāā majə seí ō, kadə̄ m-ā m̄-rāā kadə̄ ngán kaan gə̄ i ngá̰ý ō.

Najə̄ kə́ Majə yā Jeju ń Luk ndang ní 18:18

Ngār kógə̄ḿ dəje Jeju najə̄ əda na: Ngol kə́ majə, i rí n kə m-ā m̄-rāā tá yā kadə̄ m-ndiń kə kumḿ ngándáńg ní?

Najə̄ kə́ Majə yā Jeju ń Luk ndang ní 10:25

Deē kógə̄ḿ kə́ nge ndóō de gə̄ ndū najə̄ gə̄ ḭḭ dɔɔ́ ba dəje Jeju najə̄ yā nāānneé, əda na: Ngoləḿ, yá̰á̰ ń kadə̄ m̄-rāā tá m̄-ndiń kə kumḿ ngándáńg ní i rí?

MATIYE 19:29

Tá deē ń a əya̰ kújə yān gə̄, aláa ngákó̰o̰n kə́ dəngam gə̄, aláa kə́ dəyá̰ gə̄, aláa bɔbə̄n, aláa kó̰o̰n, aláa ngánən gə̄, aláa ndɔr̄ yān gə̄ kɔ̄ɔ́ najə̄ yāḿ mā tə́ ní, kɔ́ɔ̄ a ənge tɔȳ ni ń noó nja ɓú ō, a ənge ndi kə kumuú kə́ ta ngóyn a gətóo ō.

Makətūbə̄ ń Pol ndang adə̄ Rom gə̄ ní 8:30

Ngé gə̄ ń ni-əndā dɔdə́ tə́ kadə̄ a ton̄ tītə̄ Ngōnən ní, ni-ɓāŕdə́ ō. Ngé gə̄ ń ni-ɓāŕdə́ ní, ni-rāā adə̄ télən̄ de kə́ súmūú gə̄ ō. Ngé gə̄ ń ni-rāā adə̄ télən̄ de kə́ súmūú gə̄ ní, ni-ɔsə gɔndə́ ō.

MARK 10:17

Dan ń Jeju əsō róbó yā kaw̄ anī, deē kógə̄ḿ a̰ȳ ngɔ̄də̄ reē ɔsə kejən nang tə́ non tə́, ba dəjen na: Ngoljí kə́ majə, kə m̄-rāā i rí tá kadə̄ m̄-ndiń kə kumḿ ngándáńg ní?

TA KƏLA 42:25

Jəjep adə̄ ndūn kadə̄ tūrə̄n̄ kōō kem ngɔng yādə́ gə̄ tə́ kadə̄ rosə ō, kadə̄ tél tə́lan̄ nar yādə́ gə̄ gogə́ kem ngɔng yādə́ gə̄ tə́ kógə̄ḿ kógə̄ḿ ō, kadə̄ adə̄n̄də́ sádə̄ ō. De gə̄ rāān̄ yá̰a̰ gə̄ ní tītə̄ ń Jəjep ədań ní.

1 SAMUEL 26:11

Ré m̄-tɔ̄l̄ mban̄g ń Kɔ́ɔ̄ɓē ur yibə̄ ngār dɔn tə́ ní anī, ādə̄ mā i yá̰á̰ kə́ to yḛr kum tām̄ yā Kɔ́ɔ̄ɓē tə́. Ní ɔ̄r̄ nənga ń ra kum kə̄ dɔn tə́ noō ō, ún gaĺ man̄ yān ō, ba ādə̄ j-aw̄.

Gōsə̄ najə̄ gə̄ 28:10

De kə́ nge rāā kadə̄ de kə́ súmūú gə̄ ndómə̄n̄ dɔ róbə́ kə́ majə tə́ kɔ̄ɔ́ ní, a əsō kem bəlo kə́ nəkɔ́ ndēr̄ tə́, banī de kə́ súmūú gə̄ a əngen̄ rɔ̄nel̄.

GALATƏ 3:14

Nge ń noō i yā kadə̄ tɔ́r̄ ta yā Abəraham reēń dɔ de gə̄ ń nin̄ i Jipə aĺ gə̄ ní tə́ kə ta kūl̄ Jeju Kərist ō, yā kadə̄ j-əngeīń Ndíĺ ń Nə́ɓā ənī míndən yā kadə̄ ní kə ta kūl̄ taā kem ō.

HEBƏRO 12:17

Ī-gerī kadə̄ gō tə́ ɓáa, ni-gḛy kadə̄ bɔbə̄n tɔ́r̄ tan dɔn tə́ tām̄ ni i ngōn̄ hágən ní, mbātə́nən̄ kɔ̄ɔ́, adə̄ ká ní sāā tūr̄ kem ndigə yā bɔbə̄n kə man̄ noó kumən tə́ gə̄gē anī, ənge loon alé.