1 PIYER 2:8 - Bibəl ta Sar̄

⁸ Tá ndangən̄ loo kə́ rang tə́ ɓáý to̰ na: I mbal̄ kə́ əga nja de gə̄, i mbal̄ bo kə́ nge rāā kadə̄ de gə̄ tə́sōn̄. Mbal̄ ní əga njadə́ i tɔdɔ̄ nin̄-mbātə́n̄ taā kem najə̄ yā Nə́ɓā. Tá kété nəkɔ́ gə̄gē ní, əndān̄də́ i kadə̄ yá̰á̰ ń noō rāādə́ ō.

Bible sar

⁸ Tá ndangən̄ loo kə́ rang tə́ ɓáý to̰ na: I mbal̄ kə́ əga nja de gə̄, i mbal̄ bo kə́ nge rāā kadə̄ de gə̄ tə́sōn̄. Mbal̄ ní əga njadə́ i tɔdɔ̄ nin̄-mbātə́n̄ taā kem najə̄ yā Nə́ɓā. Tá kété nəkɔ́ gə̄gē ní, əndān̄də́ i kadə̄ yá̰á̰ ń noō rāādə́ ō.

1 PIYER 2:8 Referans Kwoze

IJAI 8:14

Tām̄ yā ɓē ko̰o̰ kə́ jōó gə̄ yā Israel tə́ ní, ni i loo kə́ táĺ, ni i mbal̄ kə́ nge kəga deē, mbal̄ kə́ nge rāā deē kadə̄ əsō. Ndɔ̄ń tə́ ni i gūmbə̄ tām̄ yā de kə́ Jerusalem gə̄ tə́.

1 KORḚNTƏ 1:23

Banī jḭḭ j-ɔjə i najə̄ yā Kərist kə́ əndanən̄ kə máyá̰ tū kāgə̄ kə́ dēsə́ tə́. I najə̄ kə́ əga Jipə gə̄ bə̄dē tə́, banī de gə̄ ń nin̄ i Jipə aĺ gə̄ ní, i najə̄ kə́ to mbóo ta kumdə́ nin̄ tə́.

1 PIYER 2:7

Tām̄ yāsí sḭḭ̄ ngé taā kem gə̄ tə́ ɓáa mbal̄ ngeé ń toō ní, i mbal̄ kə́ gātə̄n i ngá̰ý. Banī tām̄ yā ngé gə̄ ń taān̄ kem aĺ tə́ ní, ndangən̄ kem makətūbə̄ yā Nə́ɓā tə́ na: Mbal̄ ń ngé kəndā kújə gə̄ mbātə́n̄ kɔ̄ɔ́ ní, tél mbal̄ kíĺ kújə.

Makətūbə̄ ń Pol ndang adə̄ Rom gə̄ ní 9:22

Nə́ɓā gḛy i kɔjə wōn̄g yān ō, tɔ́gən ō. Ɓá tā ba ni-tə́gā tan dɔ ngé gə̄ ń asə kadə̄ ni-rāā wōn̄g sedə́ ō, nujədə́ kɔ̄ɔ́ ō ní tə́.

Makətūbə̄ ń Jud ndang ní 1:4

Tɔdɔ̄ de kə́rēý kə́ ngé kem ndul gə̄ udən̄ dansí tə́ jəke. Nin̄-tūrə̄n̄ gír rajə ń Nə́ɓā rajə de gə̄ ní kɔ̄ɔ́ adə̄ rāān̄ i yá̰a̰ kutə̄ gidə rɔ̄ yādə́ tə́, yā rāań yá̰á̰ kə́ majaĺ kə́ tayā tayā gə̄ ń ngurən i kemdə́ tə́ ní. Ba Jeju Kərist ń i ni ngóy n i ngoljí ō, Kɔ́ɔ̄ɓē yājí ō ní, nin̄-mbātə́nən̄ kɔ̄ɔ́. Sarya ń gāngə̄n̄ dɔdə́ tə́ ní, ndangən̄ najə̄n kem makətūbə̄ yā Nə́ɓā tə́ i kété jóo.

2 PIYER 2:3

Sɔɔ̄ń rāā ta nar kə́ kemdə́ tə́ ní, ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō, a ndóōn̄sí najə̄ kə́ tūr̄ gidə kɔ̄ɔ́ kə kum kedēé gə̄ yā kəsańsí. Banī a gāngə̄n̄ sarya dɔdə́ tə́ ngɔr ō, a nujən̄ sedə́ sák sák ngɔr ō.

1 TESALONIK 5:9

Tɔdɔ̄ Nə́ɓā əndājí i yā kadə̄ wōn̄g yān əsō dɔjí tə́ alé, banī i yā kadə̄ j-ajiī kə ta kūl̄ Kɔ́ɔ̄ɓē yājí Jeju Kərist ń

Najə̄ kə́ Majə yā Jeju ń Luk ndang ní 2:34

Simeo̰ tɔ́r̄ tan dɔdə́ tə́ ba əda Mari kó̰o̰ ngōn̄ na: Nə́ɓā gə̄rā ngōn̄ ń toō i yā rāań kadə̄ Israel gə̄ ngá̰ý tə́sōn̄ najə̄n tə́ ō, Israel gə̄ ngá̰ý a ḭḭn̄ dɔɔ́ kə kūl̄neé ō. Ni i yá̰a̰ kɔjə kə́ de gə̄ ngá̰ý a tɔ́sə̄n̄ gātə̄ ō. I tītə̄ ń noō n ni-rāań adə̄ dɔ gír̄ kə́ kem de kə́ ngá̰ý gə̄ tə́ teēń ndágá ní.

2 KORḚNTƏ 2:16

Tām̄ yā ngé tḭ̄ḭ̄ ta rɔ̄də́ tə́ ɓáa i sēē nīń kə́ a əla deē ta yo tə́. Ba tām̄ yā ngé gə̄ ń nin̄ i dɔ róbə ndi kə kumuú tə́ ní ɓáa, i sēē ndi kə kumuú kə́ a rāā kadə̄ deē ndi kə kumneé. Ba i náā n asə rāā kəla kə́ tītə̄ ń noō ní?

Teē Ngán Israel gə̄ 9:16

Banī n-əya̰ī ādə̄ ī-ndi kə kumií i yā kadə̄ n-ɔjiīń tɔ́gən ō, kadə̄ rīn ɓārəń dɔ nang tə́ laā malang ō.

IJAI 57:14

Kɔ́ɔ̄ɓē əda na: Ī-rāāī róbə ādə̄ tél majə gogə́, ī-njariī róbə́ láẃ, yá̰a̰ gə̄ kə́ dɔ róbə yā gír deē yāḿ gə̄ tə́ kə́ a ɔgə̄ deē mān̄ gə̄ ní, ī-ró̰yīdə́ kɔ̄ɔ́.

IJAI 37:26

Ní, ḭ̄ Senakerib ī-ger̄ yá̰á̰ ń toō aĺ i mbée a? Yá̰a̰ gə̄ ń a rāān̄ yá̰a̰ toó i mā n m-ə̄ndā dɔdə́ danaá kété jóó ní. m̄-núm̄ yá̰á̰ ń toō i kété, banī ngɔlaā m̄-rāādə́ adə̄ reē udən̄ gíŕ kə́ rɔ̄ tə́. m̄-gḛy kadə̄ ī-rāā ɓē gə̄ ń ngɔ̄mə̄n̄də́ majə ní kadə̄ télən̄ kɔkərɔ kə́ ra dɔ naā tə́ bing gə̄.

GALATƏ 5:11

Ba mā tā a ngákó̰ó̰ḿ gə̄, ré m-ə̄nā i mbēr̄ kəja mɔtə ɓáý anī, i ba̰ý á a rāān̄ kumḿ ndoō tə́ ɓáý ní? Ré m̄-rāā i tītə̄ ń noō anī, kāgə̄ kə́ dēsə́ i yá̰á̰ kə́ əga de gə̄ bə̄dē tə́ to̰ alé.

1 PIYER 2:6

Tɔdɔ̄ yá̰á̰ ń makətūbə̄ yā Nə́ɓā əda ní n toó: m̄-gə̄rā mbal̄ kógə̄ḿ kə́ gātə̄n i ngá̰ý, m-ə̄ndā kem ɓē kə́ Siyo̰ tə́ ngɔlaā tītə̄ mbal̄ nja kújə́ kə́ kíĺ tə́ beē. Ba deē ń a taā kem mbal̄ ngeé ń toō ń i Kərist ní, yá̰á̰ kə́ a tə́lan naā tə́ yā kadə̄ rɔ̄n sɔlə̄n a gətóo.

Makətūbə̄ yā Job 23:14

Ni a rāā i yá̰á̰ ń əndān̄ dɔḿ tə́ á i kə́ ndang ní, tītə̄ ń a rāań ngé kə́ rang gə̄ ń na̰yn̄ ngá̰ý ɓáý ní ō.