1 PIYER 3:20 - Bibəl ta Sar̄

²⁰ Kumən na ɔjə i ndíl de gə̄ ń kété mbātə́n̄ ta Nə́ɓā, dan ń Nə́ɓā a tə́gań tan ɓáý ndɔ̄ gə̄ ń Noe a rāań to bo tə́ ní. I de kə́ sḛ́ý beē gə̄, adə̄ malang ɓáa i deē sɔ́sɔ́ ngóy n udən̄ kem toó ajən̄neé ní.

Bible sar

²⁰ Kumən na ɔjə i ndíl de gə̄ ń kété mbātə́n̄ ta Nə́ɓā, dan ń Nə́ɓā a tə́gań tan ɓáý ndɔ̄ gə̄ ń Noe a rāań to bo tə́ ní. I de kə́ sḛ́ý beē gə̄, adə̄ malang ɓáa i deē sɔ́sɔ́ ngóy n udən̄ kem toó ajən̄neé ní.

1 PIYER 3:20 Referans Kwoze

2 PIYER 2:5

Dɔ nang kə́ kété jóo ń de kə́ ngé rāā yá̰a̰ gō yā Nə́ɓā tə́ aĺ gə̄ ndin̄ tū tə́ ní, Nə́ɓā əya̰ karī alé, ba rāā adə̄ man̄ un dɔ malang kɔ̄ɔ́. I Noe nge kɔjə yá̰á̰ kə́ gōtə́ ngóy n ni-ajən ní ō, ni-ajə de kə́ rang gə̄ sīrí ō.

HEBƏRO 11:7

I kə ta kūl̄ taā kem n Noe oōń tā yā Nə́ɓā ní. Nə́ɓā tāān najə̄ yá̰á̰ ń a rāā yā rāā yá̰a̰, banī ni asə ka̰ā̰ kə kumneé aĺ ɓáý ní. Ni oō ta Nə́ɓā adə̄ rāā to bo yā kajəń gír kojə yān ō, dā̰ rɔ̄n nəkɔ́ ō. Dan ń ni-rāā yá̰á̰ ń noō ní, ni-gān̄g i sarya dɔ de kə́ dɔ nang tə́ gə̄ tə́ ō, Nə́ɓā rāān de kə́ gōtə́ tə́ kə ta kūl̄ taā kem yānneé ní ō.

TA KƏLA 6:3

Tā anī Kɔ́ɔ̄ɓē əda na: M-ā m-ādə̄ ndílə́ḿ a ndi kem deē tə́ kə ndɔ̄ gə̄ ngándáńg alé, tɔdɔ̄ deē i dā̰ rɔ̄ kə́ tɔ́gən i ngá̰ý alé, adə̄ ɓālə̄n a aw̄ ngá̰ý gē a, i ɓú kə kutə jōó ngóy.

TA KƏLA 6:5

Kɔ́ɔ̄ɓē a̰a̰ kadə̄ kem de kə́ dɔ nang tə́ gə̄ ndul ngá̰ý ō, gír̄ yādə́ i kə́ majaĺ kə ndɔ̄ gə̄ ō.

TA KƏLA 8:18

Anī Noe teēn̄ kə ngánən gə̄ ō, nə̄yá̰n ō, umən gə̄ ō.

TA KƏLA 6:13

Anī ni-əda Noe na: m̄-gḛy kadə̄ gír yā de gə̄ gān̄g kɔ̄ɔ́, tɔdɔ̄ yá̰á̰ kə́ rāā kə dɔ́nɔ́ al̄ naā ngá̰ý dɔ nang tə́, adə̄ m-ā m̄-nujədə́ kɔ̄ɔ́ ō, m-ā m̄-nujəń dɔ nang kɔ̄ɔ́ ō.

MATIYE 7:14

Ba i ta róbə́ kə́ dūú ō, róbə́ kə́ kunən tōr̄ ngá̰ý ō n a aw̄ kə deé tū kajə tə́ ní, ba ngé kənge ta gə̄ i sḛ́ý beē.

TA KƏLA 7:13

Ndɔ̄ ń noō tə́ Noe udə kem to bo tə́ nin̄ kə nə̄yá̰neé ō, ngánən kə́ dəngam kə́ mətá gə̄ ń i Sem ō, Kam ō, Japet ní ō, umən kə́ dəyá̰ kə́ mətá gə̄ ō,

2 PIYER 3:15

Majə kadə̄ ī-rāāī tə́gā ta kə́ dan i ngá̰ý yā Kɔ́ɔ̄ɓē yājí i ta róbə́ kə́ kadə̄ ájiīneé tə́! Ngōkó̰ó̰jí kə́ kó tár yājí ń i Pol ní, ndang adə̄sí kə gō kum kedə̄ ń Nə́ɓā adə̄n ní i tītə̄ ń noō ō.

Makətūbə̄ ń Pol ndang adə̄ Rom gə̄ ní 9:22

Nə́ɓā gḛy i kɔjə wōn̄g yān ō, tɔ́gən ō. Ɓá tā ba ni-tə́gā tan dɔ ngé gə̄ ń asə kadə̄ ni-rāā wōn̄g sedə́ ō, nujədə́ kɔ̄ɔ́ ō ní tə́.

Najə̄ kə́ Majə yā Jeju ń Luk ndang ní 12:32

Sḭḭ̄ ń ī-toī i tītə̄ ɓūtə̄ yá̰a̰ kul̄ gə̄ kə́ sḛ́ý beē ní, ī-lōōī ɓōĺ. Tɔdɔ̄ nel̄ kem Bɔbə̄sí kadə̄ adə̄sí Ɓē ko̰o̰ yān.

IJAI 30:18

Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

TA KƏLA 8:1

Anī əga kem Nə́ɓā dɔ Noe tə́ ō, dɔ dā̰ kə́ bembeé gə̄ tə́ ō, kə́ ɓēé gə̄ tə́ ō ń nin̄ i seneé kem toó ní. Adə̄ ni-rāā adə̄ nél əla dɔ nang tə́ adə̄ man̄ iī.

EPEJƏ 5:26

I tītə̄ ń noō n ni-ɔrə̄ń kam̄ ngé kán̄ naā gə̄ kə ta kūl̄ tə́gódə́ kə maná kadə̄ unjə̄n̄ ní, adə̄ i kə ta kūl̄ najá.

TA KƏLA 6:8

Ɓá tā ba Kɔ́ɔ̄ɓē rāā kem majə kə Noeé.

KƏLA RĀĀ 2:41

Ngé gə̄ ń ndigən̄ najə̄ kɔr̄ Piyer ní rāān̄də́ batém. Adə̄ ndɔ̄ ngeé ń noó tə́ ní de gə̄ kə́ asən̄ dūbú mətá ń noō ərōn̄ ngámbang kəla gə̄.

1 PIYER 1:9

Rɔ̄nel̄ ngeé ń toō ní sḭḭ̄ āwīneé i tām̄ kajə kə́ ajən̄sí kɔ̄ɔ́. Yá̰á̰ ń ə́ngeī gír taā kem Jeju tə́ ní n noó.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

1 PIYER 2:25

Tām̄ kété ní ī-toī i tītə̄ batə̄ kə́ ta tḭ̄ḭ̄ gə̄ beé. Ba ngɔlaā ní, sḭḭ̄ ī-tūrī rɔ̄sí kə̄ rɔ̄ nge kul̄sí tə́ ō, nge ngɔ̄m̄sí tə́ ō.

1 PIYER 3:19

De gə̄ ń oyn̄ ba ndíĺdə́ i dəngáyá ní gə̄gē, ni-aw̄ ɔjədə́ najə̄ kə ta kūl̄ Ndíl Nə́ɓā ngeé ń toō.

1 PIYER 4:19

I beé ní, ngé gə̄ ń a̰a̰n̄ tápə̄ tām̄ rāā kə́ nin̄-rāān̄ gō kem ndigə yā Nə́ɓā tə́ ní, majə kadə̄ na̰yn̄ kə̄ loo rāā yá̰á̰ kə́ majə tə́ kə̄ nodə́ tə́ ō, ənīn̄ kemdə́ mámák adə̄n̄ Nə́ɓā nge rāā yá̰a̰ malang ō, nge ra dɔ ndūn kə́ ənī tə́ ō.