1 PIYER 3:1 - Bibəl ta Sar̄

¹ Sḭḭ̄ dəyá̰ gə̄, yāsí ń toó: Ōōī ta ngaasí gə̄ yā kadə̄ ká ré ngé kə́rēý gə̄ dandə́ tə́ mbātə́n̄ taā kem najə̄ yā Nə́ɓā gə̄gē anī, nin̄-taān̄ kem kə ta kūl̄ háĺsí, kanjə̄ kadə̄ ɔ̄rī najə̄ sedə́.

Bible sar

¹ Sḭḭ̄ dəyá̰ gə̄, yāsí ń toó: Ōōī ta ngaasí gə̄ yā kadə̄ ká ré ngé kə́rēý gə̄ dandə́ tə́ mbātə́n̄ taā kem najə̄ yā Nə́ɓā gə̄gē anī, nin̄-taān̄ kem kə ta kūl̄ háĺsí, kanjə̄ kadə̄ ɔ̄rī najə̄ sedə́.

1 PIYER 3:1 Referans Kwoze

KOLOSƏ 3:18

Sḭḭ̄ dəyá̰ gə̄, ī-sɔlī dɔsí kə̄ no ngaasí gə̄ tə́, tɔdɔ̄ i yá̰á̰ kə́ gō tə́ tām̄ yā ngé gə̄ ń ɓoon̄ naā kə Kɔ́ɔ̄ɓēé ní tə́.

EPEJƏ 5:33

Ba yā kɔr̄ń najə̄ kə̄ kété ngá̰ý aĺ ní, sḭḭ̄ tā a yāsí i kadə̄ sḭḭ̄ kógə̄ḿ kógə̄ḿ ī-táriī nə̄yá̰sí gə̄ tītə̄ rɔ̄sí sḭḭ̄ kɔ́ gə̄ ō, kadə̄ dəyá̰ ɓōĺ ndíl ngaan ō.

1 KORḚNTƏ 11:3

Banī m̄-gḛy kadə̄ ī-gerī yá̰á̰ ń toō: Kərist i de kə́ dɔ dəngam tə́ ō, dəngam i de kə́ dɔ dəyá̰ tə́ ō, Nə́ɓā i de kə́ dɔ Kərist tə́ ō.

1 KORḚNTƏ 7:16

Tām̄ ḭ̄ dəyá̰, ī-ger̄ i ba̰ý kadə̄ ā ájə ngaaí? Aké ḭ̄ dəngam, ī-ger̄ i ba̰ý kadə̄ ā ájə nə̄yá̰í?

TA KƏLA 3:16

Gō tə́ anī Kɔ́ɔ̄ɓē Nə́ɓā əda dəyá̰ na: Ré ī-ndān̄ ngōn̄ anī, m-ā m̄-rāā kadə̄ rɔ̄í a tōrī ngá̰ý. Ā ójə ngōn̄ i kə rɔ̄ tōrōó. Ngur kaw̄ rɔ̄ ngaaí tə́ a rāāī, ba ni a o̰o̰ ɓē dɔí tə́.

1 PIYER 3:7

Yāsí sḭḭ̄ ngaa dəyá̰ gə̄ n toó: Ré ī-ndiī kə nə̄yá̰sí gēé anī, majə kadə̄ ī-gerī na nin̄ i de kə́ ngan̄g aĺ ngá̰ý gə̄. Ī-ɓōlíī ndíĺdə́, tɔdɔ̄ i gáŕ kadə̄ nin̄ a əngen̄ ndi kə kumuú ń Nə́ɓā a adə̄ de gə̄ karī ní sesí ō. Ī-rāāī tītə̄ ń noō i yā kadə̄ yá̰á̰ kógə̄ḿ utə̄ń ta róbə ndɔ̄ȳ yāsí gə̄ alé.

Makətūbə̄ ń Pol ndang adə̄ Rom gə̄ ní 7:2

Tītə̄ ń toō ré dəyá̰ taā dəngam anī, dan ń dəngam ndi kə kumneé ɓáý ní, ndū najə̄ ń taā naā i dɔn tə́ ngándáńg, ba ré dəngam oy anī, ndū najə̄ i dɔn tə́ to̰ alé.

1 KORḚNTƏ 14:34

majə kadə̄ dəyá̰ gə̄ ndin̄ tadə́ mbóo loo kán̄ naā tə́, tɔdɔ̄ adə̄n̄də́ ta róbə kɔr̄ najə̄ alé. Tītə̄ ń ndū najə̄ yā Nə́ɓā ədań ō ní, ādə̄ nin̄-sɔlə̄n̄ dɔdə́.

MATIYE 18:15

Ré ngōkó̰ó̰í rāā yá̰á̰ kə́ majaĺ kógə̄ḿ seí anī, āw̄ ə́ngen kə kérneé ba ɔ́jən yá̰á̰ kə́ gōtə́ aĺ ń ni-rāā ní. Ré ni-oō najə̄ yāí anī, ə́nge ngōkó̰ó̰í ní kɔ̄ɔ́.

KOLOSƏ 4:5

Kadə̄ hál njə̄rāsí kə́ dan de kə́ ndágá gə̄ tə́ i kə kum kedēé. Dan ń ə́ngeī loo rāā yá̰á̰ kógə̄ḿ anī, ī-rāāī.

HEBƏRO 11:8

I kə ta kūl̄ taā kem n Abəraham oō ta Nə́ɓā dan ń ɓārə́n ní. Adə̄ ni-aw̄ dɔ nang ń Nə́ɓā a rāā yā kadə̄n kə́ yān tə́ ní tə́. Ni-ḭḭ aw̄ kanjə̄ ger̄ loo ń a aw̄ kə̄ tū tə́ ní tə́.

2 TESALONIK 1:8

Ni a tél yā reē i kum hor kógə̄ḿ kə́ o̰o̰ tə́, yā dal ba̰ā̰ dɔ ngé ger̄ Nə́ɓā aĺ gə̄ tə́, adə̄ i dɔ ngé gə̄ ń sɔlə̄n̄ dɔdə́ kə̄ no Najə̄ kə́ Majə yā Kɔ́ɔ̄ɓē Jeju tə́ aĺ ní tə́.

Makətūbə̄ ń Pol ndang adə̄ Rom gə̄ ní 6:17

Banī ādə̄ jə-tɔ̄yī Nə́ɓā, tɔdɔ̄ kété ní sḭḭ̄ i ɓəlo gə̄ yā yá̰á̰ kə́ majaĺ, ba ngɔlaā sḭḭ̄ ōōī ta Nə́ɓā adə̄ ī-rāāī yá̰á̰ ń ndóōn̄sí ní kə ngarān̄g kemsí gēé malang.

Gōsə̄ najə̄ gə̄ 18:19

Lōō kaw̄ kə̄ rɔ̄ ngōkó̰ó̰í de kə́ kemən nujə tə́ ngan̄g tɔȳ loo kaw̄ kənī ɓē kə́ ngan̄g rɔ̄ ō, kɔ̄l̄ i yá̰á̰ kə́ ngan̄g tītə̄ yá̰á̰ kə́ rákə̄ ta kújə́ tə́ beē ō.

Gōsə̄ najə̄ gə̄ 11:30

Kəla rāā de kə́ súmūú a rāā kadə̄ deē ndi kə kumneé ō, hángal de gə̄ dəba ra dɔ najə̄ kɔr̄ de kə́ nge kum kedə̄ tə́ ō.

1 PIYER 4:17

Tām̄ kum mbang gān̄g sarya ugə̄ kɔ̄ɔ́, ba i de gə̄ yā Nə́ɓā n a əlan̄ gír dɔdə́ tə́ ní. Ba ré sarya a əla gír i dɔjí jḭḭ̄ tə́ anī, ngé gə̄ ń mbātə́n̄ taā kem Najə̄ kə́ Majə yā Nə́ɓā ní, ta tɔ̄l̄ tadə́ a to i ba̰ý?

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

HEBƏRO 5:9

Dan ń Nə́ɓā rāān adə̄ tél de kə́ majə ɔtə̄ kə taá oy anī, ngé gə̄ malang ń oōn̄ tan ní əngen̄ kajə kə́ ngándáńg kə ta kūl̄neé.

Makətūbə̄ ń Pol ndang adə̄ Rom gə̄ ní 10:16

Ba ngé gə̄ ń ndigən̄ Najə̄ kə́ Majə ní i de gə̄ malang alé, tɔdɔ̄ Ijai əda na: Kɔ́ɔ̄ɓē i náā n taā kem najə̄ ń j-ɔjə ní?

1 PIYER 3:2

Tɔdɔ̄ a̰a̰n̄ kadə̄ háĺsí i háĺ kə́ kanjə̄ najə̄ dɔ tə́ ō, a̰a̰n̄ kadə̄ ī-ɓōlíī ndíĺdə́ ō.