1 PIYER 3:11 - Bibəl ta Sar̄

¹¹ Majə kadə̄ ni-tūr̄ gidən kɔ̄ɔ́ ta yá̰á̰ kə́ majaĺ tə́ ba rāā yá̰á̰ kə́ majə ō, əhɔ rɔ̄n tɔgə loo sāā lɔm tə́ ō.

Bible sar

¹¹ Majə kadə̄ ni-tūr̄ gidən kɔ̄ɔ́ ta yá̰á̰ kə́ majaĺ tə́ ba rāā yá̰á̰ kə́ majə ō, əhɔ rɔ̄n tɔgə loo sāā lɔm tə́ ō.

1 PIYER 3:11 Referans Kwoze

MATIYE 5:9

Rɔ̄nel̄ i kə ngé gə̄ ń əndān̄ madə̄də́ gə̄ naā tə́ ní, tɔdɔ̄ Nə́ɓā a ɓāŕdə́ na i ngánən gə̄.

PĀ GƏ̄ 34:14

ādə̄ kɔ́ɔ̄ mbātə́ kɔr̄ najə̄ kə́ majaĺ ō, tétə̄ najə̄ aĺ ō.

HEBƏRO 12:14

Ī-sāāī loo ndi lɔm kə de gēé malang ō, ī-sāāī loo tél de kə́ táĺ gə̄ ādə̄ i de kə́ kɔr̄ kam̄ tayā gə̄. Kanjə̄ nge ń noō anī, de kə́ yā ka̰a̰ Kɔ́ɔ̄ɓē a gətóo.

Makətūbə̄ ń Pol ndang adə̄ Rom gə̄ ní 14:19

Ní, adə̄ jə-sāāī yá̰á̰ kə́ tām̄ yā kem sɔl̄ lɔm tə́ ō, yá̰á̰ kə́ kadə̄ jə-mbūsīiń naā ō.

KOLOSƏ 3:15

Ādə̄ kem sɔl̄ yā Kərist o̰o̰ ɓē kemsí tə́, tɔdɔ̄ Nə́ɓā ɓāŕsí kadə̄ ī-téliī de kə́ kógə̄ḿ beē gə̄. Ī-téliī ngé ndadə̄ Nə́ɓā gə̄.

Makətūbə̄ ń Pol ndang adə̄ Rom gə̄ ní 14:17

Tɔdɔ̄ najə̄ Ɓē ko̰o̰ yā Nə́ɓā i najə̄ kə́ dɔ yá̰a̰ kəsa tə́ aĺ ō, yá̰a̰ ka̰ȳ tə́ aĺ ō, ba i najə̄ yá̰á̰ kə́ gōtə́ ō, kem sɔl̄ lɔm ō, rɔ̄nel̄ kə́ Ndíĺ kə́ Táĺ adə̄ ní.

Makətūbə̄ ń Pol ndang adə̄ Rom gə̄ ní 12:18

Ré asiī anī, ī-rāāī yá̰a̰ malang ń ngəran i gír jīsí tə́ ní kadə̄ ī-ndiīń kə kem sɔl̄ lɔm kə de gə̄ malang.

3 JA̰A̰ 1:11

Kó tár yāḿ, ī-lōō ndájə̄ yá̰á̰ kə́ majaĺ, ba ī-ndájə̄ yá̰á̰ kə́ majə. Deē ń rāā yá̰á̰ kə́ majə ní, ni i deē yā Nə́ɓā. Banī deē ń rāā yá̰á̰ kə́ majaĺ ní, a̰a̰ Nə́ɓā alé.

JAKƏ 4:17

Adə̄ deē ń ger̄ rāā yá̰a̰ kə́ majə tá rāā aĺ ní, rāā i majaĺ.

HEBƏRO 13:16

Ādə̄ dɔsí ndígə̄nal rāā majə kə deé aĺ ō, rāā kə naá aĺ ō. Tām̄ i yá̰a̰ tun̄ kə́ tītə̄ ń noō gə̄ n nelə̄n̄ Nə́ɓā ní.

1 TIMOTE 6:18

Ə́dádə́ kadə̄ rāān̄ majə kə de gēé ō, kadə̄ rāān̄ yá̰á̰ kə́ majə ngá̰ý ō, kadə̄ adə̄n̄ de gə̄ yá̰a̰ ngá̰ý ō, kadə̄ kēgə̄n̄ yá̰a̰ yādə́ gə̄ adə̄n̄ madə̄də́ gə̄ tə́ ō.

GALATƏ 6:10

I tām̄ ń toō tə́ n, dan ń j-əngeī loon ɓáý ní, ādə̄ jə-rāāī yá̰á̰ kə́ majə kə de gēé malang. Ba mandang ɓáa ādə̄ i kə ngákó̰ó̰jí kə́ ngé taā kem madə̄jí gēé.

GALATƏ 5:22

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,

Makətūbə̄ ń Pol ndang adə̄ Rom gə̄ ní 8:6

Yá̰á̰ ń dā̰ rɔ̄ ndigə ní a ojə i yo, ba yá̰á̰ ń Ndíĺ kə́ Táĺ ndigə ní, a ojə i ndi kə kumuú ō, kem sɔl̄ lɔm ō.

Makətūbə̄ ń Pol ndang adə̄ Rom gə̄ ní 7:21

Loo ń noō tə́ ní ndū najə̄ ń m̄-teē dɔ tə́ ní n toó: Ré m̄-sāā rāā yá̰á̰ kə́ majanī i yá̰á̰ kə́ majaĺ n m-ásə rāā ní.

Makətūbə̄ ń Pol ndang adə̄ Rom gə̄ ní 5:1

Jə-téliī de kə́ súmūú gə̄ ta kum Nə́ɓā tə́ kə gō taā kem yājí kɔ̄ɔ́ ɓá, adə̄ ngɔlaā ní dɔ dáńjí kə Nə́ɓāá i lápə́ya kə ta kūl̄ Kɔ́ɔ̄ɓē yājí Jeju Kərist.

JA̰A̰ 17:15

m̄-dəjeī i kadə̄ úńdə́ kɔ̄ɔ́ dɔ nang tə́ alé, banī i kadə̄ ī-ngɔ̄m̄də́ tá kadə̄ nin̄-əsōn̄ jī Sətan tə́ alé.

MATIYE 6:13

Ī-lōō kaw̄ sejí ta yá̰a̰ nāā gə̄ tə́, ba ɔ̄r̄jí kɔ̄ɔ́ jī nge nāājí tə́. Tɔdɔ̄ ko̰o̰ ɓē ō, tɔ́gə ō, kɔsə gɔn ō i yá̰a̰ yāí gə̄ kə́ njɔ́ḿ gə̄ tə́. Adə̄ i tītə̄ ń noō!

MATIYE 5:45

yā kadə̄ ī-téliīneé ngán Bɔbə̄sí ń ndi dɔ rā̰ tə́ ní. Tɔdɔ̄ ni-rāā adə̄ mbang yān əɓa dɔ ngé kem ndul gə̄ tə́ ō, dɔ ngé kem majə gə̄ tə́ ō. Ni-rāā man̄ adə̄ edə dɔ de kə́ súmūú gə̄ tə́ ō, dɔ de kə́ súmūú aĺ gə̄ tə́ ō.

PĀ GƏ̄ 37:27

Ī-gōn̄g yá̰á̰ kə́ majaĺ ba ī-rāā yá̰á̰ kə́ majə, anī ā ə́nge loo yā ndiń ngándáńg.

Makətūbə̄ ń Pol ndang adə̄ Rom gə̄ ní 7:19

Tɔdɔ̄ yá̰á̰ kə́ majə ń m̄-gḛy ní m̄-rāā alé, banī i yá̰á̰ kə́ majaĺ ń m̄-gḛy aĺ ní tá m̄-rāā.

Najə̄ kə́ Majə yā Jeju ń Luk ndang ní 6:35

Ba sḭḭ̄, ī-táriī madə̄ ba̰ā̰sí gə̄ ō, ī-rāāī majə kə de gēé ō, ādī yá̰a̰ loo tə̄nā tə́ kanjə̄ kəndā kemsí dɔ tél kənge yá̰á̰ ní gogə́ ō. Loo ń noō tə́ ā ə́ngeī yá̰a̰ kəndā nja kə́ ngá̰ý ō, ā ī-téliī ngáń Nə́ɓā kə́ dɔɔ́ gə̄ ō. Tɔdɔ̄ ni-rāā kem majə kə ngé ger̄ kem majə yān aĺ gə̄ ō, kə ngé kem ndul gə̄ ō.

Najə̄ kə́ Majə yā Jeju ń Luk ndang ní 6:9

Anī Jeju ədadə́ na: Yá̰á̰ ń ndū najə̄ adə̄ deē ta róbə rāān ndɔ̄ sabat tə́ ní i rí? Adə̄n i ta róbə rāā yá̰á̰ kə́ majə aké i rāā yá̰á̰ kə́ majaĺ? I ta róbə kajə deē aké i nujə deē?

Najə̄ kə́ Majə yā Jeju ń Luk ndang ní 1:79

Yā kadə̄ ngé gə̄ ń ndin̄ tilií ō, ndíl yo tə́ ō ní a̰a̰n̄neé loo ō, yā kɔjəń njají loo njə̄rā dɔ róbə kem sɔl̄ tə́ ō.

MARK 14:7

Tɔdɔ̄ ngé ndoō gə̄ i sesí kə ndɔ̄ gə̄, adə̄ sḭḭ̄ ā ásiī rāā majə sedə́ dan ń kemsí ndigə ní, ba mā i sesí kə ndɔ̄ gə̄ alé.

Gōsə̄ najə̄ gə̄ 16:17

Róbə yā de kə́ súmūú gə̄ gōn̄g gidə yá̰á̰ kə́ majaĺ. De kə́ gḛy ngɔ̄m̄ rɔ̄n a əndā kumən gíŕ hálən tə́.

Gōsə̄ najə̄ gə̄ 16:6

A ɔrə̄n̄ yá̰a̰ rāā kə́ gōtə́ aĺ kɔ̄ɔ́ i kə kem kə́ majaá ō, kə najə̄ kə́ rɔ̄kumuú ō. Deē a tūr̄ gidən kɔ̄ɔ́ ta yá̰á̰ kə́ majaĺ tə́ i kə ta kūl̄ ɓōĺ ndíĺ Kɔ́ɔ̄ɓēé ō.

Gōsə̄ najə̄ gə̄ 3:7

Ī-lōō ka̰a̰ rɔ̄í nge kum kedə̄ tə́, banī ī-ɓōĺ ndíĺ Kɔ́ɔ̄ɓē ō, ī-tūr̄ gidií kɔ̄ɔ́ ta yá̰á̰ kə́ majaĺ tə́ ō.

PĀ GƏ̄ 125:4

Kɔ́ɔ̄ɓē, deē ń kemən ndaa ō i de kə́ súmūú ō ní, ī-rāā kem ndaa seneé.

Makətūbə̄ yā Job 28:28

Gō tə́ anī əda deē ndul na: Yá̰á̰ ń i kum kedə̄ ní, i ɓōĺ ndíĺ Kɔ́ɔ̄ɓē! Yá̰á̰ ń i ger̄ yá̰á̰ ní, i ka̰a̰ yá̰á̰ kə́ majaĺ a ka̰ȳ kɔ̄ɔ́ ta tə́!

Makətūbə̄ yā Job 2:3

Anī Kɔ́ɔ̄ɓē dəjen najə̄ ədan na: Á̰a̰ nge kəla yāḿ Job a? De kə́ tītə̄n gətóo dɔ nang tə́. Ni i de kə́ najə̄ gətóo dɔn tə́ ō, i de kə́ súmūú ō, de kə́ ɓōĺ ndíĺ Nə́ɓā ō, i de kə́ nge mbātə́ rāā yá̰á̰ kə́ majaĺ ō. Ni-əhɔ rɔ̄n tɔgə kem háĺ kə́ gōtə́ yān tə́, banī ḭ̄ ī-ra seḿ ta rāān yá̰á̰ kə́ gōtə́ aĺ kanjə̄ kumən.

Makətūbə̄ yā Job 1:1

Kété ní dəngam kógə̄ḿ ndi dɔ nang kə́ Us tə́, a ɓāŕnən̄ na i Job. Ni i de kə́ najə̄ gətóo dɔn tə́. I de kə́ súmūú ō, i de kə́ ɓōĺ ndíĺ Nə́ɓā ō, i de kə́ nge mbātə́ rāā yá̰á̰ kə́ majaĺ ō.

1 PIYER 3:12

Tɔdɔ̄ kum Kɔ́ɔ̄ɓē i dɔ de kə́ ngé rāā yá̰a̰ gō tə́ gə̄ tə́ ō, ni nēl̄ mbīn yā koōń ndɔ̄ȳ yādə́ ō. Banī ni-mbātə́ najə̄ gō ngé rāā yá̰a̰ majaĺ gə̄ tə́.

NGÉ SARYA 11:14

Jepte tél əla de gə̄ rɔ̄ mban̄g yā ngán Amon gə̄ tə́ ɓáý to̰.