1 PIYER 3:22 - Bibəl ta Sar̄

²² Jeju ngeé ń toō aw̄ dɔ rā̰ tə́ ba ndi dɔ jī ko̰ Nə́ɓā tə́. Ni-ndi noó o̰o̰ń ɓē dɔ de kə́ dɔ rā̰ tə́ gə̄ tə́ ō, dɔ ngé ko̰o̰ ɓē kə́ rang gə̄ kə́ dɔ rā̰ tə́ ō, dɔ ngé tɔ́gə gə̄ kə́ dɔ rā̰ tə́ ō.

Bible sar

²² Jeju ngeé ń toō aw̄ dɔ rā̰ tə́ ba ndi dɔ jī ko̰ Nə́ɓā tə́. Ni-ndi noó o̰o̰ń ɓē dɔ *de kə́ dɔ rā̰ tə́ gə̄ tə́ ō, dɔ ngé ko̰o̰ ɓē kə́ rang gə̄ kə́ dɔ rā̰ tə́ ō, dɔ ngé tɔ́gə gə̄ kə́ dɔ rā̰ tə́ ō.

1 PIYER 3:22 Referans Kwoze

HEBƏRO 9:24

Tɔdɔ̄ i loo kə́ táĺ kə́ jī deē rāā, adə̄ i ndíl loo kə́ táĺ kə́ rɔ̄kum n Kərist udə kemeé ní alé. Banī i dɔ rā̰ nəkɔ́ n ni udə kemeé ní. Ngɔlaā ni-ra ta kum Nə́ɓā tə́ tām̄ yājí tə́ i loo ń noō tə́.

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

HEBƏRO 10:12

Ba Kərist ni ndējə̄ yá̰a̰ tun̄ kə́ tām̄ yā majaĺ tə́ i nja kógə̄ḿ beē. Gō tə́ anī ni-ndi dɔ jī ko̰ Nə́ɓā tə́ ngándáńg.

MARK 16:19

Gō tə́ dan ń Kɔ́ɔ̄ɓē Jeju ɔr̄ najə̄ sedə́ oy anī, un aw̄n̄ seneé dɔ rā̰ tə́, adə̄ ndi dɔ jī ko̰ Nə́ɓā tə́.

HEBƏRO 8:1

Najə̄ kə́ bo ngá̰ý dɔ yá̰á̰ ń j-əda tə́ ní n toó: J-awī kə ngol ngé tun̄ yá̰a̰ gə̄ kə́ tītə̄ ń noō, tɔdɔ̄ ni-ndi dɔ jī ko̰ Nə́ɓā tə́ dɔ rā̰ tə́, nge ń ndi dɔ kōr̄ kāgə̄ mbang yān tə́ ní. Nə́ɓā i tɔ́gə́ kə́ dɔ tɔ́gə gə̄ tə́ malang.

HEBƏRO 6:20

i loo ń noō n Jeju udə tū tə́ kété nojí tə́ tām̄ yājí tə́ ní. Ni-tél ngol ngé tun̄ yá̰a̰ gə̄ kə́ ngándáńg i kə gō jī loo rāā kəla yā Melkisedek ní.

KOLOSƏ 3:1

Dan ń sḭḭ̄ i kə́ Nə́ɓā ndól̄sí naā tə́ kə Kərist kɔ̄ɔ́ ɓá ní, majə kadə̄ ā ī-sāāī yá̰á̰ kə́ dɔɔ́ gə̄, loo ń Kərist ndi tū tə́ dɔ jī ko̰ Nə́ɓā tə́ ní.

Makətūbə̄ ń Pol ndang adə̄ Rom gə̄ ní 8:38

Tɔdɔ̄ m̄-ger̄ majə ngá̰ý kadə̄ yo, aké i ndi kə kumuú, aké i de kə́ dɔ rā̰ tə́ gə̄, aké i ngé ko̰o̰ ɓē kə́ rang gə̄, aké i ngé tɔgə gə̄ kə́ dɔ rā̰ tə́, aké i yá̰á̰ kə́ ngɔr ń toō tə́, aké i yá̰á̰ kə́ ndɔ̄ń tə́,

Makətūbə̄ ń Pol ndang adə̄ Rom gə̄ ní 8:34

I náā n a gān̄g sarya dɔdə́ tə́ ní? I Kərist Jeju ń oy ba ndól̄ ō, ndi dɔ jī ko̰ Nə́ɓā tə́ ō, a ndɔ̄ȳ tām̄ yājí tə́ ō ní.

MATIYE 22:44

Kɔ́ɔ̄ɓē əda Kɔ́ɔ̄ɓē yāḿ na kə reē kə ndi dɔ jī ko̰n tə́, bátə́ kadə̄ n-əlań ngé ba̰ā̰n gə̄ gír njan tə́.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

1 KORḚNTƏ 15:24

Gō tə́ anī i ta tɔ̄l̄ ta yá̰a̰ malang dan ń Kərist a nujə ko̰o̰ ɓē gə̄ malang ō, ngé ko̰o̰ ɓē gə̄ malang ō, a nujə tɔ́gə yā ndíĺ kə́ majaĺ gə̄ malang ō, ba tél kə ko̰o̰ ɓēé yā kəla gír jī Bɔbə̄n Nə́ɓā tə́ ní.

KƏLA RĀĀ 3:21

Kə́ ngɔr ń toō tə́ ɓáa i gáŕ kadə̄ Jeju Kərist a ndi i dɔ rā̰ tə́, bátə́ kadə̄ ndɔ̄ ń yá̰a̰ malang a téləń kə́ kijə ní reē ugə̄ń tītə̄ ń Nə́ɓā ədań kété jóo kə ta kūl̄ ngé koō ta yān kə́ táĺ gə̄ ní.

KƏLA RĀĀ 1:11

ba dəjen̄də́ najə̄ ədan̄ na: Sḭḭ̄ de kə́ Galile gə̄ ń toō, ī-ra ā á̰a̰ī loo kə̄ dɔ rā̰ tə́ i tām̄ rí tə́? Jeju nəkɔ́ kə́ kógə̄ḿ beē ń ɔr̄nən̄ kɔ̄ɔ́ rɔ̄sí tə́ ta kaw̄ kə̄ dɔ rā̰ tə́ ní, a tél yā reē i tītə̄ nəkɔ́ ń á̰a̰niī loo kaw̄ tə́ kə̄ dɔɔ́ toō.

MARK 12:36

Dabid nəkɔ́ loo ń ɔr̄ najə̄ kə ta kūl̄ Ndíĺ kə́ Táĺ ní əda na, Kɔ́ɔ̄ɓē əda Kɔ́ɔ̄ɓē gə̄ yāḿ na kə ndi dɔ jī ko̰n tə́, bátə́ kadə̄ n-ənīń ngé ba̰ā̰n gə̄ gír njan tə́.

PĀ GƏ̄ 110:1

Pā yā Dabid. Najə̄ ń Kɔ́ɔ̄ɓē əda Kɔ́ɔ̄ɓē yāḿ ní n toó: Ī-ndi dɔ jī kó̰ḿ tə́ ādə̄ m̄-rāā adə̄ madə̄ ba̰ā̰í gə̄ télən̄ yá̰a̰ kəndā nja yāí.

HEBƏRO 1:13

Nə́ɓā əda deē yān kə́ dɔ rā̰ tə́ kógə̄ḿ najə̄ ń toō alé: Ī-reē ī-ndi dɔ jī ko̰ḿ tə́, bátə́ kadə̄ m-ə́lań madə̄ ba̰ā̰í gə̄ tītə̄ kōr̄ kāgə̄ beé gír njaí tə́.

Najə̄ kə́ Majə yā Jeju ń Luk ndang ní 20:42

Tɔdɔ̄ Dabid nəkɔ́ əda kem makətūbə̄ Pā gə̄ tə́ na: Najə̄ ń Kɔ́ɔ̄ɓē əda Kɔ́ɔ̄ɓē gə̄ yāḿ ní n toó: Ī-ndi dɔ jī ko̰ḿ tə́,

MATIYE 28:18

Jeju reē rɔ̄də́ tə́ ngɔr ba ɔr̄ najə̄ ń toō sedə́, ədadə́ na: Adə̄mə̄n̄ tɔ́gə malang dɔ yá̰á̰ kə́ dɔ rā̰ tə́ gə̄ tə́ ō, dɔ yá̰á̰ kə́ dɔ nang tə́ gə̄ tə́ ō.

HEBƏRO 1:6

Banī loo ń əla Ngōn̄ hágə̄n dɔ nang tə́ ní, ni-əda na: Ādə̄ de kə́ dɔ rā̰ tə́ gə̄ malang yā Nə́ɓā ɔsən̄ nodə́ nang tə́ non tə́.

HEBƏRO 4:14

I beé ní, adə̄ j-əhɔī taā kem ń j-ɔjiī najə̄n ní adə̄ ngan̄g, tɔdɔ̄ j-awī kə ngol ngé tun̄ yá̰a̰ gə̄ kə́ tɔ́gən i ngá̰ý, kə́ aw̄ bátə́ ugə̄ rɔ̄ Nə́ɓā tə́, adə̄ i Jeju, ni i Ngōn̄ Nə́ɓā.

JA̰A̰ 13:32

Nə́ɓā a ɔsə gɔn Ngōn̄ Deē kemən nəkɔ́ Nə́ɓā tə́, ba na̰y i ngɔr kadə̄ a ɔsə gɔnən.