1 PIYER 3:12 - Bibəl ta Sar̄

¹² Tɔdɔ̄ kum Kɔ́ɔ̄ɓē i dɔ de kə́ ngé rāā yá̰a̰ gō tə́ gə̄ tə́ ō, ni nēl̄ mbīn yā koōń ndɔ̄ȳ yādə́ ō. Banī ni-mbātə́ najə̄ gō ngé rāā yá̰a̰ majaĺ gə̄ tə́.

Bible sar

¹² Tɔdɔ̄ kum Kɔ́ɔ̄ɓē i dɔ de kə́ ngé rāā yá̰a̰ gō tə́ gə̄ tə́ ō, ni nēl̄ mbīn yā koōń ndɔ̄ȳ yādə́ ō. Banī ni-mbātə́ najə̄ gō ngé rāā yá̰a̰ majaĺ gə̄ tə́.

1 PIYER 3:12 Referans Kwoze

JA̰A̰ 9:31

Jə-gerī kadə̄ Nə́ɓā oō najə̄ yā ngé rāā majaĺ gə̄ alé. Banī deē ń ɓōĺ ndílən ō, rāā yá̰á̰ ń kemən ni-ndigə ō ní, ni a oō najə̄ yān.

Gōsə̄ najə̄ gə̄ 15:29

Kɔ́ɔ̄ɓē ɔr̄ rɔ̄n sa̰y rɔ̄ ngé kem ndul gə̄ tə́, banī ni oō ndɔ̄ȳ yā de kə́ súmūú gə̄.

Gōsə̄ najə̄ gə̄ 15:3

Kum Kɔ́ɔ̄ɓē a̰a̰ loo i kə̄ loo gə̄ tə́ malang, ni-əndā ma̰ȳ de kə́ majə gə̄ ō, ngé kem ndul gə̄ ō.

2 YÁ̰A̰ GƏ̄ 7:15

Əla gír ngɔr ń toō tə́ ní m̄-tḛḛ̄ kumḿ ō, m̄-nēl̄ mbīḿ kadə̄ m-ōoń ndɔ̄ȳ gə̄ malang ń a ndɔ̄ȳmə̄n̄ loo ń toō tə́ ní ō.

Gōsə̄ najə̄ gə̄ 15:8

Yá̰a̰ tun̄ yā ngé kem majaĺ gə̄ i yá̰á̰ kə́ yḛr ta kum Kɔ́ɔ̄ɓē tə́, banī ndɔ̄ȳ yā de kə́ súmūú gə̄ nelə̄n.

2 YÁ̰A̰ GƏ̄ 16:9

Tām̄ kum Kɔ́ɔ̄ɓē a̰a̰ loo dɔ nang tə́ malang i yā kɔsəń kíĺ ngé gə̄ ń kemdə́ i yān kə taá malang ní kə̄ dɔɔ́. I beé n a ī-rāā yá̰a̰ i tītə̄ de kə́ kur̄ dɔn gətóo ní. Adə̄ əla gír ɓōólaā bátə́ kə̄ no tə́ ní ā ī-ra i dan rɔ̄ɔ́.

JAKƏ 5:16

Ədaī naā gír majaĺ yāsí gə̄ ō, ī-ndɔ̄yī tām̄ yā naā tə́ ō, yā kadə̄ rɔ̄sí ngáań. Ndɔ̄ȳ yā de kə́ gōtə́ ní tɔ́gən i ngá̰ý ō, a rāā kəla ō.

PĀ GƏ̄ 65:2

Nə́ɓā, ḭ̄ ń ī-ndi Siyo̰ ní, ásə kadə̄ de gə̄ ɓōkə́nī tɔ̄ȳ ō, ran̄ dɔ ndūdə́ tə́ seí ō.

EJEKIEL 15:7

M-ā m̄-rāādə́ yá̰á̰ kə́ tōr̄. Nin̄ ɔjənə̄ń na n-teēn̄ kum hor tə́ kɔ̄ɔ́, banī hor a o̰o̰də́. Ba ré m-ā m̄-rāādə́ yá̰á̰ kə́ tōr̄ anī, ā ī-gerī kadə̄ Kɔ́ɔ̄ɓē i mā.

NDŪ NAJƏ̄ 11:12

I dɔ nang kə́ Kɔ́ɔ̄ɓē Nə́ɓā yāsí a̰a̰ gō, əndā kumən gírí kanjə̄ kɔr ta tə́ ɓālāá ō, ɓaraá ō.

PĀ GƏ̄ 80:16

Ī-ngɔ̄m̄ kāgə̄ ń īkɔ́ ə́hɔ́ ní, ngōn̄ ń toō ń i ḭ̄ n i nge kadə̄n tɔ́gə́ ní.

LEBI GƏ̄ 26:17

M-ā m̄-tūr̄ rɔ̄ḿ yā rɔ̄ɔ̄sí kadə̄ madə̄ ba̰ā̰sí gə̄ tetən̄sí rɔ̄ɔ̄ ō, ngé kim̄sí gə̄ a ndin̄ dɔsí tə́ ō, ā ā̰yī naā kanjə̄ kadə̄ deē ngɔ̄də̄sí ō.

LEBI GƏ̄ 20:3

Tɔdɔ̄ mə̄kɔ́ m-ā m̄-tūr̄ rɔ̄ḿ rɔ̄ deē ní. M-ā m-ɔ̄rən kɔ̄ɔ́ dan ngán Israel gə̄ tə́, tām̄ ni un ngōnən adə̄ Molok ō, rāā adə̄ loo kə́ táĺ tél loo kə́ yḛr ō, nujə kə rīḿ kə́ táĺ ō.

JEREMI 21:10

Kə́ rɔ̄kum tə́ ní, m-ā m̄-tūr̄ rɔ̄ḿ kə̄ rɔ̄ ɓē ń toō tə́ yā rāā yá̰á̰ kə́ majaĺ seneé, ba i yā yá̰á̰ kə́ majə seneé alé. A əlanən̄ jī mban̄g kə́ Babilon tə́ kadə̄ əla hor dɔn tə́. Najə̄ ń Kɔ́ɔ̄ɓē əda ní n noó.

PĀ GƏ̄ 11:4

Kɔ́ɔ̄ɓē ndi kem kújə yān kə́ táĺ tə́. Kōr̄ kāgə̄ mbang yān ndi i dɔ rā̰ tə́. Ni-əndā ma̰ȳ de gə̄ kə kumneé, anī ger̄ kəla rāā deē ndul gə̄ kógə̄ḿ kógə̄ḿ.

LEBI GƏ̄ 20:6

M-ā m̄-tūr̄ rɔ̄ḿ yā rɔ̄ɔ̄ deē ń a oō ta kɔdə̄ sāā gə̄ ní. M-ā m-ɔ̄rən kɔ̄ɔ́ dan gír deē yān gə̄ tə́.

LEBI GƏ̄ 17:10

Ré deē kógə̄ḿ kə́ dan ngán Israel gə̄ tə́, aláa kə́ dan tə̄rā gə̄ ń reē ndin̄ dandə́ tə́ ní əsa mósə dā̰ anī, a nelə̄m̄ mā Kɔ́ɔ̄ɓē seneé aĺ ō, m-ā m-ɔ̄rən kɔ̄ɔ́ dan ngán Israel gə̄ tə́ ō.

PĀ GƏ̄ 33:18

Banī Kɔ́ɔ̄ɓē əndā kumən̄ gō ngé gə̄ ń ɓōlə́n̄ ndílən ō, əndān̄ kemdə́ dɔ kem majə yān tə́ ō ní.

JEREMI 39:12

Á̰a̰ gōn majə ō, əndā kumií gírən̄ tə́ ō. Ī-rāā yá̰á̰ kə́ majaĺ sḛ́ý seneé alé ba ī-rāā yá̰a̰ gə̄ ń nel̄ kemən ni ādə̄n.