1 PIYER 2:6 - Bibəl ta Sar̄

⁶ Tɔdɔ̄ yá̰á̰ ń makətūbə̄ yā Nə́ɓā əda ní n toó: m̄-gə̄rā mbal̄ kógə̄ḿ kə́ gātə̄n i ngá̰ý, m-ə̄ndā kem ɓē kə́ Siyo̰ tə́ ngɔlaā tītə̄ mbal̄ nja kújə́ kə́ kíĺ tə́ beē. Ba deē ń a taā kem mbal̄ ngeé ń toō ń i Kərist ní, yá̰á̰ kə́ a tə́lan naā tə́ yā kadə̄ rɔ̄n sɔlə̄n a gətóo.

Bible sar

⁶ Tɔdɔ̄ yá̰á̰ ń makətūbə̄ yā Nə́ɓā əda ní n toó: m̄-gə̄rā *mbal̄ kógə̄ḿ kə́ gātə̄n i ngá̰ý, m-ə̄ndā kem ɓē kə́ *Siyo̰ tə́ ngɔlaā tītə̄ mbal̄ nja kújə́ kə́ kíĺ tə́ beē. Ba deē ń a taā kem mbal̄ ngeé ń toō ń i *Kərist ní, yá̰á̰ kə́ a tə́lan naā tə́ yā kadə̄ rɔ̄n sɔlə̄n a gətóo.

1 PIYER 2:6 Referans Kwoze

IJAI 28:16

I tām̄ najə̄ ń toō tə́ n najə̄ yā Kɔ́ɔ̄ɓē Nə́ɓā n toó ní: M-ə̄ndā mbal̄ nja kújə́ kógə̄ḿ kə́ ngan̄g ngá̰ý Siyo̰ tə́, i mbal̄ kógə̄ḿ kə́ kəla rāān bo tɔȳ yā madə̄ gə̄ malang, əndān̄ mbal̄ ní adə̄ ndi ngan̄g. Deē ń a ndə̄nā rɔ̄n kadə tə́ ní, a əsō alé.

1 PIYER 2:4

Ī-ndɔ́tī kə̄ rɔ̄ Kɔ́ɔ̄ɓē tə́. Ni i mbal̄ kə́ ndi kə kumneé kə́ de gə̄ mbātə́n̄ kɔ̄ɔ́. Banī Nə́ɓā gə̄rān, tɔdɔ̄ Nə́ɓā a̰ā̰ kadə̄ ni i mbal̄ kə́ gātə̄n i ngá̰ý.

EPEJƏ 2:20

Ngəra kújə́ ní i ngámbang kəla gə̄ ō, ngé koō ta gə̄ ō, ba Kərist nəkɔ́ i mbal̄ kə́ nge kəhɔ kújə́ ní dɔɔ́.

JAKARI 10:4

Ngār kə́ tayā tayā gə̄ a ḭḭn̄ Juda yā reē. Nin̄ ngangə̄n̄ tītə̄ mbal̄ kə́ majə tām̄ yā kújə́ tə́ beē, tītə̄ bēl̄ gə̄ kə́ yā kənda nang tə́ do̰ō̰ń kújə tandā beé, tītə̄ ga̰ gərā kə́ yā rɔ̄ɔń beē.

MARK 12:10

Najə̄ ń ndangən̄ na: I mbal̄ ń ngé kəndā kújə gə̄ mbātə́n̄ kété ní n tél mbal̄ kíĺ kújə́ ní, nge ń noō i kəla rāā Kɔ́ɔ̄ɓē adə̄ i yá̰á̰ kə́ majə to ɓōĺ ngá̰ý ta kumjí tə́ ní, á̰a̰ī kem makətūbə̄ tə́ aĺ a?

Makətūbə̄ ń Pol ndang adə̄ Rom gə̄ ní 10:11

Tɔdɔ̄ makətūbə̄ əda na: Deē malang ń a taā kem Jeju ní rɔ̄n a sɔlə̄n alé.

IJAI 50:7

Kɔ́ɔ̄ɓē Nə́ɓā reē dḭḭ̄m̄, i tām̄ najə̄ ń toō tə́ n ndū yādə́ ɔdə rɔ̄ḿ aĺ ní. m̄-rāā ta kumḿ adə̄ ngan̄g tītə̄ mbal̄ beé. m̄-ger̄ kadə̄ rɔ̄ɔ̄ a tetəm̄ alé.

IJAI 42:1

Kɔ́ɔ̄ɓē əda na: Nge kəla yāḿ n toó, mā m-ə́hɔ ta jīn, i ni n m̄-gə̄rān kə rɔ̄nelēé ní. m̄-rāā adə̄ ndílə́ḿ reē dɔn tə́, yā kadə̄ ni rāań kadə̄ nápar de gə̄ gerə̄n̄ yá̰á̰ kə́ súmūú.

2 TIMOTE 3:16

Najə̄ gə̄ malang ń ndangən̄ kem makətūbə̄ yā Nə́ɓā tə́ ní, teēn̄ i ta Nə́ɓā tə́. Majə ndóoń deē yá̰a̰ ō, kɔjəń deē kadə̄ gír̄ yān i gō tə́ aĺ ō, tūrəń deē dɔ hálən tə́ ō, ndóoń deē loo rāā yá̰á̰ kə́ gōtə́ ō,

JA̰A̰ 7:38

Deē ń taā kemḿ anī, tītə̄ ń ndangən̄neé kem makətūbə̄ tə́ ní, man̄ kə́ ngá̰ý kə́ a rāā kadə̄ deē ndi kə kumneé a kə̄rā kemən tə́ tiriri.

IJAI 54:4

Ī-lōō ɓōĺ na rɔ̄í a sɔlī ngá̰ý to̰ alé. Ī-lōō kadə̄ kemií nujə na a tájīn̄ to̰ alé. Dɔí a ndígə̄nal rɔ̄í ń sɔlī dan ń ī-na̰y ngōn̄ ɓáý tə́ ní. Ndū gə̄ ń tájīn̄ dan ń ḭ̄ i dəyá̰ kə́ ngaa koy ní, dɔí a ndígə̄nal kɔ̄ɔ́.

Najə̄ kə́ Majə yā Jeju ń Luk ndang ní 23:35

De kə́ kem ɓē gə̄ ra a̰a̰n̄ loo sikəm. Ba ngār gə̄ tá a kəgōn̄ naā dɔ Jeju tə́. Nin̄-ədan̄ na: Ni ń ajə de kə́ rang gə̄ ní, ré ni i Kərist anī, ādə̄ ajə rɔ̄n yā ka̰a̰ tā.

MATIYE 12:18

Nge kəla yāḿ ń m̄-gə̄rān ní n toó, kó tár yāḿ ń nelə̄m̄ seneé adə̄ m̄-gə̄rān ní. M-ā m̄-rāā kadə̄ Ndílə́ḿ a ndi dɔn tə́, adə̄ a ɔjə nápar de gə̄ yá̰á̰ kə́ gōtə́ kə́ yā rāā.

IJAI 41:11

De gə̄ malang ń rāān̄ wōn̄g seí ní, rɔ̄də́ a sɔl̄də́ ngá̰ý ō, ndū a asədə́ nák ō. Ngé gə̄ ń kɔ̄lə̄n̄ seí ní, a nujən̄də́ kɔ̄ɔ́ ō, nin̄ a oyn̄ ō.

PĀ GƏ̄ 89:19

Nge ń i der yājí ō mban̄g yājí ō ní, ndi i kə ta kūl̄ Kɔ́ɔ̄ɓēé ō, kə ta kūl̄ kə́ táĺ yā Israel ō.

PĀ GƏ̄ 40:14

Kɔ́ɔ̄ɓē, ɓɔ́ ī-gān̄g dɔḿ! Kɔ́ɔ̄ɓē, ī-reē láẃ ī-dḭḭ̄m̄!

2 PIYER 3:16

I yá̰á̰ ń toō n ni ndang kem makətūbə̄ gə̄ malang ń ni-ɔr̄ najə̄ ń toō kemeé tə́ ní. Makətūbə̄ gə̄ ń ni ndang ní, loo ger̄ kum najə̄ kə́rēý gə̄ kə́ tū tə́ ngan̄g ngá̰ý. Adə̄ de kə́ ger̄ yá̰a̰ aĺ gə̄ ō, kə́ ngəradə́ əhɔ nang aĺ gə̄ ō, tūrə̄n̄ gír kɔ̄ɔ́, tītə̄ ń nin̄ a rāān̄neé kə gotə makətūbə̄ kə́ rang gə̄ yā Nə́ɓāá ní. Nin̄-nujən̄ kə rɔ̄də́ nin̄ kɔ́ gɔ̄ɔ́ i tītə̄ ń noō.

2 PIYER 1:20

Yá̰á̰ kə́ kété ń kadə̄ ī-gerī majə ní n toó: Najə̄ ń Nə́ɓā əndā ta ngé koō ta gə̄ tə́ á ndangən̄ kem makətūbə̄ yān tə́ ní, de kə́ asə kɔjə kum kə dɔneé gətóo.

EPEJƏ 1:4

Tɔdɔ̄ kété pá tá kadə̄ Nə́ɓā rāā dɔ rā̰ ō, dɔ nang ō ní, ni-gə̄rājí kɔ̄kə́ yā kadə̄ jḭḭ̄ i deē yān gə̄, kə gō ɓoo kə́ jə-ɓooī naā kə Kərist, yā kadə̄ jḭḭ̄ i de kə́ táĺ gə̄ ō, de kə́ kanjə̄ najə̄ dɔjí tə́ gə̄ ō, kə̄ ta kumən tə́.

KƏLA RĀĀ 1:16

Ngákó̰ó̰ḿ gə̄, i gáŕ kadə̄ yá̰á̰ ń Ndíĺ kə́ Táĺ əda najə̄n kété á ndangən̄ ní reē udə gírí. Judas ń tél nge kɔr no ngé kəhɔ Jeju gə̄ ní, Ndíĺ kə́ Táĺ əndā najə̄ yān ta Dabid tə́ adə̄ ɔr̄ kété kɔ̄ɔ́ adə̄ ndangən̄.

DANIEL 10:21

Banī yá̰á̰ ń ndagnən̄ kem makətūbə̄ najə̄ kə́ rɔ̄kum tə́ ní, m-ā m-ə́daī kété kadə̄ ōō. De kə́ rang kə́ rāā seḿ kadə̄ m̄-rɔ̄ɔń de gə̄ ń noō gətóo, ba i Misel ń i ngār yāsí ní ngóy.

TA KƏLA 49:24

ba ga̰ gərā yān ngan̄g. Nə́ɓā kə́ nge tɔ́gə yā Jakob rāā adə̄ jī Jəjep ənge tɔ́gə. I tītə̄ ń noō n ni téləń nge ngɔ̄m̄ yá̰a̰ kul̄ gə̄ ō, mbal̄ ń Israel ndə̄nā rɔ̄n tū tə́ ní ō.

IJAI 46:13

m̄-rāā adə̄ yá̰a̰ rāā kə́ gōtə́ yāḿ a reē noó, ni i sa̰y to̰ alé. Dɔ teē ɓəloó i ngɔr. I mə̄kɔ́ n m-ā m-āwń kem ɓē kə́ Siyo̰ tə́ ní. A̰á̰ā̰, m-ādə̄ Israel yá̰á̰ kógə̄ḿ kə́ majə ngá̰ý.

Najə̄ kə́ Majə yā Jeju ń Luk ndang ní 20:17

Anī Jeju əndā kumən dɔdə́ tə́ ba ədadə́ na: Ɔ́jəmī kum najə̄ ń ndangən̄ ədan̄ na: I mbal̄ ń ngé kəndā kújə gə̄ mbātə́n̄ kété ní n tél mbal̄ kíĺ kújə́ ní.

1 PIYER 2:8

Tá ndangən̄ loo kə́ rang tə́ ɓáý to̰ na: I mbal̄ kə́ əga nja de gə̄, i mbal̄ bo kə́ nge rāā kadə̄ de gə̄ tə́sōn̄. Mbal̄ ní əga njadə́ i tɔdɔ̄ nin̄-mbātə́n̄ taā kem najə̄ yā Nə́ɓā. Tá kété nəkɔ́ gə̄gē ní, əndān̄də́ i kadə̄ yá̰á̰ ń noō rāādə́ ō.