1 PIYER 2:9 - Bibəl ta Sar̄

⁹ Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

Bible sar

⁹ Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i *ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

1 PIYER 2:9 Referans Kwoze

NDŪ NAJƏ̄ 7:6

Tɔdɔ̄ sḭḭ̄ i gír de gə̄ kə́ ɔrə̄n̄ kam̄sí tayā tām̄ yā Kɔ́ɔ̄ɓē Nə́ɓā yāsí tə́. I sḭḭ̄ n Kɔ́ɔ̄ɓē gə̄rāsí dan gír de gə̄ malang kə́ dɔ nang tə́ tə́ kadə̄ ī-téliī gír deē yān gə̄ kə́ sɔɔ̄ dɔn nəkɔ́ ngóý ní.

JEJU TEĒ KUM JA̰A̰ 1:6

rāā adə̄ jə-téliī de gə̄ kə́ kem ɓē ko̰o̰ yān tə́ ō, ngé tun̄ yá̰a̰ gə̄ yā Bɔbə̄n Nə́ɓā ō ní, kɔsə gɔn i yān ō, tɔ́gən to ō, kə dɔ ɓāl̄ gə̄ ɓāl̄ gə̄. Adə̄ i tītə̄ ń noō.

JEJU TEĒ KUM JA̰A̰ 5:10

Ī-rāādə́ adə̄ télən̄ de kə́ kem ɓē ko̰o̰ tə́ gə̄ ō, télən̄ ngé tun̄ yá̰a̰ gə̄ ō, tām̄ yā Nə́ɓā yājí tə́. Adə̄ nin̄ a o̰ō̰n̄ ɓē dɔ nang tə́.

IJAI 61:6

Ba sḭḭ̄, a əndān̄ rīsí na i ngé tun̄ yá̰a̰ gə̄ yā Kɔ́ɔ̄ɓē. A ɓārə́n̄sí na i ngé rāā kəla gə̄ yā Nə́ɓā yājí. Yá̰a̰ kənge yā nápar de gə̄ a rāā majə sesí ō, ā ɔ́jiī rɔ̄sí kə yá̰a̰ kənge yādə́ ō.

2 TIMOTE 1:9

I Nə́ɓā n ajəjí ō, ɓāŕjí kadə̄ jə-téliī deē yān gə̄ ō ní. I kə gō kəla rāājí jḭḭ̄ kɔ́ gɔ̄ɔ́ alé, banī i tām̄ gír̄ ń nəkɔ́ gír̄ kemən tə́ kadə̄ n-rāā beé ní ō, tām̄ kem majə yān tə́ ō. Ni-rāā kem majə ní sejí i kə ta kūl̄ ɓoo kə́ jə-ɓooī naā kə Jeju Kərist, i kété pá tá kadə̄ ni-rāā yá̰a̰ malang ɓáý.

NDŪ NAJƏ̄ 14:2

Tɔdɔ̄ sḭḭ̄ i gír de kə́ ɔrə̄n̄ kam̄sí tayā gə̄ tām̄ yā Kɔ́ɔ̄ɓē Nə́ɓā yāsí tə́. I sḭḭ̄ n Kɔ́ɔ̄ɓē gə̄rāsí dan gír de gə̄ malang kə́ dɔ nang tə́ tə́ kadə̄ ī-téliī gír deē yān gə̄ ní.

1 PIYER 2:5

Ī-ndɔ́tī kə̄ ngɔr tītə̄ mbal̄ gə̄ kə́ ndin̄ kə kumdə́ beē ādə̄ ɔyn̄sí rāān̄neé kújə ndi Ndíl. Loo ń noō tə́ ā ī-téliī ɓūtə̄ ngé tun̄ yá̰a̰ gə̄ kə́ nin̄-ɔrə̄n̄ kam̄də́ tām̄ yā Nə́ɓā tə́, yā kadə̄ əndān̄ kəla ndējə̄ Nə́ɓā yá̰á̰ kə́ tun̄ gə̄ yā Ndíl dɔsí tə́. Yá̰a̰ kə́ tun̄ gə̄ yā Ndíĺ ní, a nel̄ Nə́ɓā i kə ta kūl̄ Jeju Kərist.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

NDŪ NAJƏ̄ 10:15

Ɓá tā ba i kaasí gə̄ ngóy n Kɔ́ɔ̄ɓē əhɔ gōdə́ táŕdə́ kété ní. Tá i sḭḭ̄ ngán kaadə́ gə̄ n ni gə̄rāsí dan gír de gə̄ tə́ tītə̄ ń á̰a̰īń ɓōólaā ní.

IJAI 26:2

Ī-teēī ta róbə gə̄, ə́ya̰ī nápar de gə̄ ń oōn̄ ta Nə́ɓā ní, nápar de gə̄ ń ran̄ dɔ ndūdə́ tə́ seneé ní, ādə̄ udən̄.

KƏLA RĀĀ 26:18

M-ə́laī i kadə̄ āw̄ i teē kumdə́, kadə̄ āw̄ ī-teē sedə́ kɔ̄ɔ́ kum til tə́ ba ī-reē sedə́ kum loo kə́ unjə̄ kow tə́, i kadə̄ āw̄ ī-teē sedə́ kɔ̄ɔ́ gíŕ tɔ́gə yā Sətan tə́ ba ī-reē sedə́ rɔ̄ Nə́ɓā tə́, yā kadə̄ taān̄ kemḿ anī əngen̄neé mā̰ȳ rɔ̄ dɔ majaĺ yādə́ gə̄ tə́ ō, kadə̄ əngen̄neé loo dan de gə̄ yā Nə́ɓā tə́ ō.

JEJU TEĒ KUM JA̰A̰ 20:6

Deē ń ndól̄ ndól̄ kə́ ta kəga dɔ ngeé ń toō ní, rɔ̄n nelə̄n ō, ni i deē yā Nə́ɓā ō. Yo a o̰o̰ ɓē dɔ de kə́ beē gə̄ tə́ alé, banī nin̄ i ngé tun̄ yá̰a̰ gə̄ yā Nə́ɓā ō, yā Kərist ō, a o̰o̰n̄ ɓē naā tə́ kə Kərist ɓāl̄ dūbú ō.

PĀ GƏ̄ 33:12

Rɔ̄nel̄ i kə nápar de gə̄ ń Kɔ́ɔ̄ɓē i Nə́ɓā yādə́ ní. Rɔ̄nel̄ i kə gír de gə̄ ń Kɔ́ɔ̄ɓē gə̄rādə́ kadə̄ nin̄ i yá̰a̰ kəngen gə̄ ní.

MATIYE 5:16

Ādī loo kə́ unjə̄ kow yāsí unjə̄ ta kum de gə̄ tə́ tītə̄ ń toō ō, kadə̄ ré nin̄-a̰a̰n̄ kəla rāāsí kə́ majə gə̄ anī, ɔsən̄ gɔn Bɔbə̄sí ń ndi dɔ rā̰ tə́ ní.

NDŪ NAJƏ̄ 4:20

Banī Kɔ́ɔ̄ɓē ɔysí sḭḭ̄ teē sesí kɔ̄ɔ́ kem ɓē kə́ Ejiptə ń rāā rɔ̄n i hor nō gində̄ tə́ kə́ njɔ́ḿ gə̄ tə́ ní, yā kadə̄ ī-téliī gír deē yān gə̄ kə́ yá̰a̰ halan gə̄ tə́ tītə̄ ń ī-ndiīneé jīsí tə́ ɓōólaā toó.

KOLOSƏ 1:13

Nə́ɓā ɔr̄jí kɔ̄ɔ́ gíŕ tɔ́gə yā til tə́, ba əndājí kem Ɓē ko̰o̰ yā Ngōn̄ kó tár yān tə́.

1 KORḚNTƏ 3:17

Ré de kə́rēý nujə kújə yā Nə́ɓā anī, Nə́ɓā a nujə seneé kɔ̄ɔ́ ō. Tɔdɔ̄ kújə yā Nə́ɓā i kə́ táĺ, ba kújə́ ní i sḭḭ̄.

KƏLA RĀĀ 20:28

Ī-ndiī dɔ rɔ̄sí tə́ majə ī-ngɔ̄mīneé rɔ̄sí sḭḭ̄ kɔ́ gə̄ ō, ī-ngɔ̄mīneé yá̰a̰ kul̄ gə̄ malang ń Ndíĺ kə́ Táĺ adə̄sí kadə̄ ī-ngɔ̄mī ní ō. Á̰a̰ī gō ngé kán̄ naā gə̄ yā Kɔ́ɔ̄ɓē ń nəkɔ́ mangdə́ kə mósəneé ní.

IJAI 66:21

M-ā m̄-gə̄rā de kə́ dəngam kə́rēý gə̄ kə́ dan gír de gə̄ ngeé gə̄ ń noō tə́ yā rāādə́ ngé tun̄ yá̰a̰ gə̄ tə́ ō, yā rāādə́ ngán Lebi gə̄ tə́ ō. Najə̄ ń Kɔ́ɔ̄ɓē əda ní n noó.

IJAI 42:16

M-ā m-ɔ́ŕ ngé kum tɔ̄ɔ̄ gə̄ ta róbə dɔ róbə́ kə́ deē ger̄ aĺ tə́, m-ā m̄-njə̄rā sedə́ dɔ róbə́ kə́ nin̄ gerə̄n̄ aĺ tə́. M-ā m̄-tūr̄ loo kə́ ndɔ̄ɔ́ kadə̄ tél loo kə́ unjə̄ kow kété nodə́ tə́, m-ā m̄-ró̰ȳ yá̰á̰ kə́ dēsə́ nodə́ tə́ ɔgə̄də́ kaw̄ kum kə̄ kété gə̄ kɔ̄ɔ́ gír njadə́ tə́. Yá̰á̰ ń m̄-sāā rāā ní n noó, yá̰á̰ ń noō ń m̄-núm̄ rāā ní, m-ā m̄-lōō gírí alé.

IJAI 41:8

Banī ḭ̄ Israel, ḭ̄ nge kəla yāḿ, Jakob, ḭ̄ i gír de gə̄ kə́ m̄-gə̄rādə́, i madə́ḿ Abəraham n ojiī ní.

IJAI 9:2

Kɔ́ɔ̄ɓē, ḭ̄ ī-rāā ādə̄ nin̄ ndin̄ majə ngá̰ý, ḭ̄ ī-rāā adə̄ rɔ̄nel̄ yādə́ i ngá̰ý kum kə̄ kété kété. Nin̄ rāān̄ rɔ̄nel̄ ta kumií tə́ tītə̄ rɔ̄nel̄ kə́ ndɔ̄ sāā kōō tə́ beē, tītə̄ kɔŕ rɔ̄nel̄ kə́ loo kēgə̄ naā yá̰a̰ kənge yā madə̄ ba̰ā̰ gə̄ kə́ rɔ̄ɔ̄ tetədə́ tə́ beē.

PILIPƏ 3:14

I beé n m-a̰yń ngɔ̄də̄ kum kə̄ loo kə́ yā dəba tū tə́ tə́, yā kadə̄ m-ə́ngeń yá̰a̰ kəndā nja ń Nə́ɓā ɓāŕjí kə ta kūl̄ Jeju Kərist, yā kadə̄ j-aw̄ j-əngeī dɔɔ́ nú ní.

IJAI 44:1

Ba ngɔlaā ní, gír de gə̄ yā Jakob, nge kəla yāḿ Israel, ḭ̄ ń m̄-gə̄rāī ní, ōō.

MATIYE 4:16

gír de gə̄ ń ndin̄ kum til tə́ ní, a̰a̰n̄ loo kə́ unjə̄ kow ngá̰ý. Ngé gə̄ ń ndin̄ ɓē ń yo o̰o̰ ɓē dɔ tə́, adə̄ loo kə́ tū tə́ risə til nding ní, loo a unjə̄ kow dɔdə́ tə́.

1 PIYER 1:2

Bɔbə̄jí Nə́ɓā gə̄rāsí i kə gō ń ni-núməń kété ní, adə̄ sḭḭ̄ i deē yān gə̄ kə ta kūl̄ Ndílən, yā kadə̄ ōōī ta Jeju Kərist ō, kadə̄ mósən tə́go majaĺ yāsí gə̄ kadə̄ kemsí ndaa táĺ táĺ ō. Ādə̄ Nə́ɓā rajəsí ngá̰ý ō, sɔl̄ kemsí ngá̰ý ō!

Najə̄ kə́ Majə yā Jeju ń Luk ndang ní 1:79

Yā kadə̄ ngé gə̄ ń ndin̄ tilií ō, ndíl yo tə́ ō ní a̰a̰n̄neé loo ō, yā kɔjəń njají loo njə̄rā dɔ róbə kem sɔl̄ tə́ ō.

PĀ GƏ̄ 106:5

Ādə̄ m-á̰a̰ rɔ̄nel̄ yā ngé gə̄ ń ī-gə̄rādə́ ní ō, m̄-rāā walya rɔ̄nel̄ yā gír deē yāí gə̄ ō, ādə̄ m-ɔ́r ta rɔ̄ḿ naā tə́ kə ngé gə̄ ń əngen̄ yá̰a̰ yāí ní ō.

Makətūbə̄ ń Pol ndang adə̄ Rom gə̄ ní 9:24

Tɔdɔ̄ jḭḭ̄ i kə́ Nə́ɓā ɓāŕjí i dan Jipə gə̄ tə́ ngóy alé, banī i dan nápar de kə́ rang gə̄ tə́ ō.

KƏLA RĀĀ 26:28

Anī Agəripa tél əda Pol na: Na̰y i sḛ́ý beē kadə̄ ɔ́sə́ ngóýḿ kadə̄ m̄-tél deē yā Kərist.

1 PIYER 4:11

Ré deē kógə̄ḿ a ɔr̄ najə̄ anī, majə kadə̄ i yá̰a̰ gə̄ ń Nə́ɓā əda ní n ni-əda de gə̄ ní. Ré deē kógə̄ḿ a rāā kə de gēé anī, majə kadə̄ i kə tɔ́gə́ ń Nə́ɓā adə̄n ní. Yā kadə̄ tū yá̰a̰ gə̄ tə́ malang ɓáa kɔsə gɔn i yā Nə́ɓā kə ta kūl̄ Jeju Kərist, ni ń kɔsə gɔn ō, ndi dɔ de gə̄ tə́ ō, i yān kə dɔ ɓāl̄ gə̄ ɓāl̄ gə̄ ní. Adə̄ i tītə̄ ń noō!

EPEJƏ 1:6

I beé ní ādə̄ jə-tɔ̄yī Nə́ɓā najə̄ yá̰á̰ kə́ majə ngá̰ý ń ni-rāā adə̄jí kə ta kūl̄ Ngōn̄ kó tár yānneé ní.

PĀ GƏ̄ 73:15

Ré m-ə́da na kə m̄-rāā tītə̄ yādə́ anī, m̄-rāā i yá̰á̰ kə́ gōtə́ aĺ kə gír kaa ngání gēé.

PĀ GƏ̄ 22:30

De gə̄ malang ń ndin̄ dɔ nang tə́ kə rɔ̄nelēé ní n ɔsən̄ nodə́ nang tə́ toō. De gə̄ malang ń njadə́ i kə̄ ta bāá yo tə́ á əlan̄ dɔdə́ nang tə́ ta kumən tə́ ní, ni əya̰də́ adə̄ ndin̄ kə kumdə́ alé.

EPEJƏ 1:14

Ndíĺ kə́ Táĺ i yá̰á̰ kə́ ɔjə kadə̄ Nə́ɓā a adə̄jí yá̰á̰ kə́ majə gə̄ ń ni-ngɔ̄m̄ tām̄ yā deē yān gə̄ tə́ ní rɔ̄kum. Ni-ɔjəjí kadə̄ j-a j-əngeī yá̰a̰ gə̄ ni rɔ̄kum, loo ń Nə́ɓā a gān̄g dɔjí kadə̄ ɔtə̄ kə taá mámák ní. Ādə̄ jə-tɔ̄yī Nə́ɓā ń i de kə́ bo ní.

JA̰A̰ 17:19

M-ādī rɔ̄ḿ kə taá malang tām̄ yādə́ tə́, yā kadə̄ nin̄ i deē yāí gə̄ kə́ rɔ̄kum tə́.

EPEJƏ 3:21

Adə̄ kɔsə gɔn i yān dan ngé kán̄ naā gə̄ tə́, kə ta kūl̄ Kərist Jeju kə dɔ ɓāl̄ gə̄ malang. Adə̄ i tītə̄ ń noō!

1 SAMUEL 12:22

Kɔ́ɔ̄ɓē a əya̰sí kɔ̄ɔ́ alé. Tɔdɔ̄ i nəkɔ́ n ndigə rāāsí gír deē yān gə̄ tə́ tām̄ yā rīn kə́ to kɔsə gɔn ngá̰ý tə́ ní.

PĀ GƏ̄ 118:27

Kɔ́ɔ̄ɓē i Nə́ɓā ō, ni-adə̄jí loo kə́ unjə̄ kow ō. Əhɔī ta jī kāgə̄ gə̄ jīsí tə́ ba ī-raī kə gō naá bátə́ kíl loo tun̄ yá̰á̰ tə́.

PĀ GƏ̄ 135:4

Tɔdɔ̄ Kɔ́ɔ̄ɓē gə̄rā Jakob tām̄ yān tə́, ni-rāā Israel i yá̰a̰ yān nəkɔ́ tə́.

IJAI 62:12

A ɓārə́n̄də́ na i gír de kə́ táĺ gə̄, na i ngé gə̄ ń Kɔ́ɔ̄ɓē gān̄g dɔdə́ ní. Ba ḭ̄ Jerusalem, a ɓāríīn̄ na i ɓē kə́ əya̰n̄ kɔ̄ɔ́ to̰ alé, banī a ɓāríīn̄ na i ɓē kə́ de gə̄ gḛyn̄.

MALASI 3:17

Gō tə́ anī, Kɔ́ɔ̄ɓē kə́ bo kə́ tɔ́gən i ngá̰ý əda na: Ndɔ̄ ń m-ā m-ɔ́jəń tɔ́gə́ḿ ní, m-ā m̄-rāādə́ i deē yāḿ gə̄ tə́. M-ā m̄-rāā majə sedə́, tītə̄ ń bɔbə̄ ngōn̄ a rāań majə kə ngōnən kə́ dəngam kə́ nge rāā kəla kadə̄n ní.

NDŪ NAJƏ̄ 18:2

Nin̄ a əngen̄ núsə dɔ nang kə́ tām̄ yādə́ tə́ dan ngán Israel gə̄ tə́ alé, tɔdɔ̄ yá̰á̰ ń əngen̄ ní i rāā kəla yā Kɔ́ɔ̄ɓē, tītə̄ ń Kɔ́ɔ̄ɓē ədańdə́ ní.