1 PIYER 3:8 - Bibəl ta Sar̄

⁸ Yā tɔ̄ləń ta ɓáa, sḭḭ̄ malang ní, ādī kemsí i gō naā tə́ ō, kumsí o̰o̰sí kə naá ō, ī-táriī naā tītə̄ ń ngákó̰o̰ naā gə̄ a tárən̄neé naā ní ō, á̰a̰ī kum tō ndoō yā madə̄sí gə̄ ō, ī-téliī kə rɔ̄sí kə̄ nang tə́ ō.

Bible sar

⁸ Yā tɔ̄ləń ta ɓáa, sḭḭ̄ malang ní, ādī kemsí i gō naā tə́ ō, kumsí o̰o̰sí kə naá ō, ī-táriī naā tītə̄ ń ngákó̰o̰ naā gə̄ a tárən̄neé naā ní ō, á̰a̰ī kum tō ndoō yā madə̄sí gə̄ ō, ī-téliī kə rɔ̄sí kə̄ nang tə́ ō.

1 PIYER 3:8 Referans Kwoze

Makətūbə̄ ń Pol ndang adə̄ Rom gə̄ ní 12:10

Kadə̄ tár naā yāsí i tītə̄ tár naā yā ngákó̰o̰ naā gə̄ beé. Ādə̄ deē kógə̄ḿ kógə̄ḿ ɔsə gɔn madə̄n gə̄ ō, rāādə́ i de kə́ bo tɔȳn gə̄ tə́ ō.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

EPEJƏ 4:31

Ādī wur katə̄ ō, kum kil kóróró ō, wōn̄g ō, lur ō, tájə̄ ndū ō, kem ndul kə́ tayā tayā gə̄ ō, gətóon̄ dɔ dáńsí tə́.

JAKƏ 3:17

Banī deē ń aw̄ kə kum kedə̄ kə́ dɔɔ́ ní a ngɔ̄m̄ rɔ̄n kanjə̄ rāā yá̰á̰ kə́ majaĺ kógə̄ḿ pá tá ndi kə kem sɔl̄ lɔmɔɔ́ ō, dɔn i kə́ sɔl̄ ō, ndigə najə̄ gō madə̄n gə̄ tə́ láẃ ō, a̰a̰ kum tō ndoō yā de gə̄ ngándáńg ō, kan̄ kə́ majə a rosə kemən ō, ni-ɔr̄ kam̄ de gə̄ aĺ ō, ni gól̄ loo aĺ ō.

EPEJƏ 4:2

Ɔ́jiī rɔ̄sí aĺ ō, ādī dɔsí sɔl̄ ō, ə́reī wursí njam ō. Ī-tə́gāī tasí dɔ naā tə́ sɔɔ̄ń táŕ kə́ ī-táriī naā ō.

KOLOSƏ 3:12

Sḭḭ̄ ń Nə́ɓā gə̄rāsí ō, sḭḭ̄ ń i deē yān gə̄ ō, ni-táŕsí ō ní, úniī kum ko̰o̰ kə́ tām̄ yā madə̄sí gə̄ tə́ ō, rāā majə ō, kɔjə rɔ̄ aĺ ō, sɔl̄ dɔ ō, tə́gā ta ō, ə́laī rɔ̄sí tə́ tītə̄ kūbə̄ beé.

1 KORḚNTƏ 12:26

Ré ngōn̄ rɔ̄jí kógə̄ḿ i mo̰y anī, gotə rɔ̄jí malang i mo̰y ō. Ré rɔȳn̄ ngōn̄ rɔ̄jí kə́rēý anī, gotə rɔ̄jí gə̄ malang rāān̄ rɔ̄nel̄ seneé ō.

MATIYE 18:33

ba ədan na: Nge kəla kə́ nge kem ndul, m-ə́ya̰ kə̄rā yāḿ kə́ dɔí tə́ kɔ̄ɔ́ tɔdɔ̄ ī-rāām̄ ɓɔ́. Ní, majə kadə̄ á̰a̰ kum tō ndoō yā madí tītə̄ ń mā m-á̰a̰ń kum tō ndoō yāí ní ō aĺ a?

1 JA̰A̰ 3:14

Jə-gerī kadə̄ jə-teēī kɔ̄ɔ́ jī yo tə́ ba j-udiī tū ndi kə kumuú tə́, i tɔdɔ̄ jə-táriī ngákó̰ó̰jí gə̄. Deē ń tár gətóo kemən tə́ ní, ndi i jī yo tə́ ɓáý.

1 KORḚNTƏ 1:10

Ngákó̰ó̰ḿ gə̄, m̄-dəjesí kə rī Kɔ́ɔ̄ɓē yājí Jeju Kərist, ōōī naā ba ādī kēgə̄ naā gətóo dansí tə́. Ādī gír̄ yāsí i kógə̄ḿ ō, yá̰á̰ ń ī-gḛyiī rāā ní i yá̰á̰ kə́ kógə̄ḿ beē ō.

KƏLA RĀĀ 4:32

Kósə de gə̄ ń taān̄ kem ní kemdə́ i gō naā tə́ ō, gír̄ yādə́ i gō naā tə́ ō, de kə́ rāā yá̰a̰ halan yá̰a̰ kənge yān nəkɔ́ tə́ kə kérneé ní gətóo ō. Yá̰a̰ malang i yá̰a̰ yādə́ mbak.

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

HEBƏRO 13:1

Ī-táriī naā kə́ loo ngákó̰o̰ naā gə̄ tə́.

2 PIYER 1:7

ə̄ndāī rāā tɔdɔ̄ naā yā ngákó̰o̰ naā gə̄ dɔ rāā yá̰a̰ kə gō ń Nə́ɓā ndigə ní tə́ ō, ə̄ndāī tár dɔ rāā tɔdɔ̄ naā yā ngákó̰o̰ naā gə̄ tə́ ō.

1 PIYER 2:17

Ī-rɔyī de gə̄ malang ō, ī-táriī ngákó̰ó̰sí gə̄ ō, ī-ɓōlíī Nə́ɓā ō, ī-ɓōlíī ndíl mban̄g ō.

PĀ GƏ̄ 103:13

Tītə̄ ń bɔbə̄ ngán gə̄ a rāań tɔdɔ̄ ngánən gə̄ ní, tītə̄ ń toō Kɔ́ɔ̄ɓē rāā tɔdɔ̄ ngé ɓōĺ ndílən gə̄ ō.

JAKƏ 5:11

Tɔdɔ̄ ngé gə̄ ń əhɔn̄ rɔ̄də́ tɔgə ní rɔ̄də́ nel̄də́. Sḭḭ̄ ōōī kōō kəhɔń Job əhɔ rɔ̄n tɔgə ní ō, á̰a̰ī yá̰á̰ ń Kɔ́ɔ̄ɓē rāā seneé ta tɔ̄l̄ ta tə́ ní ō, tɔdɔ̄ Kɔ́ɔ̄ɓē i nge kem majə ō, nge ka̰a̰ kum tō ndoō yā deē ō.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

PILIPƏ 3:16

Ká i rí gə̄gē anī loo ń j-ugī tū tə́ toō ní, ādə̄ jə-njə̄rāī kumjí kə̄ loo kə́ kógə̄ḿ beē tə́.

Makətūbə̄ ń Pol ndang adə̄ Rom gə̄ ní 15:5

Kadə̄ Nə́ɓā kə́ nge rāā kadə̄ deē tə́gā tan ō, kə́ nge sɔl̄ kem deē ō, rāā tá kadə̄ kemsí i gō naā tə́, tītə̄ ń Jeju Kərist nəkɔ́ ndigəń ní,

KƏLA RĀĀ 28:7

Loo yā Pubəlius nge ko̰o̰ ɓē kə́ dor̄ ní tə́ i kadə loo ń jə-ra tū tə́ ní tə́ ngɔr. Ni-əhɔjí kə̄ rɔ̄n tə́ majə ō, adə̄jí loo jə-ton̄ ndɔ̄ mətá ō.

KƏLA RĀĀ 27:3

Teē kə ndɔ̄ kə́ noō anī j-ugə̄ Sidon. Julius ń i nge rāā kem majə kə Poló ní, əya̰n kadə̄ aw̄ rɔ̄ madə̄n gə̄ tə́ kadə̄ rāān̄ seneé.

KƏLA RĀĀ 2:1

Dan ń ndɔ̄ Pa̰təkotə ugə̄ anī, nin̄ malang kánə̄n̄ naā loo kə́ kógə̄ḿ beē tə́.

Gōsə̄ najə̄ gə̄ 28:8

De kə́ nge rāā kadə̄ yá̰a̰ kənge yān reē ngá̰ý dɔ madə̄ tə́ kə ta kūl̄ nar yān kə́ adə̄ kūl̄ tə́ ba gān̄g manə̄n ngá̰ý dɔ tə́ ní, yá̰a̰ kənge yān ní a tél yā reē i kə̄ jī de kə́ nge ka̰a̰ kum to ndoō yā ngé tɔ́gə gətóo gə̄ tə́.

Najə̄ kə́ Majə yā Jeju ń Luk ndang ní 10:33

Banī deē kógə̄ḿ kə́ Samari kə́ a aw̄ kə̄ mbā tə́ reē, ugə̄ rɔ̄ deē ní tə́ anī kumən o̰o̰n seneé,

EPEJƏ 4:32

Ī-rāāī majə kə naá ō, ādī kumsí o̰o̰sí kə madə̄sí gēé ō. Ī-mā̰yī rɔ̄sí dɔ naā tə́, tītə̄ ń Nə́ɓā mā̰yń rɔ̄n dɔsí tə́ sɔɔ̄ń ɓoo naā yāsí kə Kərist ní ō.

PILIPƏ 2:3

Ī-rɔ̄ɔ̄ī naā dɔ yá̰á̰ tə́ alé, ī-lōōī rāā yá̰a̰ kə kɔjə rɔ̄ɔ́. Ba ī-sɔlī dɔsí kə̄ no naā tə́ ō, sḭḭ̄ kógə̄ḿ kógə̄ḿ ní ī-rāāī madə̄sí gə̄ de kə́ bo tɔȳsí gə̄ tə́ ō.