1 PIYER 2:4 - Bibəl ta Sar̄

⁴ Ī-ndɔ́tī kə̄ rɔ̄ Kɔ́ɔ̄ɓē tə́. Ni i mbal̄ kə́ ndi kə kumneé kə́ de gə̄ mbātə́n̄ kɔ̄ɔ́. Banī Nə́ɓā gə̄rān, tɔdɔ̄ Nə́ɓā a̰ā̰ kadə̄ ni i mbal̄ kə́ gātə̄n i ngá̰ý.

Bible sar

⁴ Ī-ndɔ́tī kə̄ rɔ̄ Kɔ́ɔ̄ɓē tə́. Ni i mbal̄ kə́ ndi kə kumneé kə́ de gə̄ mbātə́n̄ kɔ̄ɔ́. Banī Nə́ɓā gə̄rān, tɔdɔ̄ Nə́ɓā a̰ā̰ kadə̄ ni i *mbal̄ kə́ gātə̄n i ngá̰ý.

1 PIYER 2:4 Referans Kwoze

1 PIYER 2:7

Tām̄ yāsí sḭḭ̄ ngé taā kem gə̄ tə́ ɓáa mbal̄ ngeé ń toō ní, i mbal̄ kə́ gātə̄n i ngá̰ý. Banī tām̄ yā ngé gə̄ ń taān̄ kem aĺ tə́ ní, ndangən̄ kem makətūbə̄ yā Nə́ɓā tə́ na: Mbal̄ ń ngé kəndā kújə gə̄ mbātə́n̄ kɔ̄ɔ́ ní, tél mbal̄ kíĺ kújə.

IJAI 28:16

I tām̄ najə̄ ń toō tə́ n najə̄ yā Kɔ́ɔ̄ɓē Nə́ɓā n toó ní: M-ə̄ndā mbal̄ nja kújə́ kógə̄ḿ kə́ ngan̄g ngá̰ý Siyo̰ tə́, i mbal̄ kógə̄ḿ kə́ kəla rāān bo tɔȳ yā madə̄ gə̄ malang, əndān̄ mbal̄ ní adə̄ ndi ngan̄g. Deē ń a ndə̄nā rɔ̄n kadə tə́ ní, a əsō alé.

KOLOSƏ 3:4

Kərist ń i ndi kə kumuú yāsí ní, dan ń a teē hɔý anī, sḭḭ̄ ā ī-teēī hɔy seneé ō, ā əngeī kɔsə gɔn yān ō.

JAKARI 3:9

M-ə̄ndā mbal̄ kógə̄ḿ no Yesua tə́. Kum yá̰á̰ kə́ ndə́lē gə̄ sīrí i dɔ mbal̄ kə́ kógə̄ḿ beē nəkɔ́ ń noō tə́. Mə̄kɔ́ m-ā m̄-ndang yá̰á̰ kógə̄ḿ dɔ tə́ ō, yá̰a̰ rāā kə́ gōtə́ aĺ gə̄ kə́ kem ɓēé ń toō tə́ ní, m-ā m-ɔ̄r̄ kɔ̄ɔ́ i kem ndɔ̄ kógə̄ḿ beē ō. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə́da najə̄ ń noō ní.

DANIEL 2:34

Ḭ̄ á̰á̰ yá̰á̰ kə́ tɔ́sə̄ adə̄ to tītə̄ deē ní beé, anī mbal̄ kógə̄ḿ rəte kanjə̄ kadə̄ jī deē ɔdən ba reē əsō dɔ njan kə́ rāā kə gindīí ō, kə nánjá ō ní tə́ adə̄ njan ní tɔ̄ɔ̄ yɔ́k yɔ́k kɔ̄ɔ́.

IJAI 42:1

Kɔ́ɔ̄ɓē əda na: Nge kəla yāḿ n toó, mā m-ə́hɔ ta jīn, i ni n m̄-gə̄rān kə rɔ̄nelēé ní. m̄-rāā adə̄ ndílə́ḿ reē dɔn tə́, yā kadə̄ ni rāań kadə̄ nápar de gə̄ gerə̄n̄ yá̰á̰ kə́ súmūú.

2 PIYER 1:4

Adə̄n̄jí yá̰á̰ kə́ majə gə̄ kə́ gātə̄də́ i ngá̰ý ń ənīn̄ ndūdə́ yā kadə̄jí ní, i kə ta kūl̄ kɔsə gɔn yān nəkɔ́ ngeé ń toō ō, kem majə yān ngeé ń toō ō, yā kadə̄ ī-ɓooī naā kə Nə́ɓāá i kə ta kūl̄ yá̰á̰ kə́ majə gə̄ ngeé ń toō. Tɔdɔ̄ ɔrə̄n̄sí kɔ̄ɔ́ jī yá̰á̰ kə́ ndum kə́ dɔ nang tə́ ń kum ndaa yá̰a̰ a ulə̄n ní tə́.

2 PIYER 1:1

I mā Simo̰ Piyer ń i nge kəla yā Jeju Kərist ō, ngōmbang kəla yān ō ní n m̄-ndang makətūbə̄ ń toō m-ə́lań m-ādə̄ ngé gə̄ ń əngen̄ taā kem kə́ gātə̄n i ngá̰ý tītə̄ yājí, kə ta kūl̄ kəla kə́ gōtə́ yā Nə́ɓā yājí ō, Jeju Kərist nge kajəjí ō ní.

1 PIYER 1:19

I kə yá̰a̰ gə̄ ń noō alé, ba i kə mósə Kərist kə́ gātə̄n i ngá̰ý. Ni-to i tītə̄ ngōn̄ batə̄ kə́ loon kógə̄ḿ nujə aĺ ō, kə́ yá̰á̰ kə́ majaĺ tákə̄n aĺ ō, kə́ tɔ̄lə̄n̄ ba tun̄ adə̄n̄ Nə́ɓā beé.

1 PIYER 1:7

I yá̰á̰ kə́ tōr̄ gə̄ ngeé ń noō n a nāān̄neé taā kem yāsí ní. Lɔ́r i yá̰á̰ kə́ to yā nujə kɔ̄ɔ́ ɓá tā, banī nōōnən̄ horoó. Adə̄ nāān̄ taā kem yāsí ń gātə̄n tɔȳ gātə̄ lɔ́ŕ ní, yā ka̰a̰ń tɔ́gən i tītə̄ ń noō ō. I beé n sḭḭ̄ ā ásiīneé kadə̄ tɔ̄ȳn̄sí ō, ɔsən̄ gɔnsí ō, rɔȳn̄sí ō, ndɔ̄ ń Jeju Kərist a teēń hɔy tə́ ní.

Makətūbə̄ ń Pol ndang adə̄ Rom gə̄ ní 5:10

Dan ń jḭḭ̄ i madə̄ ba̰ā̰ Nə́ɓā gə̄ ɓáý ní, Nə́ɓā rāā adə̄ yo Ngōn̄ kemən əndājí naā tə́ seneé. Dan ń ngɔlaā á əndājí naā tə́ seneé toō ní, loo kadə̄ ajəjí kə ta kūl̄ Ngōnən kə́ ndi kə kumneé aĺ ní i ba̰ý?

JA̰A̰ 14:19

Sḛ́ý to̰ anī de kə́ dɔ nang tə́ gə̄ a a̰a̰mə̄n̄ to̰ alé, banī sḭḭ̄ ā á̰a̰mī, tɔdɔ̄ m̄-ndi kə kumḿ ō, sḭḭ̄ ā ī-ndiī kə kumsí ō.

JA̰A̰ 14:6

Jeju tél ədan na: Mā i róbə ō, najə̄ kə́ rɔ̄kum ō, ndi kə kumuú ō. Deē asə kaw̄ rɔ̄ Bɔbə́ḿ tə́ i kə ta kūlə̄ḿ māá ngóy.

JA̰A̰ 6:57

Ba tītə̄ ń Bɔbə́ḿ ń əlam̄ ní ndi kə kumneé ō, mā m̄-ndi kə kumḿ i kə ta kūl̄ Bɔbə́ḿ ō ní, deē ń əsam̄ ní a ndi kə kumneé kə kūlə̄ḿ mā ō.

JA̰A̰ 6:37

De gə̄ malang ń Bɔbə́ḿ adə̄m̄ sedə́ ní, a reēn̄ rɔ̄ḿ tə́, ba deē ń reē rɔ̄ḿ tə́ ní, m-ā m̄-tə̄ɓān ndágá alé.

JA̰A̰ 5:40

Banī sḭḭ̄ ī-ndigiī reē rɔ̄ḿ tə́ kadə̄ ə́ngeīń ndi kə kumuú kə́ rɔ̄kum alé.

JA̰A̰ 5:26

Tɔdɔ̄ tītə̄ ń Bɔbə̄ Ngōn̄ i kɔ́ɔ̄ ndi kə kumuú ní, tītə̄ ń toō ni-adə̄ Ngōn̄ kadə̄ ni i kɔ́ɔ̄ ndi kə kumuú ō.

MATIYE 21:42

Ba Jeju tél ədadə́ na ké a̰a̰n̄ najə̄ ń toō kem makətūbə̄ aĺ wa: I mbal̄ ń ngé kəndā kújə gə̄ mbātə́n̄ kété ní n tél mbal̄ kíĺ kújə́ ní. Nge ń noō i kəla rāā Kɔ́ɔ̄ɓē, adə̄ i yá̰á̰ kə́ majə to ɓōĺ ngá̰ý ta kumjí tə́.

MATIYE 12:18

Nge kəla yāḿ ń m̄-gə̄rān ní n toó, kó tár yāḿ ń nelə̄m̄ seneé adə̄ m̄-gə̄rān ní. M-ā m̄-rāā kadə̄ Ndílə́ḿ a ndi dɔn tə́, adə̄ a ɔjə nápar de gə̄ yá̰á̰ kə́ gōtə́ kə́ yā rāā.

MATIYE 11:28

Sḭḭ̄ gə̄ ń kɔr rāāsí tām̄ yá̰á̰ kə́ ɔȳ gə̄ ń ə̄tōī tə́ ní, ī-reēī kə̄ rɔ̄ḿ tə́ malang, anī m-ā m-ādə̄ ā ɔ̄rī koō.

JAKARI 4:7

Ni-əda ɓáý to̰ na: Mbal̄ kə́ bo ń noō, i yá̰á̰ kə́ ngan̄g ngá̰ý a? Jorobabel a rāān yā kadə̄ a téĺ ndágə mbō. Ni a teē kə mbal̄ kə́ majə tām̄ kíĺ kújə yā Kɔ́ɔ̄ɓē tə́ i tū mbal̄ bo ń noō tə́. Adə̄ de gə̄ a əgan̄ kɔŕ a ədan̄ na: Á, i mbal̄ kə́ majə ngá̰ý a̰á̰, á, i mbal̄ kə́ majə ngá̰ý a̰á̰!

DANIEL 2:45

Ngōn̄ mbal̄ ń rəte kanjə̄ kadə̄ jī deē ɔdən ba reē tɔ̄ɔ̄ gində̄ ō, gində̄ nə̄ngā kasə ō, nánjə ō, gində̄ arjā̰a̰ ō, lɔ́r ō, á á̰a̰ā̰ ní ɔjə i gō yá̰á̰ ń noō. Kɔ́ɔ̄ ɓē gə̄, Nə́ɓā kə́ bo ɔjiī i yá̰á̰ ń a rāā yā reē ní. Nī ní i nī kə́ rɔ̄kum ō, kumən ń m-ɔ́jiī ní asə kadə̄ deē taā kem ō.

IJAI 55:3

Ī-nēlī mbīsí ō, ī-reēī kə̄ rɔ̄ḿ tə́ ō. Ōōī najə̄ yāḿ anī ā ī-ndiī kə kumsí. Kɔ́ɔ̄ɓē əda na: M-ā m-ə́hɔ madə̄ naā kə́ a to ngándáńg sesí. Majə gə̄ ń m-ə̄nī ndūḿ yā rāā kə Dabidí ní, m-ə̄nī ndūḿ m-ādə̄sí yā rāā sesí ngándáńg.

JEREMI 3:22

Ngáń kə́ ngé túy taā kem gə̄ ī-tél ī-reēī, m̄-ndigə rāā kadə̄ gír túy taā kem yāsí gān̄g kɔ̄ɔ́. Jḭḭ n toó! Jḭḭ i tām̄ yāí tə́. Rɔ̄kum i ḭ̄ n i Kɔ́ɔ̄ɓē Nə́ɓā yājí ní.

1 KORḚNTƏ 3:11

Yā ngəra kújə́ ɓáa deē kógə̄ḿ kə́ asə kəndā kə́ rang gətóo, i nge ń i kə́ kəndā ɓáá ní ngóy, adə̄ i Jeju Kərist.