1 PIYER 3:3 - Bibəl ta Sar̄

³ Ādī yá̰á̰ súū rɔ̄ yāsí i yá̰á̰ súū rɔ̄sí kə́ gidə tə́ ndágá alé, tītə̄ dɔ kə́ tūm̄, aláa nə̄ngá lɔ́r, aláa kūbə̄ kə́ majə kə́ ō̰ō̰ī.

Bible sar

³ Ādī yá̰á̰ súū rɔ̄ yāsí i yá̰á̰ súū rɔ̄sí kə́ gidə tə́ ndágá alé, tītə̄ dɔ kə́ tūm̄, aláa nə̄ngá lɔ́r, aláa kūbə̄ kə́ majə kə́ ō̰ō̰ī.

1 PIYER 3:3 Referans Kwoze

Makətūbə̄ ń Pol ndang adə̄ Rom gə̄ ní 12:2

Ī-lōōī ndájə̄ hál de kə́ dɔ nang tə́ gə̄. Banī ādī Nə́ɓā tūr̄ kemsí ō, adə̄sí kur̄ dɔ kə́ kijə ō. Loo ń noō tə́ ā ásiī ka̰a̰ yá̰á̰ ń Nə́ɓā ndigə ní yā ger̄. Adə̄ i yá̰á̰ kə́ majə ō, nel̄ Nə́ɓā ō, kə́ majə ɔtə kə taá ō.

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

JEREMI 4:30

Ba ḭ̄, ā ī-rāā i rí? Ə́la kūbə̄ kə́ kərē bḭḭ ō, ī-tə́lá yá̰á̰ súū rɔ̄ kə́ rāā kə lɔ́rɔ́ gə̄ ō. Ī-rāā yá̰á̰ súū rɔ̄ dɔ kumií tə́. Ī-rāā mandə i ndāńg. ngé sāāí gə̄ idən̄ tadə́ gírí tə́, nin̄ sāān̄ tɔ̄lī.

JEREMI 2:32

Dɔ ngōmandə a ndígə̄nal yá̰á̰ súū rɔ̄ yān? Dəyá̰ ń a aw̄ kə̄ ngaawaá ní, dɔn a ndígə̄nal dɔ kəlā do̰ō̰ ɓōdə̄n tə́ a? Banī ngé kə́ dan gír deē yāḿ gə̄ tə́ mbātə́mə̄n̄ dan i ngá̰ý kɔ̄ɔ́.

IJAI 52:1

Siyo̰, ī-ndól̄, ī-ndól̄! Ɔ́jə́ tɔ́gí! Jerusalem, ɓē kə́ táĺ, ī-tə́la kūbə̄ yāí kə́ majə ngá̰ý gə̄ rɔ̄í tə́! Tām̄ kəja mɔtədə́ aĺ gə̄, de kə́ yḛr gə̄, a reēn̄ looí to̰ aĺ i kə́ bátə́ gə̄ tə́.

Teē Ngán Israel gə̄ 33:4

Dan ń ngán Israel gə̄ oōn̄ najə̄ kə́ majaĺ ń noō anī, əhɔn̄ ndoō. Deē tə́lá yá̰á̰ súū rɔ̄ gə̄ rɔ̄n tə́ alé.

TA KƏLA 24:53

Ni-tḛḛ̄ ta ngɔng mbā yān, ɔy yá̰á̰ súū rɔ̄ kə́ rāā kə gində̄ arjā̰a̰á̰ ō, kə lɔ́rɔ́ ō, kūbə̄ gə̄ ō, adə̄ Rebeka. Ni-adə̄ ngōkó̰o̰n ō, kó̰o̰n ō, yá̰á̰ kə́ gātə̄də́ i ngá̰ý gə̄.

TA KƏLA 24:47

m̄-dəjen m-ə́da na ké ni i ngōn̄ náā wa. Anī ni-tél əda na ni na i ngōn̄ Betuel kə́ ngōn̄ Nahor nin̄ kə Milkaá. Loo ń noō tə́ m-ə́la nə̄ngá kógə̄ḿ kónən tə́ ō, m̄-tə́la jōó jīn tə́ ō.

TA KƏLA 24:22

Dan ń jámbal gə̄ a̰ȳn̄ man̄ oy anī, dəngam ní un nə̄ngá kə́ yā kəla kóń tə́ kə́ rāā kə lɔ́rɔ́ kə́ ɔȳ asə ngán kəlōo mehḛ́ ō, nə̄ngá jī kə́ rāā kə lɔ́rɔ́ gə̄ jōó kə́ ɔȳn̄ tɔȳ ngán kəlōo ɓú ō, adə̄ ngōmandə ní

PĀ GƏ̄ 45:9

Mír ō aloe ō kanel ō, otən̄ mbo̰o̰ tū kūbə̄ yāí gə̄ tə́. Kújə mban̄g yāí ń súūn̄ kə ngān̄g dā̰á̰ ní, ndū yá̰á̰ kə́ ɓār̄ gōsə̄ majə teē tū tə́ adī rɔ̄nel̄.

Teē Ngán Israel gə̄ 38:8

Rāā bay kə́ yā ɓōkə́nń man̄ tə́go rɔ̄n ō, njan ō, i kə gində̄ nə̄ngá kasaá. Rāā i kə kútə́ram yā dəyá̰ gə̄ ń a rāān̄ kəla ta kújə kənge naā tə́ ní.

Teē Ngán Israel gə̄ 32:2

Anī Aaro̰ tél ədadə́ na kə ró̰ȳn̄ nə̄ngá lɔ́ŕ gə̄ kə́ mbī nə̄yá̰də́ gə̄ tə́ ō, kə́ mbī ngáńdə́ kə́ dəngam gə̄ tə́ ō, kə́ dəyá̰ gə̄ tə́ ō, kə reēn̄neé kə adə̄nən̄.

EJEKIEL 23:40

Tá ɓáý to̰ ní, nin̄ əlan̄ deē ɓāŕ de kə́ dəngam gə̄ tə́ dɔ ɓē kə́ sa̰y gə̄ tə́. Dan ń nin̄ oōn̄ ɓār̄ yādə́ anī, nin̄ reē ugə̄n̄ rɔ̄də́ tə́. Nin̄ ndogə̄n̄ man̄ tām̄ yādə́ tə́ ō, nin̄ rāān̄ man̄ yá̰a̰ dɔ kumdə́ gə̄ tə́ ō, tə́lan̄ yá̰a̰ ta mbī gə̄ ō.

ESTER 5:1

Dan ń ndɔ̄ kə́ mətá gə̄ ní təgān̄ anī Ester əla kūbə̄ mban̄g rɔ̄n tə́ ba aw̄ ra ndágə loo kə́ ta kújə yā mban̄g tə́ kumən sɔɔ̄ kújə yā mban̄g sew. Mban̄g ndi kújú dɔ kōr̄ kāgə̄ mbang yān tə́ ba kumən i kə̄ ta róbə́ tə́.

Teē Ngán Israel gə̄ 35:22

Dəngam gə̄ kə dəyá̰ gə̄ ń kemdə́ ndigə kadə̄ yá̰á̰ ngá̰ý ní reēn̄ kə yá̰á̰ súū rɔ̄ kə́ dáńg dáńg gə̄ kə́ rāān̄ kə lɔ́rɔ́: Yá̰á̰ kə́ yā kəhɔń nənga dɔ gə̄ ō, yá̰a̰ ta mbī gə̄ ō, nə̄ngá gə̄ ō, məde gə̄ ō. Reē ndējə̄n̄ Kɔ́ɔ̄ɓē yá̰a̰ gə̄ ń noō kə gō looneé.

Teē Ngán Israel gə̄ 3:22

Dəyá̰ kə́ Israel gə̄ a dəjen̄ dəyá̰ kə́ Ejiptə gə̄ ń ndin̄ kújú gōdə́ tə́, aláa ndin̄ madə̄ ɓēdə́ ní, yá̰á̰ kə́ rāā kə gində̄ arjā̰a̰á̰ ō kə lɔ́rɔ́ ō, kūbə̄ kə́ yā tə́la rɔ̄ ngáńdə́ kə́ dəngam gə̄ tə́ ō, kə́ dəyá̰ gə̄ tə́ ō. I beé n ā ī-taāīneé yá̰a̰ yā de kə́ Ejiptə gə̄ jīdə́ tə́ ní.

2 MBAN̄G 9:30

Yá̰a̰ malang ń rāā yá̰á̰ ní Jesabel oō. Adə̄ rāā yá̰á̰ súū rɔ̄ dɔ kumən tə́ ō, rāā dɔn adə̄ majə ō. Ba dan ń Yehu tél dɔ tə́ reē gogə́ Jisreel anī, Jesabel aw̄ ndi kum ko̰rō̰ kújə́ kə́ bo kə́ rāān̄ tū kújə́ tə́.

1 PIYER 3:2

Tɔdɔ̄ a̰a̰n̄ kadə̄ háĺsí i háĺ kə́ kanjə̄ najə̄ dɔ tə́ ō, a̰a̰n̄ kadə̄ ī-ɓōlíī ndíĺdə́ ō.